牛摩+ (上水廣場) (已結業)

上水廣場有間連鎖式台式小火鍋 牛摩最近仲有活動 台灣祭 好多左啲特別野！最衰要戒辣唔係一定試佢個台式麻辣鍋但係叫咗一個博多美人骨膠原啫喱雞白湯上來好可愛的 如圖但係好快就溶解了 影唔切相哈哈叫咗個美國牛小排套餐 可以叫嘅肉類都好多選擇全部都10分10分10分之高質炸物小食亦好多選擇 全部都新鮮滾熱辣台灣製特別食物包括有甜不辣 黑色的台灣腸 麻香貢丸 龍鳳蛋餃等都係平時唔容易搵到來吃的其中芝士牛丸是我最愛 香濃的芝士和爽彈牛丸原來是最佳配搭愛吃飯的也有福 牛摩飯 仲有溫泉蛋版本喔

牛摩係食一人一鍋嘅，同朋友嚟食都可以揀到自己鍾意嘅湯底，我揀咗博多美人骨膠原啫喱雞白湯，湯底一開始係卡通樣好趣緻，朋友揀咗壽喜燒湯底，會跟一隻鮮雞蛋🥚今次叫咗極品美國牛小排90分鐘放題，牛小排嘅雪花比較多，而另一款我哋叫得多嘅牛肉係牛肩肉，雪少啲但係肉味較濃，幾碟牛肉嘅質素都好平均，另外見到有啲係台灣祭嘅食物，例如麻辣鴨血、墨汁香腸等，比較有特色🥩小食方面最鍾意係雞軟骨，新鮮炸起而且炸得啱啱好，調味適中又唔會太鹹🥢火鍋配料喺QR code落完單好快就送到，主要係叫肉、海鮮，至於蔬菜、丸類、甜品、飲品都係喺自助區攞，即使晚市全店滿座，但係幾次出去自助區攞野食，都見到啲食物同埋飲品區係齊全嘅👌

打完拳就放縱一下自己，同朋友黎試牛摩新推出嘅美國穀飼精修胸腹肉+海鮮放題！🤗90分鐘放題都係$219，另收加一服務費！每人一個湯底都幾方便、衛生！我揀左麻辣鴨血湯，湯底入面有4,5塊香嫩入味嘅鴨血，好滑！❤️朋友揀左博多美人骨膠原啫喱雞白湯，個湯底好得意，係牛摩公仔啫喱，好有誠意！用黎影下相打卡一流！🤭上完湯底，職員好快就攞左一碟胸腹肉，肉嘅層次好明顯，一層油一層肉😍肉質結實而且油脂感重，愛牛之人表示好正呀！🤗個餐仲可以叫特選牛肩肉，牛肩肉質都軟嫩，而且油脂都豐富！牛味濃😍🌞食物種類🌞牛摩嘅自助嘅食物種類都多，有唔同嘅丸、蔬菜、飲品、仲有甜品！飲品仲有幾仲雪櫃咁多款！😍丸有:貢丸，龍蝦丸，花枝丸，墨魚丸….蔬菜:西洋菜，娃娃菜，南瓜，金針菇，冬瓜…值得一讚嘅係菜都洗得好乾淨！👍🏻👍🏻處理同擺放得好好仲有唔少海鮮可以選擇，例如海蝦、青口，墨魚滑，魷魚仔，帆立貝等等🌞服務🌞員工都好友善，而且好主動加湯同收碟，唔錯！👍🏻👍🏻

最愛任食打邊爐北區嘅任食打邊爐選擇少，呢間牛摩質素算係唔錯，價錢合理，自助區火鍋料/甜品/飲品選擇都好多，而且限時打邊爐最緊要上菜上得快，基本上下單後1分鐘佢就拎到碟牛牛比我，值得一讚👍🏻今次食美國穀飼牛胸腹肉90分鐘放題，一人一鍋可以一次食到2個湯底。豬骨湯好可愛，係牛摩公仔既啫喱狀，開爐望住佢慢慢融化成為湯又有啲於心不忍😂😂😂用豬骨湯尼淥牛肉同豬肉都好適合，個肉味會較為突出。不過我更加愛沙嗲湯，佢個沙嗲好濃厚，淥牛肉唔需要點豉油都好好食。牛胸腹顏色鮮艷，唔係雪到硬掘掘既雪藏肉，淥幾秒已經食得，肉味濃厚唔會騷，肉質淋滑，好快就清哂一碟再encore豬肉片大大片，都係好快就熟，肉味夠鮮甜👍🏻👍🏻最滿意係佢出面自助區，蔬菜眼見都6-7種（出面好多任食火鍋店只得唐生菜同娃娃菜），丸子又係好多選擇，有啲我都未食過😂甜品方面，朋友今次創左新食法：先斟一杯熱咖啡，再淋落朱古力軟雪糕，自製Affogato😂總括而言$219食90分鐘性價比係好高，食左8碟牛2碟豬嘅我覺得回左本有突🥰

今晚請朋友食生日飯，帶咗佢嚟上水廣場嘅牛摩食日式火鍋放題，今餐食好少少，我哋揀咗食極品美國牛小排嘅放題。湯底方面有好多選擇，一眼就被呢個造型可愛嘅別注版湯底吸引 —— 博多美人骨膠原啫喱雞白湯，朋友就揀咗關東風壽喜燒。一開始就會先上一碟極品美國牛小排，牛肉嘅雪花好靚，厚薄適中，口感軟嫩，食落唔會有渣，非常唔錯！之後再追加嘅牛小排都保持到同樣質素。出面自助區有各式各樣蔬菜同配料，調味料，飲品，甜品，一應俱全。睇睇Menu，發現除咗平時會見到嘅一般配料之外，仲有一系列期間限定嘅台灣祭食品，其中我覺得好吸引嘅係墨汁香腸，爽脆炸魚皮，芝士牛肉貢丸，冰烤番薯，一口黑糖麻糬，竟然連珍珠奶茶🧋都有！同時可以品嚐到日式同台式火鍋，感覺非常特別海鮮方面，都有唔少選擇，其中有廣島蠔，加拿大翡翠螺，蟹籽墨魚滑等都值得一試。廣島蠔都幾肥美，蠔味好濃。翡翠螺好大隻，螺肉大大粒好厚肉，喜歡食螺嘅朋友必點。朋友見到Menu上有個溫泉蛋牛摩飯，就忍唔住想試試，味道都唔錯。甜品方面，必食嘅梗係北海道低脂乳酪，仲可以自己加topping。另外有個士多啤梨忌廉蛋糕都幾好食。呢餐食得好豐富，好滿足

最鍾意去牛摩因為可以一人一鍋唔使遷就人地口味😆今次同屋企人食「極品美國牛小排」😍遇上牛摩推緊期間限定既台灣祭多左好多款台式野揀呀是日湯底有7款可以揀我地點左🔅博多豚骨濃湯同🔅博多美人骨膠原啫喱雞白湯好可愛既骨膠原啫喱有牛摩公仔個樣牛小排呢set可以任揀牛小排、和牛、牛板腱、牛肩胛、另外仲有豬雞羊肉、同埋海鮮、炸物小食牛小排油花均勻、牛味濃、肉質柔嫩，紋理細緻，薄切好岩用黎打邊爐，輕輕淥一淥就食得，好滿足我地全晚不停refill牛小排😍另外牛板腱肉質就實啲，牛肉味都好濃，呢兩款肉都好高質食得太多肉都需要啲小食同菜類balance下遇上台灣祭居然有水蓮！市面好少見呢款菜水蓮口感清爽同打邊爐勁夾仲有其他台式小食：麻香貢丸、甜不辣、龍鳳蛋餃、寒天晶球奶茶熟食🍲每次我都必點一口炸芝士同炸雞塊大推一口炸芝士又香又脆芝味又香濃甜品飲品款式種類都幾多有卷蛋、泡芙、蛋糕、自助雪糕野飲冷熱飲都有Coffee or tea/罐裝都過10款任揀好欣賞佢地出菜收碟都快員工都好friendly重點係肉類refill都會出得快同出齊！呢個對食肉獸黎講好緊要加埋而家牛摩出左星聚電子禮卷$1000即買即用仲送多$100

牛摩提供左戈款湯底，以一人火鍋嘅模式！兩個人食，所以揀咗兩種湯底昆布鰹魚清湯博多美人骨膠原啫喱雞白湯其中的美國極品牛小排少驚艷‼️肉質鮮美，充滿牛肉既香氣，肥瘦分布都很均勻，享受到肉的口感同油脂既滋味除左牛肉，牛骨濃汁牛丸都是我們既最愛❣️呢種牛丸口感極佳，多汁又彈牙，濃郁的牛骨湯汁令人回味無窮醬爆瀨尿牛丸口感更為豐富，小心辣口 勁爆汁牛舌也是不容錯過的選擇。牛舌的肉質不錯，爽韌除了火鍋，「牛摩」仲提供各種小食，包括麥樂雞、炸一口芝士、小丸子、雞翼和小紫薯等，試盡多種美食。店家仲好貼心，可以一粒一粒咁叫，你就可以每樣試少少，唔會吃完一份後失去食慾。最後，我們甜品低脂乳酪必須留肚食‼️超yummy，而且配料都非常豐富，可以根據自己口味加入不同的配料，輕鬆享受美食的樂趣環境夠闊落，一班人傾偈打邊爐都唔會覺得好侷促！而且好乾淨👍🏻不錯‼️

牛摩+位於上水廣場5樓美食集中地，今晚想好好大吃一番就係揀火鍋放題😆😆牛摩嘅火鍋放題有唔同價位嘅套餐set ，分別在於食物種類數量同牛肉級別，我地今日想食好啲啲就揀咗最二貴嘅極品美國牛小排套餐，有超過20款火鍋配料，仲未計外面仲有超過20款蔬菜丸類甜品等，唔怕你食唔夠最怕你食唔飽🤣🤣湯底方面有8款，可惜麻辣鴨血湯暫停供應，我地就揀咗一款升級湯-日本長野蘋果湯，另一款就揀咗基本款-蟲草花雞白湯，兩者都唔算濃味，反而可以試到食材本身嘅味道😆😆咁多款食材我地最推薦係下面幾款☺️特選美國🇺🇸牛肩胛SRF美國和牛美國IBP牛板腱牛肉片塊塊都好大片但薄切，所以唔使淥好耐就已經熟透了😋😋和牛嘅雪花紋超級吸引，油花平均，牛味足夠，真係要嗌多幾盤呀另外要讚一讚店長同店員們，用心照顧食客，會留意到客人嘅需要同主動加湯，食得開心又滿足

每次經過上水廣埸，就會見到佢個廣告，本身小朋友又喜歡打邊爐，價錢還可以，耐唔耐就會來食，之前有反映過想要瘦啲的牛，好多時都係得到官腔回應，今次都一樣，但個黑色制服男店員隨後拎左盤超瘦的肉出來，呢個服務真是好好呀，有驚喜呀。羊肉都好食，但都係肥左啲，泡芙好食，個人覺得湯底已經好濃味，可以唔使點豉油啦。一人一鍋幾特別，唔使另加鴛鴦湯底錢。今次個手機落單好似有啲壞壞地，可能wifi收得唔好掛，變左有一次落單double左，都食得曬既。

午市90分鐘兩位，選好餐到選湯底，太太想睇餐牌有乜湯底選，我讓開比太太睇，但個門口侍應竟然莫明奇妙咁話“你左邊睇同右邊睇都係一樣呢D湯底”，我當時已感覺個侍應態度唔係咁好，而後面又無人排隊，又無阻住人，唯有心諗當個侍應係細路，唔同佢計。個侍應安排我們坐死角位，因之前坐過死角位風吹正頭好唔舒服，同侍應講唔想想坐死角位，因為風口吹正頭，想坐其它位(全埸有好多吉位)，個侍應話其它係6人枱，只可以安排厨房門口嗰張枱(全場只有幾枱客)，但我見有兩人或三人都係咁坐响度食緊，我同侍應講其他人(兩人或三人)都係咁坐，點解唔可以坐嗰D卡位，但個侍底當聽唔到，只係不停重覆問坐唔坐厨房門口位，態度十分差。老實講，我們只係食餐飯，唔係嚟嗌交，都係嗰句，當個侍應係细路所以忍多佢一次，唔想影響我地兩公婆食午飯嘅心情。但希望呢間餐廳嘅管理層留意吓員工的服務態度。呢位侍應可能係萬中無一，但下次唔會再幫襯。

245这么貴上的牛肉真的好一般 吃起来没有牛肉味道薄的跟纸一样。吃过最难吃的一家店。汤底的味道又一般很淡根本没有味道。东西又很少。牛肉都发黑。一点都不新鲜。再也不会来了，没有下次。还收这么贵的价。服务员态度恶劣上菜都是直接扔上来很大声的样子。东西我很少甜品就那么几样。真搞不懂怎么开这么多分店，

原來上水廣場樓上而家有一層裝修咗,全部都係食肆~所以今次嚟試下牛摩嘅打邊爐放題~因為呢度可以一人一鍋~所以啱晒我呢啲孤獨精~想要食火鍋放題時,唔想約人都可以自己一條友嚟食~揀咗美國特級牛肉,湯底就揀咗壽喜燒同鰹魚湯底~壽喜燒同牛肉真係好夾,但係如果唔想吸收咁多糖份嘅朋友都係揀其他湯底比較好~一開始時會俾一份牛肉一份豬肉同一份雞肉你~因為都好薄,所以非常快熟~牛肉睇落都幾靚,有啲肥油但又唔太肥~食落口都有牛肉香味~而且上檯時仲係好硬身,唔係話放咗好耐融晒雪咁~豬肉嘅肉質都比想像中嫩滑~所以後來都encore咗好多次~值得一讚嘅係,呢啲肉類係上網加單~而每次加單都係極速幾分鐘內就會上檯~所以唔使擔心要等好耐而一早叫定幾份~可以真係食完一碟先再叫另一碟~呢度仲有大大個飲品櫃,有各式飲品俾你揀~唔喜歡的話,旁邊仲有個沙冰機可以試下~隨咗網上加單嘅肉類,佢仲有好多菜同埋丸類可以試~佢嘅丸類感覺一般,所以可以真係主攻牛肉同豬肉~而菜嘅款式都好多,唔使淨係食肉咁膩~佢仲有一啲甜品,例如泡芙同小蛋糕~所以以200蚊左右一位嚟講,性價比真係幾好~見佢加26蚊仲可以有任點海鮮~其實都幾吸引,不過90分鐘比

今日同一班肉食朋友打邊爐。個個都食到大大隻隻。唔食放題點會滿足到我地。點左美國極上和牛套餐。以午餐嚟講可以話非常豐盛。極上和牛充滿牛味。而且有自助吧可以拎菜食。抵讚嘅係你點幾多就嚟幾多。絕對唔會有漏單嘅情況。因為我地接近兩點半嘅時間先入座。所以食飽嘅時候餐廳食客都唔算多。仲可以靜靜地一班人吹下水。呢間餐廳絕對會再幫襯。今次用餐體驗係非常之好。價錢唔貴。食物高質。但平日嚟食會比星期六日平啲。下次平日嚟食先。

終於有返晚市堂食，梗係同老婆去食餐好！點咗新meun【 5%稀有 三筋肉‧海の幸放題】，90分鐘任食 13 品美食（美國三筋肉、精選牛肉、特級牛肉、牛舌、黑豚肉、豚肉、雞肉、花膠、 鴨血、墨魚滑、帆立貝、海蝦、墨魚仔）連自助放題區。自助放題區嘅選擇都幾多，有蔬菜、雜丸、壽司、小食、甜品同飲品。三筋肉之所以叫「三筋肉」，係因為肉面、肉底同肉中間都分別有一條薄薄的筋膜；三筋肉係牛肩胛後部分嘅肉，因為活動量較少所以脂肪含量會較高。食落口感軟腍嫩滑，值得encore精選牛肉、特級牛肉兩份都好食，肥瘦適中、夠腍身、有牛味，肉質完勝坊間火鍋店嘅肥牛。黑豚肉本身嚟到都係諗住喪食牛肉，點知啲豚肉都好有驚喜！肉嫩帶甜，一啲都唔韌整體上牛摩＋嘅食材都幾新鮮，質素又夠穩定，而且環境乾淨企理，適合同家人朋友嚟淥一淥。

牛摩+門口裝修得好靚，入去食就好似去左日本咁叫左新出嘅「5%稀有三筋肉‧海の幸 90分鐘放題」，呢個餐新到連個系統都未setup 好，連埋任食 13 品美食及自助放題區！.登登～呢碟係三筋肉食左一舊已經被俾嚇親，真係好好味，牛中間有條筋，而且條筋好爽，即刻有筋都唔會靭，而且有牛味，打邊爐超級正，極推薦大家食呢個餐！成個餐第二好味嘅，就係美國極上黑豚肉，豬肉即刻淥耐左就好唔會鞋，仲好爽好有香肉味，大推大推！除左肉類，外面嘅自取區有唔少菜同高質素嘅丸、腸仔同魚柳，平時有食開麻吉燒嘅話，一定要試呢度嘅麻吉燒，超級高質素，入面舊年糕都係有味同煙靭!隔離有埋熟食同甜品，有壽司、螺肉同中華沙律，甜品就推介有塊假葉包住嘅紅豆西米糕，即使好飽都食左2舊( ´▽｀)飲品都有好多選擇，有唔少平時好少見嘅韓國飲品，食甜品加埋latte 一流！