滿堂紅雞煲烤魚特式火鍋 (已結業)

早幾日要陪男朋友去黃金買電腦野，咁佢叫我諗定食咩好喎 見天氣凍左就不如打邊爐啦！呢間之前都有朋友食過提議話呢間幾好食，咁就買完電腦野就去食啦！間野又唔難搵，係嘉頓斜對面，去到又唔駛等位，一去到都有位坐，不過地下就比較濕滑咁一坐低睇下食咩好啦！見有椰子雞煲，仲有芝士雞煲，仲見隔離枱食緊一大盆烤魚喎，好似幾吸引咁不過男朋友唔食辣，咁都係叫番椰子雞煲啦！個煲未到咁見有小食同任飲，咁攞住小食同飲品先啦小食居然有蒜泥白肉喎，仲有拍黃瓜，仲有咖喱魚蛋，咖喱角，春卷等等，咁食住先啦！到個椰子雞煲黎到，都唔少雞，個湯底都幾清甜，味道都足夠，之後再加d平時打邊爐都有得食嘅，好似肥牛，丸，餃等等絕對夠食，唔會餓親最後仲食埋韓國雪條，唔係普通嘅雪糕，絕對抵食

其實木嘴對於打邊爐係OK既，因為求其掉晒D料落個煲度一滾就搞掂，無需左諗右諗食乜，果種自由奔放既感覺對於木嘴呢個有選擇困難，又對食物無要求既騎呢人黎講係至關重要。之但係，打邊爐就試得多，今次受朋友推介，試食呢個芝士加雞煲呢個地獄組合，就真係第一次。坐底望望個餐牌，原來有好多鍋底可以揀，除左雞煲仲有其他特色打邊爐湯底同埋烤魚，全部都係$138任食，都幾抵玩喎。但今次黎既目的係食麻辣芝士雞煲（要加$10），所以都無乜理其他鍋底就落單喇。呢度仲有個自助小食bar，有魚蛋呀青瓜果D，成個feel就好似去左深圳東門咁。而當我望望用黎拎野食既碗，更加確信自己返左大陸...基本上所有碗仔都係勁污糟既，唔係有漬就係成隻碗黃咁咁，木嘴真係企左喺度揀左好耐先搵到個望落乾淨既。如果有閣下有潔癖，建議閣下自備濕紙巾抹一抹先，唔係真係totally no mood to eat。不過唔計隻碗，佢個自助小食bar D野確係幾好食既。等左一陣，個芝士雞煲終於黎。呢個煲超多芝士，每舊雞都勁重芝士味，加上D雞個皮仲脆脆地又辣辣地，食頭果幾舊係覺得幾好食，甚至驚死蝕底同朋友鬥快夾走D雞驚俾對方食晒。但食多幾舊之後開始愈食

早排同朋友行開深水埗，順便係附近搵下有冇好嘢食，又俾我見到上次係油麻地食過火鍋店係度，原來係深水埗都開咗新店，咁當然唔使諗一於去馬，上次食過佢嘅麻辣雞煲食得惹味，今次就再食佢其他不同口味鍋底呢度除咗必食大盤烤魚外，仲有其他特色火鍋湯底可供選擇，總有一款啱你哋食，今次我就點咗麻辣芝士雞煲，等雞煲同時可以出去自助小食吧搵D小食吃住先同取飲品解解渴，我就取咗我嘅至愛小食有拍黃瓜入口清爽又香辣，春卷香脆又足料同埋咖哩魚蛋蘿蔔豬皮係大人小孩一樣咁鐘意食街頭小吃食係食緊小食同時，芝士麻辣雞煲終於出場，芝士一條條灑滿係雞煲上面，未食已聞到濃濃芝士香味，當然先煮一煮等芝士溶化混埋其他食材咁食先惹味，煮咗一陣間已經可以食用，咁梗係先食件雞肉先，芝士已包住雞肉表面入口香滑之餘，仲可以食到雞肉麻辣香味，而且唔算太辣食得滋味，連配菜薯仔一樣咁香脆可口麻辣芝士雞煲食完又到火鍋時候，先加咗上湯再點埋火鍋配料又可以開餐，配料款式都有幾十種選擇，我就點咗有肩胛肥牛，又唔會少得其他丸類，自制菜肉雲吞同木耳水餃，仲點咗有其他特色火鍋配料，慢慢品嚐一番，食得飽滿又可以繼續encall 真係唔錯最後食埋甜品韓國人氣雪條就好滿

今晚跟男人去深水埗買嘢，真係每一個場都係電子電腦嘅產品，同我屋企啲 mac 一樣，擺一陣就過時，買嘅時候好貴，一兩年就變廢鐵真係越睇越唔開心，買完野之後食餐平d嘅，因為啲錢畀晒蘋果一次過食完雞煲仲可以食埋火鍋放題，都係百幾蚊抵食之選！位置唔係話喺正市中心，反而地方更加有空間感。但都好攰一坐低即刻去自助拎嘢飲，任飲成個雪櫃最近喉嚨唔舒服所以唔夠膽食麻辣啦！就試吓芝士雞煲，而家仍然可以揀少辣超濃郁嘅芝士，現係有拉絲嘅感覺，每一件雞都充滿芝士汁，同埋好特別仲有薯仔食，這裏的雞確是好味道食完雞之後加個靚湯就可以變成火鍋啦！我最喜歡都係食牛肉、自家製水餃同埋花膠。個名好特別叫做真係花膠食飽飽再出去睇吓甜品，點知見到我最鍾意嘅手拍青瓜酒樓食閑閑哋幾十蚊一碟，甜酸辣味道集一身，好鬼正宗！雪條一啲都唔 cheap, 韓國牌我食咗最喜歡的蜜瓜味下次行完高登黃金可以再嚟幫襯。

行完腦場想去搭車回家比我見到佢，位置絕對係十分當眼，因每次乘車都經過見到佢個兵馬俑在門口裝飾，今次就望望個價錢都幾抵$168，任吃任飲兩小時，反正都要吃同行完一倫有點累，就食飽先回家，本身想吃魚，但朋友對魚麻麻地，於是點了個全新芝味嘅麻辣芝士雞煲，落單後就去取飯品，自由選擇，有汽水同啤酒任飲，飲多幾款都已經回本，而且重有熟食小吃，有冷盤，酸齋，白肉，酸瓜，又有熱吃，鴨胸肉，炸春卷，夾了咖哩魚蛋同豬皮，十分入味，夠晒味道！跟住個麻辣雞煲上枱，嘩絕對係真材實料，大大嚿，上面鋪滿了芝士，雞肉入口啖啖肉，而且重隱約有麻辣嘅味道，入口時唔係即時感覺到，食多一兩件時就從口中感覺到，而味道真係夠晒味道！雞肉都好嫩滑軟熟！另外完了雞煲後就可以點火鍋配料，都係點啲自己喜歡嘅食物，午餐肉，丸丸，同餃子，分量絕對唔會欺騙你，一定吃得飽，又有肥牛，愛吃肉嘅朋友絕對可以吃過飽！而我就先夾起芝士雞後用芝士去滾一滾，又另一個效果！之後才加湯滾！而另一個驚喜位係有任吃嘅韓國雪條，四隻味，香蕉，士多啤梨，哈密瓜，椰子，去到未段真係已經差不多了，比我吃了比較好味嘅哈密瓜味同香蕉味！呢個價錢真係無得輸！下次再來時先試吓個魚

近乎零裝修的火鍋店，二人叫了少麻辣雞煲，雞肉質地不錯，辣味咸味也剛好。除了豬皮豬紅難吃外，其他材料也不過不失。驚喜的是蟹柳並非「實的的」麵粉那種，響鈴還是脆的；肉類雖然很薄，但肥肉不多色澤也新鮮；熟食有青瓜、雞腳、雞腎、木耳、炸饅頭等等；飲品方面種類頗多，主要是Lotte 和道地各款口味、可樂、罐裝啤酒（忘記牌子）；雪條是不同味道的'MELONA'！周五晚也只是每位$179.-，沒有限定用餐時間，還有什麼要求呢？

同朋友行完黃金我地search openrice搵到呢間感覺唔錯有烤魚食又可任飲任食打邊爐呢度打邊爐有三款：1）雞煲2）烤魚3）特色湯底首先大家三選一我地近排都打唔少邊爐又食過雞煲所以叫左烤魚烤魚有麻辣同酸菜兩款如果唔like酸菜又怕辣可以叫走麻走辣又得我地叫左酸菜大盤烤鯇魚2-3人叫小邊會好d我地兩個人食得曬開頭仲怕太多食唔曬tim呢度好多野食條魚唔細不過兩個人食到配料好豐富原來好大間呢度係另一邊來飲品櫃好細心唔凍都有有少量熟食同冷盤提供有花膠但記得淥耐d會好食d魚腸好乾淨馬蹄爽好清甜好爽口薯粉同個酸菜好夾呢隻薯粉好好食食落好爽口夾落唔會咁易斷豬肉片顏色好靚好好味甜品時間雪條好多口味啊！好食蜜瓜味好正超抵食食完埋單先知無加一好平啊兩個人食得勁飽都係300零蚊咋（其實係每人$168留意入坐時間）

在深水埗，大家一家會想起又便宜又好味的美食，我和朋友在深圳步行完街後，來到這間滿堂紅的任食雞煲店，食它的特色雞煲火鍋店內非常闊落，不像其他在旺角的火鍋店，迫得像與其他食客搭枱一樣，這間很寬敞。看到餐牌後，我馬上對芝士雞煲感到十分大的興趣，因為市面上很少有芝士雞煲食，而且對芝士控的我，一定不會錯過這次品嘗芝士的機會，所以便決定點這款「原味芝士雞煲」了，當然它還有椰子雞煲及烤魚選擇醬料方便，亦很齊全這款雞煲如果2人的話，會有半隻雞，店員一把這雞煲放在我們眼前時，我和朋友同時嘩然，芝士的陣陣香味正飄進我們的鼻中，當煮了一會兒後，我們在攪拌它時，可以看到有很多芝士，還可以拉出很多芝士絲。原來當芝士遇上雞煲，便會把平凡的雞煲，升華至另一個層次，相當美味(真心)！芝士雞煲內，還有洋蔥及薯仔作配菜，因為只得半隻雞，兩個人食會感到有點「不夠喉」的感覺，如果想食多d的話，記得叫多些朋友一齊食吧！食完雞煲，當然就到打邊爐了，這裡有多達67種不同的火鍋配料，我們點了它的肥牛，豬頸肉，及一些肉丸大家可見肥牛算新鮮，肉質不會很鞋，而且很有牛肉的鮮味，而豬頸肉亦很滑，可見店舖對配料的用心，不是求其入貨，整體來說是

嗰日去開深水埗整電腦，整電腦個師傅話叫要整兩三個鐘，咪係喺附近搵嘢食。行行吓發現咗有間雞煲烤魚火鍋店。望一望個價錢，即刻俾個價錢吸引著，仲要任飲任食添。入到去發現環境好闊落，座位同座位之間分得好開，唔會坐得好迫。湯底有好多選擇，仲有雞煲同烤魚，雞煲同烤魚食完之後，可以點配料打邊爐。飲品有好多選擇，仲有個位置方啲唔凍，真係細心。等個鍋來的時間，可以去攞啲熟食先，款式都唔少，特別推介酸齋，酸味剛剛好，鴨胸都唔錯，煎得好香，沙薑雞腳亦好入味。我地點咗酸菜烤鯇魚，因為兩個人點咗數少邊(即係大約半條)，但係都已經覺得條魚非常大條，條魚煮好滑一啲腥味都冇，酸菜味道比條魚同豆卜吸收晒。打邊爐點都要食啲肉，肩胛肥牛切到好薄，灼一灼就食得，入口即溶，而黑豚肉片，食落都好嫩滑。任點食物款式有77種，當中竟然發現有花膠，花膠口感一流。食物本身已經好新鮮，仲洗得好乾淨，一睇個鵝腸就清楚，鵝腸非常爽口。紅薯粉同炸魚皮，紅薯粉爽口彈牙，魚皮炸得好脆，放左落個湯度吸晒個湯啲精華，好夠味。仲有任食韓國雪條，仲有好多種味道添，我最鍾意蜜瓜味。最後埋單時發現呢個價錢竟然仲要唔使加一，好抵呀。

今日同朋友試吓深水埗嘅滿堂紅，貪佢呢度價錢平，可以任飲任食，最適合我呢啲大胃王！醬料區飲品區朋友係個芝士控，所以我哋揀咗原味芝士雞煲，份量都幾多，絕對足夠兩個人享用，而且芝士真係可以拉絲，邪惡到爆！食完雞煲就加湯打邊爐配料選擇亦唔少，我哋揀咗肩胛肥牛、真係花膠、鯇魚片、手打鯪魚滑、炙燒芝心包、潮州魚蛋、稻庭烏冬、甜粟米、油麥菜等等。每次限點12款，一份都係四粒，逐少逐少點食就冇咁易浪費。仲有雪條任食！

今天陪朋友在深水埗買完電話，行得又累又餓，在無意間發現了這間雞煲店，馬上被它的芝士雞煲吸引著。我們都未吃過芝士雞煲呢! 所以便走進店內一嚐。環境很寬闊， 比起很多酒樓鬆動得多。而坐位與坐位間很闊落，不會坐得很逼。這裏也提供一點熟食和自選配料。我是青的愛好者，當然選擇了大量蔥和小量蒜蓉作調味料。我們點了 原味芝士雞煲， 要另加 $10元，二人有半隻雞。雞煲一來到，看見有大量芝士佈滿在雞上，絕對不孤寒，不寒酸。 拿起雞件時， 還會有很多拉絲。味道上，芝士濃郁，香氣超重芝士味。雞肉很鮮嫩，不會太鞋。而他比起傳統的雞煲，不會太鹹，所以我很喜歡。當中還有洋蔥和薯仔， 薯仔配上香濃芝士超級好吃，很邪惡呢！吃完雞後， 職員便會倒上雞湯，然後便可以打邊爐了。因為芝士都被我們吃得七七八八， 所以我覺得雞湯底比較淡。 若果吃完芝士雞煲，湯底可以加兩湯殼原味雞煲的鹹湯，便更正了!我們點了廚師腸、脆皮腸、蟹柳。蟹柳味道不錯，不會是過份雪藏的口味，也沒有腥味。而廚師腸和脆皮腸都是我打邊爐必點的食物，因為煮得快，又好吃。灸燒芝心包裡有大量芝士，咬開時也會有拉絲的效果。而台式芝士蛋很特別，是一顆橙色呈長圓形的丸。

好日唔落深水埗，但換季既時間當然要入深水埗掃衫，男友又可以行下電子野，所以放假就立即衝入深水埗。對深水埗都唔太熟既我地，好彩有朋友介紹去呢家鷄煲，先不至於行街行到餓死地方非常大，難怪朋友話成日收工都會同一大班同事黎聚餐仲有好多熟食係自助吧。我最鍾意食佢個沙薑鷄腳，沙薑味超重！鷄腳都醃得好入味重點，鷄煲，今日食左少辣，香氣夠，鷄都多肉唔會全部得骨同鷄腳就算加左湯都好夠味火煱配料新鮮乾淨，牛羊肉都薄切所以淥一淥就食得飲品連啤酒都係任飲仲有呢隻超受歡迎既韓國雪條，都係任食架最後食完先發現，七點半前走人先120幾蚊個人，會唔會太平丫？？？

難得放閑日，陪男人出去深水埗行黃金商場，呢度簡直堪稱係男人嘅樂園，又電腦又遊戲碟，行咗一日我真係攰到想暈低。行完都差唔多6點，一於食埋飯先返屋企行行下見到呢間有雞煲任食任飲，價錢仲好鬼抵添，今晚晚餐一於就係佢啦店面超級寬敞，座位超多，可能因為時間尚早嘅關係，暫時仲未有咩客人，初初都驚係伏店，但坐都冇耐已經開始爆場，即刻放心晒。出面有自助吧可以比你自己拎嘢食，款式都幾多架，有蒜泥白肉，手拍青瓜，砂礓雞腳，咖喱魚蛋，胡椒豬肚湯等等等等。飲品就係雪櫃自己拎，連啤酒都係任飲，雪糕雪條都可以任食添雞煲終於到啦，我哋叫咗小辣小麻，就一就我男人，雞肉嫩滑，醬汁濃厚，好味食完雞煲之後就可以自己拎湯加湯打邊爐啦，打邊爐款式都算好多，亦都好新鮮最鍾意嘅佢嘅羊肉羊肉雖然係薄切，但係因為薄切嘅關係，灼兩三秒已經熟咗，反而唔會咁容易老，羊味濃郁，肉質嫩滑，我自己一個人都食咗三碟呀七點半前買單原來仲平啲喎，每人先120幾蚊，任食任飲真係平到笑。

平日甚少去深水埗一帶食飯, 早前在友人的帶領下去了滿堂紅雞煲烤魚特式火鍋食晚飯. 一睇到個名, 就知道可以先食雞煲或烤魚, 之後再打邊爐. 我地選了酸菜大盤烤鯇魚. 等鯇魚上枱時, 可以先拎一些前菜和小食, 這些是任食. 而飲品也是任飲. 我選了咸菜腐竹豬肚. 豬肚幾稔身, 味道也調教不錯. 酸菜大盤烤鯇魚上枱. 條魚好大條, 完全足夠兩至四人食. 配料也相當豐富, 有酸菜, 豆卜, 雜菌. 魚肉相當嫩滑, 對於不是非常鍾意食魚的我, 也覺得不錯. 而配料也不能錯過, 因為全部吸收晒湯和魚的精華. 令我不停食配料. 食完條魚, 基本上都幾飽下. 我地就點了一些配料作為打邊爐. 牛肉一定不能缺少, 我地點了肩胛肥牛. 牛肉切得夠薄身, 即使食全熟的我, 肉質也不會硬. 愛食丸類的我, 也點了黑椒牛丸, 炸海鮮球, 炸魚腐, 包心丸. 仲有響鈴, 完全吸收晒湯的精華. 最後當然要食番一支冰凍的雪條.

一開始落單慢到嘔電，等左15分鐘d火鍋料都未到，雪櫃一條雪條都無，可一不可再啦。唯有不停飲忌廉溝鮮奶，飲到飽，真心食到灰灰地啊唯一要讚的大概就是有青口食和服務員態度還算不錯，但等單太耐真心灰爆