漁匠屋

营业中

休息中

嘩！嘩！嘩！紅橋原來有好多好野食！唔嚟過真係唔知😂同朋友揀咗好耐，最後揀咗呢間漁匠屋食丼飯！店員好有禮貌，服務態度超好👍🏽店內設有bar枱位置，裝修精致，氣氛唔錯！弍之重丼 豐州鮮魚 2切赤身 2 切赤海老海膽吞拿魚腩蓉魚生好新鮮，海膽又大又甜！我超鍾意個醋飯，每粒都入哂味，完全唔洗再加調味料🥰三國海膽丼日本，加拿大，澳洲三國海膽日本生蛋黃每款海膽都超新鮮超甜，日本生蛋混合醋飯，有驚喜，好好味！餐前小食都好吸引，乳酪味芝士，食完想再食😬雞皮餃子好驚喜，雞皮超脆包住餃子餡，簡直係外脆內Juice😋

小妹不確定春天是不是吃貝類的好時機，我只知道我已經很想念日本，所以那天下班就直接去漁匠屋來碗魚生丼，填補一下想日的愁緒。晚上7點多就到達餐廳，全場滿席是非常合理的一回事，還好等了一會就可以入座了！點了期間限定的春の丼。鮮味爽脆的象拔蚌、略帶鹹香的螢光魷魚和帶濃郁魚香的池魚全都非常出色，再配上赤醋飯底，滿足滿足！細聲說，本來帶點擔心那個螢光魷魚會鹹到死亡（來自壽司郎的陰影），但放心！這個沒問題，總之就是3款魚生各有特色，又不會搶掉對方的味道，欣賞！惟一要挑剔的是，價錢好像是有點貴啦。吃了2個魚生丼，埋單要差不多600元，但沒辦法啦，這裡是香港，要吃新鮮的海鮮，就要多付一點金錢吧！

漁匠屋係我嘅to-eat-list入面已經有一段時間，前排經過終於可以去試佢地好出名嘅魚生丼啦~✅壱之重丼係其中一個佢地最signature 嘅丼飯，呢個丼飯有豐洲魚生兩款、吞拿魚腩、海膽、蔥吞拿魚腩蓉、牡丹蝦、三文魚籽~ 魚生非常新鮮而且好高質，特別係吞拿魚腩，入口有好濃嘅魚油香味~😍 刺身嘅份量好多，唔洗怕食曬啲刺身仲有好多飯剩~😋✅北海三味丼應該係呢到最受歡迎嘅丼飯，所以就決定試下佢！珍寶帆立貝真係超級大粒，而且煎得非常之靚~ 🥰三文魚籽亦都好新鮮，咬開會爆到成個口都係佢嘅鮮味~超級推介呢個丼飯比鍾意食帆立貝嘅人~👍✅雞皮餃子亦都好surprise，超脆嘅雞皮包埋肉嫩嘅餡料，如果餡料再多汁啲就更加好啦~😜

好耐之前有食過佢既dinner，當時覺得質素不錯。最近知道原來有lunch set $75， 性價比好似唔錯咁，就去試下。當日lunch唔洗等位，但入埋我地都剛好full了。lunch有6個定食選擇，跟沙律同湯，dinner就只有一碗魚生飯。記得dinner都有一碗黑蚊蚊既魚生飯好多人叫，見lunch都有類似，就叫左黑丼，有甜蝦蓉、間八魚、北寄貝同黑飛魚籽，材料十分豐富新鮮，味亦都好夠，唔洗再加豉油同芥末。 一路食嘅時候，覺得好似有陣羅宋湯嘅味，飯係暖暖地，唔知係咪因為佢個汁，唔係平時既壽司凍飯。本身以為雜錦魚生丼會好細粒既角切，見到朋友點既又覺得唔錯，好豐富料又大粒，有誠意既，下次應該會試下依個。

三文魚親子丼 $75丼飯大大碗，厚切三文魚好肥美，粒粒三文魚籽都肥嘟嘟有爆漿的口感，而飛魚籽就脆卡卡，食材好新鮮！一碗飯有齊三種不同口感！ 午餐包咗一碗麵豉湯和沙律前菜，大份夾抵食！

老公生日本身係去附近一間西餐廳點知間舖頭唔肯幫我哋將啲枱合埋所以最後就去咗呢間日本嘢咁啱又有位其實平時成日經過都好想試但係總係覺得定價有啲貴所以卻步🥲.入到去就已經好好招呼一人叫咗一個丼然後佢會想每人一碗湯同埋一塊芝士第一次食日本嘢前菜係芝士🤔但係個芝士同個湯一齊真係好夾食落肚好舒服.我就食咗參之重丼魚生非常新鮮老公叫弍之重丼 佢食拖羅食得好開心然後知我鐘意海膽將佢舊海膽俾咗我好鮮甜好好食🥺.雖然係有少少貴但真係好似去咗轉日本咁🇯🇵見到隔籬枱仲喺度問有冇得單叫魚生但係佢哋淨係做丼飯有少量小食可以叫整體來講係非常滿意嘅生日飯❤️屯門真係好多隱世小店值得大家發掘😌

紅橋美食不嬲都多今日就試下呢間開咗幾年都未食過嘅漁匠屋每次嚟其實都見到好多人好彩今日仲有兩個吧枱位首先叫咗兩個丼飯秋刀魚刺身間八活赤貝我真係超鐘意食秋刀魚好好味間八我不嬲唔鐘意食但呢間嘅間八又好食過我以前食嗰啲活赤貝夠爽口仲有啲子薑原來撈埋啲飯食好好味但我覺得有啲辣 搞唔掂壱之重丼豐洲鮮魚兩種吞拿魚腩海膽葱吞拿魚腩蓉牡丹蝦三文魚子朋友都非常滿意見啲丼飯咁正我哋再叫咗蟹肉忌廉餅嚟試吓我唔鐘意個皮 好硬同啲餡好唔夾但啲餡好好食其間都有幾枱客嚟都幾旺咁又真係幾好食嘅

每年都要遠道而來食一次，皆因魚生新鮮，質素有保證。附近有咪錶，但無一次泊到，渣車嘅話要留意啦。每個丼飯都有附上芝士同湯，呢個組合新奇，但又好夾，好想知個芝士係邊度買😂-壹の重丼 白身魚好出色，又新鮮又有魚香；吞拿魚腩入口即融。魚生份量絕對夠食曬成碗飯。-北海三味丼 粒帆立貝又大又鮮甜，連埋蟹肉一啖食，超滿足。但相比下，由頭到尾都係帆立貝會比較單調。-酸汁廣島蠔3隻都係$48，幾抵食。蠔味唔算好濃郁，主要畀酸汁蓋過左，不過不失。如果你想搵間魚生新鮮又無伏嘅丼飯，呢到會幫到你。有機會想試下lunch，望到非常抵食。

呢間係位於紅橋嘅新墟隱世優質小店。店舖地方雖小，但裝修精致，氣氛溫馨🏠似係老闆同老闆娘2人工作小店咁。如果係長期顧客嘅話，老闆仲會記得你嘅口味，會因應你嘅口味特別調製。一邊傾吓偈一邊食美食，好有深夜食堂嘅feel😂😂✨食物方面，食材高質，選擇就唔會好多。其實我已經食左3、4次，而佢哋嘅質素都保持到，所以要比個好評佢。今次我係中午嚟食嘅係三文魚親子丼飯。十分新鮮，除左有三文魚，仲有超級足料三文魚籽、飛魚籽，食到舔舔脷😋😋仲飽飽濟濟😂大碗到我真係食唔晒。✨服務態度幾好，笑容滿面的款待，頗為親切！在香港真係難得一見！✨價錢方面，本人覺得一分錢一分貨，午餐$75比起茶記係貴左啲嘅，但佢嘅食材、食物新鮮、環境、服務，$75真係值得👍👍

呢間係其中一間我最鍾意嘅魚生飯屯門區黎講係好高質同性價比好高魚生好新鮮 疫情之下可以做外賣堂食或者外賣都係一樣嘅set呢度嘅set會有湯同芝士 第一次食覺得係好特別嘅配搭食落就會發現都幾夾 個湯比一般嘅麵豉湯清夾埋芝士嘅濃厚岩岩好個飯係有少少醬油味 所以唔落豉油都夠味魚生好新鮮 我每次都叫呢款一重丼最愛吞拿魚腩 好有油香味 新鮮 有入口溶化嘅感覺😋👍🏻海膽都好鮮甜仲有牡丹蝦都幾大隻 啖啖肉🤤成個餐好夠飽 所以呢個價錢同質素黎講外賣或者堂食都值得一試🍣

HAPPY TUESDAY🥹🤍終於有時間一試屯門隱世小店🍣🥢店員嘅服務態度滿分👍🏼👍🏼 招呼非常周到，好有禮貌💯.大約730pm前到，店員話等多張bar枱就到我哋～應該等咗15分鐘左右就入得，仲以為要等好耐🤭小店得嚟都應該容納到15人左右(最多)Bar枱嚟講都算好闊落，仲好貼心有籃比我擺袋👜.喺主食嚟之前，好快就已經送上麵豉湯同芝士😋不嬲唔鍾意飲麵豉湯嘅我，呢碗令我刮目相看🫣湯底同一般唔同，唔會太過濃郁，清清哋，好啱我口味😝芝士帶有少少煙肉嘅味道🤏🏼 出奇地好食同好夾🤣.▪️北海三味丼 $210 • 8/10*火灸珍寶帆立貝/三文魚籽/松葉蟹肉*嘩睇到呢個配搭已經流晒口水🤤帆立貝夠大粒，夠鮮甜👍🏼👍🏼第一次食到冇腥味嘅三文魚籽，仲要比我想像中鮮甜，讚!!!最鍾意個飯，I LOVE 醋飯🥹🍚粒粒都好入味，完全唔需要額外加任何調味料😋松葉蟹肉就不過不失～～.▪️串燒牛舌(2串) $48 • 3/10個人鍾意厚切少少嘅牛舌，呢款係超薄切🤣🤣同埋有少少燒得過咗火，略嫌乾身。.▪️炸蟹肉忌廉餅(2件) $48 • 2/10炸粉比較厚，入面唔係好食到蟹肉，下次應該會叫其他👍🏼

Badboy好耐無去主打刺身/魚生飯嘅餐廳食飯，呢度一個丼都唔平，分量算足嘅，不過無想像中咁鮮甜。-主食嚟之前會有麵鼓湯同芝士，芝士好易入口，好食🧀-🦐壱の重井 $225(灃洲鲜魚兩種, 吞拿魚腩, 牡丹蝦, 海膽, 蔥吞拿魚腩蓉, 三文魚籽)第一次食到無腥味嘅三文魚籽，鮮甜好正😋海膽都無苦味，入口即融👍🏼其他刺身都唔錯。而飯佢預先溝好咁汁，飯粒分明，幾好食。-🐚北海三味丼 $210(火灸珍寶帆立貝, 三文魚籽, 松葉蟹肉）帆立貝無相咁靚咁吸引，帆立貝同松葉蟹肉都唔錯。但朋友呢個丼嘅三文魚籽唔知點解特別咸，完全食唔到鮮甜嘅味道。-服務態度係香港少見嘅熱情有禮，招呼周到，就算你坐耐咗少少佢未收得工，都唔會俾壓力你/好急想你走👍🏼

🍱北海三味丼💰$210😈今日想同大家推介下一間係屯門既日本丼飯💛呢間漁匠屋有時真係未必有開😭真係好睇彩數😞今日就帶左🐰爸爸黎食日本野🇯🇵我就叫左個北海三味丼🍚佢有三樣野有超巨型既火炙珍寶帆立貝🤤我想講係超級鮮味同埋勁厚肉都有4粒😝佢用火炙燒過真係食到一浸焦香味🤤而三文魚籽都好濃味唔會有種腥臭感💛撈落啲飯到好好味😈而佢仲有超大Pat既松葉蟹肉🦀佢又係好重海鮮味又唔會太過咸👏🏼成個配搭都係好Match💛呢個丼飯我都係會再Encore💛明明個丼飯唔算大碗😝平時🐰小編係大飯筒但個丼啲材料太厚太多足料我覺得好滿足🤲🏼同埋店員都好友善💛呢個價錢對得住個丼飯🍱貳之重丼💰$195😈而🐰爸爸叫左個貳之重丼🍣佢話好想食海膽所就叫左魚生丼俾佢💛呢個丼佢有赤身🐟爸爸話好厚切同油脂分布都岩岩好😝唔會太肥🤷🏼‍♀️仲有豐州鮮魚都好爽口😛赤海都好甜重點係佢個蝦頭真係超鮮味🤤啖啖蝦頭個啲膏💛蔥呑拿魚腩蓉🐟 又係好好味💛而最後就係🐰爸爸最期待既海膽🤤佢話好鮮同唔會有腥臭🤲🏼佢仲話個壽司飯落左醬油醋連豉油都唔使落都好入味🤤同埋佢仲跟左個湯同芝士💛大家記得食左濃味既芝士先再飲清清地既湯💛真係一絕

嚟到屯門梗係要幫襯下小店啦，因為本身住港島所以好難會入到嚟，呢間鋪一直都想試吓所以咁啱入到嚟就一定要幫襯！舖頭方面佢係屬於小店類，麻雀雖小，五臟俱全。佢分別有bar枱同餐枱，因為唔想吊腳所以就揀咗坐餐枱。一埋位侍應會主動遞上熱茶俾你，服務態度幾好。我就揀咗壱の重丼，分別有豐洲鮮魚2種（4切），吞拿魚腩(2切），海膽，葱吞拿魚腩蓉，牡丹蝦仲有三文魚籽，佢哋嘅飯係加咗醋落去，一嚟到個畫面好誇張，豐富！佢地既Wasabi都好新鮮係新鮮磨出嚟，無嗰種攻鼻嘅感覺，反而食到山葵嘅味道！豐洲鮮魚幾肥味口感不錯，無腥既味道！好食！吞拿魚腩無筋，但係我覺得未去到魚腩嘅部份，但係都好食！ 海膽有鮮味但係太少唔夠喉，牡丹蝦都好新鮮有甜味，三文魚子都一樣好食爽口！另外就叫咗個北海三味丼，帶子好鮮甜好大粒，蟹膏蟹肉就有少少失色，比較喊，三文魚籽一樣好食！ 但係呢個性價比就低咗少少，未係好對得住個價錢！方面我就叫咗個螢光魷魚沖漬！真係好好食！唔會死鹹！出邊有好多都淨係得個鹹字！呢個味道就啱啱好，螢光魷魚好肥！有爆漿嘅感覺！推介！牛舌方面就真係今晚嘅敗筆，因為燒物最影響就係食材本身有冇過火，今次呢個牛舌就燒得比較差

其實都好少入屯門， 同朋友行吓屯門突然間見到一間裝修幾靚嘅日本餐廳，竟然喺橫街小巷見到呢間好似好高級嘅餐廳. 即刻去門口睇吓Menu 咦百鬆啲一個刺身飯OK喎.但係座位比較少， 前面有幾個人都要等一段時間.一坐低前菜同湯冇咩特別，不過主角到喇去相4粒我諗3XL大帶子超厚，大得好誇張. 每一啖都好滿足. 三文魚子咬落每粒撲撲聲，冇一粒喺林嘅非常新鮮. 蟹膏蟹肉撈埋一齊，完全係同出邊罐頭啲蟹肉唔同Level 可以一絲絲咁夾起黎食，超級屈機.