漁樂鍋 (已結業)

今日天氣稍涼，加上落住毛毛雨，所以我都預計火鍋店肯定最多人，揀左呢間紅磡嘅漁樂鍋，好搞笑，食食下仲撞到朋友。漁樂鍋位於紅磡灣中心附近，鋪面都幾大，食飯時間全場爆滿，好在有一早預約呢度都係街坊生意，裝潢簡單，但都夠企理。一般枱以卡位為主，有一兩張大枱，所以人多就真係建議預約。令我立即加分就係，枱面除左有紙巾，仲有濕紙巾供應，十分貼心。用唔用適隨專便，但至少有提供除左火鍋多人食，粥底、卜卜蜆鍋都有，咁最多人食一定係呢個每位198嘅海鮮粥底餐，我地都係選擇呢個。最好都係預約時講明，因為小店海鮮量都係每日新鮮入，咁好等人地預計份量。198一位，包左2款餐前小食、7款時令海鮮、5款自選配料、粥底、甜品，抵食兼一定夠飽。前菜係青瓜同土豆絲，正正常常，開胃爽口。好快就上左粥底水，然後陸續上海鮮。水蟹兩隻，唔算好大隻，都有少少肉食，幾鮮味蝦用煲仔連蓋上，因為仲好生猛，識郁架蝦肉新鮮就一定爽口彈牙。貴妃蚌都幾大隻，一人一隻，鮮甜多汁沙白同蜆仔乾淨冇沙，細細粒，都幾飽滿。鮑魚一人一隻，雖然唔係識郁，但都幾新鮮。餐紙上已經印有每樣海鮮煮嘅時間，可以參考下。魚肉已經片好左，不過我自己覺得麻麻。自選配料都有好多

新年同屋企人出街食飯嘅機會真係直線上升，唔想次次食中菜，打邊爐都係唔錯嘅選擇。今次同屋企人手揀咗呢個海鮮火鍋套餐，包左兩盤餐前小食、七款海鮮、五款火鍋配料、三款蔬菜配料加粥底，仲有甜品添呀，超級抵食！枱上面嘅宣傳紙就仲好貼心，寫晒個款海鮮要滾幾耐，啱晒我呢啲驚食到唔熟野食嘅人。兩款餐前小食，可以一路食一路等火鍋滾。七款海鮮包括咗大蝦、蟹、魚、鮑魚、象拔蚌、沙白同蜆。大蝦好新鮮，成日想跳出嚟；蟹雖然唔係好多膏，但肉質都幾鮮甜；魚片薄切，唔會好多魚骨，食落都好方便；鮑魚係估唔到嘅大，爽口彈牙；貝殼類我都超欣賞，完全冇沙，好新鮮！另外，呢度嘅手打墨魚丸都值得一試，墨魚丸好彈牙，入邊有唔少墨魚丸粒粒，食落好有好感！爸爸就鐘意雲吞，話塊皮唔會好厚粉，鮮蝦同鮮肉做嘅餡料都唔錯。等食晒火鍋嘅配料之後，就可以叫店員幫手整粥底，粥底陪埋三種蔬菜配料，芋頭粒、蘿蔔粒同粟米。啲粥吸晒之前海鮮火鍋嘅鮮味，好鮮甜，仲可以根據個人喜好加酸菜榨菜等等嘅配料。諗住買單嘅時候，店員仲上埋紅豆沙甜品，食到超飽真係好抵食！

朋友仔係附近番學，話紅磡灣中心開左間新餐廳- 漁樂鍋，聞說打邊爐幾正，今晚一於帶我地黎試下。$198一位，可以選牛魔皇鍋+蕃茄濃湯或海龍皇鍋+順德粥底做主打，然後選5款配料。識食梗係食海鮮鍋啦😜今晚7款時令海鮮有蟹、蝦🦐、鮑魚、象拔蚌、花甲、龍躉片、蜆。嘩！咁多海鮮，食到😝勁興奮！每款海鮮都有個煮嘅時間俾我地參考～大力讚個蟹呀！一人一隻蟹，鮮甜之餘，肉質掂呀～象拔蚌爽口、彈牙、十個鮮甜👍🏻我大愛💕其他海鮮都非常新鮮，而且份量非常足夠！自選配料，有店員推薦嘅自家手打雞骨丸、美國肥牛，冬瓜、鮮淮山&自家手工韭菜餃。我第一次試呢個雞骨丸，口感好特別，雞肉加雞軟骨打成，第一次食已經令我愛上😍另外個韭菜餃自家製，不得不讚個水餃皮，滑之餘厚薄度岩岩好，菜肉鮮甜。打完個豐富海鮮邊爐，食番個南瓜、芋頭粥，十分滿足！勁甜！充滿蟹味！一邊食一邊吹水，座位與座位之間寬敞，每卡都有privacy，朋友相聚勝地！我地食到超滿足～帶多幾個朋友仔，下次再encore！呢間火鍋餐廳性價比超高！

過咗新年突然之間想食個粥，諗住清清下個腸胃，呢點知我哋行行下去咗食粥底火鍋😂😂😂由於新年食得太多肉啦，所以我哋選擇食海鮮為主嘅火鍋！😂😂😂睇落價錢唔算貴！😯😯😯我哋叫既套餐，仲可以自選五個配料！🤤🤤🤤一嚟到店員就好細心💕💕💕攞咗啲調味料俾我哋，仲推介左我哋試佢嘅秘製蔥油醬！又幾香！有啲似媽咪蒸魚既醬汁！蟹睇落都幾新鮮！啲蝦生猛都係咁跳！琴少陣蓋都驚佢跳出來😝😝😝(蝦仔你係米想自殺呀？🤓🤓🤓)鮑魚仲要喺度郁下郁下㗎！花甲嘅份量幾多下，幾乾淨冇乜沙！我哋仲叫手打如畫同埋雲吞都係店員推介架食落口真係彈牙爽口啦同埋鮮味重！當個湯鍋到咗嘅時候我哋就開始放啲海鮮落去先放左蟹先🤩🤩🤩睇吓隻蟹啲蟹肉都好甜味㗎🤤🤤🤤呢間餐廳都幾細心佢張枱紙，有埋粥底火鍋嘅食法！當然店員都會過嚟，主動幫我地幫啲配料或者材料落去啦！我哋食得7788嘅時候我哋就開始準備食我哋嘅粥底啦！店員幫我地放晒啲配料材料，例如南瓜芋頭。最後個粥底就會煮得好綿綿㗎啦💕🤤🤤唔知係咪啲海鮮係新鮮呀我粥底都好甜😝😝😝好飽好滿足！

新年前最後衝刺，公司生意好，貨如輪轉，係就係辛苦咗啲，所以某日加班後，心血來潮，幾個同事擇日不如撞日去食團年飯。放咗工大家都攰啦！近近地行去黃埔，去咗紅磡必嘉街呢個火鍋店食，地方闊落啲、環境乾淨啲嘅雞煲火鍋小店。有d同事唔食海鮮，好彩張枱有兩個爐, 我哋先可以一齊坐，一半人食雞煲，另一半食海龍皇鍋。呢度除咗有火鍋食外，也有雞煲供應，當然先點咗雞煲，辣度要中辣，咁食先至惹味，等食完雞煲先至再食火鍋。等一陣熱辣辣嘅雞煲出來，當然再要煮一煮先等D香味出來咁食先最好味，終於食得，先食件雞肉質香嫩，味道濃郁，就連配菜洋蔥都好入味，真係越食越惹味夠晒刺激。食完一輪美味雞煲當然唔夠喉要食埋火鍋先至可以滿足，火鍋湯底要雞湯，至於火鍋料點咗最大路個幾款，先有至尊新鮮肥牛，肉質鮮嫩肉味濃，再來係爽口牛白肉，就咁以為會好肥，其實食落肉質相爽口香甜，都唔係間間都食到佢值得品嚐食完牛點唔會少咗豬，有黑毛豬梅頭肉，梅頭肉肥瘦適中，肉質香軟，食咗一輪肉到丸類，就點咗手打丸因爲鐘意食又用料足，食咗咁肉點都要食番D菜中和一下先至冇咁油膩，本身諗住食完雞煲就算後尾見到啲粥幾正，又估唔到幾好食，咁就食咗兩種味道，開開心心地

睇見甘多食評話好抵食今晚就去試一試點知真的中伏了！！！！！首先叫了一隻雞既祕製雞煲(嚟到仲以為得半隻$218)再叫左一碟牛丸同一碟炸魚片頭(4位牛丸切開一半當一碟$38)(6塊魚片頭切開一半當一碟$38)(手切安格斯肥牛，但一睇就知係普通機切肥牛$238)醬油費 每位$10飲品細樽裝汔水$9 津路$18 if椰青水$18仲要話新春期間要加一服務費其他食品普通到爆燈，埋單$1053完全吾會再有下次……講完！

平時食開打邊爐都係用上湯做湯底，今晚行過這裡見到用一個價錢可以品嘗用粥底做嘅海鮮火鍋，這裡還有蕃茄濃湯嘅火鍋，價錢一樣，但食物嘅口味就完全不同，嘅然都係就試吓佢嘅海龍皇鍋+順得粥底嘅口味，一次過有成19款美味食材都係$198/每位(兩位起)，就看看是否同平時嘅有沒有分別！餐前小吃有爽口嘅紅白蘿蔔絲，同爽口嘅雲耳，跟上嘅粥底，真係一個白粥水湯底，另奉上生猛嘅海蝦，在器皿內跳嘣嘣，差點跳了出來！之後就係預備好嘅時令海鮮，有大扇貝、貴妃蚌、鮑魚、龍躉肉片，利用個粥底滾熟，完全係用鮮味去描述，海蝦肉質夠晒爽口彈牙，時令海鮮亦十分爽口鮮味，另外自選配料5款當然有最愛嘅午餐肉、美顏花膠片、魚片頭、手工鮮蝦雲吞，邊滾粥邊吃配料感覺唔錯，最後加埋滋味蔬菜南瓜粒、芋頭粒、栗米入去個粥煮混，一碗夠晒鮮甜嘅粥就出現係眼前，食完碗粥真係夠晒飽，唔好以為份量少，絕對吃得飽！最後重有一碗番薯糖水，夠晒真材實料！

契仔係鐵路迷，黃埔通車佢又點會放過呢！有一晚佢主動約我食飯，原來去左黃埔影車，咁我就當同佢團年啊！0靚仔自己話想食呢間，雞煲打邊爐⋯⋯果然係年青人嘅口味！因為我懷疑自己有痛風，所以暫時食少啲海鮮先雞煲質素都唔錯，一上枱放落爐已經香噴噴，我揀BB辣，辣辣地幾好味，而且雞嘅份量好足料，雞件肉嫩多汁！跟住再叫火鍋配料都好平，炸響鈴必食啦！我覺得花膠片真係好抵食，$48 已經有一份而且又美顏作用，食落肚好過敷面膜。魚片頭同埋手工鮮蝦雲吞，首先推介雲吞，雲吞皮好薄，鮮蝦同肉比例均勻，口感彈牙，肉汁鮮甜。新鮮超甜粟米。黑毛豬夠晒薄切，滾一滾就食得，鮮甜美味。就連貢丸都值得一讚，好有台灣風味。鍾意呢間小店嘅服務，夠晒人性化見我哋食到差不多，主動問我地食唔食糖水，番薯糖水好有人情味，甜度適中下次經過會再嚟幫襯，可以試吓另一個推介海龍皇

寒冷天氣警告持續生效日日都得果10度左右 就會好想打邊爐🍲未食過粥底海鮮火鍋既我 見到依間粥底火鍋只係$198一位 好抵咁就試試啦-一坐底就已經放底左6款配料及醬料 可以溝返個岩自己口味既醬先-有2碟餐前小食 係木耳同薯仔絲 少少麻辣 味道都唔錯-食粥底火鍋當然有個順德粥底-然後主角出場了 係我最期待既海鮮呀-2人份量會有2隻蟹同6隻蝦d蝦好新鮮生猛 仲不停跳緊郁緊🦐 -另外又有貴妃蚌 鮑魚 大蜆 沙白 魚片 加埋7款海鮮全部海鮮都好新鮮 驚喜依個價錢會有埋鮑魚😍大蜆同沙白既份量都幾多 而且無沙-食完咁多海鮮之後仲可以自選5款配料我就叫左美國肥牛 黑毛豬腩片 手打墨魚丸 花膠片 娃娃菜最有驚喜既係手打墨魚丸 同平時食既墨魚丸完全唔同 好好味‼️-食完d料之後就可以食粥啦 staff首先會將南瓜粒 芋頭粒同埋2件粟米放入去煮一煮先再加埋米落去煮成粥🍚 最後加上蔥花芫茜等等就食得啦😋-另外依個set雖然唔包飲品 但散叫飲品價錢都唔貴玻璃樽可樂 $9 烏龍茶 $18-最後食埋個糖水紅豆沙 好飽呀-人均都只係大約$210 免加一 免收醬料費咁高既質素 服務仲要好好 性價比真係好高👍🏻

最近和朋友來了這家火鍋餐廳，味道、環境和服務都很好，很想和大家分享一下。1。味道我們一行兩人點了海龍皇鍋套餐，餐內包括七款海鮮加五款自選配菜，最後會用火鍋既湯去煮個粥。海鮮有蝦、蟹、鮑魚、貴妃蚌、魚、蜆同沙白，全部都好新鮮，蝦同鮑魚上枱時還是生跳跳和的，份量絕對不少，感覺好豐富。而且不用怕放落湯淥既時間，餐紙上是有教學的，十分細心。海鮮煮熟很都很鮮味清甜，蝦同貝類都好爽口彈牙，而且蟹仲有羔啊！其他食材的質素都不錯，雖然不算大份，不過之前吃了那麼多海鮮都很足夠了。差點忘記了最後有個粥。店員替我們用鍋內充滿海鮮味的湯去煮粥，加入不少配料，味道鮮甜濃郁，叫我們一碗接一碗吃不停，很飽足了。2。環境餐廳內環境光猛乾淨，差不多全都是卡位，闊落且舒適﹔而且抽風十分好，食完也不會成身邊爐味。3。服務店員服務一流，態度良好，也會主動給我們介紹食材和添湯添水，值得一讚。總括來說，這家餐廳性價比十分高，剛才這個套餐都只是每人$198，能吃到這麼多海鮮絕對超值，推介！

近排天氣特別冬就係最啱食火鍋時間，點解好簡單因為會越食越熱包你一定暖，其實食咗咁多間火鍋店間間都會有佢獨特之處，好自然都會有一班人喜愛呢D口味，先至可以吸引到人客來呢個就係生存之道，今次就去咗紅磡灣中心呢間火鍋店品嚐唔知味道又如何火鍋有兩款口味提供分別有牛魔皇鍋+蕃茄濃湯，而另一款係海龍皇鍋+順徳粥底，平時都有食開牛嘅我，最後點咗後者，因為除咗食到生猛海鮮外，粥底仲會吸收海鮮嘅鮮味，同埋其他精華，係最後必吃嘅美食，先來有兩款小食吃住先夠晒開胃，輪到海鮮有生猛海蝦，貴妃蚌，元貝，龍躉片，花蛤同鮑魚等當粥底滾起就可以開始，先來梗係品嚐一下海鮮，元貝厚肉又多汁，貴妃蚌入口爽滑夠鮮甜，再來有鮑魚肉質鮮軟口感十足，生猛海蝦又彈牙，龍躉片鮮嫩啖啖肉，食完一輪豐富海鮮美食又邊至咁小，跟接其他火鍋陸續出來先有5款自選配料美國肥牛入口肥美，手打丸真材實料，美顔花膠片夠滑溜同埋手打雲吞，呢D火鍋配料係不可缺少嘅食材， 如仲唔夠可以追加配料不過要另外加錢，而我地再追加咗爽口牛白肉，食落肉質真爽口夠甘香同美國桶蠔大隻又鮮甜話咁快食完一輪美味火鍋，最後落埋南瓜粒，芋頭粒，粟米粒係粥底滾一陣再連同粥膽一起落鍋攪拌

去完poly宿舍探完朋友之後, 佢就同我去紅磡度搵食,佢介紹咗一間晚上專打邊爐嘅茶餐廳, 價錢都唔貴㗎, 198蚊仲有海鮮食添喎, 咁就一齊入去食呀海鮮火鍋有兩個餐前小食,七款海鮮,五款自選配料七個海鮮有小花蟹，生猛跳蝦，鮮鮑魚，貴妃蚌，沙白，蜆，龍躉片。, 海鮮質素唔錯幾新鮮 尤其係蝦, 生猛仲要跳下跳下添, ，所以是非常彈牙有鮮味而不是軟軟的肉。 沙白和蜆裏面一點沙也沒有，清潔的功夫做得十分出色，每一粒的鮮味也在口中遊走。鮮鮑魚咬落去非常之q彈最正係個粥底, 打邊爐之後, 再加個粥膽, 放咗啲肉丸喺裏面, 一齊焗, 呢個肉丸粥, 有唔少海鮮嘅精華, 飲落去非常之鮮甜可口

今天來到黃埔逛街，晚上晚了跟朋友找飯吃。 看到一間蒸海鮮，而且價錢不貴便決定和朋友一試。$198一個套餐，包七個海鮮再加五個配菜仲要免加一，非常抵食。小花蟹充滿鮮味雖然小小一隻但味道十分清甜。 鮑魚約五分鐘就吃得，放下去是還在動，殘忍但鮮味。貴妃蚌大大隻很有誠意，肉質有彈性。龍躉也並不是普通的魚片，特別有質感，單單是這些海鮮已物超所值，還有配菜可選。配菜可以是肉，丸，菜等。 各種丸也是餐廳推介的手打丸，值得一試。 我們叫了墨魚丸。墨魚丸充滿墨魚味而且是彈牙的，不像一般墨魚丸的口感。最後活店員會幫你弄一個芋頭南瓜粥，芋頭南瓜粥配上所有新鮮材料的鮮味十分美味，完成了一頓豐富的晚餐。

經過紅磡，俾我哋發現咗間粥底火鍋，每位＄198 真係好抵。這間店應該是新開，座位非常闊落，而且乾淨。火鍋醬汁乾淨新鮮套餐包括的海鮮，有蟹、蝦、貴妃蚌、鮑魚、大蜆和沙白共6款除咗海鮮，仲有好多火鍋配料。大家記得揀花膠、油炸鬼，煮完之後唔好食住，文章最後會話俾你聽點解...可按座位上印有的時間指示灼熟海鮮蜆類、沙白全都新鮮開口，而且無沙。總共有十多粒，2-3分鐘便食得，每一隻非常新鮮多汁！而且貴妃蚌尤其肉厚鮮甜美味！鮑魚爽口彈牙、大大隻蟹類要涮久點，約15分鐘。膏量多，非常甘香，肉質亦鮮甜。拍攝時蝦仍然跳跳紥，非常生猛！跳跳紥的蝦，彈牙多汁有甜味，而且有蝦膏，質素優良。而且有來自男朋友的懶人蝦肉.....蝦兵蟹將牛肉肥位適中，涮過後依然大件，香味突出有咬最後，就是蟹肉粥！！食完所有火鍋配料之後，職員會醒目自動為你煮好粥底。他會把米、芋頭、南瓜等等材料，放進火鍋。職員非常細心，還會詢問你喜歡比較綿、還是比較稀的粥。蟹肉怎樣來？當然是叫男朋友用手，慢慢一絲不掛地把蟹肉摸出來！當店內的職員，烹調粥的時候，男朋友就用手、鉗撕開蟹殼，連蟹腳都不放過的，耐心地把所有蟹肉挑出來，裝滿一碗子。然後把辛辛苦

Yeah!!! 終於happy Friday啦，收工後即刻執野同朋友去打邊爐放鬆下。其實我同朋友係專登去紅磡呢間餐廳食海鮮粥底火鍋，我細佬極力推薦我去食，話好新鮮，所以我同朋友就決定去試一試我地2個叫左呢個套餐，有好多野食，共19款餐前小飯係豆同薯仔絲，薯仔絲好爽，有木耳同青瓜陪襯，火鍋醬料免收費首先上左個蝦先，d蝦仲識跳架，好生猛！湯未滾時朋友要全程㩒住個蓋，因為真係全部蝦都未死，佢地不停掙扎想跳岀來，我覺得我地好殘忍吖，蝦有6隻咁多！嘩.....! 真係好大碟海鮮吖，有蟹，貴妃蚌，沙白，蜆，魚，仲有鮑魚吖，仲要全部都好新鮮，食落去勁鮮甜！，我細佬真係無介紹錯！我地選左以下五款自選配料，雞件岀奇地一d都唔肥，好香雞味，同平時食嘅雞唔一樣。黑毛豬同手打墨魚滑好食朋友覺得呢間火鍋店d野好食，所以佢忍唔住再叫多2張野食。呢碟係爽口牛白肉，我從來未食過同聽過，但食落去真係好爽口同好香牛味，幾特別，我中意食至尊新鮮肥牛一d都唔肥，啱晒怕食肥嘅人，而且好淋身食到最後，最後一個主角岀場啦，就係順德粥底。我地食完打邊爐個湯底用來煮粥，勁香海鮮味，我地2個人食晒d粥咁多野先$396蚊，仲要唔洗收加一