漢斯 (已結業)

甚少踏足鰂魚涌的我今天第一次特意來食午飯，是久違了的茶記~眼見餐牌的午餐精選價錢不便宜，但特意來到點都要試吓餐廳推介嘅午市套餐，叫咗個自家製叉燒豆腐飯。賣相都承認有點普通，但每一部份都落足心機，經理介紹這一個叉燒是賣相都承認有點普通，但每一部份都落足心機，經理介紹這叉燒是餐廳每日新鮮製造，完全冇落色素，所以比平日在街市買的叉燒比較淡色一點，但一入口就知道什麼是真材實料！叉燒入口鮮嫩，醬油味十足，但又不會過鹹，味道有少少偏甜，有點像日式叉燒，淡淡都好香鮮肉味，真係新鮮嘅味道！豆腐粒都好香豆味，非常非常之幼滑！！好似三水同百福豆腐咁！但更加有豆味！雖然咁樣講好奇怪，但呢度嘅飯幾好食，軟硬適中，醬油分量亦都啱啱好，啱晒我呢啲注重健康嘅人。最後飲埋杯熱辣辣嘅阿華田，豐富嘅午餐就此結束啦，好飽好滿足。

入到餐廳嗌咗個辛辣韓式薯仔拉麵配叉燒，加埋厚多士及炒蛋，仲有蒲燒鰻魚飯。薯仔拉麵係早餐嘅其中一款，特色在於拉麵嘅質地，麵質幼滑，而且有彈牙的感覺，咬落去嘅時候唔會淋pat pat。叉燒亦都係值得讚賞，店主話畀我哋聽啲叉燒都係每日新鮮製造，而且由於健康關係唔會淋紅色嘅色素上去，但係叉燒雖然色澤無比一般嗰啲咁鮮艷，咬落去嘅時候非常鮮嫩，肉汁充滿口腔，而且叉燒分量都唔少。早餐包埋嘅亦都有厚多士同炒蛋，店主話畀我哋聽炒蛋係用日本靚蛋，所以從圖中見到炒蛋嘅顏色非常深橙色。接下來就介紹蒲燒鰻魚飯。首先講咗個醬汁，蒲燒鰻魚汁唔會過鹹，而且濃道適中，唔會好稀。鰻魚分量算多，有四份三隻手掌咁大，鰻魚肉質鮮嫩，咬落去嘅時候亦都好彈牙，特別係鰻魚皮，明顯食得出好重膠質。除咗鰻魚之外，飯底本身亦都值得讚賞。店主話畀我哋聽 白飯唔係用電飯煲蒸，而係量度白的比例之後放落焗爐蒸，所以米飯軟硬度適中。總括而言，兩個餐都冇咩特出之處但每樣嘢都做得好足，食得出啖啖都係心機菜，如果如果大家經過天后又諗唔到食啲咩嘅不妨呢啲間試下。

諗每日Lunch time 去邊食咩野好已經好頭痛，仲要間間都咁多人！等位最怕怕！12:45分左右，剛好見到呢間餐廳未算太多人排隊，於是揀左HANS呢間! 雖然餐廳都面積都算大，座位都好多，不過已經滿座，我倆等左10分鐘左右就有位！好肚餓！ 快啲叫野食先！眼見餐廳門外已經好多人排隊啊！Lunch menu選擇唔算多，有好處嘅就係快啲講完快啲order😂同朋友仔有共識決定食廚師推介嘅S A同S B😂焗椰汁咖喱雞飯（$73）配熱奶茶賣相好吸引，紅紅橙橙嘅外表！椰汁咖喱雞飯經過烤焗後，味道更加惹味，食一口，香濃可口！焗飯嘅粉底炒飯底香口！而且份量十足佈滿係整個焗飯上！真係一啖一啖飯！好食，食個口有家嘅感覺，唔會有味精嘅味道，感覺健康，又不太膩！正！朋友食呢一個咖喱牛筋飯食落去冇咁熱氣！啱晒啱啱病好既佢，唔好食得咁香口😂咁呢一樣係咁多！溫馨提示：如果想「少飯」可以同餐廳講聲！而且仲有免費「多飯」，適合大食嘅男士選擇！（ 食野唔好嘥！）整體而言，個人喜歡食焗咖喱雞飯！佢比起冇焗既咖喱牛更惹味，更為香口，而椰汁味會更加濃烈！不過每日都有限定㗎，老闆話由於烤爐唔算太大可以做到焗飯既份量唔多，所以先到

今日因為就個朋友放工選左係鰂魚涌食晚餐剛巧路過呢間餐廳 見間餐廳裝修幾靚 幾整齊同舒服 餐牌又幾特別就入去試下 仲標明唔落味精岩哂食得健康的我😆我們叫左蒟蒻椰汁咖喱雞焗飯同大蝦叻沙😋😋試業價 仲送餐湯同蒜蓉多士好抵😋D雞雖然焗 但都好滑多汁食得出咖喱味都好香 唔係現成的咖喱 唔會好咸 加上蒟蒻 煙煙韌韌 再配上椰香的咖喱汁 好岩送飯 唔經唔覺成個食哂😂~ 至於個叻沙，個湯同出面果d唔同有香噴噴的椰奶味同少少辣，濃度剛剛好，面的軟硬度適中，好啱我口味😊唔怪得咁多人推介叻沙啦，真係好好食😋 值得一試！食完都唔覺口干 👍🏻真係無落味精👍🏻呢度老闆同員工服務都好有心，感受到佢地的用心製作👍🏻 老闆話佢地會不斷改良食物，又會同食客拎意見，製造出好味健康又與別不同的食物😆

鰂魚涌返工嘅朋友又多個新選擇啦. 呢間位於英皇道北角官立小學對面嘅Hans, 開業幾個月, 一直不乏捧場客, 今日當然亦唔例外。Weekday 晏晝1點嚟到, 人多熱鬧就必然㗎啦, 還好呢度座位都算幾多, 食客流轉得快, 等一陣就有位啦。同朋友一人點咗個廚師推介, 跟餐包熱飲一杯。餐廳所有咖哩都係由新加坡原廠直送, 夠曬正宗。入口椰汁味重, 無辣味, 好易入口。牛肋條炆到非常柔軟, 肉間帶點脂肪, 口感極佳, 諗起都想再食！呢個焗飯, 雖然冇牛肋條咁出色, 雞肉質感比較紮實, 但用上同樣嘅咖喱, 烤焗後香味更突出, 亦係唔錯嘅選擇。兩個飯嘅咖哩汁偏多, 飯量亦唔少, 食完好有飽足感, 餐牌寫明#歡迎加/減 飯/麵量, 如果食量不大就記得叫少飯啦。順帶一提, 餐廳做緊午市優惠, 12:45前埋單, 即減$10。

朋友介紹話漢斯d叻沙好好味，我一直想食叻沙好耐，所以同屋企人星期日一心由西環坐丁丁到東面，點知自己放假太晏起身，去到已係下午茶時間，原來下午時段師傅中場休息，所以無叻沙食。咁唯有叫下午茶餐，我真唔好意思搞到d職員無得休息。下午茶餐有好多選擇，價錢仲好抵，職員服務好好（阻住佢地中場休息但都好好招呼我地）。餐廳裝潢簡潔，好鍾意佢地牆上的圖案。叫左三個餐，自家製义燒通粉，沙爹牛肉麵，可以加配煎蛋，鮮牛油厚多士，正！！另外，英式早餐all day breakfast，內容好豐富，煎雙蛋，火腿，腸仔，薯餅，番茄豆，多士，咁嘅價錢超抵，大份，抵食推介！！

鰂魚涌自從太古坊落成之後，為這舊區添上了不少生氣，橫街小巷內滿是不同的食店，每到午飯時段例必車水馬龍，堆滿著寫字樓出來覓食的辦公一族，就仿如商業旺區的盛况一樣！偶爾來到該區英皇道的一間食店，門面看来有點似茶餐廳的格局，但入内卻是另一番光景，店內面積頗大，裝修整潔光猛，白磚牆配上木製餐枱椅，加上牆上不同的玩味勵志標語，簡約得來帶點文青感覺，氣氛舒適自在。細看餐牌，發現原來這裡是一間健康小店，標榜出品完全不含味精及人造色素，讓客人食得安心，唯選擇不算太多，全都是一些主食套餐，包括咖喱、焗飯、叻沙和烏冬，其他小食暫時一概欠奉，可能大廚想專心做好特定的出品吧？！還好勝在價錢親民，$68元起已有交易，只看價錢就十分貼地，但不知質素如何呢？！套餐包括是日餐湯、蒜蓉多士和主食，當然還有飲品啦。當天的餐湯為羅宋湯，雖然仍是港式羅宋湯做法，但用料十足，湯汁中放滿了煮得軟腍的甘筍和椰菜，味道濃鮮酸甜，但比起外面一般的羅宋湯，這裡的味道偏向清淡，卻帶著蔬菜的原有鮮味，感覺較為健康。野菜豆腐叉燒溫泉蛋飯，堆得滿滿的薄切叉燒加上半熟溫泉蛋，還有大量翠綠的菜蔬，單看賣相就十分吸引！叉燒雖有點偏瘦但入口鬆化帶嚼勁，

今日早放LUNCH, 趁人唔多既時候就黎食個飯一入去, 覺得裝修好企理, 好舒服所有主食都可以揀多飯, 普通同少飯我就叫左椰汁咖喱牛肋條飯(普通)配凍檸樂 ($78+$7), 加7蚊就有凍檸樂好抵飲呀朋友就叫左份自家制叉燒豆腐飯(少飯)配柚子蜜 ($63) 5分鐘左右, 食物就到喇, 我覺得我碗牛肋條飯好香, 好惹味呀, 咖哩係溝左椰汁所以唔會好辣, 佢配左好多蔬菜好健康呀我朋友就鍾意個叉燒係冇加色素冇添加, 佢覺得好FRESH 好好味我覺得呢個價錢好抵食呀, 又大碗又新鮮, 坐得又舒服, 冇平時咁多人果陣咁趕時間呀店員都好勤力, 佢地好WELCOME 小朋友, 會同隔離位既小朋友玩下咁餐廳仲設有特價時段: 12:45前埋單走人或者13:15後入座都可享全單減$10, 好抵食呀

有一套劇集，叫做「孤獨美食家」，講述一個人周圍去飲飲食食，因為一個人食嘢嘅時候可以更加專心，更加細微去品嚐食物的味道，其實喜歡熱鬧的我，當初都唔係好認同呢個Point🤔不過今日，終於嘗試到一個人食嘢原來感覺都幾好喎。事源今日要去鰂魚涌做一年一度嘅身體檢查，又要空肚關係，搞掂哂嘅時候都已經差不多12點鐘，個肚當然餓到打鼓啦！經過英皇道呢間「漢斯」餐廳，門口大大張廣告，佢哋都幾多選擇喎，不期然對腳就自動行左入去。佢哋而家做緊優惠，12:45前埋單，或者1:15後入座，仲全線照價減＄10，你話如果多幾個人一齊食飯，都真係慳返唔少喎。餐牌上有兩款係廚師精選，經驗告訴我，通常呢啲都係餐廳覺得掂檔嘅食物，何況咖喱雞本身就已經係我嘅飛佛。呢個烤焗椰汁咖喱雞飯，熱騰騰椰香四溢，聞到都口水流。咖喱汁好香，辣味啱啱好，又唔會蓋個雞肉嘅鮮味，混和飯底好Creamy，果然有水準，其實一個人食飯真係可以專心啲，感覺食物的味道會更加細膩。加上環境舒服，真係不錯嘅選擇，到自己差不多離開的時候，客人已經陸續到達，好彩自己快人一步，理想達到（享受到優惠）

太古坊附近既餐廳都差唔多食暈，個日出地鐵時望到英皇道開左間新野，叫漢斯，今日中午過去望左陣就入去試下！午市有傳統焗飯、日式烏冬、日式飯，都好多選擇！但就冇常餐：湯通粉/意粉個啲，要早餐/下午茶先有！希望可以加番！唔緊要下次再黎試下午茶，係2點就開始！日式豬軟骨烏冬賣相非常吸引見到有溏心蛋已經加左唔小分，面頭既紫菜碎亦相當有誠意！豬軟骨有三大舊好林，好入味！烏冬都係高質烏冬湯底因為豬軟骨既汁，夠味！照燒鰻魚飯同樣地是有溏心蛋、紫菜好日式的感覺！鰻魚好大舊！燒汁好食非常滿意！$6-7x一個lunch包野飲 性價比十分okay!

鰂魚涌多好嘢食就係人都知，不過放lunch嘅時間就好似打仗咁，一街都係人，今日晏咗出去食飯，不過周圍依然都係人頭湧湧 ，經過呢一間漢斯餐廳 ，感覺好似唔錯見到午餐都幾多選擇， 而且聽同事話，呢度嘅喇沙同埋咖哩嘅水準質素都幾高， 可以一試。入到去其實都幾多人，都好爆㗎， 不過人數喺某程度上，亦都代表係質素嘅指標。坐落都幾舒服，環境ok。lunch menu都有唔同嘅選擇， 而且都幾多款式， 而且仲大大隻字寫明：不加味精、不含色素，似乎唔錯喎。店長好熱情咁推介我試下佢哋嘅廚師精選， 我係即叫即焗 ，似乎唔錯 ，一嚟到已經好熱辣辣，仲聞到陣陣嘅咖哩同埋椰香味。雞肉都幾大粒，而且無骨，好細心，最啱我呢啲 怕麻煩嘅懶人。而且焗得好乾身，薯仔焗得脆脆地，金黃色咁，好香口。仲有啲蘿蔔、洋蔥等等唔同嘅蔬菜。不過我最鍾意都係個咖哩汁，真係冇味精，食落唔會好咸，唔會令喉嚨好乾。飲咗一半先記得影嘅柚子蜜 ，唔似坊間嘅死甜 ，涼得嚟都滋潤，唔錯。

鰂魚涌真係太多人返工，一到lunch time 就周圍都人山人海，想搵間餐廳食下飯都難同事介紹話最近開左間新餐廳，於是就早少少去試下先 大概12點半到，唔駛等位 目測去到搭9差唔多1點就full晒 午餐都有好多選擇，花多眼亂芝士茄汁焗豬柳意粉逢星期二、四係飯，一、三、五就係意粉茄汁好多，夠撈晒食個意粉芝士味都夠濃豬柳一啲都唔靭，咬落爽滑仲有啲菠蘿添，夠晒fresh!胡麻湯豬軟骨烏冬朋友就點左個烏冬，係讚歧烏冬黎咖湯底都夠濃味，而豬軟骨都幾高質，入晒味，仲份量好多以後食lunch 可以多個選擇

向來茶餐廳平靚正，但為咗遷就價錢，食咗啲都唔知係乜嘢，近排俾我搵到一間看似南亞風格的茶餐廳，餐單刻意多加蔬菜，而且用料揀過，可以食得比較健康。今晚要加班早啲食飯，六點鐘行過嚟晚市剛剛開門，暫時未有咩人比起中午嚟食飯真係梳乎得多！總共黎嗰兩次，一次食椰汁咖喱牛肋條飯，另一次食正宗大蝦喇沙。老闆話喇沙膽是星加坡買過嚟的，成本比較高，但希望做到好口碑，唔怪得食落味道咁正宗，好香滑嘅椰奶，咖喱層次香，仲有係辣辣地，我食得辣所以好鍾意呢個味道，顏色望落去都好靚，材料都俾足，基本嘅豆卜、蛋、蝦、雞柳，因為做健康版本所以特別多左啲蔬菜，所以見到有豆有瓜。椰汁咖喱牛肋條飯好大碟下，咖喱嘅層次香味與喇沙唔同，配合牛肉香，好滋味、好得！套餐是跟多士、湯及餐茶，提一提嗰片脆多士，夠趣之外仲夠香。我睇好呢間餐廳，因為我哋日日出去食晏，長期食用更加要食得健康，呢度款式都幾多仲有豬柳、雞皇、豆腐、叉燒、烏冬、豬扒包、三文治等等，唔驚咁快會食厭。

和朋友途經側魚涌，見到一間好似好新的餐廳，朋友建議入去試下。環境寬敞舒服又乾淨，最值得讚賞的是服務員的熱心介紹和殷勤的服務態度我叫左3個餐和朋友一起share蒟蒻野菜椰汁咖哩牛肋條飯$78咖喱牛腩食得多，但咖喱牛肋肉真是第一次試，牛肋肉至少有5至6件，炆得好淋，肉質亦好嫩滑，肉味濃郁，正！咖哩是很辣，椰汁味濃，不是一般的咖喱汁，加上牛肋肉和蔬菜類一起吃，好好味，好夾蔬菜內容好豐富:有紅蘿蔔，翠玉瓜，車厘茄，豆角，薯仔和蒟蒻，全部都好新鮮！野菜大蝦叻沙$68個叻沙湯底好正！椰汁味亦濃，原來湯底是老闆由星加坡專登訂回來，所以好有星加坡地道風味加上大蝦爽甜，豆卜索哂D叻沙湯汁，還有半隻整得剛剛好的温泉蛋加上白芝麻，好好味呀野菜胡麻湯烤雞烏冬~亦是少不了很多菜蔬和温泉蛋，烤雞亦有4，5件，份量好足！套餐還有餐湯， 蒜蓉包和餐飲我相信，用心做好每一步必然是這間舖的格言，鐘意星加坡風味的朋友，這裏是一個好好的選擇

今日趕時間，見呢度光線企理，就入咗嚟依度食。已經過咗午飯時間所以冇乜人。呢度嘅待應非常好客，態度誠懇，介紹我哋食英式全餐，另外因應自己嘅喜好揀咗鰻魚飯。原來餐廳試業中，侍應邀請我哋晚市再嚟，因為晚市嘅餐牌會比較豐富，午市因為呢一區人少，所以選擇就少好多，不過始終少去呢區。奶茶茶味較重，未算好滑，吊下奶茶癮尚可接受。細心睇吓原來呢度主打嘅係健康嘅茶餐，餐牌都寫明唔會落色素同埋味精，食起上嚟感覺似住家菜，亦都真係唔油膩。$68蒲燒鰻魚飯，鰻魚大大塊好抵食，肉質嫩滑唔算玫，鰻魚嘅尾部比較多骨，但係算係可接受可吞嚥嘅硬度。飯質煙韌，可惜鰻魚汁感覺似甜豉油多於日本鰻魚汁。整體感覺食完係清新舒服嘅。⬇️英式早餐多士烤得剛好，滑蛋夠滑，薯餅脆但不油膩，蘑菇好有牛油香，脆皮腸名符其實。如果蕃茄稍為香煎更好。