牛摩+ (上水廣場) (已結業)

上水，一個被忽略既美食沙漠，依個冬天終於有新既放題店出現啦 - 牛摩一開張我就已經打定電話book 定枱。因為牛摩既火鍋之前我係其他分店試過，所以今次就試燒肉放題。平日晚餐時間都好多人係牛摩外等位，証明北區人幾渴求新餐廳。好在一早訂定位，原來可以燒肉既枱唔多。我地揀左LV2既美國特選和牛燒肉放題，價錢唔算貴，飲品任飲唔駛怕會食到口渴！入到餐廳比想像中細，但係座位好闊落。亦因為新店既關係，裝潢設備都好新！餐廳係用QR code 自助落單既，一開始店員就送上牛摩和牛盛9品同刺身盛5品。 品質好好，好多都好雪花，燒起上黎好正好Juicy！之後我地試點左唔同味道既肉，主要叫左牛肉同豬肉豬腩肉非常搶火，如果佢個燒烤夾再長d就好啦！之後落單既肉都唔差既，個人幾鍾意個牛肩脊肉，有肉感又有咬口！出左去轉左個圈，除左有個櫃係放火鍋既配料外，重有甜品櫃，飲品櫃，壽司，中華沙律，雪糕機等等！見好多人都揀左火鍋，可能最近天氣凍左。重有佢火鍋既食料選擇好似比燒肉更多，下次可以再試。總括黎講，係上水今個冬天唔係淨係得吉X 家同大X樂，簡直係北區人既福音！

上水終於都有牛摩+！！之前喺其他分店食過火鍋放題，今次就嚟試吓燒肉放題。星期一晚上嚟到都幾多人等位，而可以食燒肉嘅枱只有四張，所以如果想食燒肉最好早啲嚟拎飛呀。呢度主要係qr code落單，部分火鍋配料、壽司小食、飲品同甜品就自己出去拎嘅，選擇都幾多。我哋揀咗Lv.2 米國特選和牛燒肉 （100 分鐘），送牛摩和牛盛（9品）同刺身5點盛。牛摩和牛盛（9品）擺盤好靚牛肉嘅品質好有驚喜，油脂分布均勻，肉味濃郁，一啲都唔韌。私心覺得最正嘅係美國SRF安格斯和牛牛板腱，燒到七成熟，再點少少鹽同燒肉汁，非常好食！刺身5點盛估唔到火鍋燒肉放題店送嘅刺身都咁好食刺身全部都好新鮮，尤其係墨魚同甜蝦，好想encore～呢個放題套餐有幾款「主打」一定要點：米國特選和牛牛肩脊肉、米國牛板腱、米國特選和牛一口骰仔牛同米國牛肩脊肉。坊間有啲放題店係頭一round就畀啲靚肉，但之後追加嘅肉就冇咁靚，而牛摩+就絕對冇呢個問題！無論叫第幾round肉，品質依然keep得住咁好，由頭好食到落尾，超抵讚牛油栗米好甜好香，燒菠蘿酸酸甜甜好多汁味噌青瓜係即食嘅，味噌唔會太鹹，配埋啲新鮮爽口嘅青瓜食，好夾好清新，可以解吓膩，再

上水又開新分店啦🙆‍♀️之前去過屯門嗰間食火鍋印象好深刻,因為性價比高肉質好有質素👍於是今次試埋佢嘅烤肉🤪今次揀咗Lv.2 米國特選和牛燒肉放題 (100 分鐘)，入座即送「牛摩和牛盛 9 品」及「刺身 5 點盛」低至$248 起食到超過 100 款美食🙈位置寬敞比較開陽,幾鍾意個裝修有格調!燒烤醬同玫瑰鹽🌟牛摩和牛盛 9 品🌟一入座就上左個拼盤俾你食先🙆‍♀️份量我覺得啱啱好,因為可以試左邊款適合自己口味先在Encore👍嚴選美國進口和牛,肉質嫩滑,肉味濃郁,油脂分佈均勻,燒肉必備名物😋刺身 5 點盛🌟三文魚厚切啖啖肉,最鍾意北極貝爽口鮮甜👍牛舌🌟薄切牛舌真係好好食😋大家都要叫下🙆‍♀️有兩種選擇黑椒同原味!口感爽脆牛味濃郁!美國特選和牛肩胛肉🌟和牛油脂分佈均勻,入口即溶而且有多款醬汁可以揀!燒菠蘿🌟差唔多食飽可以燒埋個菠蘿🙆‍♀️甜甜地可以減少油膩感!

❣️上水廣場「牛摩+」獨家推涮涮鍋放題夾公仔機二合一 ❣️天氣轉涼最啱烚下烚下🍲「牛摩+」上水廣場店獨家推出左「日式涮涮鍋放題夾公仔機二合一」⭐️有得食有得玩梗係即刻去開餐啦😍😍呢度同時提供日式涮涮鍋放題同時尚夾公仔機，一次過俘虜牛控、火鍋控同夾公仔達人‼️完全中晒我心水！可以邊食邊潮玩！我哋就揀咗食美國極品牛小排海鮮放題同牛摩別注版湯底「博多美人骨膠原啫喱雞白湯」！造型萌爆超美顏🥰美國及日本引入優質牛肉，90分鐘任食！❇️源源不絕供應美國極品牛小排、美國極上和牛、美國特級牛肉、美國極上黑豚肉、花膠、鴨血、帆立貝、海蝦、墨魚仔、廣島蠔和經典港式醬爆瀨尿牛丸等❇️加上自助放題區，粟米、蕃茄、米線、薯粉、米線、多種唔同蔬菜🥬甜品方面都有好多唔同口味！啫喱、布甸、泡芙、糕品等選擇仲有埋雪糕🍦飲品都有好多選擇！飲品櫃有齊汽水、冇汽飲品同埋茶類！最驚喜係有埋成部咖啡機喺度！同埋沙冰都有兩種口味！真係一次過滿足我地所有願望😍餐廳空間感十足超級寬闊！充滿童趣玩味繽紛色彩🌈上菜速度非常快！店員服務周到，主動幫我哋加湯同收碟！