瀰月屋 (已結業)

第二㳄到訪瀰月屋，還是很喜歡它！其中一個原因是它的裝修，每件擺設也很有特色，還充滿著懷舊的感覺！連普通的木長椅，也貼了很多日式貼子，很喜歡呢！至於食物，不但又精緻又吸引，味道方面也很好！最愛是它的燒丸子和葛軟糍！燒丸子外層甜甜的脆脆的，內𥚃軟軟的，然後點上黑芝麻醬和炒香了的芝麻來吃，味道不太甜，很美味呢！黑糖葛軟糍是另一最愛，雖然不太清楚它是用甚麼做，不過口感很特別，既軟身又彈口，點綠茶糖粉來吃，也不太甜！此外，小店也不會因人太多而趕著執枱，是吃飯後傾計的好地方！會繼續支持！

每次來尖沙咀必定想來此店食甜品同HEA下.行完街仲有一段時間先食晚飯,2個人就決定來此店坐下休息下.上次見OR好多人都介紹此店既飲品非常好飲, 今次就試左個白桃特飲另外再叫左個燒丸子來食.這個白桃特飲充滿桃既新鮮果味道完全唔似人工色素既味道; 而且仲有類似JELLY在內增加口感,非常清甜.再來既燒丸子係我最愛, 本來見到個樣都怕會太甜, 不過此店提供既甜品既甜度都好適中好岩我口味.燒個既丸子煙煙韌韌面層有少少燒焦既香味再配上少少紅豆及黑白芝麻更令到個燒丸子香口甜美.

做食店真係要做得用心先會吸引食客再次幫襯, 除左服務好外食物都要隨著季節轉變不時不食真係無講錯.此店不知不覺間已經轉左餐牌, 其實同夏季既餐牌食物大致相同, 但有D食物口味就已經變左.每次來此店點甜品食都要花上一段時間, 單單睇名都完全唔知道係咩來, 不過今次好好餐牌後面已附加多款招牌甜品圖片加上店員講解好快我地都點左自己喜愛既甜品今次我地點左秋之限定既葛軟米糍蜜桃口味及搽茶翠粉草莓方2款甜品我自己最愛就係個葛軟米糍,還配上黃豆粉. 我自己覺得唔沾黃豆粉既葛軟米糍食時更顯出蜜桃既清香味道, 而加左黃豆粉既味道就覺得令葛軟米糍減輕甜度, 煙煙韌韌.另一款搽茶翠粉草莓方, 單單個PRESENTATION十足一幅畫, 味道更加令我意外, 外層用上濃郁既綠茶粉包住充滿草莓味道既MOUSSE又滑又香, 簡直似食一粒新鮮草莓一樣.此店其實早來時都好多位置, 傾下計食下美食一樂也

在香港人喜愛吃甜品, 也越來越講究, 令各式各樣的甜品店越開越多. 中式的, 西式的, 甚至是新派的, 總之走到街上/商場內總有一家在左近.不過蛋糕, 紅豆沙, 涼粉等, 吃了那麼多年, 來來去去都是那些, 總覺得沒什麼新意.終於在早2年前, 北角開了一家專吃日式和菓子的甜品屋, 無論裝潢食物都非常有日式懷舊風味.當時一下子女生們都一窩蜂的擁去拍照試新野, 不過對我來說一來地方較遠, 二來不想迫, 所以一直遲遲未去.直到今年初尖沙咀終於開了分店, 這樣當然就要去查探一下了.店子下午2時半才開, 我跟友人先在隔壁吃新開的倉吉拉面 (詳見我另一篇食評)吃完逛了一會時間剛剛好.入內看看, 地方比想像中要大, 裝潢果然充滿4,50年代大和風格, 音樂也是不斷的播放著懷舊日語歌, 真的令人有種通過了時光隧道置身在日本街頭的感覺.門外旁有一列TATAMI座位, 不過友人不想脫鞋子, 所以還是坐回店內的正常椅子算了.看看餐牌, 有傳統日式菓子, 也有西式一點的甜點, 價格大約在二十多到四十多元不等.先小試幾款季節の茶巾 (HKD$38)長長的小盤子擺放著4顆和菓子, 很有格調. 和菓子是用紫芋蕃薯來

是晚跟同事在海鮮站暢聚過後, 仍好像意猶未盡, 加上甜胃仍是空空的, 總不能就這樣回去。 提起甜品好像特別起勁, 腦裡馬上湧現出幾個名字, 同事笑說甜是我的強項, 任由我自己發揮好了。 要在尖沙咀區吃甜不難, 但想找家坐得舒適, 又富特色, 最重要是不趕客, 種種的前提下, 活方的瀰月屋看來是不二之選。 純以日式和果子作主打的甜品屋實不常見, 記得天后總店新上場時, 已急不受待去朝聖, 對那濃重的和式情懷又帶點復古的風情, 印象很深刻。 感覺就像回去昭和時代一樣, 不只在電視畫面看到, 有機會親身感受到, 好像有點不可思議。 分店也是貫徹同一主題, 牆上掛著一幅幅舊時的海報、照片, 充滿舊味和溫情, 但因身處商場之內, 未免開揚一點, 不然會更像身處和室之中。 喜歡的話, 可一嚐坐他他米上的滋味, 在場所見這些位子也是相當的受歡迎, 有心要坐真要預早一點。同事本身不如我愛甜, 但這天甜力指數好像急升了, 或許是剛才的吃不飽, 所以嚷著要多點幾款, 比我還要瘋狂呢! 甜點餐紙只簡單的一頁, 純用文字簡介, 簡單以綠葉為背景, 再看甜品的名字, 是何等的優雅富詩意, 不禁暗自猜想成品會是怎

經朋友介紹這個好地方後真的一試愛上!店內的設計是舊式日本小店的風格, 有六七十年代的日本女模特兒海報、大阪地標的跑步男、生鏽的郵箱、塔塔米，加上一走進去就傳來奶油的香氣，林林總總加起來就已經令食客充滿期待！花見丸子紅、白、綠三色的烤丸子，配以芝麻和紅豆蓉，簡直就跟忍者亂太郎裡的丸子一模一樣！可能是烤的關係，吃到最後碟子上會有一點點油，但是慢慢吃的話就不會覺得很膩，還有它煙煙韌韌的口感，這個丸子是必食之選~蘋果草餅剛是賣相就已經令人垂涎三尺，餡料除了有粒粒蘋果外，還可以吃出草莓的味道~

我同朋友一年前因為每個禮拜都會去銅鑼灣，就成日去天后店幫襯。當時去天后店，每位員工都非常有禮貌，對每一種產品都好清楚，會講晒所有食品係點樣製成，食落會有咩感覺，感覺非常有heart，令我地想一去再去。當時既瀰月屋唔係得包裝，得d野好食，而係令人有想再回頭光顧既衝動。但開左個間尖沙咀店，同我一路有去開天后店既朋友都覺得服務質素同天后店真係差天共地。但琴日我同朋友去尖沙咀分店，真係非常失望！我朋友前一個星期帶過其他朋友去，d朋友因為貴公司職員惡劣既態度，話以後唔會再幫襯，我朋友以為係當日咁o岩得咁橋，但今日既服務態度依舊惡劣，令人無左想再光顧既衝動。首先，我地去到想坐榻榻米，有一張台我地唔知唔坐得，短頭髮員工立刻帶呼喝語氣話："呢張台唔坐得喎！” 似乎我地似員工多過佢。第二，我地想叫野食，問長髮無戴眼鏡員工，佢貌似唔想過黎，懶懶閒咁，一走埋黎就話："食咩呀？" 然後我地問佢邊樣食品係d咩，只有一句非常簡短既答覆，極無heart，似乎連生意都完全唔想做，就連佢插張單個動作都格外無禮。得戴眼鏡長頭髮個女仔服務態度叫好少少。我地叫左一個花見丸子(係天后店次次食都會叫燒丸子，真係好好食)，但今次食

果日響尖沙咀行到好熱好支力，便到活方瀰月屋坐坐每次都會點蘋果批同葛軟滋，但係好飽，所以同朋友點了彩虹杯同杯特濃抹茶咖啡就算。我望入廚房，杯咖啡落日本3.6牛奶的，好香好濃好滑，又有抹茶香味，好正。好多本雜誌都推介呢個，好透心涼。這個是夏天meun，聽說這裡每季都轉meun，門口亦貼了張「不時不食」的poster。週圍的裝橫都十分日式啊！抖左陣就繼續行街了，呵呵。

來到這餐廳，第一個感想是：「喜歡拍照然後即時手機上傳的，一定要來。」 對，這可愛滿分的懷舊日式裝潢，定教一眾女生們尖叫拍照加filter再upload to facebook (我承認我有做足以上步驟，還check-in了 lol)。塌塌米坐得再不舒服，那日本風味還是會引誘你坐下，兩腿反複輾轉地吃完那甜點。 天后有點不方便，取易捨難來了尖沙咀這店。由於來前已吃了個晚餐，就點兩件甜品淺嚐一下吧。 林檎福餅外皮有點厚，咬下去是蘋果味啫喱質感的夾心，那蘋果味有點過於人工，不太討好。賣相可愛，但整體來說口感跟味道都不太協調，試一個就夠了。 在燒過的丸子上面鋪了層薄薄的冰糖，入口可吃到那烤香的糯米味，三色中較喜歡綠茶味，茶味較濃而且跟紅豆醬最搭。丸子本身不算太甜，但相當飽滯。 其實要不是對住那充滿港式風味的蘭芳園，這日本風情畫應該可以再淋漓盡至一點。可能是我本身對和風甜點沒特別興趣，總覺得這兒的收費有一半是入場費，給你看裝飾，至於那甜品本身，感覺不太值這個價。

早早已經在各大媒體見過瀰月屋的精緻的甜點以及賣力的裝修，所以到尖沙咀活方的分店一試。尖沙咀的店坐位很多，但因為有部份坐位對著蘭芳園，只要想到你吃和菓子的時候有很多正在喝奶茶食撈丁的人看著你，感覺定是怪怪的。但不論如何，這裡的裝修都是令人覺得很有日本小店的氣息，只要坐入一點就不會見到在吃撈丁的人了。我們兩人點了林檎福餅和瀰月三色，相信許多食客也像我一樣，其實不太清楚自己點了甚麼，不過正正因為這樣更添驚喜。「林檎」即日文的リンゴ，是蘋果的意思。這個林檎福餅就是做成兩個小蘋果的形狀，用一小節百力滋和一片香葉令整個蘋果的造型更神似。煙靭的和果子令我的味覺和視覺都得到滿足。而瀰月三色其實是一個三種菓子的套餐，包括了葛軟糍、茶巾和湯菓子。不過葛軟糍因為賣完了，所以換成月錦果撰。沒了招牌的葛軟糍當然失望，但更失望的是換來的月錦果撰，根本就和超級市場的啫喱沒有分別。（好了好了，據網上的資料，月錦果撰是由海藻提煉物混合鮮果肉和果汁造成，是我不懂欣賞吧！）茶巾就是由普通蕃薯以及紫蕃薯混合而成，用蕃薯自然甜味創作出來的菓子。雖然我不喜歡吃蕃薯，不過還是覺得這個做法頗新鮮，愛蕃薯的人更加不要錯過。最後的芝麻湯

同fd去食飯,之後又食飯後甜品,不停奴食呀~去左活方的瀰月屋,天后果間我試過,果時feel環境得食物一般,即係食景,今次決戰tst分店,睇下會唔會改觀先。活方喱間分店設計比較開揚,環境又大d,當然唔少得榻榻米,我地揀左榻榻米坐,好日本feel,另一個位置就係木枱椅任均選擇。今次個fd推介兩個甜品,而因為喱兩款甜品即令我改觀了。黑糖葛軟糍,同果凍差唔多,不過口感上比果凍更有彈性,食落凍凍地,滑o都o都,少少黑糖味,配上抹茶粉食味道苦苦地甘甘地,真係甘苦與共,個層次感唔錯,為夏天消暑之佳品。焗蘋果批,焗蘋果批,賣相令我睇前一亮,用原隻蘋果整成,外層係酥皮,內裡係淋淋地蘋果肉,食落熱熱地,外酥脆內軟淋,香蘋果味,幾好食。今次食左兩個唔錯既甜品,覺得原來間店的日式甜品都幾正,有好野,下次可以試埋其他了~!

一行七人係重慶食完野就落黎食甜品其實我地成班都係北角返學, 天后個間分店我地都已經食唔小,黎尖沙咀分店純粹想睇下有冇唔同。入到黎, 裝修一樣, 餐牌都係一樣因為冇咩唔同既情況之下, 所以都叫得唔多 (因為都成日食.....)葛軟滋係必點的原味同黑糖都好食, 個人比較中意黑糖, 有些少唔同既味道燒丸子又係另一樣必點最好都係個紅豆蓉, 真係好好食 但必須一提, 可能因為開始夜(成十點幾十一點) , 雖然唔洗等位, 但員工數目都好似好唔夠, 建議請多兩個兼職幫下手啦。

與朋友在附近待了一個中午，由書店走出來剛好下午茶時間，朋友提議到這裏吃個和式甜點。其實這店也放了在試食名單中不少時間也未能成行，於是抱著充滿期待的心態走進尖沙咀這個從未踏足的商場。分店據說比起天后的總店寬敝得多，而且比預期中少人，坐位同樣分為TATAMI和普通TABLE，一場來到當然選擇了TATAMI。飲品我選了特濃牛奶抹茶，第一口喝起來已喝到相當濃旭的抹茶味也有香濃的牛奶味，真正抹茶與牛奶味道並存的抹茶牛奶，相當滿意。朋友想試的抹茶草莓方，一客八件，外層是帶點苦味的抹茶粉內裏是質感似棉花糖質感的糖，充滿和風感覺。店員和朋友都推薦的蘋果批，把原個蘋果用酥皮包著再放進壚焗，先是賣相已經相當新穎及吸引。味道由於是原個蘋果的關係，焗後仍然保持到蘋果本身的味道及果肉的質感及，不像一般蘋果批般只有甜味的感覺。環境坐得舒適配上美食，與同樣喜歡日本旅行的朋友談著談著，不經不覺就過了兩個多小時，絕對是一個喫茶好地方，有機會會再來。

呢晚去到唔係好多人，見到裡面枱都有好幾枱客，不過我最想係坐係榻榻米到，好野有吉位可坐！！拎起手上的Menu，與我係瀰月屋初期開張時的好似差唔多，不過呢間時不時會有Ｄ「期間限定」的甜品名貼係牆上，想試新野一定要留意啦，不過今次我來嘅目的唔係「期間限定」，而係＜原個焗蘋果批＞ ，另外又掛住宇治金時刨冰，所以就揀咗＜赤豆抹茶豆腐＞ 。當我點餐時，店員表明＜原個焗蘋果批＞ 要等25分鐘，因為係即叫即製的，問我有冇問題？OK，照上丫唔該！先來＜赤豆抹茶豆腐＞ $33只係等咗約６分鐘便上枱，分量唔大，個碗更似我係吉吉島$１２店買果Ｄ添，不過用上小木匙都幾靚。頂層有紅豆粒粒蓉加紅豆蓉鋪係抹茶豆腐上面，綠色的抹茶豆腐好結實且微冷，開頭怕似豆腐花軟淋淋添，原來係有少少實的的嘅質感，唔錯，只是有感抹茶味唔夠重。而紅豆蓉只是淡淡的甜，當然如果再多少少紅豆就更夾囉。＜原個焗蘋果批＞ $48呢個真係幾乎每枱客人都會點嘅，至少我坐低後見到佢係廚房出來都有４~５個喇。其實只睇相嘅話真係覺得好貴，邊值呀？但當我知道係即叫即造，來到時真係熱辣辣，蘋果起核後原個蘋果放入酥皮裡面焗，酥皮十分之鬆脆，出爐後切開四份上枱，真係

大失所望!!!!!!!!!!!!!!!!!瀰月屋 Mitsukiya 第一次來到這間位於尖沙咀woodhouse的日式和菓子店裝演帶有五、六十年代古早日式小料理店感覺牆上貼滿海報、撥輪式電話等等古日本店甚重的裝飾還有一行榻榻米的和室區。感覺超復古日本。 服務態度一般。良久才有人招待我們。幸好服務員有解釋一下口味。點了兩個單人甜品定食分別是瀰月三色與及白月三色 瀰月應該是指三月吧...?心想三月到底會是甚麼顏色...?順便也到處亂逛一下 雖然地方闊大 但總覺得失去了那種家庭式和室的溫暖就是那種一大堆人坐在榻榻米上談話的溫馨氣氛後來知道天后有一間總店 是這種形式的 一要會去拜訪一下 瀰月三色包括三種甜點湯果子、葛軟糍、茶巾(MENU上寫的)湯果子有多種口味選擇因為只剩下芝麻口味 唯有試試吧看了看碟 心想茶巾應該是較為和式的菓子....為什麼會變了JELLY.....還要是提子口味的...(後來發現應該是他們賣剩的果凍系列甜品)算了....不計教 幸好味道還算不錯芝麻口味的甜湯 配著杏仁露吃 感覺是芝麻湯吧就是不怎麼稠結的芝麻胡 味道還可葛軟糍 感覺好不新鮮 不是自家制 味道居然是最好..