牛大人台灣火鍋吃到飽 (大鴻輝(荃灣)中心)

营业中

休息中

「牛大人」在香港開左幾年了，小編還是第一次去吃，點了「澳洲極上和牛」吃到飽套餐。牛大人紅燒牛骨鍋牛大人招牌湯底之一，帶小小辣的牛骨湯底，岩哂小編呢啲不能太吃辣的人。手切封門柳封門柳肉厚、比其他牛肉要淥多十幾秒至微微出血，一咬下去肉汁就會流哂出黎，是咁多款牛肉入面，牛味最濃，少脂肪，不肥膩的牛肉，大推。！安格斯牛小排肥瘦相間的牛小排是小編另一款心水推介，長過手掌的牛小排輕灼十秒就已經熟了，灼完仲有大大塊，吃到非常滿足。牛小排非常嫰滑，牛味都濃，中意吃瘦肉但又想吃到少少牛脂的，必點這一款。私房鴨血必點的鴨血，上枱個陣已經熟了，帶有少少鹹味，不腥，好嫰滑，一份5、6件，我地都不容氣點了兩份。鹽酥雞 炸魚皮常見的小食，炸到香口不油膩，好味。芝麻、花生麻糬燒第一次食呢種麻糬燒，佢吾會好似湯圓咁會吸湯底的味道，所以就算我地點了牛骨湯底都吾會好怪，麻糬燒一咬流心，芝麻和花生味都好濃，意想不到地好味，芝麻控的小編非常滿意。咁岩呢個月4號開始牛大人和Dreyer's合作，所有分店都有雪糕任食，而家仲有最hit既開心果口味，阿媽仲少有地食左兩支。#moodzfoodie#moodzfoodz#荃灣美食#荃

好耐無食過牛大人朋友仔呢排生日牛大人又有不同的肉而家仲有好多款式既雪糕D醬料又多真係一次過滿足曬你既願望我地點左澳洲極上和牛基本上大部分既野都可以任安格斯牛小排手忉封門柳安格斯一口牛肉粒澳洲和牛M5牛肩卷以上四款係澳洲和牛任食先有牛大人仲有好多小食有炸魚皮、仙草而且好多款式既飲品每次食都捧住個肚走生日、聚會黎呢度真係一流大人細路都岩👍💁‍♀️牛大人台灣火鍋吃到飽 (大鴻輝(荃灣)中心) (荃灣)👣荃灣眾安街55號大鴻輝(荃灣)中心16樓

食物多元化，最喜歡台灣的小食，很道地。梅粉薯塊，皮蛋豆腐，當然少不了鹽酥雞還有排骨酥。這次湯底我們選了剝皮辣椒雞湯～大鴻輝場地寬廣，用餐覺得舒服。值得下次再來光顧。

今天和朋友黎到了荃灣大鴻輝中心的牛大人火鍋。一進門就被「極上和牛吃到飽」吸引了，所以毫不猶豫地選擇了這個套餐。我們選擇了「阿嬤養生濃湯鍋」作為湯底，這個湯底不僅有鮮甜既菜底，還加入了杞子、紅棗和龍眼等材料，不僅能清熱，還有補益身體的功效。隨著慢慢滾，湯頭變得更加濃郁醇厚，非常養生。套餐裡有各種優質的牛肉可以選擇；上腹牛五花肥美柔軟，安格斯特選牛板腱肌理緊實有咬勁，安格斯牛小排纖維細膩，煮後呈現粉嫩多汁，手切封門柳肉質嫩滑，煮後入口即化，安格斯一口牛肉粒口感紮實彈牙，美國Prime極級肩里肌肉細膩鮮美。每一款牛肉都各有特色，令人口水直流。除了精選的牛肉，套餐還贈送了2粒澳洲M9和牛牛丸，牛味濃郁爽口彈牙。我地到達後始知牛大人與Dreyer's合作，除了火鍋放題外，還可以無限享用Dreyer's，讓整個就餐體驗更加滿足和物超所值。

就算夏天都好想打邊爐🤣今日放工想食好啲獎勵自己！一早book定牛大人120分鐘澳洲極上和牛吃到飽套餐慢慢嘆👍🏻🛎 台灣濃香番茄湯湯底濃郁芳香，層次豐富👍🏻鮮甜多汁嘅番茄肉質軟嫩～十分開胃！🛎 肉類澳洲和牛M5牛肩卷同埋安格斯牛小排都係我必定狂食既🤣牛肩卷肉質細膩軟嫩，輕輕淥一淥，入口即化‼️安格斯牛小排雪花均勻，牛味香濃，我同朋友都一人食左幾碟😋另外試左花雕酒雞件，都幾入味👍🏻而且雞肉好滑🛎 澎湖花枝漿非常方便，刮細粒啲熟得快啲🤣爽口彈牙👍🏻🛎 海鮮新鮮沙白大大隻，冇沙！非常飽滿已且肉質鮮甜海蝦新鮮，輕鬆剝殼🦐鮮嫩而且味道清新‼️🛎 飲品呢到連鴨屎香檸檬茶都有得任飲，真係好香，又能夠解膩開胃～除左有大量冷泡茶同埋罐裝飲品任君選擇，我哋仲時不時會聽到廣播，係某啲限定時間少爺啤酒會有買一送一優惠，做到14號😆🛎 雪糕原來牛大人已經全線會同 dreyer's合作，晚市可以任食雪糕，仲要齊曬唔同口味！開心果味真係好滑好香濃呀😍

5:00pm入座，120分鐘任食，極上套餐$288一位，仲要最近喺dreyers雪糕任食，炎炎夏日真喺要嚟探探佢。今次揀左個酸菜魚湯底，都喺一來到必須點咗啲和牛先，安格斯牛小排、澳洲M5和牛牛肩卷、美國SRF黑牛，再掉啲和牛牛丸落去，牛都仲喺有返咁上下質素，特別喺個兩粒牛丸。有啲耐無嚟，發現多左樣小食喺雞腳踭，又幾好食，脆口有咬口，同埋都喺叫啲小食即刻有得食下先，花枝釀油炸鬼、午餐肉、皮蛋豆腐呀，過下牙癮先。茶飲類都轉哂膠杯，但味道都一樣的。蔬菜丸類都無變，我都喺花枝丸必夾啦，仲有牛肚魷魚個啲，食咗好幾次都覺得性格比還在。

烚吓烚吓·120分鐘吃到飽台灣特色湯底有麻辣、養生滋補及素湯底共10款半自助式及QR code落單澳洲極上和牛套餐x2鳳梨雞湯鍋呢個湯底有半隻雞、蜆、鳳梨搭配苦瓜有小魚乾嘅鹹鮮味道清澈回甘，解暑止渴又開胃豐富有內涵配埋其它食材好夾配料有幾款，我哋都好鍾意🥢和牛M5牛肩卷～油花分佈美，肉味重，入口溶化，無限encore🥢和牛牛胸爽～脂肪膠原，咀嚼好滋味🥢M9和牛牛丸～大大粒，爽彈爆汁🥢水蓮 🥢麻辣鴨血飲品方面除咗冰櫃冷飲之外，冷泡茶後仲推出大熱鴨屎香檸檬茶，真係要試吓…如果想飲番杯，即日起至7月14日＂少爺啤酒＂會於每晚限定時間內會有買一送一優惠。(🔎詳情查詢）依家🎉全線牛大人會同dreyer's 合作，晚市均可任食雪糕 ，而且仲有開心果系列。

第三次幫襯，水準仲可以keep到！不過最近兩次食都比想像中少人，有一次仲要walk in都有位！自助食物種類算多款式，牛肉都好吃小吃前菜，尤其鹽酥雞也不錯今次黎食遇上雪糕任食優惠，正！仲要有新岀的dreyer’s開心果味雪糕食呢

荃灣大鴻輝 牛大人🐮120分鐘澳洲極上和牛吃到飽套餐$328（平日）鴛鴦湯底要另收費 所以我揀咗眷村白玉酸菜湯🍲由於叫極上和牛套餐 每位都有得贈送兩粒澳洲M9和牛牛丸 好正 普通牛丸真喺冇得比 牛肉嚟講 推薦手切封門柳同安格斯牛小排 肉質比較稔 另外仲有好多不同款又特別嘅火鍋配料 例如黑松露海鮮漿、真味牛肉漿 、澎湖花枝漿等等，仲有台式蝦餃 全部都好推薦嚟到台灣火鍋店 當然要點啲台灣地道小食 例如真豬小香腸、士林鹽酥雞 我哋都有叫嚟一試 牛大人嘅飲品款式相當之多 特別喺佢啲冷泡茶 打邊爐飲冷泡茶消濟的確喺好選擇 佢另外仲有依家好興嘅鴨屎香檸檬茶 我見到枱面仲有寫 如果like佢哋嘅社交平台 仲有原價$25嘅金鑽鳳梨椰奶西飲最後唔少得嘅喺依家牛大人竟然有任食dreyers雪糕 每人食返幾枝都回曬本啦 仲有少爺啤酒限時買一送一優惠

真係好耐冇食過牛大人啦🥹🥹 再過嚟荃灣食飯，真係都係依然保持住高水準👍👍👍 最貴嗰個極尚和牛吃到飽任食都係$328 相比起市面上真係都算抵👍👍7月4日起，全線會同dreyer's 合作，晚市入座均可任食雪糕少爺啤酒會由即日起至7月14日有限時買一送一優惠（限時為每晚的限定時間）$328極尚和牛系列，包咗好多款式例如安格斯一口牛、澳洲和牛M5 牛肩卷、紐西蘭羊卷肉、牛媽秘製牛筋及牛肚🤤🤤🤤湯底亦都揀咗蕃茄湯底👍👍👍😎另外嘢飲亦都十分之多選擇🤣🤣 包裝亦都轉變左👍👍仲有鴨屎檸檬茶可以飲到😎👍牛大人嘅水準依然冇改變到👍👍😎地址：牛大人台灣火鍋吃到飽 (大鴻輝(荃灣)中心) (荃灣)荃灣眾安街55號大鴻輝(荃灣)中心16樓

鼎鼎大名嘅牛大人剛開嘅時候就已經食過，原來牛大人都已經開左好多分店，今次去左荃灣嘅牛大人分店，一邊食住雪糕，一邊食火鍋。湯底選擇左牛大人紅燒牛骨鍋，入面真係有大大舊牛骨，非常足料。我就揀左澳洲極上和牛吃到飽套餐，除左基本嘅雞牛豬外，仲可以任食澳洲和牛。另外仲送上每人兩粒嘅澳洲M9和牛牛丸，牛丸好大粒，咬落彈牙多汁。肉類質素都唔錯，澳洲和牛M5牛肩卷嘅色澤都好靚，脂肪平均，牛味香濃。安格斯牛小排肉質柔軟，鮮嫩多汁。 另外仲有好多熟食小食選擇，可以一邊食，一邊烚下烚下。飲品方面選擇都有好多，除左冷泡茶外仲有近期大熱嘅鴨屎香檸檬茶。如果想啤一啤，就要留意少爺啤酒嘅優惠，即日起至7月14日於每晚的限定時間內會有買一送一優惠。最最最重要嘅係晚市仲可以係全線嘅牛大人任食 dreyer's雪糕，而且仲有開心果嘅雪糕揀呀。

之前都成日食牛大人，但係最近俾我發現DREYER’S雪糕都係任食，仲有最近大熱嘅開心果味17:00早場可以準時入座，120分鐘任食荃灣分店呢度座位比其他分店更加寬闊，卡位亦都比較多首先係揀咗湯底先，選左麻辣少辣主食就要用QR code落單整體來講落單到出食物，效率都幾快仲有兩粒和牛牛丸送，爽口彈牙必試牛小排、封門柳、牛胸爽肉質用油花分怖都好平均Juicy，牛胸爽質地口感爽脆有咬口，吾會覺得油膩海鮮選擇都有好多款式，除咗海蝦之外更加有大大隻嘅沙白鴨血大塊而且滑溜，咬落有汁，是多間台式餐廳之中最出色仲有啲台灣直送嘅小食都可以試吓外面仲有蔬菜同埋丸類可以自取，款式亦都有好多兩個鐘頭絕對夠時間食得飽

老公突然想吃火鍋，想食個痛快當然放題比較盡興。餐廳有3款套餐選擇，我倆一致決定揀澳洲極上和牛套餐，最正是由7月4日起，全線店鋪同dreyer's合作，晚市入座竟然可以任食dreyer’s雪糕,剛好就是今晚開始，超開心。湯底有10款不同口味選擇，很多口味都來自台灣獨有，我們最後選擇了牛大人紅燒牛骨鍋，湯底散發濃郁燒牛骨香味，保留燉牛骨的細緻味道，濃郁芳香。肉類款式都幾多，牛肉仲有多款選擇，特別喜愛澳洲和牛M5牛肩卷，油脂分布均勻，肉味濃厚，入口軟嫩綿滑。安格斯特選牛板腱肉味，中間有一條筋是它的特色，肉味香濃，肉質細嫩，略帶油花。安格斯牛小排肉質軟嫩，油脂甘香鮮甜。西班牙豬梅肉片，保留了豬肉的鮮味，油脂平均，肉質細嫩多汁。海鮮最愛鮮甜海蝦，蝦肉爽口彈牙，鮮甜美味。美人花膠厚身嫩滑，滋補養顏，最重要可以補充多啲骨膠原。鬼馬老油條，口感綿密，吸收了大量湯汁，反而吃落有點似牛脷酥。熟食方面有第二市場真滷牛肉飯，牛肉飯香濃惹味，肉汁豐富，獨特的風味令人一試難忘。豊原排骨酥，放入湯底10秒再吃，外層酥脆，內裏嫩滑，非常特別。中途吃吃下的時候，有店員叫賣少爺啤酒會有限時買一送一優惠，原來又是由即日起至

牛大人質素咁穩定，一定要定期食😍澳洲極上和牛吃到飽，依家做夢王誕，有日本頂級雞蛋「夢王」，只要晚市叫極上和牛套餐便有醬油溏心夢王蛋or夢王生雞蛋一款。夢王蛋獲得日本人年度公投刺身蛋拌飯第一名😍好香真係要食真啲。湯底方面第一次食呢個酸菜白肉鍋😆諗唔到都幾有驚喜，湯底唔算好酸，入面有一片片嘅豬腩肉咬落去幾爽口幾好食！我哋嗌呢個套餐會送和牛牛丸，比平時嘅牛丸爽口更香牛味。澳洲M5和牛牛肩卷👍🏻脂肪同肉嘅比例呈雪花，未淥已經知道好食，不斷食呢個可以回本😀安格斯牛小排嘅脂肪多啲，所以更加香口。原來佢哋仲有牛胸爽超正，有得飲，唔使平時出去食呢啲好貴㗎！另外推介鬼馬松露油條，放落個湯底一下秒，佢就會變咗半脆真係超好食！飲品有紅肉火龍果茶、鴨屎香檸檬，飲多幾杯都回本😺😺😺最後有雪糕或者夢王蛋布丁仙草凍😀夢王蛋比平時嘅布丁更有蛋味！

【牛大人推出全新無限量食品飲品🔥😌】/////每次打邊爐想食靚牛首選會係牛大人😋佢哋嘅牛肉脂肪均匀 茶飲都有好多選擇最後仲有豐富甜品 捧住個肚走🍮🍦🫘｜120分鐘極上和牛吃到飽 ($328/1ppl)🕐入座時間：平日17:00-21:00pm▶️湯底有十款 包括人氣秘方麻辣 台灣鳳梨雞…小編同朋友揀咗番茄酸辣湯底🍅可以保留大部分牛嘅原味 又可以品嚐酸辣快感～🔄最欣賞套餐贈送和牛牛丸 牛味重且冇筋 肉汁都非常juicy😍夢王祭中有唔同雞蛋嘅產品 夢王生雞蛋可以做火鍋配料醬汁 夢王布丁帶淡淡蛋香 質感滑溜 ♨️牛嘅部份最推介安格斯特選牛板腱以及手切封門柳 餐廳有先醃漬 牛肉風味佳 口感柔嫩👏🏻另外仲有新鮮沙白 豬肉 冷泡茶等等 洛神花茶酸甜開胃解膩 沙白爽口多汁 而甜品就有MÖVENPICK雪糕 仙草 士多啤梨甜甜的容易入口 仙草就有珍珠 紅豆 厚實仙草果仁配料 有奶香都好飽肚⁄(⁄ ⁄ ⁄ω⁄ ⁄ ⁄)⁄———-📍牛大人台灣火鍋吃到飽荃灣眾安街55號大鴻輝(荃灣)中心16樓