燒鳥亭

营业中

休息中

今晚和友人到燒鳥亭晚飯。踏進店內，襲人的日本居酒屋風味。但良好的感覺馬上被侍應富濃厚香港特色的喊叫聲、此起彼落的“死啦”、“死咯”破壞掉。居酒屋的“硬件”俱在–曖昧的光線、背對背的座位和吵–但人為的“軟件”是缺少但重要的一環。甫坐下，很“青”的侍應以含糊的語調、條理欠奉的語句問我們介意不介意於十點半換座位。當時才八點十分，故覺得問題奇怪。幾番問答之後，才恍然明白他所擔心的是有十位客人可能、或者、但未確定於十點半來，怕坐不下。匪夷所思。好了，說一下吃的。點了基本的串燒–牛舌、豆腐、露筍豬肉卷、銀杏、南瓜、雞翼、本菇、蠔等。一般來說有肉類的串燒味道比蔬菜的香口。牛舌的味道沒有以前富豪酒店裡的郎田燒的牛舌香、鮮、肥、腴（相比之下燒鳥亭的是“衛生健康版本”）。火候嘛，比銅鑼灣的南蠻亭好，比尖沙嘴的南蠻亭稍遜（因南蠻亭已成日本串燒的市場指標，得比較一下。）還有燒糯米糰子，做不到外脆內軟，最駭人的是蘸了甜甜稀稀的透明醬汁。還點了涼菜類的蘆薈（因貪得意），但催了數次都未做好，取消了。還是南蠻亭好。

每次行經此店唔知點解總係無入到去,今次終於一試!之前在openrice找到這店資料,十一比0,咁勁!到我食完先知,都係有原因食物以串燒為主,有一個蟹子雞肉我特別欣賞,雞肉雖然係燒,但係好好食,好滑,加上有蟹子舖上面,口感好特別!燒雞皮同牛利都係心水推介,特別係雞皮,醃過醬油嚟燒味道十分好!可以再嚟!

尋晚第一次去, 去天后那間新開分店, 事前唔知佢地在跑馬地已經有店。睇見內部裝修, 真係麻麻, 類似「隨你鍾意」果一款, 無乜style的簡約(簡陃)裝修; 師傅個樣亦好草根, 驚佢唔專業。不過, 表面既野, 其實未必真。燒烤放入口時, 出奇地好。鵝肝烤得表面微燶, 脆皮o岩o岩包住成塊鵝肝濃厚脂肪。白鱔, 魚皮燒得乾脆、卻不失肉汁。牛柳肉就似燉肉, 反正用大量汁去燒, 做得好濕, 雖然唔似燒烤, 食落都幾好。價錢算貴。兩隻雞翼都賣24 蚊, 而家市價都係10-15 蚊only. 如果價錢調整一下, 至少在芸芸貴菜中, 夾d 平價菜賣下, 咁就好好了。

試過多間日式串燒,是最好的一間.因為實在有水準,串燒好好味.個鵝肝好正,香嘖嘖,熱辣辣,軟熟又juicy^@^露筍豬肉卷,牛舌,燒鱔,Angus Beef,羊扒都好好味....呢度地方雖然細,但好有居酒屋的風味^@^下次一定再落去食^v^

以前試過多間日式串燒店,這一間暫時是最好的一間,食了多碟串燒,不能盡錄,唯獨生牛肉點了兩次,可能我們愛吃牛的原故,總括點了多款串燒,一支上善如水盛恵1000大元,但價錢屬意料之內,因為實在有水準...唯一缺點是地方太細坐得不舒適....不過我們寧選bar 枱坐總好過坐普通餐枱...因為這才有去居酒屋的風味.

26 March 2007 (Mon) - 晚飯又約咗個只會十點後食飯既人出黎食嘢，佢最鍾意飲酒，無酒既地方真係唔知點算，去居酒屋有sake飲，佢至鍾意！本來我自己都係諗住係咁椅食少少，皆因太夜都食唔落嘢，但係啲串燒好好味，食到我停唔到口，又食燒鱔，露荀豬肉卷，鵝肝，仲有好多好多，又飲咗一大支sake，食到我鬼咁飽，個鵝肝好正，如果可以大舊啲就好啦～～其實呢度普遍既燒物都好好味，地方雖然細細地，但係坐bar枱都好有地道風味，坐得反而舒服啲！

又一個老死叫我出接(紅色)炸彈,想找個地方have a drink and a light bit to eat, 於是就決定去燒鳥亭試日式串燒.好彩係兩個女仔咋,如果係兩位大隻佬就有d麻煩喇,因為地方狹窄同d相當細小,真係除串燒咁細碟之外,大碟少少菜式都唔會放得落.完本唸住只係"係咁倚"食少少,但係食完串Angus beef同cod fish就出事啦,兩款都香嘖嘖,熱辣辣,軟熟又juicy ..... 結果,露筍豬肉卷,三文魚,牛舌,大蔥雞肉,大蝦,鵝盰,仲有3支Kirin .... 鵝盰簡直係極品,外層甘香脆皮,裡面半溶超軟滑....盡興代價係,個準新娘話要book多幾堂hot yoga喎!

是日和太太往一試多人推薦的燒鳥亭,試了十多種的串燒,大多味道不錯,玉子豆腐有驚喜,串燒比其他的日本料理有特色,遺憾未有品嚐鵝肝,下次一定再試,唯一的是等待時間較長,真的要慢慢等,另外由於店舖面積細,如果隔鄰有一些無家教的小孩,那就十分影響食慾了.

Hi everyone, I have had dinner here with my best friend again! It's our 3-4 time here, we just like the environment and food! Angus Beef, Chicken wings, Oster are nice! Chicken Sauage is the best! Each of these costs around $20-25 per stick, and of course a bottle of Sake, it costs $340 after discount, but you will love it!HSBC & CitiBANK 10% off the total bill. What a nice dinner.

係常客!真係正!! Angus Beef, 鵝肝同埋羊係必試. 其他好似豬肉asparagus卷都好正. 嘆吓串燒, 飲吓sake或者啤酒, 爽呀!!地方可能唔係咁大, 同埋都幾多人去.做嘢嘅人態度算好.唯一聽人有微言係大部份串燒要2串起order. 但係有好幾間都係咁.

早幾日有個friend生日,佢話要去食日式串燒,咁我地就落左跑馬地個間南蠻亭,貪佢細細地夠熱鬧!點之落到去,間南蠻亭唔見左,變左間燒鳥亭,不過都係食日式串燒,由於唔想掃興,又見7點幾已經有人排隊等位,咁咪試下得唔得囉,好彩都唔係等左好耐,差唔多半個鐘到就有位,ok啦,入到去,舖仔細細真係好熱鬧!我地點左好多野食,而我最鍾意既就係燒鵝肝,燒雞泡魚乾,燒蕃薯同燒草扒,真係好好味,雖然一客燒鵝肝要成差唔多一百蚊,不過都真係值得,因為都幾大件,而且仲燒得好,好juicy!至於燒草扒都一樣好有肉汁,調味剛剛好,就算唔點佢地既招牌醬都好夠味,又唔"蘇"真係要試下。其實除左呢幾樣之外,服務員仲介紹左一道好特別既冷盤,好似叫做三文魚唇,酸酸地,幾開胃,又有口感,中和下燒野既熱氣,第二度未食過,原來佢地鍾意久唔久出d新菜式,唔錯唔錯!!!

上個星期成班friend約出來食飯，有朋友提議話去跑馬地食燒野，話佢食過一間日式串燒叫燒鳥亭好正的，要我地一定去試下，其實本身唔多鍾意食燒野的，一來怕熱氣，二來怕油膩，但既然個個話去咁就去啦。去到見個門口幾骨子，點知入到去重骨子，真係好細，十張檯都唔知有無，個日星期三，但都見坐滿人，唯有係門口等一陣，好彩等左唔係好耐就有位，原來燒爐個位後面有張大檯，我地十個人都夠坐，坐低後掛住傾計，全程由朋友發版，唔知佢叫左乜，淨係見到面前有碟醬同埋鹽，先頭係門口等個陣見出面寫話全店使用伯方天然鹽，點左少少試下，感覺咪又係鹽，有分別嗎?(後來發覺用呢D鹽去點野食真係好味D)第一碟菜來到，見到幾條乾滋滋既肉乾，一碟沙律醬，點知一食落口，不得了，好味到隔離friend 個碟都比我食埋，問個friend 呢D係乜? 原來係雞泡魚乾，口感似剛剛燒好重熱既牛肉乾，但我唔識點形容佢個味，真係要親身試下先會知，一個字"正"，之後來碟燒雞中翼，面脆內軟，點左佢之前放係度既紅色醬料，味道依然係好得，聽dfriend 講個醬係出名的，佢話呢度前身係南蠻亭，南蠻亭都係靠呢個醬起家，呢度個廚房班底都係以前個班人，不過佢就唔知

燒鳥亭此店就係以前既南蛮 亭(南蛮 亭已搬到showho區了),但水準就好似番來了,南蛮 亭個燒烤師傅一走了後,水準就大不如前,我好久都無去了,但上星期我朋友突然叫我一起去食飯,原本我唔係咁想去,但因我朋友話再想去試試,於是再去,嘩...頭菜叫了兩串粟米,非常好味,剛想問個師傅係咪把佢浸過糖水,點知後面有個女仔就已經大大聲問,係咪浸過糖水架,好好味呀!之後再有其他串燒送上,樣樣都比以前師傅未走前都好,好有水準,另外得一提既,就係燒鵝肝,身厚汁多味好,我又多一間味美店可去了! 但有美中不足就係服務就差一點,D女士應既態度好似係自己家咁,剩係識得行到客前好一點,但都唔係十分好禮貌,行開一邊就變番原形...你估個鋪好大咩,行開都係在客既視線內,講野又大聲,好彩野食好,唔係就慘了!