火鍋頭

营业中

休息中

📍火鍋頭單點火鍋要搵到一間高質素嘅一啲都唔容易，身為火鍋狂人嘅我，今次就喺九龍城搵到一間推薦俾大家🤓今次湯底我哋揀咗香甜椰子雞湯（$188），入面仲會配埋半隻三黃雞，雞肉幾嫩幾新鮮，一啲都唔失禮～湯底好鮮甜，有種媽媽屋企煲椰子雞湯嘅感覺🥰配料方面我哋叫咗手切牛肉特盛（$438），招牌手打黑松露墨魚滑（$88），娃娃菜（$38），豆腐造的紙（$32）同埋招牌鮮炸金響鈴（$58）。今次主要想講吓牛肉特盛，入面有安格斯牛小排，雪花牛立方，牛胸爽，手切本地牛肉同埋手切本地牛舌。其實份量都幾多，我覺得都夠三個人食，店員會介紹食牛嘅次序，確保由淡味食到濃味～另外豆腐紙好過癮，其實都幾推介大家試吓，就咁放落湯底幾秒拎起食，估唔到咁鮮甜！第一次試呢一種配料，好驚喜！另外佢嘅響鈴都係超級好食，因為新鮮熱辣🤪加埋每位$18醬油費同加一，兩個人大概$1000鬆啲埋單，高質火鍋黎講我覺得非常可以🫶🏻

天氣涼涼地 又係時候打邊爐火鍋頭走中高檔路線 係唔平嘅 但質素咁多年都keep得到次次嚟都會點杏汁豬肺湯 今次+28雙拼蕃茄薯仔牛柳粒鍋洗豬肺真係好多功夫好麻煩 所以唔係間間都有呢度洗得夠乾淨 飲碗奶白色靚湯再打邊爐先極上手切牛肉盛日本飛驒牛 安格斯牛 本地手切牛 牛肉粒 牛胸爽款款都咁高質素 本地牛最濃味飛驒牛同安格斯牛小排就好靚油花牛胸爽淥完爽脆甘香 好好食呀手打粒粒墨魚丸平時食嘅墨魚丸都會將墨魚粒切到好細碎呢度係大大粒墨魚肉 特別鮮甜彈牙 勁正野生竹笙用嚟吸蕃茄湯一流炸魚片頭啱啱炸起好好食 外皮香脆夠晒彈牙

同nana去開九龍城交收佢忽然話想打邊爐..醒起早排睇到有人介紹尼間打邊爐就同佢試下..湯底叫左 香甜椰子雞湯【配：三黄雞半隻】配埋半隻雞都唔洗$200..尼個湯底抵食🤣雞係另外生上既..到左放埋落湯底一齊煮就唔會overcooked 👍🏻雞肉同椰子湯底真係好夾..雞肉好嫩滑..好鮮甜..另外 叫左個 火鍋頭 極上手切牛肉盛尼個雪花牛立方真係不得了…食完直程想散叫多份..不過因為已經太飽食唔落..就無再叫🤣

📍火鍋頭 (九龍城)最近天氣突然間凍咗，最啱就係去烚下烚下🔥🍲。呢間火鍋店樓底好高，我哋早訂枱而且早入座，坐卡位夠寬敞。✨游水西澳龍蝦$358即叫即劏嘅龍蝦上到枱仲識郁🫣。淥兩、三分鐘就食得，彈牙又鮮甜。兩個人食一隻啱啱好，超級滿足😋。✨芫茜皮蛋豆腐湯 $78兩個人打邊爐好適合叫呢啲比較簡單嘅湯底，唔怕食湯料食到飽😆。芫茜嘅味道唔算重，湯底清淡但係配咩火鍋料都夾。而且食完仲唔會覺得口渴。✨飛魚籽蝦滑 $88一半係蝦肉，一半係蝦膠。啖啖都係蝦肉甜味，口感彈牙。✨墨魚油炸鬼$58切到細細條先落去炸，同平時食開嘅有啲唔同。鬆脆嘅油炸鬼包住彈牙嘅墨魚膠。浸一浸湯更好味。✨椒鹽鮮魷$58魷魚爽滑鮮味，只係炸粉厚咗少少。✨油麥菜$38 ✨萵筍$42

呢幾日凍左好多，終於有秋天嘅感覺，約左fd去打邊爐，揀左九龍城一間環境舒適，價錢合理嘅火鍋店。估唔到佢嘅服務都幾好，一路食，侍應會細心幫我地個湯秘左啲泡，食完海鮮又會即刻比濕紙巾我地，非常加分！我地叫左好多野食，其中值得N call嘅有呢幾樣！龍蝦鮮蜆番茄煲 $398切開左嘅龍蝦新鮮到仲旭咗成5分鐘😳 蝦肉新鮮彈牙同埋好大嚿，食落啖啖肉，好鬼正。講埋個湯底，有好多蕃茄/菇/洋蔥/粟米， 夾埋龍蝦嘅鮮味，嗰湯真係好鮮甜。白鱔片$98鱔片食落好香魚油味，同個湯好夾，好好味！！墨魚油炸鬼 $58炸到香脆嘅油炸鬼裏面夾住咗啲墨魚滑，即食又得，放湯食都得，得左。西班牙黑毛豬 $78油脂分佈平均，同預期中一樣，係高質嘅芝心蝦丸＋韮菜餃 （雙拼$98）韮菜餃皮薄足料好食！ 蝦丸彈牙，估唔到同芝心都幾夾皇帝菜份量比想像中大，1份夠2個人食

九龍城係打邊爐勝地，呢2年主要都黎呢間火鍋頭食，鍾意佢價錢合理，選擇多，坐得舒服，唔限時👍🏼醬料費只係$18/人，一定要點佢個沙嗲醬🤤超好食 。.湯底係其中一樣性價比高既，「鹹酸菜胡椒豬肚鍋 」只係$118，好香胡椒味同大量豬肚。湯底加左胡椒好補同好熱辣辣。.🍴手切新鮮本地牛肉 (大) $338打邊爐又點少得牛肉，新鮮本地牛肉質夠腍身及夠Juicy，呢個價錢好抵！.🍴白鱔片 $98新鮮白鱔片，咬落爽口彈牙，切得夠薄，一滾就食得。.🍴西班牙黑毛豬 $78價錢抵食，肥瘦適中，推介之選。.🍴爽脆豬頸肉 $58豬頸肉打邊爐就最正，口感爽爽地，加埋沙嗲醬一流。.🍴手打粒粒墨魚丸 $78手打系列又係好正，$78有8粒，粒粒墨魚丸都有粒粒墨魚，咬一啖就睇到裡面粒粒彈牙墨魚👍🏼.🍴油麥菜 $38菜類選擇多，都係$3x蚊。.食完呢間都好少去其他地方食，因為真心性價比高，又高質又抵食。

涼爽左咁多尋晚忍唔住要食打邊爐🍲去咗一間地方闊落幾好氣氛嘅火鍋店🥳海鮮同刺身系我至愛呀😍多謝我的好朋友陪我飲飲食食🤩侍應服務態度好仲俾間房我地坐好正😎值得推薦

第一次寫食評因為用餐體驗太差，所以忍唔住要寫返低食物質素好一般 完全同價錢唔成正比但侍應既服務態度更加係世界級🙂本身見到咁多正評就訂枱打邊爐同家人慶祝生日諗住叫海鮮 但唔知佢個海鮮拼盤係咩 所以想問下🙂(剩係寫住大概價錢 338-668定688咁上下)第一個男職員黑面 一句 咪當日新鮮海鮮囉🌚然後就唔想再答 轉身走左去海鮮有海鮮價我明 亦都預左要比但想問清楚有啲咩同幾錢都好正常係咪？好 諗住應該剩係個男職員態度有問題咁我又再嘗試禮貌地問下另一個女職員得到既反應又係差唔多只係一臉唔情願答地指向另一張點餐紙話你睇呢三個 (海鮮加和牛拼盤) 然後又轉身走東問西答 態度好差 連你想再問落去都無機會同埋你見到佢哋態度咁差都唔會想再問結果我哋無嗌海鮮計埋叫左一支清酒4個人食咗2千蚊多啲一啲都唔好食牛小排無牛味 亦切得好求其牛胸爽完全同平時食既唔一樣 又細塊又唔好食其他已經唔記得因為真係好普通 不值一試但如果想體驗一下世界級既服務態度可以一試

有時食得唔多嘅話，叫單點會仲好過出去食任食而今次我就去左九龍城嘅 #火鍋頭 本身諗住九龍城應該無咩人，點知我去到全場滿曬，好彩有一場客人book左無到，所以我先有位😎佢依到有啲好特色嘅食物，例如牛骨髓同牛胸肉，原來依啲部位都係白色，真係第一次知😂我今次叫左佢嘅清湯牛腩做湯底，佢嘅牛腩幾好食，而且湯底入面仲有蘿蔔，煮耐左之後勁好味，佢嘅湯底幾正，所以我就再叫左個水晶粉，然後煮佢到腍，會勁入味勁好食🤤🤤打邊爐就係要將啲野煮到勁入味先係打邊爐嘅精髓🫶🏻🫶🏻

今日同朋友去咗九龍城玩 原來屯馬綫開通咗之後交通真係好方便 宋王臺站行幾分鐘周圍都好多嘢食 原來呢度唔止景點多 餐廳都特別多😃滋潤木瓜雪耳燉湯呢個湯底真係好滋潤 入邊好多木瓜 雪耳 南北杏 我哋每人飲咗4-5碗☺️西班牙黑毛豬黑毛豬好新鮮 肉質鮮嫩😁手打粒粒墨魚丸墨魚丸食得出係係手打嘅 入邊真係有粒粒墨魚粒😋手打粒粒鮮蝦丸好新鮮 彈牙 係個口入面彈下彈下🤤呢度嘅侍應服務態度好好 我哋坐左差唔多兩個鐘 呢度真係好啱同朋友嚟打邊爐吹水🤩

➖ 招牌花膠冬瓜濃雞湯·極上手切牛拼盤·蘇格蘭大聖子王·紐西蘭托托蜆·南非四頭鮑魚個湯底唔係我杯茶佢同平時啲花膠湯底唔同佢無左果種起哂膠既濃味感，呢煲係好清甜既雞湯佢可能落得太多菜所以煲到勁甜，我都係鍾意濃湯果隻花膠湯多啲飲完湯開始食其他，牛拼盤有五款牛日本飛驒和牛牛肩頸、安格斯牛小排、牛胸爽、手切本地牛肉及雪花牛立方。最好食係牛肩頸入口油香味濃好淋，不過切到好細塊欠缺左份口感。另外仲有唔係到到有既牛胸爽，佢係脂肪黎但食落爽口唔會油，不過脂肪都係唔好食咁多熟食海鮮就叫左聖子鮑魚同蜆，聖子王超大隻，成隻放入口個口滿哂。南非鮑有女仔手掌咁大隻起左片15秒食得口感彈牙。托托蜆食過既人都知入邊舊肉有幾大粒。三款海鮮都食得出個鮮味係到真係好新鮮➖ 加拿大活象拔蚌刺身·日本赤蝦刺身每次食象拔蚌都要講句好鍾意佢果種獨有既鮮味，不過呢條衰在唔夠爽口應該切得唔夠薄。赤蝦好大隻啖啖肉，肉質較實同彈牙食落好鮮甜➖ 脆炸韮菜餃一咬開坐對面既朋友已經聞到韮菜味(張枱都大)，入邊充滿韮菜爆哂餡好香脆好好食，鍾意食韮菜必叫➖ 子薑順興溏心皮蛋睇返相先見到原來有子薑係到，我仲諗緊朋友點解會叫一碟普通皮蛋，呢一刻應該開

裝修華美古典，很有台灣大型火鍋店的味道。座位相當寬闊，枱面足夠擺放大量火鍋料。選料新鮮，店內設置活海鮮櫃，湯底非常有驚喜，店內姐姐的服務殷勤。龍蝦鮮蜆蕃茄煲$328～必食湯底用的是原隻游水琵琶龍蝦及是日鮮蜆加上蕃茄、粟米、菇菌等材料。一上桌滾起時湯頭清甜開胃，一邊餚煮海鮮和蔬菜味出了後再加上湯頭牛肉、淮山等食材令湯頭變成蕃茄濃湯的狀態，非常滋味，又夠飽足感。琵琶龍蝦肉質鮮嫩紮實、爽口彈牙，蜆是非常巨型，湯內的粟米份量也不少，可以省了多點一份粟米的錢。蕃茄湯底跟牛肉、海鮮或蔬菜都很搭，可以帶出食材鮮味，又不搶味。火鍋頭極上手切牛肉盛 $498～心食牛肉盛有5款不同的部位及產地的牛肉，分別是：日本飛驒和牛牛肩頸、安格斯牛小排、牛胸爽、手切本地牛肉及雪花牛立方。每款都有個人之處，而我最推薦的是飛驒和牛、安格斯牛小排及手切本地牛肉。鮮淮山 $42 萵筍$42 另外點的兩份淮山及萵荀都非常新鮮。

天寒地凍，打邊爐係首選。近近地九龍城都有好多火鍋店，今晚黎試下火鍋頭～樓高兩層，門面幾光鮮！一開門已經聞到陣陣天麻藥材湯鍋味，呢度有十多款特式湯鍋，點個滋潤杏汁豬肺鍋底，先飲幾碗湯，未食配料已經暖笠笠！養顏杏汁豬肺湯湯底色帶奶白，材料有軟滑豬肺片、豬骨，仲有蔬菜，湯頭清甜不腻。手切頂級安格斯牛小排（例）例牌份量夠二人食，薄薄地切成多片，色澤紅潤鮮色有光澤，脂肪油花剛好。快灼幾下，轉淡紅肉質依然軟滑肉香味濃，幾juicy！牛骨髓骨髓純白軟綿綿，煮熟後口感柔滑鮮味。豬膶拼豬粉腸部分配料可以加10蚊雙拼，我地揀左呢兩款，超夾我地個湯底。豬膶厚切，灼熟食依然軟潤有彈性，鮮甜到連半點血水腥味都冇，處理功夫夠徹底。粉腸爽脆帶嚼勁，腸壁唔會有滿滿爆脂感，不過都係少吃多滋味！白鱔片肉白透亮，紋理細緻，皮爽味純鮮，質感幼嫩零碎骨！飛蟹籽蝦滑蝦肉爽滑味鮮，彈牙唔鬆散，拌埋面層鮮橙色蟹籽，咸鮮得黎又有濃厚蝦味牛胸爽薄薄地透光，輕滾3秒收縮左就食得叫得牛胸爽緊係爽口啦！鮮淮山健康養生既鮮淮山，健脾胃，色澤白滑，味道鮮嫩甘甜泰青檸話梅梳打甜酸梅果香，加埋泰式青檸汁，放入梳打水一飲醒胃解滯，冰爽暢快。懷舊金牛有黑

BOOK左位唔駛等全場都好FULL點左~蕃茄薯仔牛腩湯底(本來想點燉湯底既但佢限定賣晒左呀)湯好濃郁唔會好酸味道似老火湯咁但再濃D我忍唔住飲左幾碗~帶子片好厚切呀咬落好滿足質感都OK既好滑~豆腐造的紙呢個幾特別一放落湯就淋好快就食得質感似腐皮咁索晒湯幾正~炸響鈴熱辣辣幾鬆既雖然未係最好味但都OK WOR~黑豚肉比想像中好WOR有少少肥肉豐富左個口感又唔會太油呀PS 想問STAFF拎張椅放野我地係二人檯(散叫火煱問拎一張椅唔過份吧)佢態度麻麻咁話無「你都睇到全場爆晒呀」我覺得就算一張椅都無都可以用個好少少既態度既....

上星期食過將軍澳嘅放題火鍋後，心絲絲又再想打邊爐。見到OpenRice 有咁多人推介呢度，於是急急腳訂枱啦⋯⋯環境：睇落好似唔錯，但坐低後發覺頭頂係冷氣風口，要求轉枱又話全部有訂坐⋯⋯唯一可改換到玻璃邊位嗰張細枱 ☹️但重點係⋯⋯到我哋食完九點半有多先埋單，嗰啲話已經訂咗嘅檯只得一張有客到，其實全晚樓下只有五張檯有客(已經包埋埋我哋嗰張)，將心比己，你感覺會舒服嗎？食物 ：主打海鮮，牛肉，但叫到手切本地牛，又話冇，又推介日本牛 ☹️☹️海鮮選擇亦唔多，價錢偏貴。係冇咩選擇之下叫咗個牛拼盤四百幾，但質素，大家睇完評吓分啦⋯⋯脆肉鯇魚腩，全碟八件四件係魚腩加四件魚骨，物非所值。響鈴，墨魚丸，梅菜肉丸質素係 ok 嘅再加一個菜及雙拼粉腸豬肚，冇飲嘢，埋單成 $1200 ，咁嘅價錢應該可以有更多，更好嘅選擇。服務 ：女侍應，態度及說話感覺好倔。食到尾段，一句說話都冇講就過嚟，將我哋個爐調到最細火，其實枱面仲有成碟半嘢未食 😒總結：嗰人真係覺得伏咗，亦肯定唔會有下次。真係唔會推介俾老友。