滿樂潮州 (東薈城名店倉)

营业中

休息中

今日真係滿載而歸雖然outlet啲款唔係最新，但價錢真係幾抵買左幾樣野都好抵又靚！行完又係食飯嘅時間！我哋都想食中菜，就搵到呢間潮州菜館滷水鵝片拼墨魚鵝片滷得好入味，鵝味都好突出反而墨魚就薄左啲，但口感都好爽彈！主菜出色，就連配菜滷豆腐都咁高質豆腐好軟滑，好有豆香同時亦有滷水嘅味道，所以味道一啲都唔單調方魚肉碎粥我好鍾意食潮州粥粒粒嘅米飯遇上濃湯，真係會令我食好多碗！仲有埋脆口嘅方魚，令口感更加提升紅棗烏豆豬尾煲豬尾我真係第一次食，朋友話唔係好多地方有，所以一定要食！個汁幾好食，甜甜地黑豆煮得好夠淋，而又有咬口豬尾原來同豬腳質感差唔多，好豐富膠質！比豬腳容易咬，唔會太大舊骨！鴛鴦水晶包呢個甜品真係好正中間嘅餡夠哂澎湃紅豆餡仲好香陳皮味㗎相信係自家製！另一款係蓮蓉餡，同樣好出色！唔會太甜

呢日難得亞女放假兼且又收到消費劵一於入東涌名店倉血拼順便食埋晚飯好耐無食潮州菜今晚一於就食佢咸菜、小食咸菜微酸帶甜，爽脆好味；小食喺話梅花生，花生夠腍又入味，咸香中帶點話梅酸甜，幾特別韮菜豬紅豬紅口感柔韌軟滑，入口無腥味，與鮮嫩嘅韮菜簡直喺絕配，加上惹味香辣嘅醬汁，令人食唔停口鮮蠔仔泡粥泡粥湯頭鮮甜，蠔肉粒粒飽滿，加上脆口嘅方魚增添鮮味，入口鮮香滿足咸菜豬肚湯胡椒味重，入口辛辣過癮，暖胃又滋補，咸菜味融入湯中，豬肚處理乾淨沒有異味，入口軟腍，非常惹味椒鹽九肚魚外皮炸得酥脆可口，魚肉嫩滑鮮甜，上枱仲熱辣辣夠晒香口清湯蘿蔔牛筋腩牛腩鮮味腍滑不黏牙，牛筋軟糯滑溜入口融化，配搭清湯蘿蔔夠晒鮮甜

久違了的聚餐 今天來到東涌 享受一餐潮式小菜 印像中很久沒有食潮州嘢 今次大飽口福首先是前菜 有醃鹹菜及青瓜木耳 醃鹹菜的酸甜度非常適中 而且很大粒 非常美味再來首先是 鹹菜豬肚湯 店員會親自為你分湯 服務很貼心 豬肚湯的質素也不錯 胡椒味十足 豬肚很厚 炆到很林 完全沒有腥味 非常出色再來是椒鹽九肚魚九肚魚很新鮮 肉質鮮嫩 而且沒有很油 可見廚師的功力 非常出色另外還有韭菜豬紅 及蘿蔔清湯腩 兩樣都是很送飯的 韭菜豬紅沒有腥味而且很大粒 清湯腩炆到很林 還配上牛筋 可以吃兩大碗飯最後是鮮蠔仔泡粥 豪仔非常大粒 泡粥入味湯底濃郁 份量要很足夠 總括來源這餐非常滿足 非常值得推薦

最近放假出咗東涌東薈城名店倉血拼掃貨買足全日行到肚餓晚餐就喺地下搵咗間潮州菜館食飯咸菜豬肚湯豬肚清洗乾淨配搭咸菜辟味食落肥厚鮮嫩加上胡椒味辛健脾開胃椒鹽九肚魚漿粉透薄得嚟金黃酥脆而且九肚魚肉水嫩滑溜就連偶爾幾條細骨都好柔軟食埋落肚都唔太覺清湯蘿蔔筋牛腩牛腩肥瘦均勻肉質鬆化加上牛筋腍滑膠質豐富就連蘿蔔都夠軟嫩入味配埋湯底肉鮮清甜好正韮菜豬紅豬紅口感軟嫩柔韌而且韮菜新鮮翠嫩加埋醬汁炆煮濃香惹味鮮蠔仔泡粥蠔肉白嫩飽滿加埋冬菇肉碎粥底鮮甜米粒分明絕對係個人最愛嘅潮洲菜式

好耐無嚟東薈城行街,今次嚟到順便去呢間潮州菜館食晚飯入到餐廳都幾大, 坐位又闊落, 望下餐牌選擇都幾多,可散叫或套餐,價錢相宜睇咗一輪我哋決定散叫, 想食多啲特色潮州菜之後服務員會遞上前菜-木耳青瓜和甜酸菜,開胃得嚟好好食,特別係個甜酸菜,爽口得嚟唔太酸滷水骨香鵝片配墨魚片拼盤份量大碟,鵝片啖啖肉,夠晒入味,又唔太鹹。墨魚片夠爽口彈牙, 鵝片底仲放有滷水豆腐滑而味濃, 必食紅棗烏豆豬尾煲呢個豬尾煲比起豬手或豬腩肉,豬尾反而有肉食,有咬口之餘仲無咁肥膩,而且炆得入味,皮筋香黏, 滿滿骨膠原, 岩哂女士們食方魚肉碎粥粥的份量都幾大碗,味道方面,尚算鮮甜,加上方魚肉和肉碎,足料蒜香梅汁蒸鱔片新鮮爽口,肉嫩彈牙,好有鱔的味道,蒜香加上梅汁味道調得恰到好處,唔會過鹹蓮子棗皇糕最後新鮮即製熱辣辣既棗皇糕, 糕身軟糯煙韌,紅棗味濃,加上中間夾著蓮子粒, 既補血又美味、健康

閨蜜一早約咗我，用消費券嘅錢去東涌東薈城名店倉，購物兼食好嘢🛍😋。我哋買咗好多嘢，行到腳仔軟晒，這間餐廳空間感足，座位舒適，一坐低，舒服哂🌿。閨蜜好鍾意食韭菜豬紅，一坐低就話要食，其鍾意程度係可以一個人食晒成碗的。🌱韭菜豬紅$78微辣嘅醬汁滲入一磚磚的軟滑豬紅中，幾惹味，而且仲沒有腥味。🐟椒鹽九肚魚$98外面炸得金黃，十分香脆，裏面係軟軟嫩嫩嘅魚肉，伴以喼汁一齊食，可減低油膩感，唔錯。🍲鹹菜豬肚湯$168內有豬肚、鹹酸菜、豬肉，個湯睇落去好清，但係好夠胡椒味，有齊黑胡椒嘅香味同埋白胡椒嘅辣味，好清甜，好飲。豬肚香滑彈牙，俾我哋兩個食晒😆。🦪蠔仔粥$78蠔仔粥材料好豐富，見到有好多蠔仔、方魚、芹菜、香蔥等，鮮甜好味，食完好滿足。呢個商場唔錯，閨蜜話十月收到第二次消費券金額再嚟過😆。

同朋友一齊喺東涌Outlet 購買行山用品，買完之後大家都肚仔餓，要食嘢，喺商場行咗個大圈，見到呢間潮州酒家，朋友同我都幾有興趣，咁就唔再考慮啦，走咗入去開餐😆- $128嘅「清湯蘿蔔筋牛腩煲🐂（例）」：有牛腩又有牛筋，牛腩煮得好腍，牛筋就有啲煙韌，兩樣都有濃郁牛味😋；蘿蔔好鮮嫩，一啲渣都冇；仲加咗好多碎芫荽同香蔥喺面，食落更加香口😋- $168嘅「咸菜豬肚湯🐷」：除咗有好多頗大件嘅豬肚同咸菜之外，仲竟然落咗唔少瘦肉一齊煲，令到湯底味道更加鮮甜😋；湯底仲好清😋- $98嘅「椒鹽九肚魚（例）」：九肚魚肉質好滑，新鮮好味，被脆漿同椒鹽包住一齊炸，好香口😋- $78嘅「鮮蠔仔泡粥」：呢個蠔仔泡粥味鮮好食😋

消費劵終於到手梗係約好姊妹出黎食餐飯，然後就瘋狂shopping因為要買farewell禮物，所以去左東薈城，因為多outlet名店選擇，血併前，先醫左個肚先好姊妹一早就話想食潮州菜，咁呢間一定岩佢口味晚飯時間，已經好多人，都好快就有位，而且座位夠寬容🤗亦都坐得好舒服，望望餐牌，大家點左呢幾樣👇🏻滷水骨香鵝片(墨魚) : 食潮州菜，一定要點呢個鵝片，都好大碟上面果d係墨魚片，爽口又彈牙下面就係鵝片，好入味😋而且鵝肉皮薄肉嫩，啖啖肉之餘，仲可以食到鵝骨香，另外仲有入晒味既滷豆腐，件件都好大件方魚肉碎粥：用左大地魚乾煮湯底😋加入肉碎，湯味鮮甜又惹味蒜香梅汁蒸鱔片(例):出街食飯真係要點d自己唔會整既餸菜🤣🤣呢個好開胃呀，有梅子汁香，而且鱔片又夠滑，而且好鮮甜紅棗烏豆豬尾煲: 豬尾湯就好多時都會煲，不過用來做餸菜，就未試過☺️豬尾有壯腰補脊椎之膠質，所以食起上黎黏住咀，真係好鬼補💪🏻💪🏻蓮子棗皇糕:食到咁上下，已經飽飽地，不過點都要食埋甜品熱辣辣，每件都有幾層一樣，有紅棗味濃郁, 亦都有蓮子香味，口感不但煙韌，而且有好多層口感一樣

去大澳前，同家人食少少🤏野出發，入了一間酒樓，貪方便，無諗入左去，3個人叫少少野頂肚，所有嘢食都差到一個點蘿蔔糕，得個咸字;蝦腸，死蝦;沙茶牛肉河，得一劈醬!

近日滂沱大雨，今天天氣轉晴，立刻逛街，唯恐間中有雨，只得圍繞地鐵站的商場逛逛。想起機場附近有個大型商埸，立刻前往入貨。已近六時，肚子響起鑼聲，看見下層有間潮州食店，相公提議入內晚膳。他點了滷水滑香鵝片墨魚，鵝片很滑，淋上暖暖的滷水汁倍添香味有咬感，墨魚片又爽又嫩，有嚼感，暖暖的滷水汁把墊底的豆腐片弄得惹味起來。蒜香梅汁蒸鱔片，放在鱔片下有大量蔥段和大塊子薑片，上面又放了少許蒜蓉和蔥粒再淋上梅汁甜甜酸酸的味道，令不同層次的清香慢慢浮現，膳片亦很嫩滑，確實味道與別不同。紅棗烏豆豬尾煲，很創新的一碟菜式，一般傳統做法，味道卻給紅棗帶起少許甜味，味道清香，黑烏豆比花生更有營養，又有嚼感，豬尾很爽不肥膩又多骨膠原，師傅心思細密，每度菜都在變通創意。方魚肉碎粥，方魚粒脆口肉粒新鮮，令整碗粥很清甜。熱辣辣的鴛鴦水晶包以蓮蓉和麻蓉做成，很好吃呵。結帳後亦在商場內逛逛買了些生菓回家。

今天下午在區內商場閒逛不經意到晚餐時候，在商場的店舖指示牌看到這潮式飯館，同一品牌別處分店以前亦曾光顧，於是决定吃潮州菜👌👌簡單但有空間感的堂座，侍應亦十分殷勤，坐下後迅速地在菜單上選了幾味傳統潮菜😀😀鹵水滑香鵝片拼墨魚，面層滿鋪大塊薄切鵝片軟滑鮮嫩，底墊和味鹵水豆腐滑溜溜，墨魚片爽脆有咬感😋😋蒜香梅汁蒸鱔片蒜頭配梅子味道中和，帶點甜味更醒胃，碟底有大量薑蔥墊底盡吸蒸鱔汁味，伴方魚肉碎粥妙绝😋😋紅棗烏豆豬尾煲豬尾炆得火候到位，皮爽肉嫩，烏豆入味而仍有嚼感，加入红棗味道更提升😋😋方魚肉碎粥有水準，米粒混著肉碎方魚塊鮮味十足😋😋鴛鴦水晶包兩種味道，蓮蓉味甜，蔴蓉味香，兩者混合作甜品亦很不錯👍🏼👍🏼一餐沒選錯的潮式美食👏👏

去左東涌同朋友食飯，佢帶左我黎呢間中菜餐廳，入面裝潢都幾新淨高雅，座位舒服🥳🥳🥳 😍椒鹽九肚魚😍 成日食小炒都會見到呢道菜，但呢度係做得勁出色，炸得好鬆脆，魚肉肉質好腍😍😍😍咸度剛剛好唔會好重味🤗🤗🤗💓💓  🥰鮮蠔仔泡粥🥰 呢個又係好出色，蠔仔鮮味十足份量都幾多，唔係好中意食粥既我忍唔住一口接一口😍😍😍  😳清湯蘿蔔牛筋牛腩煲😳 呢度菜新鮮熱辣咁上，牛筋十分軟腍彈牙牛腩都好好食唔會太乾，個湯底都十分清甜😚😚 😚韭菜豬紅😚 豬紅真係唔係度度做得好食,呢度係做得勁好食豬紅好嫩滑，韭菜都新鮮🥰🥰  😀鹹菜豬肚湯😀 呢個湯有落胡椒，所以都會咸咸地辣辣地，個豬肚好彈牙好食，咸菜都幾鮮甜爽口😎😎  埋單人均$321，講真真係出乎意料地好食，中意中菜既一定要試下🥰🥰 

呀仔又去左爺爺嫲嫲屋企🏠玩, 我地又可以過一個輕鬆平靜的週末, 揀左黎東涌食飯行街 (其實我地都唔太好shopping🛍, 都係食完飯散下步, 反而鍾意行超市, 東涌TASTE不錯, 好大間, 行得最耐)。上網搵左呢間評價不錯, 可以網上訂座同早少少開(OPENRICE最早可以訂11點, 不過當日我地大概11:05到達時, 已經有差不多6, 7組客人食緊, 再睇返佢地既開店時間, 原來係10:30am)。滿樂潮州店舖面積好大, 樓底又高, 店員安排左一張接近落地玻璃既四人圓枱比我地, 自然採光充足再加上枱與枱之後距離寬闊, 讓人有一種好似置身於外國, 自由自在, 無拘無束的感覺。我地點左芋茸香酥鴨同滷水骨香鴨片例牌。芋茸香酥鴨 - 第一層蜂巢脆卜卜, 第二層芋泥鬆軟綿密, 入口即化, 最尾就是鴨肉, 滿樂潮州的做法是將鴨肉切碎混入芋泥中, 老公不太滿意, 覺得鴨肉太少了, 還是楓林小館做得比較出色, 都啱既, 楓林小館荔茸香酥鴨用料和味道都同時兼顧到。不過如果問我突然有一日又掛住芋茸香酥鴨, 想食既話會幫襯邊間, 我會揀滿樂潮州。因為第一, 兩間同樣都做得好好味。第二, 我係因為想食芋

最近很多商店減價，放假就入去東涌行街，突然好想食潮州菜，竟然在東薈城名店倉地下有一間很大的潮州菜館叫滿樂潮州。服務員非常細心有禮，給我們信封可以放口罩，很方便。餐廳亦有足夠空間分隔食客的距離。在家洗豬肚非常麻煩，所以叫了鹹菜豬肚湯，胡椒味重，豬肚沒有醒味，而且非常爽口。清湯蘿蔔筋牛腩煲 ，蘿蔔清甜，牛筋腩又入味，牛味濃。叫了細份的韭菜豬紅，但也很大碗，豬紅沒有腥味，韭菜爽嫩，正宗的潮州菜。食潮州菜一定要叫鮮蠔仔泡粥，蠔仔、肉碎、魚乾，令個粥非常夠味。

琴日同屋企人去東涌outlet買野 買完之後佢地話想食中菜我地見呢間滿樂潮州好似環境好似唔錯咁就入左黎一入到去見到店員就放低左d花生比我地食住先 d花生好大粒好好味!!咁我地就叫左一個店員推介既椒鹽九肚魚同埋牛腩煲椒鹽九肚魚相當炸同爽口 最緊要d骨好細條可以食埋 真係超正另外個牛腩煲雖然係清湯 但係都清淡得黎好好味特別一提佢地既白飯係比其他酒樓好食 d飯香係離遠都聞到!!最後我地全家都食得好滿足 有機會一定會再黎食!!