爆丼丼 (已結業)

喜歡食海膽，但又覺得貴，每次都要就住就住來吃，吃得不夠過癮。今天去了荃灣一間專食爆丼飯的，目的就是要食它的四重爆丼飯($188)，四重即海膽、拖羅碎、帆立貝、三文魚籽。飯是跟餐，可免費跟面豉湯或+$5轉汽水，店員上丼飯時會多上一隻碟，因為刺身實在太太太多了，如果不放點在碟上，跟本好難開始進食。這個丼飯的重點當然是海膽，碗內有一半是海膽，我都不知道有多少，總之最後我是食不完，分了點給朋友的。海膽超甜美，有部分加了火燄，但也無礙海膽的美味。拖羅碎則疊高了，形成一座小山丘，可能是先吃海膽的關係，比較上來拖羅碎味道較清淡，調換食用先後次序會較好。如果不是海謄迷，可以叫火山爆丼($168)，有拖羅碎、帆立貝、吞拿魚、三文魚、三文魚籽。朋友點了這個，顏色很彩色，見到都令人很開心。三文魚籽是超多，爆多。

男朋友最近係荃灣返工，所以我地成日係荃灣搵d好野食。呢間爆丼丼，我地幾次收工時間行過都有好多人排隊，今次早少少收工去，就唔洗排隊了，當然我地入左去之後，15分鐘內入面就坐滿哂人。Menu 既設計好日式，圖片亦都好吸引，睇住圖片已經食指大動。三文魚小卷，呢個小卷既三文魚其實好大舊，而且三文魚都新鮮，飯仲要暖暖地，同出面食果d唔同。炸魷魚鬚，好香脆，送上黎既時間仲係熱辣辣架！配埋沙律醬食，好好味呀！我地叫左兩個丼飯，怕食唔哂，所以叫左一大一少。呢個丼飯有三文魚，帶子同埋蟹子，三文魚，帶子粒粒飽滿，好正呀，飯量都唔少架。呢個鵝肝安格斯牛肉丼飯，上面舊鵝肝入口即溶，牛肉亦都唔同平時果d，真係安格斯牛黎架，好濃郁既牛味

是日放工 與友人 行到肚子打曬鼓友人話想食日本野就搵到呢間 有丼飯 決定試下一坐低 友人俾張圖吸引左 就叫左四重爆丼四重爆丼有大量海膽，帆立貝，拖羅碎，三文魚籽海膽的份量絕對是大大份，而且很鮮味拖羅和海膽的份量是讓你能夠每一口飯也可以佐著吃而帆立貝也是大大粒的伴隨鮮甜的味道三文魚籽則像爆爆珠一樣很有口感=]帶子好大粒 啖啖肉 一啖擺落口 小滿足再黎一啖海膽 又鮮味 大滿足另外就叫左個牛肉丼飯牛肉丼飯汁是甜甜的 伴隨住煮得入味 淋身既洋蔥絲飯量幾多 牛肉都是鋪滿飯面的 岩曬餓底既我 夠曬份量略嫌個汁甜左少少再叫左一客 餃子 以為會好普通一上枱 見到外皮好炸 食落 外皮好脆旁邊配左個汁 味道辣辣地 點住黎食好惹味 可以話係呢碟餃子既精粹所在一定要點個汁黎食 店鋪環境方面 唔算好大 細細地 更親民既感覺 街坊店不過我地7點食 已經無咩位了要食既話 要早少少黎啦下次可以試下壽司 有壽司併盤好似幾吸引總括黎講 係一間可以 encall既小店簡便 快捷食一餐 就無得話hea好耐時間因為人客係源源不絕 不停黎 食完就好快閃人啦

爆丼飯興左一排 依家連荃灣都有了荃灣人表示開心唔洗專登去旺角尖沙咀食🤣.這個四重爆丼很吸引海膽佔了快一半的位置還有拖羅蓉 帆立貝 三文魚籽海膽是爆量 有炙燒過和沒有炙燒過的海膽好食 食材新鮮 飯都多 大碗而且呢個丼係唔同時間食就唔同價錢我星期五7:00食 埋單HKD158如果再早少少食 係HKD138 咋‼️繁忙時間則照原價的.朋友食雜錦魚生丼佢話飯同魚生都多抵食 夠大碗！.至於壽司 我就感覺普通丼飯會吸引啲。.比起係其他地方食既丼飯 呢間既性價比算高🙋🏻‍♀️會encore🤤一定會再食🍣🍱

早排父親節去荃灣同家人慶祝，已經留意到哩間爆丼丼，於是乎襯得閒去幫襯吓。想去幫襯，當然有原因啦，因為見到佢店入面d海報超吸引，碗飯上面鋪滿海膽同刺身架，近排食咗幾間唔掂嘅餐廳，希望今晚食翻餐好啦！極上生魚丼，四重爆丼，蟹籽沙律同鹽燒三文魚頭各一客，開餐啦！生魚丼嘅三文魚腩唔係薄切係厚切，即使赤蝦刺身，帆立貝等等，都係足份量無偷工減料，四重爆丼上鋪滿海膽，帆立貝，三文魚籽，拖羅碎放最頂，海膽，三文魚籽同米飯一齊放入口，美味充滿成個口腔，超正超美味！其實單單睇兩碗飯，已經係視覺享受。近年食蟹籽沙律，發覺好多餐廳提供嘅蟹籽份量都少咗，但爆丼丼無哩個問題，蟹籽份量足夠。每次食三文魚頭，都唔會點失望，哩次都唔例外，望上去燒得夠燶，我中意燒得燶d，食上去香脆d，魚頭亦燒得夠肉質嫩滑，唔錯。我影完相之後，即刻 send 俾日本大阪朋友，問佢日本有無哩類食法，佢話日本無哩種架，佢睇到都話正，羨慕死佢！

這家老公之前在網上看到推薦已經一直很想來食，今次終於前往朝聖XD店的位置有點難找，在荃灣站和荃灣西站之間，就是說這兩個站下地鐵走路過去的分別不大。店內貼滿了各款丼的海報，非常吸引!!款式不多不少，令人心大心小，幾番掙扎才選到。老公點了四重爆丼，因為他好喜歡海膽，而這個丼的海膽不是一般的多!!半碗飯的上面都是鋪滿海膽!!當中有一點帶有火灼的味道，非常吸引!!而且碎拖羅好好味道，加上三文魚籽，拌飯一流呀~想起來，整個就只是帆立貝是一片片的，其他是都拌飯之選~~XD我選了極上生魚丼，超多超多的生魚片!!整個多得連下層的飯都找不著了!!所以店家會附上一隻碟子，讓客人把魚片放到碟子上再吃飯~~當中有我最最喜歡的油甘魚!!超香魚油，入口化掉，太讚!!另外，三文魚腩，帆立貝，赤蝦，海膽同樣非常吸引!!我覺得，其實單吃丼上的生魚片已經飽到爆開!!最後，醋飯的酸度我覺得不錯，可能因為我不太喜歡過酸的。而還有一點我覺得很讚的，就是丼附上的麵豉湯，味道不錯，湯料亦有很多，有油豆腐，豆腐及昆布。亦可加錢轉飲品~總結，想要再來吃!!

星期六整完指甲就約左個舊同事食下飯聚下，咁岩我又係荃灣整指甲，於是我地就決定係荃灣搵野食，行下行下搵到呢間叫爆丼丼既日式小店，我地決定入去試下先，由於食飯時間，店入面已經滿座，職員好快安排我地入座，職員好快送上2杯熱茶，一打開餐牌，款款都好想試下，我地叫左黑豹墨汁烏冬同極上生魚丼share食，烏冬同丼都包左碗麵豉湯，5分鐘後，職員就奉上麵豉湯，一般坊間既麵豉湯都只係得海苔同豆腐，而呢間就有埋豆卜，都幾好，再過5分鐘後丼可以有得食，賣相很不錯，海膽好鮮，帶子唔係好薄好細塊個種，牡丹蝦啖啖肉好鮮甜，三文魚好肥美，這個飯係真心推介，烏冬大約等左10分鐘左右已經有得食，第一啖飲下個湯底，比較淡味，有點似清雞湯，叉燒無嘜肥肉，讚，烏冬都好入味，但由於個湯底，所以整體就比較失望，由於店鋪比較細，所以食飽我地都轉地方慢慢坐，但下次我會選擇再次試下其他丼

話說今日放工要到荃灣買嘢，咁就順便搵下有咩好食處啦。不過以荃灣咁大嘅區域，真的好像大海撈針咁。縮小範圍後，選擇食日式料理啦。咁自己又喺眾安街附近，就選擇咗爆丼丼啦。入到店舖後，店內嘅人不多。不過坐多陣後，就愈來愈多人啦。眼見咁多人都book咗檯，咁我當堂信心大增。首次揀咗人氣之選嘅安格斯牛肉鵝肝丼，再揀南蠻炸雞丼，再揀小食－紫薯金粟餅，日式炸餃子，明太子雞翼，唐揚日本魷魚。人氣之選嘅安格斯牛肉鵝肝丼真的唔好，不過鵝肝有少少血水，可能唔夠熟。但牛肉好嫩滑。至於南蠻炸雞丼都足料，唔似吉野家個炸雞飯咁得4件雞球。但有少少雪味，可以再做得更好。小食就非常不錯，紫著金粟餅炸得超好脆，日式炸餃子亦能鎖住肉汁。另外2款小食亦一樣咁香口。好正。估唔到開喺唔太當眼嘅小店會有咁高水準，希望小店能夠撐下去啦。

真係應酬多多，昨晚先同完Honey 去食蟹，今晚朋友又話要我陪佢去食丼，話係好有人氣嘅丼嚟嘅。無錯! 果然人氣好勁! 所以要等一陣位先有得食。廚房嗰邊掛咗好多招財貓廚布，都幾kawaii。如果將佢當成圍裙嚟著，應該會 好cute。坐下，望望餐牌，又望望隔籬枱叫了爆丼，真係好震撼下。又有串燒、又有湯麵、又有壽司、又有燒物、又有咖哩飯。原來這裡不是只吃丼的，反而有很多選擇。因我們得兩個人吃不下太多，便一人叫了一個丼飯。分別叫了人氣最旺的兩款，極上生魚丼及四重爆丼，跟餐附送麵鼓湯。先來四重爆丼，未吃已充滿視覺享受，賣相型到爆! 勁多海膽及三文魚子，上面再加上拖羅蓉。哇! 未吃先興奮。啲海膽新鮮，感覺同日本吃差不多，三文魚子放進口裏即感到充滿海水味道，令到食指大動。雖然收費唔算平，但以其海膽份量差不多兩板之多嚟衡量，再加上拖羅蓉同三文魚子，其實都十分超值。再來極上生魚丼，有牡丹蝦2只，厚切三文魚腩2片，帶子四粒，再加上少少海膽，十分豐富。見到兩隻超大牡丹蝦已滿心歡喜，又大隻又新鮮。啲三文魚腩又肥美充滿油脂，一試難忘。海膽同樣新鮮充滿海水味道，帶子比較細粒但都好新鮮。米飯黏度剛剛好，與日本吃的丼

雖則我住在荃灣區，但這還是第一次到爆丼丼朝聖！早已聽說這家丼店主打平價丼飯，但評價一向反反覆覆，所以我決定是夜由我自己來下定論👌🏻光是丼飯已有9款，以不同魚生配搭及丼飯大小區分。我們點了一個極上生魚丼（$158）及一個粒粒魚生飯（$78）分享。先說極上生魚丼。滿滿且色彩繽紛的魚生果然擠「爆」了小小的飯碗，賣相很有氣質！光看也略知魚生非常新鮮，而且兩隻大蝦及三文魚看上去都非常肥美，讓我一邊拍照，一邊垂涎三尺🤤粒粒魚生丼看上去較小，但原來飯的份量依然極多！我倆都食不到整碗飯😂粒粒魚生切得大小不一，但全部也頗新鮮。不同的角切魚生混在一起，口感非常豐富，以$78的低價來說真是性價比奇高！總括而言，爆丼丼以荃灣舊區的價錢，奉上比鬧市中同類型餐廳更高的質素，令我非常滿意。難怪經常也大排長龍呢！

近來又興起食大大碗嘅魚生飯，無論視覺同味覺都好正！荃灣開咗間爆丼丼，好似都幾人氣～閒日夜晚唔算好多人，等一陣就有位。屬於小店，都係枱貼枱咁坐。第一次嚟呢度首選梗係試咗丼飯先啦！其中幾款大堆頭多刺身嘅價錢就百幾蚊碗～魚生種類同份量少啲嘅就平啲，一百蚊樓下，細食嘅揀呢啲都唔錯，或者再加吓其他壽司同食物都得。卷物、串燒同多款壽司都有，不過今次主打食丼飯，冇叫到呢啲。如陪人嚟食自己唔食魚生嘅，都有拉麵或咖哩飯揀，見到隔離枱食咖哩飯賣相都唔差～叫丼飯包麵豉湯或可加5蚊轉汽水。我的爆火山丼woo~三文魚子多到快滿瀉了！仲有吞拿魚和吞拿魚蓉。仲收埋咗啲帶子刺身喺中間添，哈！三文魚子好好味，一啲都唔腥，送飯一流！👍其他魚生一樣鮮甜，份量都唔少。他的極上魚生丼，大大件刺身一樣好吸引嘅呢～厚切油甘魚同肥美刺身蝦，仲有埋海膽，一碗可以滿足哂食不同刺身嘅“慾望”。呢碗真係幾抵食！埋單呢個價錢都食得好夠飽，唔駛加其他嘢都得。飯嘅份量有啲多，食淨少少。總括嚟講呢間係可以再幫襯嘅～

上網見到荃灣呢間爆dangdang 咁hit 既刺身飯店～  所以就算落大雨 都要黎食～  係門口見到 , 差唔多show 曬成個menu畀你睇！ 當然一開波揀一個魚生飯, 諗住冇咁單調, 再要一個牛肉鵝肝飯, 加埋個芝麻雞翼.要jor 呢個極上三色丼飯,賣相 確實好迷人！  見有4件帆立貝, 2件三文魚腩  2件油甘魚 2隻大大件赤身帶頭大蝦 海膽～講真！$158 呢個價錢真係豐富！ 而且樣樣都係厚切 新鮮！ 大件！  重點講多一次！ 真係好新鮮！ 刺身厚切！ 尤其個三文魚腩, 食落口, 那個油脂好豐富.，帆立貝大大件, 鮮甜，重點可能係兩條重量級赤海蝦有手掌咁大！大大啖肉又鮮甜！好味！之後就係呢個安格斯牛加鵝肝飯啦！  呢個賣點係香 味濃～ 睇個樣 就知道份量大 不在話下！ 而且佢d 牛唔似吉野家～ 唔係7比3 肥油對瘦肉. 佢呢個淡淡肉， 唔多根, 帶點兒爽口.  另一覺得正既地方就係佢個汁！ 真心鍾意佢個汁！ 配上牛肉, 真係好送飯～ 值得一試！而佢個配食都唔錯～ 價錢都好實惠！ 位置 就不怎麼多， 啱啱落完魚， 所以人不怎麼多～

上次夜晚食過見抵食兼好味 再餌誘班同志們 一行五人去爆丼丼食lunch今次下午1點左右到，唔算多人等左5分鐘就入得。當然要食佢個四重爆丼$158 四重有 1)兩大舊帆立貝 2)三文魚籽 3)拖羅容 4)一片大海既海膽好足料又鮮甜！ 上次夜晚食記得係$188 一字之曰:抵！！！*魚生刺身都會附上wasabi, 食落比較香口可能加入咗芝麻。另外仲加咗個蟹柳沙律$22無咩特別，就係抵食！ 以下都係其他同志們食既，雖然無試但睇落都唔差。野菜雞扒丼$48 自家製牛肉丼$48食丼丼都會附送可樂或麵豉湯選擇。個肚太滿足會再番兜。

多得好友推介，知道荃灣區有人氣的爆丼小店，即刻相約同樣超級鍾意日菜的好友來覓食。我們大約7時到，剛好有位。店內不算大，但擺滿枱，人頭湧湧，果然人氣旺。四重爆丼一捧上枱，即時「嘩」了一聲！除了接近一半面積的海膽外，還有帆立貝、三文魚籽及拖羅碎。先大啖地吃一口海膽，新鮮甜美，超滿足！再來伴一口海膽配酸酸的珍珠飯，煙韌有咬口，又是另一番風味。帆立貝厚肉新鮮，而拖羅碎甘香肥美，好正！大粒的三之魚籽吃多幾口會覺得咸，所以配上白飯加少少芥末就正啦！極上生魚丼生魚丼包括三文魚腩、油甘魚、赤蝦、帆立貝及海膽。先講三文魚腩，超厚肉，肥美甘香，入口即化，質素高。而油甘魚對比起三文魚腩，即時有比下去的感覺，不過口感爽滑，算新鮮。看，赤蝦超大條，鮮甜爽口，好正。帆立貝及海膽同樣正，每一口都覺得好滿足。跟餐附送麵豉湯，味道不錯，不太咸。

去到荃灣搵食，行行見到呢間專食丼飯嘅爆丼丼 係門口望入去都已經見到超大份嘅魚生飯見價錢都幾抵就入去試下喇。入到睇到有好多款唔同嘅魚生飯，應該可以滿足到唔同人嘅願望 唔想食生嘅都有牛肉飯同其他熟食。我同朋友一人叫左一人丼飯食，第一個就係招牌嘅四重爆丼有四種勁正嘅野分別係海膽，三文魚子，拖羅蓉同帶子 唔洗問都知會好好食啦 果然黎到嘅時候真係超正超豪華，每一啖都可以食到海膽同三文魚子一啲都唔會慳，放到好滿。另一個丼就係粒粒魚生丼唔同嘅魚生好似三文魚 希靈魚咁加埋啲蛋同蟹子一齊，雖然冇頭先嗰個咁正，但都放到好滿，啲蟹子仲令到個飯好有口感添，唔錯唔錯 跟飯仲有送麵鼓湯/轉汽水添總括黎講都幾抵食下，啲魚生又新鮮~