滾爺火鍋 (金巴利道)

营业中

休息中

前菜叫左麻辣魚皮，魚皮爽口彈牙，麻辣味對我黎講係偏辣，但係又食得好過癮。再嚟就上椰子雞鍋，見到呢個係人氣推介，店員介紹用咗半隻文昌雞，椰子絲，珍珠馬蹄，再加兩個椰青同兩個椰皇，滾出嚟嘅湯非常甜，雞肉都好嫩滑又彈牙，兩個食半隻雞就啱啱好，我哋每人都飲咗2碗湯，跟住就可以加湯繼續打火鍋。蟹籽墨魚手打丸👍要俾個讚，蟹子分量好充足，完美咁包裹咗成粒墨魚丸，手打丸質感好彈牙，真係性價比甚高。最後加咗個皇帝菜，食埋就啱啱好，個肚10分滿足，聽日又要努力做gym再食好西

第一次來這家滾夜火鍋，試一下非常出名的椰子雞鍋，這個雞鍋用椰皇加入秘製調味，雞肉味道非常清甜，且非常嫩滑，除了雞肉外，椰子雞湯也非常清甜可口，必定要把它喝完😋。除了招牌菜椰子雞鍋外，兩款牛肉-新鮮牛頸脊和美國安格斯牛小排也必定要試，新鮮牛頸脊，肉質鬆化有咬口，肉味也非常濃郁；美國安格斯牛小排，油花香味突出，灼幾下就要馬上拿上來吃，吃起來嫩口，非常有口感。還有其它食品如羊肉、牛丸等等也非常好味。除了食物質素高之外，這裏環境也非常舒適，我們一班人坐在廂房內，這廂房座位寬敞，而且環境寧靜，非常適合一班好朋友相聚😄 我們邊吃邊飲邊聊天，非常盡興，下次必定會再來

Was around Tsim Sha Tsui and spotted Bubbly Feast Hotpot that specializes in coconut chicken pot, which was exactly what I wanted to try.Coconut Chicken PotThe staff prepared the signature pot at the table. 4 fresh coconuts. 1/2 chicken. No MSG or extra condiments. The flavor of the soup all came from the chicken meat, coconut and water chestnut. Simple yet sweet and delish. Interesting enough, the free-range Wenchang chicken they used from Hainan also fed on coconut. Firm texture and rich chick

香港可以食到咁真材實料既椰子雞煲，真係好難得，而且服務又好，環境又舒服，真係一流。招牌椰子雞煲（半隻雞）＄248用左2個椰皇加2個 椰青，即場開完係我地面放倒落去，再set好哂時間去煲文昌雞，我想講真係甜到入心，混合左兩種椰子既鮮味，而家佢既鮮味真係好夾雞肉，好鮮香。椒鹽魷魚穌＄88好香好脆，亦用左好特色既方式上菜，吸引視覺。脆鯇魚片＄88食完雞就加湯打邊爐，到底點先可以咁好味，完全係美味之選，大家都要試下。

最近好耐冇食雞煲+火鍋啦！呢間位於尖沙咀食街～麻辣雞煲（半隻雞）$248今次簡左中辣！岩岩好唔會太辣但又夠香 雞件份量幾多 而且幾肥美😌 配料有青椒紅椒洋蔥芫荽，西芹等～夠晒入味！打邊爐就會加入豬骨湯手包鮮蝦雲吞4粒 $44手工製造 食到原隻蝦 夠飽滿！金錢肚 $78估唔到份量好多！不錯不錯油麥菜 $28打邊爐食呢幾款菜特別吸收！出前一丁 $18原本配送嘅調味粉同埋麻油，我覺得唔需要因為本身雞煲個湯底已經偏濃了，煮完之後已經吸晒精華！醬料費 $18/位加一服務費滾爺火鍋 (金巴利道) (尖沙咀)尖沙咀金巴利道58-60號金碧閣地下A號舖

🍲招牌椰子雞鍋全個鍋都係用新鮮椰子水整成，我哋order咗半隻雞，椰子水和雞肉嘅配合，令肉質更白嫩，啖啖都散發著椰子香氣，味道濃郁香甜，兩者鮮味好夾，湯都要飲多幾碗。🥩頂級美國安格斯Prime牛小排牛肉紅潤肥美，油花分佈均，切面清晰可見，肉質口感細緻濃郁，唔錯！花甲殼面乾淨無破損，肉質紮實飽滿，咬下有彈牙嘅口感有鮮味。烚完海鮮和肉類，就放入皇帝菜和讚岐烏冬，兩者都非常吸湯，更帶來清新口感，與湯頭相得益彰，入口回甘。

今日一行四人去打邊爐，落雨濕濕，最忌啲餐廳污糟邋遢，一定要揀間衛生企理舒服嘅，朋友話嚟過呢間打邊爐，咁就一於試吓佢。果然係夠四正光猛，店員服務都OK，起碼一叫就有反應先，講番啲嘢食先：招牌椰子雞鍋（半隻雞）文昌雞半隻，椰青三個，椰肉 仲有 珍珠馬蹄，個湯都幾甜架，小朋友都覺得啱飲。2. 鬼馬雙星 （百花釀油條）想保持番脆口嘅質感，就要記得千祈唔好淥太耐，大人細路都搶住食，勁搞笑。3. 新鮮第一刀 即係新鮮豬肉片，每一塊都白裡透紅，唔韌。4. 即炸響鈴 $58 5. 即炸枝竹 $28每一舊都脆到不得了。6. 油麥菜 $28一盤滿滿嘅油麥菜，即刻覺得打邊爐都唔算太罪惡7. 手包韭菜餃（四粒） $40粒粒都均勻飽滿，湯汁都唔少。8. 美國安格斯板眼 $188份量足夠，有肉味，最重要係上枱嗰下加咗乾冰放煙嘅效果，搶眼，可以打卡！9. 讚岐烏冬 $28呢類急凍烏冬最驚就係唔夠凍，而呢一度嘅烏冬就冇呢個問題，值得一讚。10. 青島啤酒 $33打邊爐邊可以冇冰凍嘅啤酒！最緊要係夠凍，正呀！！尖沙咀打邊爐，四條友埋單都係$1070，算唔錯啦

尋晚約咗幾個friend打邊爐，朋友介紹話油麻地食開嘅滾爺火鍋響尖沙咀都開咗分店，既然位置比較方便大家就揀咗嚟呢度食😋餐廳響地庫，落到嚟發現樓面都幾大仲有房👍🏻 一坐低就掃code嗌嘢食🤤 招牌椰子雞鍋(半隻) $248朋友話呢個必點👍🏻 果然無介紹錯！三個大椰青加埋椰肉、珍珠馬蹄同半隻文昌雞一齊落鍋，滾起等幾分鐘就食得！湯底鮮甜好味，文昌雞又夠滑，簡直一流👍🏻 美國安格斯板眼 $188一上枱已經係視角享受😍碟底擺滿乾冰，個個都即刻攞電話出嚟打卡😂😂 牛肉都幾唔錯，唔韌亦有牛味👍🏻新鮮第一刀 (新鮮豬肉片) $178新鮮豬肉特別好食！爽口有嚼頭～ 用嚟打邊爐真係一絕👍🏻鬼馬雙星 (百花釀油條) $78呢個小食本身已經炸熟咗，但浸落個湯到更好食手包韮菜餃 (4粒) $40幾有誠意嘅餃子，夠多餡而且味道唔錯另外仲有點咗即炸響鈴 ($58)、即炸枝竹 ($28)、油麥菜 ($28) 同 讚岐烏冬 ($28) 全部都係打邊爐嘅好朋友🤭 簡直係大滿足！

同同事去左尖沙咀打邊爐吹水，有好多卡位坐得好舒服。養顔蕃茄鍋-蕃茄味極濃！唔會太酸/ 太甜。即炸紫菜響鈴-即炸係唔同啲，好脆口，加左紫菜更香-沾左湯個中間位都仲係脆！爆花豬腰-比較少邊爐店有豬腰，新鮮冇怪味-真係切到爆花效果頂級美國安格斯prime 牛小排-份量好多夠3-4人食-唔會得個肥字，真心食到牛的濃郁-好襯蕃茄湯底👍🏻蕃茄+牛肉係絕配！紅薯粉-吸哂蕃茄湯的鮮味極入味，口感非常Q彈-$18黎講抵叫

尖沙咀韓國街除咗有好多韓國餐廳之外，居然俾我發現咗一間好味嘅打邊爐！雖然個椰子雞煲勁香，但我最近迷上沙嗲湯底，所以最終叫咗個鴛鴦鍋，有麻辣同埋沙嗲兩款湯底。呢度既食材非常新鮮，我嗌咗手工韭菜餃，鮮蝦滑，嫩鴨血，仲有打邊爐必食嘅肥牛！樣樣都好新鮮，真材實料！麻辣湯底非常香，因為我唔係好食得辣，所以嗌咗微辣，食落麻辣鮮香夠晒味，唔洗點醬都OK。而沙嗲湯底雖然未及九龍城名店咁濃。但都拍得住七八成ga! 入面有唔少豆卜，吸晒湯汁既精華，我仲特登再叫埋生根同響鈴，超級正！當個湯滾到乾少少，開始變濃郁嘅時候，再加個出前一丁落去，配埋幾片肥牛，一碗超濃郁勁好味嘅沙嗲牛麵就誕生咗啦！配埋啤酒呢餐真係大滿足呀！呢度最正係每台隔離都有部大電視，你可以一路睇電視一路打邊爐，聽講仲有波睇，不過我嗰晚就剩係得東張西望，有「新何太」睇🤭。同埋紙巾係用Tempo！呢度啲職員都非常好禮貌，我唔知其他人點睇，但對我嚟講，好嘅服務態度係會令成餐飯都加分👍🏻。

✳️美國安格斯板眼👍👍👍薄切🤤賣相吸引肥瘦均勻，紅白相間油香濃郁，爽口❗️吸收椰子雞煲的椰汁，散發濃郁甜香味，進一步提鮮-✳️新鮮鱔片 👍👍👍鱔片獨有的爽口彈牙❗️薄切鮮嫩柔軟中帶彈性-✳️招牌椰子雞鍋 (半隻） 👍用新鮮椰子、椰皇的椰汁作湯底必飲湯底❕清香鮮甜加入新鮮雞塊，水滾關火焗5分鐘，肉質更柔嫩（不過只顧聊天，火候略為過火😂）-但裝修相對簡約，整潔度需要提高🫣當日較少客，可以快速上菜🤣單點食材高質，但相對收費也較高--⭐味道 3.5/5 ⭐️特色 3.5/5⭐️環境 3.5/5⭐️性價比 3.5/5 ⭐️服務 3.5/5

今晚同朋友嚟尖沙咀滾爺打邊爐，一定要食佢地最出名嘅招牌椰子雞鍋😋🌟招牌椰子雞鍋🥥🐔🍲(半隻) - 椰子雞煲真係勁足料，有兩個椰子同兩個椰皇，再加半隻雞，一齊滾湯，未食已經聞到陣陣椰子香味，店員建議飲左湯先，D湯非常清甜，好正😋我地再叫左打邊爐嘅配料：🌟紐西蘭羊肉片🥓$138 🌟彈牙手打墨魚滑$78🥗唐三藏(田園菇菜拼盆)$68🍜讚岐烏冬$28配料好新鮮，而且份量好夠，每人平均都係300蚊左右，喺尖沙咀黎講，都算幾抵食👍🏻

美國安格斯板眼-夠晒大盤，肉質新鮮。台灣三寶丸6粒-香芋包心上貢丸-我最鍾意食嘅香芋做餡。金沙魚丸-有流心甜鹹蛋醬芝士牛丸-醬爆芝士汁手包韭菜餃6粒-豬肉新鮮，皮夠煙靭芝士腸8條-冇嗌到豬肉片，所以呢個算唔算？娃娃菜-大塊，新鮮幼嫩出前一丁-另上未精包同芝麻油，夠晒港式。總括：聽講佢哋嘅滋補椰子雞湯幾正。晏晝12點開到凌晨五點，除咗適合尖嘴附近嘅遊客，仲適合after party，同真正食宵夜，去嘅地方。OP而家做緊優惠$150餐飲券（值$300）。有另設+1 ，醬介/位（頭一次豁免）。

🍲 滾爺火鍋 🍲今天來到尖沙咀的滾爺火鍋，準備享受一頓美味的火鍋大餐。踏進餐廳，立刻被迎面而來的火鍋香氣所吸引，瞬間讓人食指大動。🥘 清湯底首先來到桌上的是清湯底，十分鮮甜，裡面豐富地搭配了豆腐、娃娃菜等食材，讓人一口接一口，滿足地享受美味。🥔 土豆土豆的份量十分驚人，每一塊都厚厚的，煮熟後軟綿綿的口感十分迷人，讓人吃了還想再來一口。🦐 蝦滑蝦滑的份量也是相當豐富，口感豐富，入口彈牙，而且裡面真的有蝦，帶來滿滿的海鮮風味，令人愛不釋手。🍠 芋頭貢丸最後是芋頭貢丸，份量驚人，口感爽口彈牙，令人驚喜的是，貢丸內還有流心的芋頭，與貢丸完美結合，味道濃郁。總的來說，滾爺火鍋提供了豐富多樣的火鍋料理，每一樣食材都充滿了驚喜和美味。如果你想要享受正宗的火鍋美食，這絕對是一個值得一試的餐廳。📍 地址：尖沙咀金巴利道58-60A號金碧閣地舖

朋友說要請我吃火鍋，去到尖沙咀金巴利街才知道佢帶我嚟「滾爺」，呢間我之前曾到訪旺角上海街的店舖，原來尖沙咀開左分店！念念不忘佢嘅招牌爺子雞鍋，係即開2個椰皇加2個椰子🥥做湯底，當然唔少得半隻肥美的文昌雞🐓，職員幫我地落好晒材料後仲教我地用沙漏⏳計時做到啱啱好點樣先令到隻雞保持嫩滑👍🏻呢個招牌湯底真係非常非常之鮮甜，一定要先飲2碗湯才食其他食物呢！另外我哋仲叫左手打四寶丸，分別有鯪魚丸、蝦丸、墨魚丸及牛滑丸，真係手打做出嚟，唔似坊間一般的現成丸類，口感非常特別！還有唐三藏（田園菇菜拼盤）及紅薯粉也不錯，今晚多謝晒朋友帶我來再次回味，與旺角分店同樣ok!