澤田小廚(仔仔小廚) (已結業)

好耐無郁過，一郁就兩個鐘，本來諗住食西餐，但係為咗就啲friend泊車，於是去咗天后。其中一名波友提議去仔仔試下，去到門口，其門如市，心諗都唔會差到邊度去。入到去，睇到啲餐牌同埋人地檯上面嘅食物，已經食指大動。好快我地已經決定咗以下嘅食物：海棠骨油鹽水煮蜆蝦乾馬拉盞通菜凍鮑片玫瑰醉鴿沙薑雞肉炒飯當然，打完波就唔少得要飲啤酒啦！同喜記一樣，係用雪凍咗嘅碗嚟飲嘅。海棠骨炆得好入味，又夠腍，撈飯一流；雖然筆者已經超重，但係都忍唔住食嗰塊又香又滑嘅肥豬肉。當個口仲含住塊肉嘅時候，油鹽水煮蜆又到喇！雖然蜆唔夠肥同甜，但係呢個唔係大廚能夠控制到，而且油鹽水已經幫佢攞番哂啲分番嚟！快，係呢度其中一個賣點。話咁快，通菜、凍鮑片、醉鴿同炒飯已經全部上哂檯。蝦乾通菜都幾惹味，蝦乾大大粒，好有咬口。食得辣嘅人，一路食辣辣地嘅通菜、一路大口大口咁飲啤酒，都幾爽。我諗住凍鮑片得四十幾蚊，應該唔會有乜特別，殊不知入口就有一D鮑魚味，係真唔係呀！醉鴿就爭少少，唔係好入味。至於炒飯，雞太老，應該要最後落鑊炒，而且薑味唔夠，改用薑蓉炒效果應該會更好。價錢真係冇得投訴，一罐一公升Asahi 啤酒只係廿一蚊，連埋D食物總共

路過清風街, 見到有三間食肆, 呢間係最唔吸引(因為隔離兩間都是豪裝的), 但卻有不少人, 所以和朋友就入去試下, 一共叫了4樣野:朋友話正, 所以一行十一人去食. 叫o左十個小菜, 一水蟹粥一荷葉飯. 海棠骨-似上海菜的"東坡肉",汁甜甜酸酸的, 喜歡濃味食物的話, 可以一試!魚腩粥-粥底幾綿, 一碗其實有4飯碗的份量,兩個人就good fit喇!蠔仔煎蛋-唔知係咪師父那晚心情唔好,煎蛋變了炸蛋, 好燶啊... 不過就幾大碟.最後一樣係唔知乜野炒勝瓜, 味道就正常,但無乜特別.

朋友話正, 所以一行十一人去食. 叫o左十個小菜, 一水蟹粥一荷葉飯. 水蟹粥- 冇蟹味, 不過粥底幾綿荷葉飯- 海鮮唔多新鮮炸旦- 炸到過晒火, 皮有燒肉味, 有D杉口酸辣蜆- 蜆細得可憐, 夾親都只係得個穀. 蜆肉細如蟻風沙蜆- 上枱時唔多見有煙, 應該係炒定, 又係唔多見蜆肉, 同埋D風沙(即炸過o既蒜蓉)有陣油益味. XO醬蜆肉油麥菜- 都幾好, 哩個反而多蜆肉(但都好細隻), 懷疑炒蜆o既蜆肉分拆一部份成哩個食送^_^玫瑰露醉鴿- 我冇食, 但D朋友話好食豆腐- 豆腐幾滑黃金蝦- 炒得乾身, 但蝦肉不夠爽海棠骨- 肉炆得好"林", 汁甜甜酸酸, 有D似京都骨D醬汁. 都幾好味芝士焗田鷄 - 唔食田鷄, 但fd話幾好. 沙拉骨- 漏單都幾人食, 但食完又唔覺有咩特別, 不過叫o左咁多o野都係消費八十蚊仲想點丫!

之前睇呢度食評,好多野想食,點知去到睇完餐牌,兩個人只係叫左:－１）醉乳鴿　　上菜個碟入面好多汁，伴以幾塊乾玟瑰花，唔講得話　　好好食，中規中矩，個人比較喜歡”阿鴻小吃”既醉　　乳鴿２）炸雞翼尖　　好香口，ｄ雞翼尖都幾大隻架，用黎送酒應該唔錯　３）黃金雞軟骨　　極力推介，咸咸香香，幾脆口，佢既做法似黃金蝦　　不過再響外面包左層脆槳，脆槳做得好俐落，唔會　　淋"bet bet",一"pat"野咁是日晚飯唯一敗筆係以上２）＆３）都好熱氣，唔應該一齊叫呢度地方都幾細，好快滿座，若果有心黎食最好早ｄBy the way,發覺呢度附近都幾多野食，連近期頻頻見報既”別的鍋”都響隔離

好欣賞佢個炒飯,好乾身,粒粒分明,食完個碟底都無油,正呀! 其他小菜亦唔錯,價錢仲超抵呢!

Will go againJust think that the 魚香辣雞…說勁辣不辣味菜四寶not good…too little soup…not hot enough…But I think the “Tin Chicken”is very good.Fried 蜆also goodCongee also good

圓圓的膠碟加膠筷子, 用雪凍了的白粥碗飲啤酒, 是的, 我終於找到了妳.去年, 發現北角“東寶”的水準每況愈下, 多番打聽之後, 發現原來某大廚離開了及自立門戶, 就是天后“仔仔小廚”. 浚今年已在此吃了很多次, 總結如下: 黃金蝦- 這是浚的最愛! 以前“東寶”做的很乾身, 黃金般的咸蛋黃牢牢地包著蝦的外殼, 香味和咸味適中, 就如你那強壯的臂膀把小女友緊緊地抱好, 讓她享受著一份恰可的安全感. 去年, “東寶”所做的, 已變成如切開美心雙黃月餅後, 咸蛋黃油漏遍一碟. 在“仔仔小廚”, 終於尋回這份失落了的口味和感覺. 蝦的質素不穩定, 時而新鮮, 時而普通, 因為是海鮮, 了解的.仔仔炸蛋- 墨魚膠包著皮蛋來炸, 墨魚膠吃不到墨魚味, 皮蛋質數亦不好, 皮蛋心並非糖心, 吃時如聽到深圳二奶村某二奶含悢地拋出那句“郎心如鐵”的感覺. 避風塘田雞- 比較少人自已在家做田雞的菜, 還是交給菜館代勞吧. 走油後的田雞肉, 配上大量香蒜, 外脆內滑.南乳炸豬手- 時而剛好, 時而太乾, 炸過頭, 如小女友的心情般不太穩定.玫瑰露醉鴿- 上桌時已飄蕩著的酒香, 蓋盡在座眾猛男的麻甩味,

呢度係我去銅鑼灣時一定要去食晚飯的地方!!我同男友都是睇雜誌得知有呢間小菜館!!我地差不多一個月會去一次,貪佢煮的野食鑊氣夠,又惹味!!!我地就次次必叫水蟹粥,是叫一桶,哈哈!!我地兩個人都食得哂,可想而知幾咁好味!!!仲有椒鹽田雞....嘩...好味無比!!!玫瑰露醉蝦是一項好特別的菜色,包你一試難忘!!!!好好味!!xo豉油皇炒面,用來送粥好好好正!!之前我食過她的海棠骨,中規中秬啦!!次次去都會試一些新菜色!!!平均兩個人食就$200有找....好抵食!!!

3月25日，19:00下午在花墟尋寶期間，外母急call：客廳燈唔著！便馬坐MTR離去，又不能到金源食粥。結果在這裡吃了魚腩粥。粥底：味精極少，但有點怪，開始幾口感覺是用碎米(磨粉)，再來多幾口，便吃到純綿的米花。魚腩：夠香、鮮、滑，但下油手重了一點。蔥花和薄脆用小碟上，夠細心，若有脆花生更好。

此店伙計皆是毫爽好酒之人, 大家開心的話多多有得你飲用碗好處乃少泡, 但又少泡, 碗口又比杯大, 飲下飲下唔覺唔覺就好多野食方面, 尚算中上. 可能由於酒是主力, 是以其最出色的是炸槳..... 落到黎都係劈酒好過食野呵呵

星期四係辣椒女的舊曆生日,她說想到這裡試試,所以便來了.我們叫了魚香蒸原隻茄子- 都算OK, 但茄子就唔多入味.椒鹽田雞- 幾好味,脆脆的,送酒幾好.仔仔炸蛋- 好唔得,墨魚皮死實實,內的皮蛋又唔香皮蛋味.(可以不吃)蝦醬唐生菜- 一般啦,不是太特別.這裡最特別的是用凍的碗來飲酒,好像好豪的感覺,幾好玩,唔錯.

赤口日，年年的節目都係打牌，今年也不例外。打左成日，十幾個東，收場已是夜晚點幾鐘，三位雀腳都見肚餓，就在附近睇仲有咩野好食。另兩位人兄縑餃子皇環境太差，好在這裡未收檔，就入來幫襯。我發辦，要了沙茶醬雞軟骨、海棠骨、椒鹽白飯魚、仔仔炸蛋、煎蠔餅同大肚婆炒飯一碟。因為人多，都要等左一陣至有得食。沙茶醬雞軟骨用煲上，內有粉絲，濕濕的好送飯，大家見個勢，炒飯有排未到，拿拿林叫兩個白飯頂住先，都唔錯；海棠骨酸酸甜甜的，大部份朋友都唔會抗拒。一大舊肉用刀叉去分，煮得軟腍入味，又係好適合送飯，所以兩碗白飯一下子就吃完了，有水準；椒鹽白飯魚幾大條，炸得脆又香口，又係拿拿林叫兩枝啤酒來啤啤佢，都食得過；仔仔炸蛋是墨魚膠包著皮蛋來炸，加埋煎蠔餅熱辣辣又好味，又係吃得過。面對三味香口的送酒菜，兩枝啤酒一下子又飲完了；今晚的大肚婆炒飯炒得乾身，除了基本的炒飯配料如叉燒、蝦外，薑味都好濃郁，亦可以維持一貫水準。一輪風卷殘雲，食埋炒飯，真的夠皮了。埋單三百八十幾，食物都有水準，不會因為新年關係而有所下降，行過呢頭的話是值得一試。原來呢度初一至初五照開，初六至初九至收市，咁有腦如勤力，抵佢地咁夜都咁多人。

尋晚一班識左廿年有多的朋友又聚會，原本去開東寶，但當中有人話呢度同東寶幾相似，想來試試。吃新的食肆是我最喜歡做的是，當是卻之不恭。呢度位處清風街，舖子不大顯眼，但八點鐘來到，人也一點不少，都坐滿了八成客。地方是街坊小菜館的樣子，幾光猛又乾淨。望個餐牌又真係同東寶有七成相似，不過呢度種類好似少一點。價錢比東寶便宜兩成左右，多數都係五十蚊樓下，但碟頭亦細少少。先來三款小吃，分別是炸豬手、炸雞軟骨及炸蛋。炸豬手其實是豬腳，﹝唔知今時今日還有無食家識分豬手定豬腳呢？﹞炸得過了點點火位，香脆有餘，但無咩肉食，也算是不錯的下酒小菜。炸雞軟骨是以脆醬包著炸，脆醬真的炸得很鬆脆，廚房是有點功夫的，雖然我還是比較喜歡醬燒或鹽燒，但也不得不承認是一個做得不錯的小吃。炸蛋是炸墨魚膠藏原隻皮蛋，幾特別，亦做得不錯，但個人而言麻麻地喜歡。可惜麻辣仙掌及炸榴槤皮沒得供應，看名字也是值得一試的菜色；再來四款小菜，水準就較有好有唔好。海棠骨是一舊四四方方的半肥廋豬肉，浸在甜醬汁中，炆得幾入味，用刀叉去分開來吃，肥及半肥廋的部份味道一流，廋肉就韌了些少，整體來說是很不錯，必叫的菜色之一，單叫呢味及幾碗白飯已經夠吃飽兩個