為食龍 (已結業)

朋友好鍾意食腐皮壽司，之前食過呢間恐龍主題嘅餐廳，記得佢哋係主打腐皮壽司，今日就帶朋友嚟試吓🤓▫️辣味三文魚 ($35)▫️柚子胡椒油甘魚 ($30) ▫️柚子左口魚 ($35) ▫️牛油蒜香赤蝦 (36) ▫️葱呑拿魚拖羅蓉 ($35) ▫️炙燒蟹膏厚燒玉子 ($34) 叫咗以上幾款腐皮壽司，全部都大大件，刺身份量又多，要分幾啖先食得曬😂食完成個都幾飽肚。6款都好食，個人最鍾意葱呑拿魚拖羅蓉，拖羅蓉疊到超高，食落口感綿密呑拿魚味濃😆▫️西雅圖鬼妹 - 半份 ($80)▫️夏威夷肥仔 - 半份 ($78)卷物就味道正常，上面嘅醬太多，食完會有啲膩，呢個價錢我prefer食多2件腐皮壽司🙊▫️免治軟骨雞肉棒伴日本生雞蛋 - 兩串 ($78)每一啖都食到軟骨，軟骨爽脆雞肉棒又嫩滑，口感特別。雞肉棒唔會好濃味，點生雞蛋食就啱啱好！呢度真係周圍都搵到恐龍嘅蹤跡，好似去咗熱帶雨林咁🤣鍾意恐龍嘅你一定會睇到唔捨得走！就算我唔係特別鍾意恐龍嘅人都覺得呢度嘅裝修設計好得意🤤Overall rating (5粒⭐️為滿分)味道：⭐️⭐️⭐️⭐️服務：⭐️⭐️⭐️⭐️環境：⭐️⭐️⭐️⭐️性價比：⭐️⭐️⭐️⭐️

🍴位於中環既Hungry Dino係一間新派既日式料理餐廳，食物新鮮份量都好夠。餐廳採光度十足，好適合打卡😎💰$178+10%📍HKG為食龍 (中環)中環些利街2-4號LL Tower地舖及1樓

Roar！餐廳位於Soho區，以恐龍為主題，主打日式腐皮壽司同多款日式料理，店內裝潢十分有格調，各個地方都係打卡位，主要用餐喺二樓，會話還推介大家放工同朋友仔過黎食嘢chill吓😌一場嚟到當然要試吓佢哋嘅招牌菜，腐皮壽司有好多款式，有生有灸燒，甜甜嘅腐皮包上甜甜又軟糯嘅壽司飯，食落好滿足、蟹膏玉子厚切，好甜好好味、甜蝦同樣出色，鮮甜美味，配上滿滿嘅沙律醬好邪惡😍明太子烏冬又係必點，麵條偏軟身，唔係彈牙嘅，旁邊搭配明太子、蛋黃、紫菜、蔥等，撈埋一齊食真係幾match～ 蜜糖芥末炸雞有驚喜，外皮炸至金黃酥脆，內裡嫩滑而且超級juicy，醬汁夠掛而且好多，配埋杯Asahi就啱啱好🍺

怕熱鬧的我最愛於假日到蘇豪區用餐，可避開平日的喧鬧，悠閒地享受美食曾於一恐龍主題日本料理跟好友慶祝生日，感覺不錯，再次重訪餐廳樓高兩層，於半山電梯旁會看到光亮的招牌高樓底配上大量綠色植物佈置，令人彷彿置身於侏羅紀公園內的熱帶雨林於銅鑼灣的立食外賣店起家，主打特色腐皮壽司爆餡黑松露帶子腐皮壽司黑松露味濃郁，用料新鮮辣味三文魚腐皮壽司三文魚粒肥美油潤，表面沾滿秘製辣醬汁蟹蟹蟹！！蟹膏蟹籽燴飯半軟半硬粒粒分明，口感相當豐富辣辣柚子凍蜆稻庭冷烏冬麵條彈牙，蜆肉漲卜卜為食龍特調為食特飲藍海檸檬汽水冰涼酸甜酒精濃度5.2%的Asahi有綿密的氣泡及細緻的風味

佢係銅鑼灣既時候已經鍾意食佢，佢地既腐皮壽司不嬲都出晒名好足料，不過果陣時通常買外賣，係中環既店位置比較多，可以坐低慢慢食，係門口見到大大個招牌已經好醒神，入邊既裝修都好有特色，用恐龍同森林做主題，連本menu都有隻恐龍仔係度，好cute！------------------------------🟢 腐皮壽司⭐柚子左口魚⭐蟹膏甜蝦⭐黑松露帶子⭐柚子胡椒油甘魚全部都係我鍾意食既壽司款，仲要好新鮮，好肥美！特別係左口魚既油脂感真係無得輸，加埋柚子真係清新得黎又好順口！另外，黑松露既香味加埋大大粒既帶子真係好好食❤️🔵 夏威夷鬼妹睇個名係完全唔知係咩黎架😂😂😂😂 其實佢係火炙牛油果三文魚卷物。三文魚本身同牛油果食落感覺都似，係雙重三文魚口感，而三文魚經過炙燒之後，更加突顯出佢既香味，再淋上佢地既sauce，真係好juicy！🥰🔴 炙燒左口魚蟹膏丼我係炙燒左口魚既忠實fans，食完腐皮壽司都唔夠，仲要叫個大大既丼，滿滿既左口魚鋪起啲飯上面，魚油撈埋落啲飯到真係好香好開胃，仲加上佢蟹膏味都非常濃，溝埋一齊真係好正。🟣 溫泉蛋芝士薯條佢送到黎仲係熱辣辣既，熱辣辣既薯條鋪滿芝士，又香又脆！再加埋隻溫

以恐龍作為主題，叫Hungry Dino，希望大家食到好似隻恐龍咁，壽司以腐皮壽司為主，環境闊落舒適，分了上下兩層，一樓主要是廚房，在大門及窗前有一張高桌有數個可以看著中環電梯的位置，二樓有一處角落的位置特別有氣氛，形造出樹下燈光的照射，我們就坐在那張高枱下吃著日本東北地區的食材串燒。免治軟骨雞肉棒伴日本生雞蛋免治雞肉串有有不少細軟骨增加咬感，比一般外面的大細再細條一點更容易吃，所以份量分了兩串，可以跟友人分享一人一條點著生雞蛋吃🥚串燒拼盤 以日本東北岩手縣的食材組合了不同的串燒拼盤，有岩手燒雞腎、岩手燒雞皮、岩手燒雞軟骨及岩手燒雞肉，每一串也烤到微焦，帶出食材外脆內軟的滋味，調味剛剛好不會太重手。鹽燒三文魚鰭處理得非常外脆內軟，吃得出廚師油炸的溫度與功架，入口很好吃，魚香而不腥，油脂分佈較重令肉質更軟滑，配啤酒🍻一流

今日嚟咗中環呢間非常特別嘅日式餐廳，環境優雅，啲嘢食高質得犂又大份，啱晒收工去食，食完仲可以去下場Happy Hour🥂美食推介：🌟辣味三文魚🌟炙蟹膏厚燒玉子🌟牛油蒜香赤蝦🌟蔥吞拿魚拖羅蓉🌟炙燒洋蔥忌廉帶子🌟柚子左口魚🌟柚子胡椒油甘魚蓉🌟夏威夷肥仔 🌟免治雞肉軟骨棒伴日本🌟豆腐豆腐沙律🌟日式鰻魚蛋包飯佢嘅腐皮壽司飯係必叫的‼️而且都特別推介佢嘅鰻魚蛋包飯因為食唔到有骨嘅，非常加分💯

為食龍主打腐皮壽司，食日本創意料理，但係係播韓文歌😂裝修趣致，樓下攞恐龍牌仔上樓攞位，不過嘢食真係太普通喇。*腐皮壽司 $28-38柚子左口魚 $35、辣味三文魚 $35、蔥吞拿魚拖羅蓉 $35腐皮有淡淡甜豉油香，包住壽司飯，鋪滿唔同刺身、配料。腐皮壽司係好食，但刺身冇鮮味、冇魚香，最有魚油香係左口魚，但都好失望。乜都唔洗腍炸物拼盤 $149水牛城雞槌變咗雞翼，而且唔係美式嘅buffalo wings，而係辣味雞翼。吉列脆炸蝦普通。夏威夷BBQ薯條份量多，但薯仔味少、調味淡，而且幼薯條唔係我杯茶👉🏻👈🏻

佢係銅鑼灣嘅時候已經間唔中去幫襯，當時我只係立食，搬左去中環後都補襯過幾次，今日睇完戲急急腳走過黎食，好彩未last order😊餐廳嘅裝潢顧名思義以恐龍同森林為主題，舖面都大左好多，樓高2層，成間餐廳有好多打卡位置，用盡心思。腐皮壽司🔹️柚子左口魚 $35柚子胡椒左口魚經炙燒後，魚肉軟滑細嫩，配埋日本柚子胡椒，食落清新嘅柚子味中和番濃郁魚油嘅味道。🔹️柚子胡椒油甘魚蓉 $30將魚味鮮甜的油甘魚剁成蓉，魚蓉幼細香滑，軟綿綿的口感加上柚子的清香，每一啖都鮮生美味。🔹️蔥吞拿魚拖羅蓉 $35幼滑吞拿魚蓉，入口即溶，油香味濃，再配上清新蔥花，味道豐富。🔹️辣味三文魚 $35面層鋪上啖啖辣味三文魚，微辛味道令魚油香更突出，用脆蒜辛辣醬調味十分惹味。夏威夷肥仔 (半份) $78呢個秘製芝士鰻魚卷，鰻魚卷上面鋪滿半溶芝士及蟹籽，芝士配鰻魚味道真係好夾。辣辣柚子凍蜆稻庭冷烏冬 $148蜆肉都幾大隻，每粒都漲卜卜，份量仲好足；醬汁帶微微柚子酸味，加上蜆肉撈咗辣醬，整個冷烏冬味道都好濃郁惹味。Sapporo $74見到餐牌有酒類飲品，放工梗係啤一啤！

晩上7點左右隨機走入去食日本野做晩餐, 客人吾多，3成滿。坐低個碟有D吾乾淨，要叫侍應換過。生野吾新鮮，飯同超市壽司一樣又冷冰冰又硬。熟食一般貨色。侍應無咩禮貌，9點鬆D係咁叫人埋單趕收工。我想用洗手間，見有條走廊，下意識走過去，未去到已經俾人喝住"你做咩", 超級無禮貌亦不明白有什麽應需要大聲喝人。你怕人走錯去廚房咪貼告示出黎講俾給大家聽點樣行去廁所囉，好聲好氣吾使死嫁。總之以後吾會再去。

這間餐廳 Hungry Dino （為食龍），是中環SOHO區以恐龍為主角的主題餐廳，餐廳的裝修讓食客有種好似走進侏羅紀的感覺，但沒想到原來這是一間日式餐廳，同樣也是入選了我的 Bookmark 想去系列，終於有機會晚餐來這個侏羅紀森林裡探險了。🤗☺️進入餐廳，店員給我一個恐龍匙扣，跟著恐龍的腳步走，再穿過一層長長的紅磚樓梯，就找到為食龍的屋企了，其中有不少打卡位置。🦖🏡🍽️來到SOHO區當然要啤啤先，於是就叫了一杯SAPPORO Premium Beer的啤酒，這是來自日本札幌品牌的啤酒，其酒精濃度只有4.9%，容易入口，還有一種冰涼感覺，不會帶有啤酒的苦澀味。🦖🍺☺️豆腐豆腐沙律 （$88），沙律菜的生菜、車厘茄很新鮮、甜又多汁，以和風醋混合沙律，上層的豆腐就以胡蔴點綴，豆腐非常滑身，而且豆味濃郁。最有創意的配搭是沙律用上了粟米片，脆口帶點甜味，整盤沙律因而色彩繽紛。🥗🌽日式鰻魚蛋包飯（$198），這條鰻魚的size是加大碼，又長又闊身，而且質感很厚身，每一口的鰻魚不帶任何細細的碎骨，蛋包飯的蛋很嫩滑，整個鰻魚蛋包飯都有很滿足的感覺。餐廳的主打就是腐皮壽司系列，選擇超過十多款，腐皮本身是

#為食龍 #sorriso_中西區-中環蘇豪區居然都會有一間黃店，搭半山電梯都會見到有塊好光嘅招牌寫住Hungry Dino，入到去好似入左侏羅紀公園咁有兩層，點知其實佢係日式餐廳嚟唔好睇啲腐皮壽司圖好似細細件咁，其實都好大件，入面有好多壽司飯一定食得飽🍣【蔥吞拿魚拖羅蓉腐皮壽司】 $35 (8.8/10)拖羅蓉同蔥粒嘅結合令到味道更加豐富，仲要特登放幾粒拖羅喺面，更加食到口感🍣【黑松露帶子腐皮壽司】 $38 (8.6/10)帶子嘅鮮甜配上黑松露嘅香味，好食，建議先食餡料再食腐皮壽司🍣【牛油蒜香赤蝦腐皮壽司】 $36 (8.6/10)蛋黃醬味偏多，再加上赤蝦，我冇諗過呢個組合會出現喺腐皮壽司，但食落真係好有驚喜🍣【炙燒蟹膏厚燒玉子腐皮壽司】 $34 (8.7/10)玉子面頭有蟹膏同蟹肉，蟹膏味非常濃郁，同玉子相輔相成，又有口感🥘【日式鰻魚蛋包飯】 $198 (9.2/10)非常大碟，原條鰻魚放上蛋包飯上面，打卡已經覺得好震撼，滑蛋亦都煮得啱啱好滿足，呢個必點🦑【螢光魷魚6隻】 $68 (9.1/10)配酒一流，而且食落非常之鮮味，食到停唔到口🍻【為食龍限定 Bea Bea Bi-ru

❀┈┈┈┈┈┈┈┈┈┈┈┈┈┈以恐龍為主題的日式餐廳🍴星期日晚上在中環Soho區的為食龍用膳餐廳環境十分有趣 裡面佈滿不同的恐龍🦖擺設 壁畫等 甚至地上也貼有恐龍腳印貼紙呢 經過一條樓梯便到達用餐位置 樓底高環境偌大 牆上還掛著耀眼的燈牌和大大隻恐龍公仔😆食物則主打腐皮壽司 特式卷物 佐酒小吃 飯麵 當然不能缺少酒精飲品！┈┈┈┈┈┈┈┈┈┈┈┈┈┈𐂐 ⠜辣味三文魚 $35 (7.5/10) 蔥呑拿魚拖羅蓉 $35 芝士蟹籽厚燒玉子 $29 柚子胡椒油甘魚 $30 黑松露帶子 $38 明太子芝士蛋黃三文魚 $36點了6件腐皮壽司 有不同的口味選擇 賣相十分討好每件都大件又足料刺身味道鮮甜再配合甜甜的腐皮雙重滋味😋腐皮口感不乾不硬 個人最愛油甘魚 呑拿魚蓉油甘魚加入柚子汁更提昇鮮味而且好清新 厚燒玉子都好邪惡又芝士又蟹籽 味道咸甜交融也很美味✨𐂐 ⠜日式炸豆腐 $68 (7.5/10)外層炸皮脆脆薄薄的 裡頭是嫩滑的豆腐𥖁 豆味算是香濃 豆腐也不易散開👍🏻覺得吃豆腐好健康😆卡路里又低𐂐 ⠜蟹蟹蟹！蟹膏蟹籽燴飯 $168 (8/10)和男

今日同同事兩個人去食Lunch，被餐飯既policy同服務嚇親，以後都唔會再幫襯！平心而論：野食可以、環境算特色。兩個人同樣點餐Sushi Set B ，由於無加點其他item埋單共HK$392。比credit card 時server 話唔夠$400唔收卡，講完就轉頭走左去。同事都未反應得切，要再call server 問係咪只有收Cash，無Cash可以有咩其他payment？Server答：「無，一係你簽$400。」講完又轉頭走左去。服務態度差到嘆為觀止！同事來回call server 三、四次先可以完成整段對話。再問簽$400係咪現金找番錢比我地，佢答：「我地唔會找架喎。」最後我地硬格加點飲品解決左。本身影左野食相想share，埋單事件ruin晒成個afternoon - 以下只share 張單，remind大家滿$400先好去。Thank you。

在中環蘇豪區有間玩味十足的日本料理餐廳「為食龍」，樓高兩層，主要用餐區在上層。高樓底大窗戶，環境別緻舒適。佈置以恐龍為主題🦖每個角落都入型入格🦕還有綠葉相襯，就像進入了隱蔽的小恐龍樂園。餐廳主打各款日式料理，其中很具人氣的有多款口味的腐皮壽司。我就跟朋友來小酌一杯，聊聊天Chill 一下。🔶 腐皮壽司 肥嘟嘟賣相靚，有十多款選擇，我們選了以下三款。▫️黑松露帶子腐皮壽司 $38▫️蔥吞拿魚拖羅蓉腐皮壽司 $35▫️蟹膏甜蝦腐皮壽司 $36全部感覺都好新鮮💗大件又飽肚。特別喜歡蟹膏甜蝦口味，澎湃蟹膏配以鮮甜甜蝦，鮮味雙重，用了薄身腐皮包着內裡的壽司飯🫶🏻豐富了口感。🔶自家製宇治抹茶提拉米蘇 $98足夠二人分享。用了方形小木盒盛著，賣相帶點傳統日系Feel ，吃起來很有感🫶🏻上面灑滿宇治抹茶粉末，入口香甜軟滑。🔶奶蓋白玉烏龍 $66在香滑奶香下滲著淡雅烏龍香，上面橫躺著1串3顆的白玉小丸，滿有軟糯口感👍🏼富日式風味。🔶豐之秋柚子酒 $88帶有清涼感的柚子酒，入口微酸有柚子清香，甜度不算高，很舒心。