潮洲滷 (已結業)

潮洲滷 灣仔石水渠街1-13號其發大廈地下8號舗---滷味店係一件好街坊嘅野，唔係住附近，通常都唔會買返家食。但係呢間位於灣仔嘅滷味小店，就係少有嘅一間滷味店，雖然唔係我屋企附近，但卻令我一再回頭。除咗質素高之外，滿滿嘅人情味，亦係佢地嘅selling point，店內所有員工都是佢地自家人，合拍度高，斬料快手，服務態度亦係值得一讚.滷水鵝$127斤，價錢合理，鵝肉粉嫩濕潤，而且最中意就係佢地嘅鵝肉唔會好肥膩，皮同肉之間只有少許脂肪，屬於比較健康嘅鵝肉，令人食得安心。另外鵝皮表面唔會好油膩，幾乾爽，無論下飯還是佐酒都合適。.除咗滷水鵝之外，家人亦愛滷水鵝翼，叫咗五隻大嘅，斬細之後，容易夾起，沾上少許米醋，一啖鵝翼一啖啤酒🍺，正。

朋友話呢間潮洲滷好好味,臨近新年就去加餸. ^^近灣仔A3出口,好方便.門口掛住色澤好靚滷水鴨&鵝,仲有好多滷水野…我叫左滷水鴨半只,蛋,豆腐,鵝翼,鵝腸.滷水鴨半只, 半只份量好多,鴨肉滷得入味,又唔會鹹,無鴨蘇味,肉質夠厚又嫩滑,滷水汁味道香味回甘,好好食.滷水豆腐,大件夾抵食,內裏好軟嫩,好有豆腐味,滷水味同豆腐味好平衡,滷水蛋唔會硬,都好入味.滷水鵝翼&鵝腸好出色,鵝翼超級大只,皮好有骨膠原,好滑,好入味. 鵝腸一樣好入味,好爽口,真係好好味呀.

灣仔潮州滷 門口小櫥窗乾淨整理經常大排長龍掛住滿滿新鮮鵝肉 喜歡傳統古早味滷水香朋友可以光顧 今晚收爐飯外賣傳統風味 一家人食得津津有味 潮州滷煮出遠遠已經嗅到香味撲鼻精華是濃郁的滷水汁 勁香夠濃的潮州風味另外加左份大滷水豆腐 滷汁夠濃 豆腐似手掌🖐️咁大＄10兩隻 勝價比高滷水雞蛋🥚入味幾彈牙 大大粒滷水豬大腸 勁入味 佐飯送酒都可以😌滷水鹅最馳名 咬落juicy唔會太鹹滷水雞翼飯 $33雞翼好好味 飯盒贈送 飲品檸檬茶

自2017年後，相隔多年終於等到機會再次到潮洲滷買外賣回家品嘗，質素一如既往稱心如意，濃淡適中而且香氣撲鼻，加上近來疫情反反覆覆禁止晚市堂食，就更加會是方便快捷的不二之選。除了各式各樣的滷味之外亦有多款飯盒選擇，不論外賣加餸抑或是一人晚餐同樣方便快捷。滷水鵝頭頸 ($45/大) 皮脂豐腴香濃入味。滷水鵝 ($127/斤) 皮薄而肉質緊緻，雖然較瘦所以略為韌實但肉味愈嚼愈香。滷水鵝腎 ($16/隻) 質感爽彈而滷水鵝肝 ($16/個) 粉實甘香。滷水豬大腸 ($18起) 清潔乾淨入口油香豐腴。滷水雞蛋 ($10/兩隻) 蛋白入味亦不過鹹；滷水豆腐 ($10/件) 外皮厚韌，豆香較弱亦略嫌硬實。

🌈潮洲滷因為疫情所致，晚餐唔係外賣就係煮食，煮到無野好煮，斬料加餸都係一個好選擇。所以久違地買左滷水鵝番屋企🌝好貼心地滷水汁另外分開裝左兩包，我覺得落一包已經夠味又唔會太鹹，推薦滷水鵝件、鵝腸、鵝腎和滷水豆腐鵝件今次買左下莊，鵝件啲肉唔會鞋，亦都吸左滷水汁，淡淡肉又充滿左鹹香，皮下薄薄的一層肥膏提升左鵝肉的口感😋鵝腸都好好食，爽口中又有點粉沙感，令人食唔停口，鵝腸本身已調味和味道剛剛好建議不用再落滷水汁😋鵝腎第一次食到，好大件，食落口好爽脆，推薦一試👍🏻✨呢到嘅滷水鵝物本身都已經有啲滷水味係到可以比鍾意食唔同鹹度的人選擇而再額外補加滷水汁✨滷水豆腐同滷水蛋就建議要加番包滷水汁再食，豆腐本身都夠滑嫰，咬落仲有juicy的滷水汁，送飯一流😋

之前網上見到呢間滷水店好評如潮，咁岩今日搵朋友經開灣仔，就諗住去買d 滷味試下。間鋪都幾易搵，灣仔地鐵站一出過對面馬路再行入條街基本上已經到，位置黎講算方便。唔知係咪因為時間尚早嘅關係，中午12點幾都未見有人買滷味，反而滷味店附近嘅泰國鋪頭仔就好多客。不過間滷味店冇客都好嘅，唔洗等，買完可以即閃我買左一個鵝上庄、鵝肝、鵝腎、豬耳加加埋埋$188，難得黎到梗係買多d 款式食下。個後生師傅可能見未有客排隊，所以都好心主動話幫我上庄起鵝片，咁我梗係話好啦，切得靚食個下都開心d點知買完返到屋企先發現中伏D 鵝肉好瘦好柴，痴晒牙，食落仲一啲滷味都冇，完全唔明點解會有咁多好評同屋企人食左一兩舊都已經唔想再食。之後試佢其他滷味，豬耳都幾爽脆，同埋有d 味，叫比較好食，但偏咸同埋唔知點解食完會好口渴。鵝肝就真係好差滷到好硬好實，同埋有d 雪味，都唔知係咪隔夜，完全冇左鵝肝應有嘅香味。鵝腎都係好一般，d 滷味根本入唔到，呢間野試完一次冇下次

潮州滷味加餸，之前聽朋友仔提過灣仔有間潮洲滷賣潮州滷味的味道吾錯，價錢抵又ok，近期心思思又想食滷味，就去外賣加餸，去到見到不同款既滷味，好多野都想食，要左豬大腸、鵝肝、鵝腎、豬肚、豬鼻肉、滷水蛋全部加埋都係百幾蚊，兩大盒，感覺好抵食。食落味道又真係吾錯喎，滷水香料夠香夠入味，豬大腸 - 大條吾太肥、鵝肝 - 粉粉香香的、鵝腎 - 吾會好硬，軟硬適中、豬肚 - 有口感、豬鼻肉 - 外皮煙靭肉不膩、滷水蛋 - 蛋香滷水香👍。

今日收工諗緊今晚食乜嘢好，行過滷水舖，門口人流很多，都是等買嘢食，不如今晚食滷味， 看見櫥窗的滷味都已賣得7788 ，還有我喜歡食的滷水鵝，我買了外賣回家，有滷水鵝，滷豆腐，鵝翼，滷水豬大腸，滷水豬耳，滷水鵝腸，其實我在櫥窗望見已經流口水滷水鵝及滷水鴨單憑肉眼很難分辨，但吃起來無論是肉質，香氣都截然不同，我當然是食滷水鵝，滷水鵝一食落口，肉質細嫩，味道鮮香，吃起來有淡淡的滷水味，鹹鮮軟銀的鵝皮，細糯香潤的鵝腸，棉密緊實的鵝肉，口感豐盈，越想越覺得濃厚可口。而滷水豬腸，豬耳，雞蛋，豆腐也相當出色滷水鵝翼食落口煙韌，我亦滷得十分入味，外型保持皮不破，內裏則連骨髓都有味，入口爽滑，不硬不露，回甘未久，都是全靠他的滷水汁，好的滷水汁越是陳舊，味道越是香醇和厚，滷出來的食物味道越加滋味

每次去灣仔做嘢都會特登去呢間老字號嘅滷水店買啲外賣返屋企比屋企人食，因為屋企人好鍾意食呢間 潮洲滷 地址位於灣仔石水渠街1-13號其發大廈地下佢呢度地方唔算大，所以就冇堂食，不過做外賣都做到排晒隊，因為除咗價錢公道，味道仲係做得非常出色，食物選擇又多，有滷水鵝，鴨，雞翼，鵝掌，豬大腸，豬手,豬耳，每一樣我都鍾意食而且之前食過每一樣都做得好出色入到舖頭姐姐好有禮貌問我想食咩，我見到好多樣嘢都想食，但係今晚得我同媽咪兩個人食，所以就揀咗媽咪最鍾意食嘅滷水鵝，師傅兩三下手勢就將滷水鵝切到大細適中，都唔使1分鐘就搞掂，勁當然外賣跟埋滷水汁同埋醋，師傅提醒唔好直接淋落啲鵝到，要另外攞個碗仔裝住，因為直接淋落D鵝到，醋會搶晒個滷水味，大家切記。返到屋企一打開就聞到好香嘅滷水味，滷水鵝做到非常之入味，鵝肉好嫩滑肥瘦適中，完全吸收晒啲滷水汁，絕對唔會太咸，因為平時喺街食嗰啲滷水汁係好鹹，佢個汁調校得啱啱好，令到個滷水鵝個味道更加突出，口感又好。阿媽食到舔舔脷一大碟滷水鵝俾我同阿媽兩個人食晒，細佬一定好後悔今日唔返嚟食飯豬耳做到好爽口，鍾意飲啤酒嘅人最啱食，滷水鵝腸口感爽口味道又香又甜每一條都非常新鮮用

這天在工作地點附近買了一些滷水食品，回家煮個白飯，烚個生菜，一家人簡單晚餐便完成。我到達滷水店的時間已經很晚，所以其實店裏不少食品種類都已經沽清，大塊肉的選項基本上只有滷水鵝及雞翼。我最終決定了吃雞翼，並配搭一些豆腐、紅腸及內臟。這家店的整體味道很合適，食材很入味，味道香濃，但不會重鹹。雞翼算是大隻的，肉質嫩滑，而且非常乾淨，沒有雞毛，亦沒有血絲。雞翼的雞皮不Q彈，但很薄且不肥膩。我覺得豆腐清淡了一點。還好店家有附滷水汁，沾一點點 味道會比較合適。不過，我覺得店家是特意調味較清淡的，因為這樣的豆腐豆味比較明顯。內臟方面，我請師傅每款都執一些。我沒有偏好哪款內臟，但整體來說，各款內臟都很乾淨，尤其是大腸。師傅切大腸的時候在中間切了一下，清除了脂肪，所以吃的時候很安心。

呢間有兩間分店。去開灣仔，外賣加餸就諗起佢喇！😉見到有好多附近既街坊都黎幫襯😎有好多唔同款既滷味小店經營，只供外賣。不過選擇都幾多。滷水鵝 $127/斤 外賣黎講，份量好夠。中意食鵝既朋友一定要試下，滷得好夠入味，另外佢仲配有醬油同埋酸醬，建議慢慢「點」黎食。滷水蛋$10/2隻滷水豆腐（大）$10一件呢兩款都幾抵食，送飯一流！☺️另外仲有一啲飯盒餸飯，最平$33就有交易，相當抵食。👏下次會試下！

今日去了灣仔接老公放工，之後返阿媽屋企食飯，經過灣仔街市裏面的滷味外賣店，順便買了些滷味返去加料。滷水鴨$65半隻的滷水鴨，性價比高，一大盒的份量，五個人都吃不完，店員另上滷汁，所以反去叮熱後再淋返熱鴨肉，鴨肉充滿肉汁，而且肉質鬆化不鞋口，鴨皮略有彈性又不油膩。滷水豬手原隻滷豬手起骨，店員會問要唔要骨，我就要了可以慢慢咬下，豬手皮彈肉嫩，骨膠原豐富，點上醋汁更添風味。大腸店員先去掉大腸中間的肥膏再切件，入口有咬口之餘又比較健康。

雜錦飯 $40 仲有包維他檸檬茶抵到飛起！入面最好係大腸 ， 夠厚身、處理得好好冇異味💩 又冇噁心內層鵝片飯 $79好難，唔香、太薄、份量唔多價錢方面係算抵份量又多特別係個什錦飯但個滷水唔香又死咸以質素黎講，未必會再幫襯啦！

潮洲滷 地址: 灣仔石水渠街1-13號其發大廈地下8號舗電話: 37020068=====================一個人行下行下 ，唔知食乜好，索性買返去公司食啦，又唔洗等位迫人見門口都好多人，抱住多人一家唔會差架念頭，買左隻雞髀$13 同兩隻蛋$10 佢會比多包滷水汁架，個雞皮好入味，叮返熱後再淋上汁好好食，後悔買得一隻咁小，男人要兩隻先夠買蛋都好食，沾d滷水汁鹹香味更突出，個滷汁偏重豉油味，如果撈飯都唔錯，呢度飯盒都好平，幾十蚊一盒，只做外賣

店內地方唔大, 只設外賣服務。滷味選擇多, 除咗有招牌滷水鵝及滷水鴨之外, 仲有豬耳、豬大腸、豬頭肉、鵝腎、油雞等等, 仲有經濟嘅滷水飯盒供應, 款款都好吸引呢!今晚外賣咗一隻雞、滷水鵝肝、滷水蛋及紅腸返屋企加餸~ 整體水準唔錯👍🏻油雞睇頭十足, 份量好多! 滷水嘅香味逼晒入雞肉當中, 醃製得夠入味。雞肉肉質好嫩滑, 雞皮軟滑, 蘸點薑蔥蓉食, 更有風味~ 滷水蛋入味, 蛋黃軟綿; 紅腸質地爽滑。滷水我鵝肝質感軟滑香口之餘, 加上滷水汁嘅調配, 真係好好食😋! 呢個可以encore!!另外會附上滷水汁, 滷水醬汁唔會太鹹, 能提升滷水食物嘅味道層次。啲薑蔥蓉用嚟撈飯都好正!