潮江春 (上水匯)

营业中

休息中

前菜小食味道辣辣地(味道不錯)有木耳，花生，青瓜粒，菜甫黑松露餃松露味突出，內裡蔬菜新鲜爽口黑松露滿滿的雪山义燒包义燒好瘦(唔肥膩)多汁!蝦餃，粉果蝦餃皮薄，多料(蝦爽口)粉果(料好多)鮮竹卷腐皮吸引了汁(好入味)整體點即蒸(熱熱上枱)正!!!

20161114--一直想到新加坡品嚐當地美食，但又因很多原因遲遲未能成行，得悉潮江春做新加坡美食推廣，相約家人光顧。星期一的關係，不用等位，侍應很快便可安排入座。二人被安排坐了小的圓桌子，尚算舒適。二人點了:黑胡椒蟹--期待吃星洲黑胡椒蟹很久，蟹上桌時本人真的很興奮，傳來陣陣胡椒香，蟹面也佈滿胡椒，賣相吸引，蟹是大肉蟹，蟹新鮮，蟹肉實在，不會水水的，可是味道不但沒有太多胡椒味，而且太咸，咸得有點苦，廚師是否放了雙重鹽? 白白浪費了一隻新鮮肉蟹。臘味炒芥蘭--這道菜炒出來不會太肥膩，臘味份量多，芥蘭淋甜，味道不錯。埋單:忘了價錢，只記得當時用恒生信用咭有85折優惠，折實後價錢也不算便宜，因為特別來吃蟹，味道令人失望，有點不值。自問算是潮江的FANS，真心覺得理境、食物和服務也是有水準的，曾經對家人豪語:潮江春無論甚麼點心也好吃，想不到是次光顧晩餐，真的很失望，希望只是偶爾的失手。事後想著還是加把勁計劃到新加坡吃地地道道的胡椒蟹吧。

難得老闆請食團年飯，當然要黎啲高檔啲既地方食啦。呢間野都多人幫襯，所以都早左黎攞位。座位比普通茶樓闊，台同台之間既通道都闊。蠔仔粥雖然唔算大煲，但好足料。粥唔係稀到無倫果啲，你仲睇到一粒粒米，似足住家煲嘅粥。蠔仔數量多，唔係得少貓34隻hea爆。牛仔粒每一粒都切到差唔多size...但就細粒左啲。味道食落好似和牛feel，軟硬適中。雪山包好在外面個雪山皮唔會一咬就掉哂落黎，裡面叉燒量都ok，唔會散收收。呢個鵝片我覺得超正大大塊入哂味又唔韌。掌翼無食不評論。白菜仔呢個餃咬落去都幾煙韌，蝦肉同菜量適中。金錢肚我嫌佢稍為大件左牛肉腸ok裡面係芋頭呢個唔使點醬都覺得咸左啲。

自從上水中心海港冇左後去飲茶既次數都少了，由於突然想食棗泥糕就上開飯網睇下上水果幾間酒樓啦！發現位於上水匯既潮江春餐牌有即刻用攞位app拎飛先～可能閒日同埋食Lunch時間，好多吉飛勁快輪到我今次係第一次光顧哩間酒樓、環境好舒服好新鮮！感覺比平時既酒樓西式少少雖然土地有限5係太大間，但都冇擺太多臺搞到好迫果種我覺得上菜都幾快同埋水準都幾好韭菜餅咸左少少但都5錯～最期待既千層棗泥糕小妹有個小標準、如果間酒樓有哩樣點心又整得好味既，咁其他點心都一定合格果然拍得住以前海港既水準雪山叉燒包細隻左少少冇傳統咁多汁，但底下好多花生整體來講感覺良好、會再光顧的

一行六人去飲茶，地方寬敞，水滾茶靚點心夠份量，味道岩晒口味，蝦餃堅好味，皮薄餡靚，鳳爪味濃，咸水角均勻有咬口，春卷由頭擺到尾仍然是脆洛洛所有點心即叫即蒸，夠晒熱，值得再來

食物質素不錯，種類亦唔少🖒個人最鍾意叉燒腸粉同鮮蝦腐皮卷，啲料好足座位方面坐滿亦唔算好逼，等位又唔係好耐不過服務方面麻麻地啲侍應普遍都無乜反應😯落單時亦有出錯，我係坐49號枱，成張單變咗做47號枱嘅埋單時更將成張單嘅價錢由下午茶價變咗做午市價，張單差成百蚊😐仲要問個侍應係咪下午茶價嚟架？佢仲話係，差啲就無咗成百蚊😓

入上水探剛剛生完bb 0既朋友仔，去左lee間潮江春，好耐冇去過飲茶食點心，一埋位點左茶後，好快就上茶上前菜，前菜有咸酸菜,花生,青瓜,加左少少麻油, 咸酸菜好開胃!好, 去飲茶一定會叫勁多點心,我就不一一詳說了...反正大家都知咩味...來做個總括吧!以下食物, 你次次都要點...但其實冇咩特別...正常味..冇特別~蝦餃,燒賣,牛肉球,奶王包,鳳爪(好大碟)蘿蔔糕, 炸兩, xo醬蘿蔔糕粿,鮮蝦腐片卷...魷魚蘇仲有香芋流沙包(我以為佢係紫色的, 但原來是...灰色的..因為佢吾係紫薯...)以下食物, mama地...叉燒腸0既叉燒好似肥肉多左少少，魷魚蘇，lee度0既魷魚蘇比較油膩..粉同魷魚本尊是分開的..以下食物要比個likeeee~~但值得一讚的是那個蒜片牛柳粒非常好食!非常林身, 好有牛味...係略嫌份量太少同切得太細粒....前菜好好食, 入面有咸酸菜,花生,青瓜,加左少少麻油, 咸酸菜好開胃!平時d酒樓只會比nuts...另外順帶一提2件事..1) 一般酒樓都係用ceramic做的茶壺,lee度0既茶壺係不锈鋼來的, 導熱性能好好, 所以岩岩倒完熱水就不要掂個壺蓋,

因為今次用左網上攞飛，唔駛迫住喺門口等位 夾啱時間去攞位就得～下午茶時段特價茶壺佈滿水漬，好似冇洗過咁 之前並唔係咁差選擇多：點了四款大點，每款$22每次必點既芝士蜂巢芋角：好多酒樓都冇做芋角了，仲要有流心既芝士，所以特別珍惜 ，超級好味，一定要點！潮江春有一排更新了點心紙，取消了芋角，好失望！就係因為咁都少黎左！再更新點心紙先出返芋角，希望一直都有，唔好再cut左佢了！！！鮮蝦腐皮卷：腐皮夠薄夠香脆，入面大大隻蝦，好鮮味沙律明蝦角：又係必食之選，入面全部都係爽口大蝦仁，好飽滿黑椒金錢肚：今次金錢肚唔夠霖，太辣，好多黑椒，下面墊左健康既南瓜好熱氣既一餐，但好味，滿足！

在眾多美心中菜中，潮江春是我比較喜愛的品牌。從前經常去大埔的分店午膳，特別喜愛那兒的點心。後來轉換了工作，近年再沒去大埔店。今天約了居於上水的友人晚餐慶生，選了位於上水匯的潮江春。上水匯是近年新開的商場，空間比一般的商場小，電梯亦窄得只容一人通過。商場人流較少，雖然餐廳樓面不大，但星期五整段晚市都不滿座。四人共點了四個小菜，三肉一素。四款小菜有兩款 - 沙薑肚尖蒸雞和酒香紅炆肋骨，以木桶盛著，有助保持食物溫度。沙薑肚尖蒸雞蒸雞肉質較諧，豬肚尚算腍身。廚師加進了紅棗去蒸，為咸味的醬汁滲進自然的紅棗甜味和香味。酒香紅炆肋骨肋骨炆得很腍，口感近乎梅菜扣肉的那種腍。肋肉間夾雜著點點的脂肪，讓肉吃起來更香更滑。淮山土魷炆腩肉腩肉炆得很腍很甘香，土魷較硬難以咀嚼，改用鮮魷會好得多。淮山新鮮爽口，但個人不太喜歡它潺潺的口感。上素扒白玉肥厚的冬瓜煮得很腍，完全索滿芡汁的水份。冬瓜環的中央有冬菇、竹笙和蓮子。整體菜式味道不俗。茶位$13 一位，價錢略貴，餐前花生亦要$14 碟。小菜價格不算便宜，但四款小菜的份量卻非常豐富，四人合力都吃不完，需打包回家。這餐除開每位不到$130，非常抵食。

想食潮洲菜，可以去大排檔打冷，又可以上酒樓食我鍾意坐得舒舒服服，所以去潮江春，這裏服務很好，侍應都很有禮貌杏汁豬肺湯：超正湯是白白香香的杏汁，飲得出好夠火喉，豬肺好林，吾會有豬臭味，洗豬肺真係好教功夫，這個湯足四人飲，都係$108，自己真係做吾到呢個味道滷水鵝片，鵝肉好林，好入味少少肥更能帶出鵝的香味鵝肉很多，反而碟底的豆腐吾多，足料其實啲豆腐都很多吃，索晒啲汁嘛咸肉煮紹菜，味濃，菜嫩咸肉切得薄薄的，咸香咸香的，送飯一流三五知己，坐在一起，不用限時，悠悠閒閒，真是一樂也

潮江春是潮式美食出名，當然要食返潮式嘅餸啦當然吾少得滷水鵝片啦！肉林，入味，有水準杏汁豬肺湯，簡直是無得頂白白嘅湯，潤潤嘅杏仁味，夠火喉，飲一啖已經回味無窮走地雞，這個就一般般喇，食得出係雪雞吾值呢個價囉！煎蠔烙，味道吾錯，但煎得太油，有點失望而且蠔 少，粉多咸肉煮紹菜：咸肉香，菜嫰，味濃

我平常很喜歡到上水的潮江春吃晚飯，因為環境真的很棒，地方寬敞而且裝潢偏向西式豪華設計。而且這是一間吃潮州菜的餐廳呢，平時吃潮州菜都是想起打冷舖，能在這麼優雅的地方吃潮州菜，真的是享受～這天我跟男友二人來潮江春吃晚飯，店內客人不算多，店員先奉上功夫茶，男友很愛，但我就覺得很苦。再來是每檯一定會有的開胃前菜，我很喜歡這酸菜，帶點微辣又酸度適中，真的很開胃。而且還有青瓜、木耳及花生。這道是我們每次必點的菜式 － 方魚炒芥蘭，方魚即是大地魚乾，味道很濃郁而且帶有大地魚的鮮咸香味，而且芥蘭處理的很好，沒有苦澀味，很清甜。方魚拌炒爽脆的芥蘭，將咸香味注入每條芥蘭，將鮮甜味更加提升。我最愛的香煎小黃魚(2條起），每次在上海菜館或潮州菜館都一定會點的菜式，因為將小黃魚的外皮炸得香脆，但內裡魚的肉質纖維依然保持細緻嫩滑，魚肉肉汁更是鮮甜，潮江春處理的也不錯，所以也是值得推薦的菜色。吃潮洲菜怎少得了「滷水鵝肉」呢～這個鵝肉跟鵝片是不一樣的，每塊鵝肉都是啖啖肉，而滷得相當入味，而且連墊底的豆腐亦嫩滑入味。他們的鯊魚湯魚蛋河粉亦相當好味，湯底充滿魚的鮮甜味，而且已經煮成奶白色，可見湯底相當濃郁。魚片及白魚蛋亦

由於最多人去既海港執左，禮拜日潮江春要等多過一粒鐘! 酒樓黎講價錢算貴 ($1x@茶介，$1x-前菜)，但勝在坐得舒服，唔需要搭檯，唔需要比阿姐黑面。三人行叫左四樣野食…鮑汁木桶飯 $88次次都係叫呢個飯一黎佢真係好食，二黎冇乜其他好選擇佢並唔係喺白飯上淋鮑汁就算，而係整桶飯都有色，所以食落好夠味。面頭既汁有時太多反而會覺得少咸。沙拉醬生炒骨 $48普普通通健康關係都唔想食咁多沙律醬，如果佢既沙律醬可以分上而唔係喺生炒骨上面就更好。生菜，牛柏葉，土魷 $38普通白灼，鐘意佢一碟過有幾樣野。唔使齋食菜蛋散 中點唔係間間酒樓都有蛋散，有部分原因因為佢所以黎食

最近，好多時也是2個人開飯。到了上水，不知道吃甚麼，想到還未到過上水匯的潮江春。過了中午繁忙時間，沒有食客等位，侍應很快安排入座。酒樓裝潢不錯，坐在禮堂前的位置，射燈火數很大，坐久了，照住很熱。開了烏龍茶，假日$12/人，2個人點了:滑蛋蝦仁炒河--蝦仁爽口彈牙，有甜味，炒河不會很多油，份量不是太多，2個人分到約5碗。蝦餃--皮薄，蝦新鮮爽口。燒賣--豬肉鮮味，熱騰騰，大大粒，好味道。埋單$208,物有所值的，到屋村酒樓，我很少會點蝦類食物，因大多材料不新鮮;到潮江春，美心呢類酒樓，我好多時都會叫蝦類食物，因為每次也會是水準以上的，有信心保證。是次光顧，除了某位侍應生好以睡眠不足、遊魂，要講幾次先聽到和做到，有點扣分外，無論環境、食物、服務，整體感覺不錯。下次有機會平日來試下下午茶。

好多年冇食過潮江春啦~可能因為太耐冇去大埔啦,見到上水又開左,都係要去試下先沙律名蝦角蝦量十足,而且隻隻飽滿,用油亦食得出比較鮮,不錯~雞絲粉卷冇乜特別,要讚既係味精量既低,同埋雞肉既鮮味,少有酒樓有雞絲粉卷仲可以食到雞味的蠔仔肉碎粥, 蠔仔既量多到可以一啖一些都得,而且仲加入左柴魚,脆脆地好易入口,食過後非常爽皮!