潮江春 (銅鑼灣廣場二期)

营业中

休息中

今晚特選去銅鑼灣 潮江春 晚飯, 原因一是交通方便,  二是因為有信用咭優惠, AE 可享 75折, 我們雖然早已訂枱及準時抵達, 也等了十分鐘才安排入座, 客人真不少,  好熱鬧的一間中菜廳.  裝修不算新穎, 因多年無變.由於是美心集團餐廳, 水準合理.  餐牌印製大方得体, 價錢公道.食物選擇多,  樣樣齊.以彩圖介紹, 很清晰.餐具整潔, 水滾茶靚.我們點了:  好百年鹵水鵝片 $118 ~~  鹵水鵝片能保持質量,  肉質稔, 厚薄適中, 味道好, 伴有鹵水豆腐.  每次來必點.杏汁燉豬肺湯 $148 ~~   杏汁湯夠香濃, 入口味道隹,  合水準.豬肺湯料也足.潮州家鄉煎蠔烙 $108- ~~ 蠔仔肉份量適中, 熱得香而不焦, 也不太油膩, 算不錯.酒香紅糟炆肋骨 $108 ~~用木桶仔上檯, 保持熱度, 肋骨炆得稔, 肉質好, 少骨, 調味酸甜帶酒香, 好滋味.家鄉煎釀豆腐煲  ~~ 豆腐夠滑, 釀了滿滿鯪魚肉, 大大型共六塊, 配合魚湯濃甜, 算是健康菜式.每人消費合理, 菜式滿意, 食物份量不細, 會再來.   特別提醒:  餐廳設信用咭的優惠, 各種也不同, 要比

Dim Sum is my favourite cuisine, one of the Dim Sum restaurant I recommend is Chiu Chow Garden, Causeway bay.The deep fried prawn dumpling, almost the best I could find in HK. The fillings of the dumplings are wonderful with diced tiger prawns, while minced prawns are used elsewhere.The chilli oil is full or aroma and pipping hot.The beef meatballs is also yummy but I would highly recommend the prawn dumplings.

來到潮江春，除左食點心之外，潮州菜當然也是必食的。。。。首先是點心。。。點心拼盆 $88 （菜苗餃，黑松露素餃，蝦餃，燒賣）最近d酒樓都紛紛出左尼類既拼盆，適合兩至三人食用，人少少但又想試多幾款點心，叫尼個拼盆就最好不過。點心味道整體不錯。馬拉糕👍🏻口感鬆軟，味道香甜，頗有雞蛋香味。雪山叉燒包👍🏻墨西哥包皮頗酥脆、香口，內裡的叉燒餡料份量剛好，熱辣辣食最岩。帶子腸👍🏻👍🏻👍🏻腸粉嫩滑，內裡的帶子大大粒，好鮮甜。。。。食完點心跟著系潮菜登場。。。鹵水鵝翼配豆腐👍🏻👍🏻👍🏻來潮江春當然要食潮式鹵味啦，鹵水鵝翼非常入味，是一貫的水準，鵝翼下的豆腐吸左鹵水鵝翼的味道，非常好吃。黃花魚,逐條計 👍🏻👍🏻👍🏻黃花魚的外皮炸得脆卜卜，內裡的肉則十分嫩滑鮮甜。糖醋麵 $98 （例牌）👍🏻👍🏻👍🏻👍🏻👍🏻👍🏻煎得脆卜卜的麵，加上糖和醋，超好味！潮江春必食！！煎蠔餅 $58 (午市優惠) 👍🏻👍🏻👍🏻蠔肉很多，很鮮甜，而且是少有的不油膩。

又到週未，通常起到身都會陪阿爺去飲個早茶，因家住銅鑼灣，酒樓大多集中係皇室堡同銅鑼灣二期，所以是日就去左二期呢間潮江春嘆茶我心目中，美心既潮江春可以話係酒樓當中走中上級別路線，所以環境同服務比一般街坊大眾化既酒樓好得多，最重要既其實係四週既茶客都唔會大大聲咁高談闊論，但呢到亦未到五星酒店d中菜館咁誇張，某d酒店中菜廳誇張到好似去左藝術館咁，仲有幾個待應望住你食咁，因本人唔係d名門望族，所以呢度一個清淨舒服又無乜禮儀束縛既環境最適合放鬆泥同屋企人嘆杯茶。食物方面當然冇問題，雖然冇乜驚喜，但其實都食得出d點心係真材實料，係今時今日香港租貴人工貴既時代，食得到有師父級水準既點心已經係難能可貴架啦！最後比個提議大家，去銅鑼灣飲早茶人少少比中午爆曬棚舒服好多架！

喺銅鑼灣同家人影完畢業相近近地去地鐵站附近呢間中菜都幾大 吾駛點等位就有位推介梅菜扣肉 份量好大 有8-10片肉扣肉肉和脂肪比例各佔一半入口脂肪溶化 在口中久久不散 好好味 梅菜調味剛好 吾會太咸 餸飯一流的菜！！

食潮洲嘢、除蠔仔粥外。我就最愛吃潮洲翅、又名牙揀翅喜歡夾有芫茜和黑醋混以一起吃。今晚又心血來潮了吃個翅吧。點講這裏都不是煮得最好。但價錢實惠，一碗三百元也不用、二百七十八個大洋屬抵食。魚旦排骨介菜㷛配以黃豆煮湯味道尚算可以。明火爐煮烏魚咸咸酸酸甜甜的正常味道配料比一般泰式的為少。但烏魚採購得不錯有黃油肥美。經理還送了甜品楊枝甘露及鴛鴦水晶包。包包不是太甜、有紫薯及蓮蓉兩味、都好吃！整件事因為送上甜品而感覺良好、滿足。

中式既餐廳間中都要去下既，今日就去呢間老字號啦，潮江春，細細個就聽過呢個名架喇有返咁上下歷史，品質應該算正常既，否則都企唔到咁多年鵝片一碟，由於已在製之前已調味，在切片後再加上汁，所以已經好夠味，什至咸左少少，係伴飯既咸度杏汁做既湯有著杏計清香，但無杏仁糊既甜，好好飲，好潤水晶飽既皮夠透夠薄，內含厚厚又不太甜而豐富既紅豆，蓮蓉，好味而紅豆沙好香，夠濃，又不會加入太多粉去令其變糊，合格

週五晚與家人於銅鑼灣潮江春享用晚膳，因三樓翠園有飲宴安排，所以散客盡聚二樓潮江春。雖然早已訂枱及準時抵達，但仍要輪候差不多一小時方能入座。亦因人多關係，坐處較迫，服務水準亦難免下降，達不到美心應有的水平。 杏汁燉豬肺湯：湯汁欠了應有的滋潤神韻，杏香很淡，口味偏鹹，唯一可取之處是豬肺量足。潮州家鄉煎蠔烙：邊位脆香，中心略帶煙韌，味道不俗，建議增加蠔仔份量。香芒牛柳絲：賣相與菜牌相片分別頗大，牛柳口感食味合理，香芒條酸味重，並以洋蔥絲最為搶味。梅菜蒸深海鱸魚：海鱸魚肥美肉香，豆腐亦見美味。不過大家最欣賞的竟然不是這兩款美食，而是甜梅菜，伴飯吃一流。金沙炸子雞：肉嫩感視乎部位有明顯分別，雞脾位置明顯較滑溜，雞味中規中矩。啫啫蝦醬通菜煲：熱辣惹味感稍遜預期，因通菜沒煮得透徹，所以仍保一定爽脆口感。整體而言，食品水準合格，但服務因人多關係不及預期，有點可惜。

今日一行三人去飲早茶，入到酒樓侍應已經唔算少，但招左十分鐘手先有人開茶，每個侍應都扮睇唔到。開完茶梗係劃點心啦，有個所謂副經理收左張點心紙，我地11:10落單，等左半個鐘都未有野食，結果到11:45摧單既時候先話冇落單，但係早茶優惠係要12點前埋單。我地追問果位所謂副經理既時候，佢竟然同我地講左句「冇落單咪冇落單囉！」態度極為惡劣，做錯事唔單止唔道歉，仲要搵下屬黎陪罪，唔敢承認錯誤，面對顧客，企圖送碗紫米露了事，身為經理簡直不負責任。我明白忙中有錯等屬閒事，但身為負責人竟然連基本待客既禮貌都唔識，仲要呼喝客人，呢種係待客之道咩？見過鬼真係怕黑，我以後都唔會再去食，廢事食到一肚火。

每次去潮州菜館吃飯，一定喜愛點一窩「蠔仔粥」，今次靚嘗美心集團旗下的潮江春，這間潮江春相信很多人也知道，在港九亦均有多間分店，蠔仔粥是潮州美食之中的最傳統及最知名的菜餚之一，怎可能不品嚐呢？侍應端上「蠔仔粥」的時候，器具是精美的窩，我們滿有期待。打開一看，熱騰騰的蒸氣散出，洋溢著清香的味道。每粒蠔仔飽滿，湯飯加入香芹、冬菇、冬菜及肉碎，提升湯的鮮味，湯味鮮甜及惹味，真係令人一試難忘 。蠔仔能夠帶出粥豐富的海鮮味道和獨特的口感。我們試完之後十分喜歡的呢。「滷水鵝片」鵝肉嫩滑，滷水入味不會過濃，果真有水準。底是一貫的滷水豆腐，豆腐反而夠入味。整體份量鵝肉足夠，每人只分到四片，十分滿足。

環境本來不錯但就是枱放太多有點擠迫。服務生人數不夠，晚飯早段上菜快，但到八點繁忙時間開始人手不夠 出菜慢 。 連晚飯吃完擺滿空碟都沒有人收拾。直至甜品要上了，都沒有打算要收拾枱上空碟。茶水一直無人添。服務認真麻麻。但食物是幾有驚喜的。款式多，最意想不到中菜廳的甜點也有如此多款式，水準亦不錯。

黎過4,5次啦，因為食物幾好，而且唔多人，永遠都有位。 1)杏汁豬肺湯已是第2次飲，$128，超正，超好飲。因為杏汁湯好好味，又唔會太"結"太稀，清清地咁飲，又有大白菜可以食，超正。一煲可有6碗以上。抵飲，因為好少人會在家洗豬肺。。2)鹵水鵝片$108，必食啦。肉質不會硬，剛好，又夠味，仲有鹵水豆腐仲正。次次黎都必食。3) 菠蘿咕嚕肉$88，新鮮菠蘿有些壞味（但之前食好好食的，應該係今次失手)，但肉好食，炸醬不會太厚，咕嚕汁又好味。4)苦瓜排骨煲$88，好多苦瓜，係有些苦，如果唔食得苦既人,應該唔鍾意。排骨煮至腍身，好食。而且成煲野有湯，熱熱地飲幾好飲。5)川椒雞粒飯$88，有驚喜呀，一見到個樣就知好食。好野味。正5)炸子雞$108，今次有些失手，因為唔夠熱，似係放左一段時間。因為上次食都好好食的。6)椒鹽九肚魚$55，not good,炸醬太厚，根本食唔到魚咁。總括有AE card黎食係幾抵食。。今次75折，全單$720左右。

第三次來晚飯，7：30pm並不是好多人，領班按排了個彼寧靜的位置坐下。點了梅子醬梅羔排骨，排骨大大件，入口酸酸地，淡淡肉，完全唔肥，抵食！杏汁豬肺湯，湯汁奶白，入口有好濃郁的杏仁香味，豬肺新鮮爽口，點是油一絕。肉碎纜菜炒四季豆，四季豆份量不小，肉碎淹得很入味，稍咸，四季豆炒得十分好，不太淋。最後加了甜點，反沙竽，入口熱辣辣，竽頭好靚，好粉，不太甜，作為飯後甜品，一流！上菜時間適中，侍者已經上手，由分湯，換碟，上菜，睇得出是有改善的。

這已經是第二次光頋，和家人約8點半坐下，落了幾個order, 鵝片，鵝片彼多汁，雖不是好多片，但食落入味。茶樹菇翡翠苗，正常size,美心集團一向水準，豆苗爽身，入口清清地。蠔餅和潮州鋪吃開的不一樣，薄薄的，蠔仔細細粒，入口新鮮有蠔味，可惜太細碟。春菜排骨煲，不太咸，湯水奶白色，排骨入口咸咸香香，應該淹了一晚，可惜上菜非常慢，呢碟春菜排骨近10點才上來，remind 左4-5次，可能新人多，個個都幫話唔到事，招手D人個個底頭扮睇唔到，9點9想叫個甜品-反沙芋，經理話芋頭買曬，但叫芋頭煲又有，也許反沙芋制作雖時所以廚子唔想整吧！其實我還是抱有期望的，希望餐廳改進改進吧。