潮庭 (星光行)

营业中

休息中

今次試了尋鮮 吃鮮2人套餐，3人食都好夠飽～ 支持下香港本地農場直送的新鮮烹煮菜🥦🥬🥒🫑🍆 帶子護國羹把有機蕃薯苗煮成細蓉，好清新，再加入帶子增加咬口感本地青瓜烙配桔柚汁唔錯，香脆可口砂鍋豆醬嘉美雞我最鐘意呢道菜，用上本地養殖無激素嘉美走地雞，肉質鮮嫩而脂肪少，砂鍋上炒過的豆醬令雞肉更香濃鴛鴦檸檬蒸楊氏烏頭話說由元朗漁場養殖嘅肥美烏頭，魚肉真的好滑，配檸檬酸酸甜甜，幾開胃梅菜炆本地腩肉茄子無添加激素豬腩肉的油脂分泌平均，加入茄子梅菜更濃香惹味，如果有埋白飯就一流

同友人去尖沙咀行街，佢話想去飲茶。一路沿著星光大道行，行行下見到一間叫做星光行既商場，就打算入去望下。入佐商場一路行竟然發現有兩間酒樓，一間叫翠園，另一間就係潮庭。友人話食過翠園，所以想試下食潮庭。一入到去，見到餐廳滿座率7成，相信食物既味道都唔會話太差既。我地叫佐一個沙爹金錢肚，沙律炸蝦角，豉汁蒸鳳爪，水晶蝦餃皇同埋蒸腸粉。1) 沙爹金錢肚先講沙爹金錢肚，金錢肚味道超重沙爹味，同出面既酒樓比，呢間既金錢肚係重口味少少，但就岩哂重口味既我。鐘意食重口味既你黎到一定要點呢個點心呀。2) 蒸腸粉至於淨腸粉，腸粉既皮好薄，呢個真係整得好，因為出面既腸粉好多時都厚皮。配上甜醬同埋花生醬一齊食簡直係一流，好食到停唔到口。3)水晶蝦餃皇蝦餃同樣地做得出色，蝦餃最緊要就係外皮，蝦好多，啲蝦食得出係新鮮既。4) 炸蝦角炸蝦角入面蝦好多，啲蝦食得出係新鮮既，外皮酥脆，點埋沙律一齊食，係正既。5）豉汁蒸鳳爪豉汁蒸鳳爪入面既花生配上啲豉汁食好香口。總括而言，呢間酒樓既點心相對較重口味，非常岩我胃口，鐘意重口味既你一定要黎試下食呢度既點心。😆😆😆

踏入6月上旬不久，連續多天天氣都不穩定，今天我原本與朋友參加南丫島一天遊，在上船前已經掛起紅雨警示，網上港訊同時報導長洲也出現水龍捲，狂風大雨、雲霧封鎖維港的惡劣天氣，我們一行六人商量後决定棄團，另一組七人團也棄團。我們轉到就近的「潮庭」茗茶嘗點心。點心、小食和炒麵都滿意，每款都是三件，我們六人分享，每款都可以嘗試一口，人均消費$122，價錢尚可！椒鹽九肚魚炸得很香酥，熱騰騰的九肚魚軟綿可口！蝦腸粉，皮薄蝦肉多。海皇紫菜脆皮腸粉，紫紅色腸粉色澤比較特別，內饀脆口。胡椒豬肚煲，有老友嫌味不夠濃，我就覺得夠味。山竹牛肉、百花魚肚，魚肚大大件又爽口。煎藕餅、煎韭菜餃，我喜歡煎藕餅。涼瓜班頭腩炒麵，麵脆，像肉絲炒麵，尚好的。最後吃的甜品口感軟滑，芝麻味道香濃。

雖然呢次消費券食肆優惠並沒有舊年的闊綽但這集團嘅積極進取態度依然。我們用了超過500蚊有78折嘅優惠。是日只是叫咗一般家庭晚飯菜式,墨汁煎咸魚肉餅$148 份量是4人分的, 黑漆漆嘅肉餅。有咸魚嘅咸香同時肉餅又飽肚。係一個有水準嘅肉餅但4個人食比較合適。稻草鴨半隻$108 其實係個燻鴨, 以前食過。 應該係先用淡鹵水鹵過再用煙燻。所以第一啖係食到重煙燻味。煙燻令肉質收得乾身一點而味道不似鹵水般重咸味。雞湯蝦片煮米荳腐$148 這是個以雞湯主導嘅菜式, 中蝦一開二在底, 硬豆腐切幼絲在中層上面再有翠玉瓜絲同頂放大量金華火腿絲帶出咸鮮味。白飯同白粥都係$22/碗茶每位$20服務都係合乎水準!不過中間亦有一段插曲, 話說食到中途其中一個女服務員莫名其妙地放低一盤功夫茶!!! 亦沒有說多謝或者什麼? 一般潮州菜館不是結帳前才遞上功夫茶的嗎?這趟還是第一次遇到咁奇怪嘅招呼。

星光行嘅潮庭環境真係唔錯，大大玻璃窗透著陽光☀️好舒服。現在沒有點心紙，用電話自己攪掂，都幾方便👍🏻豆沙煎堆仔：細細個、香噴噴，唔太甜，好好食煎韭菜棵：韭菜好香，不過有點油膩蔥油糯米卷：海皇紫菜脆皮腸粉：未食都覺得好靚，咬落鬆脆香口，下次都要點黑醋排骨：黑醋好香，肉也很易離骨，但肉質有點似煲完湯那種口感，沒有排骨那種質感，太散也沒有肉味😅欖菜肉碎炒飯：炒飯粒粒分明又乾身，食兩碗都無問題黑松露准山素餃($45)：黑松露無味，內料有點糊口，我比較鍾意爽口啲的餃子😅蒜汁蒸鮮魷($45)：蒜味可以再濃啲，不過不失啦總結這酒樓是可以的，侍應會主動過來加水，聽見我們話茶沖了多次沒味道，就幫我哋換茶葉，而點心質素算中上，坐得舒適，唔錯😁

潮庭共有五間分店 我最喜愛的是星光行那間 可能附近都是商業中心 很多老闆會在此吃飯 感覺大廚水準比其他的較高重看食評才知道 上次來是3個月前 今天發覺原來改為早上11點開始營業 疫情之下 客人不算多 枱也減少了 更採用掃二維碼下單 細看餐牌 竟然我最愛的千層糕沒有呢 😭懷著有點失落的心情 選了8款點心 其中最滿意的是潮式糖醋麵 煎得很香 很薄身 所以非常脆 好味香芒醬沙律蝦球 造型漂亮 超大隻又爽脆的蝦 香杧醬味道調得好 配搭一流鴛鴦臘腸卷 季節的食物 非吃不可蛋散配上甜甜的蜜糖 沒有堿水味 入口鬆化其他的也不錯 唯一是煎藕餅 外形較差及有點散總結是保持水準 失望是沒有千層糕🙄

這陣子，星光行「潮庭」成為了我的食堂。不論和家人、Honey或者同事，午市都常常來這裏開餐。後來發現，原來午市有二人餐。二人餐 $198，連茶錢加一，埋單也只是$260。包括了 - - -點心拼盤：兩件蝦餃、兩件燒賣、兩件潮州粉果 一款主食：今天Honey選了沙茶醬牛肉炒河 一款小菜：Honey揀了香芒蝦球和梅子骨 另外還有：潮式鹵水拼盤係咪真係好抵？今天是我的生日前夕，Honey説吃得舒服丰富點，我又心思思來「食堂」。二人餐沒有因貨就價，蝦餃爽甜。而且，沙茶牛肉炒河粉，大大碟，夠鑊氣。香芒蝦球亦都好大粒，爽口。而Honey就對梅子骨讚不絕口，甜甜酸酸，排骨肉又好鬆化。還有墊底的，並不是一般椰菜絲，而是沙律菜，有火箭菜、baby spinach等等。更有鹵水拼盤，有鵝片、豆腐、海蜇。全部都好好食！在星光行，這個可以看到天星碼頭和尖沙咀海景的座位，吃著豐富美味的午餐，埋單只是$260，簡直超值！邊度搵？

前兩日同班朋友仔去完AIA，搭船過咗尖沙咀就諗起食北京樓，但北京樓冇位所以直接落咗去潮庭食，如果坐邊個view 幾靚，算係望到海。我哋叫咗個潮式滷味拼盤，色水幾靚拼盤好食，但鵝比較無咩肉同d汁稍鹹之後叫左潮式蠔餅，真係一分錢一分貨，好多蠔好足料👍🏾仲有一個甜酸骨，食落去估唔到有少少辣辣地，幾嘢未，但係食多幾舊就會比較‘流’仲有沙薑雞，一嚟到好香，但食落去雞比較鞋身，所以一般般最後就係個飯，個飯係最好食既，因為有小朋友嘅關係所以揀咗比較淡口味嘅欖菜肉碎炒飯，竟然出乎意料我哋都覺得最好味就係個飯，完全可以中和返餸既濃味埋單係$828，除返開四個大人一個小朋友都唔算好貴👍🏾值得一試👍🏾

潮汐靜 將士胸內濤浪起伏 戚憂憂庭寂靜 鳥兒展翅迴旋升降 樂悠悠維多利亞港渡海泳在疫情中再見熱鬧。反觀海旁之星光行就是冷清。當中營業的酒樓也變容易揾位。其中《 潮庭 》以潮州菜式屹立於此數年。今天嚐嚐午市菜餚。蜂巢炸芋角 : 芋頭蓉結實，配合蜂巢狀鬆散的外皮，才是合格的炸芋角。 餡料醬汁味道濃、帶點兒甜香，帶給我童年所食的回憶。冶味虎尖椒 : 尖椒內並無任何肉類配料，辛辣口感刺激食慾，濃度高的豆豉醬汁黏附在食材上，未有發現汁液下墜或散開。 廚師炒功好、火力控制恰到好處。鵝肉絲涼拌粉皮 : 第一是攤涼的鵝肉失去了油香及禽肉濃味; 第二是切開的肉絲，令醬汁只負在表面，未有提升肉味。第三是粉皮幼和短，失去米香。蓮藕餅 : 傳統方法是把蓮藕切成細絲或刨絲，加入配料，慢火細煎成金黄焦香。現在香港已難找到了。就是《潮庭》也道貌岸然。魚皮餃肉丸黃菜煲 : 魚皮餃、豬肉丸，無特別，不提也罷。算是餐後一碗湯，濕濕嘴巴。溫馨提示 : 侍應人員不足，請耐心等候。疫情期間，部分區域客人要被檢查「安心出行」記錄。

星期五閒日去咗尖沙咀星光行潮庭飲下午茶，呢間嘢真係攞滿分，喺提供唔熱劣食、份量銳減、無人添熱水、服務差方面真係攞滿分💯！不滿事項數一數：1. 方魚肉碎粥唔夠熱、唔夠方魚！2. 叉燒腸根本係攤凍咗！3. 潮式煎伊麵又係唔夠熱！4. 魷魚鬚小食，終於有熱嘢食，但因為係小食，佢真係畀得少少你食🤏，對比三個星期前午市食過嘅正常份量比，足足少咗至少3份之1！你唔夠材料整畀我就應該出聲吖嘛，而唔係咁樣蒙混過骨！5. 飲呢餐茶無人添水，收銀因為要埋數所以自動過嚟埋單，同佢講搵人添水，佢就嗌咗一聲叫其他人嚟添，但結果仍然係無人嚟，要我企出去搵人嚟添先有水畀你！總結：唔會再幫襯！

⭐️潮庭⭐️📍:尖沙咀梳士巴利道星光行東翼2樓⏰:12:30am-3:30pm,6:00pm-10:30pm⭕️:現金、信用卡、銀聯-壽宴套餐-💰3xxx (6位)🌜潮庭四喜大拼盤 🌜翡翠玉帶蝦球🌜原鼎鳳凰海味燉嫩湯🌜蒜香瑤柱脆皮雞🌜蠔皇原隻鮑魚扣鵝掌🌜清蒸海老虎斑🌜榮壽煎伊麵 🌜大富大貴炒飯🌜添壽大蟠桃 🌜紫米露湯圓🌟話說最近屋企人生日 咁作為最細嘅我梗係冇話事權啦 緊係俾錢嗰個決定去邊間食😂 但係唔食唔知 呢間潮州菜比我想像中出色🤣不過由於立場嘅關係 大家淨係睇我食就好 唔需要刻意去食 明既會明😂🌟講下佢食物方面 每一樣野都有驚喜 四喜大拼盤:都係啲開胃小菜 兩熱兩葷 我覺得佢個炸豆腐好食🙈好香脆唔會好鹹 炸粉皮好薄 滷水都好好食 好入味好冧 翡翠玉帶蝦球:基本上即係炒帶子蝦球西蘭花 帶子好冧 蝦球好爽口 又係無得難食 佢好有鑊氣 上面啲三色椒都好食脆皮雞🐣: 雞肉唔鞋 炸得好香脆 嫩滑 上面鋪滿左炸蒜 幾鐘意食呢個海味燉嫩湯:好足料 有海參、冬菇、雞、花膠、響螺、火腿 個湯飲落去好濃郁既清湯 好有味道👍🏻清蒸老虎斑🐟:魚肉好嫩滑 蒸得啱啱好 撈飯一流煎伊麵:配左砂糖同醋 可以加落啲麵到

過去兩星期，兩個八號風球襲港，之後的這個週末，陽光明媚。Honey和我到星光行潮庭吃午飯。因為過了午飯時段，所以等了一會兒，便可以入座。這裏可以看到天星碼頭海景，未吃飯，眼睛已經先吃美景。我們點了六款食物，每款食物都好好味。一定要推介這個：杏汁花膠豬肺湯 $48濃濃的杏汁，好香甜。豬肺和花膠……童叟無欺！好抵！潮式鹵水拼盤 $78鵝片、腩肉、豆腐、紅腸和滷水蛋，好大碟 ，真係超值！豬肉雖然有點肥，但是，豬腩肉好實淨，有豬肉的甘香。潮式雙面黃 $78煎得金黃，上桌後仍然香脆。上脆，下方麵仍潤潤的。而且份量不太多，可以多吃其他的菜式。方魚肉碎蠔仔粥 $58這是細碗，但份量不少。而且材料非常豐富：肉碎和蠔仔好多。湯頭好甜。蠔仔剛剛熟，師傅的技巧真好。另外，還有兩款甜品。潮式炸油角：外皮脆而有糯米香，外脆内軟糯。餡料是芝麻和花生，不太甜，非常香口。水晶包：皮好薄，但有嚼頭。麻蓉餡和豆沙餡都不太甜，很好味。潮庭環境好、服務好、食物好、收費不貴……我一定又會來

HSBC卡有折，叫左個6人餐share拼盤沙律蝦球，超大隻梅羔骨拼花枝卷骨酸酸甜甜，花枝卷即炸，彈牙紅燒仿翅，勁粗😂蒜香雞，expect係燒雞，原來唔係甜品係紅棗糕好味，棗味幾出最後仲有功夫茶，不過我驚夜晚訓唔著就無飲。幾抵食丫。

星期日，爸爸媽媽話想去飲茶，我又想去尖沙咀shopping，咁就不如去位於星光行嘅潮庭啦。一坐低，媽媽就急不及待的，立即點了一個杏汁豬肺湯，因為她一直很回味，杏汁鮮甜，豬肺新鮮爽口，熱騰騰的端上枱，點捨得唔添第二碗呢，媽媽真識嘆！其他點心方面，我們還點了酥炸魷魚絲、水晶鮮蝦餃、爽滑牛肚、鮮蝦腸粉和韮菜蒸餃。呢度的蒸點，用料一向新鮮，上枱熱辣辣的，我對他們十分有信心，炸物亦趣卜卜魷魚爽脆，加上兩碗普洱和水仙，就這樣和爸爸媽媽歎了一個早上！

尖沙咀星光行翠園原來於1971年創立，現在翠園的分店已經遍佈港九新界，翠園的食物丶服務質素有保證，多年來都保持到水準。為慶祝星光行翠園分店開業五十年，推出不同優惠，優惠只限於星光行分店，包括：北京樓丶翠園丶潮庭。星光行翠園推出逢星期一至五，晚市主餐牌可享半價優惠。而北京樓就推出十六款美食可享半價優惠，當中有必食嘅北京填鴨原價＄460 半價只需$230丶北京宮爆大蝦球，原價$250 半價只需$125。潮庭都有十六款美食可享半價優惠，其中有鹵水鵝片，鵝片相當入味，鵝片大塊又大碟，好抵食，原價$168半價只需$84。來潮庭點少得食潮洲家鄉煎蠔烙，原價$136 半價只需$68，大大件，好抵食，又足料。紅炆班頭腩，原價$268 半價後$134，班頭腩比較多骨，食果陣要特別小心，呢個餸都好多油。另外仲叫左半隻炸子雞，雞好滑，皮脆肉嫩。如果坐窗口位可以望到鐘樓景色，半價優惠只係做到2021年7月2號。