牛極 (庇利金街) (已結業)

牛極今日行過佐敦好肚餓又想食平平哋嘅牛扒😍😍路過白加士街就見到一間牛極好似好得意😎佢係用一塊石板咁想再慢慢燒到你想食嘅程度，場內嘅白飯湯同埋沙律都係免費任裝，尤其是係個湯特別好味好濃郁嘅牛肉味😇真係好好飲😋😋今次就叫咗一塊牛柳🤣同埋一塊牛肩肉❤️，肉質唔錯好有牛肉味，亦都好淋，以呢個價錢來講食到咁上下質素嘅牛肉算係幾好👍🏻，而且好欣賞白飯任裝🥰🥰，因為食牛扒嗰陣用嚟送飯係最好味嘅😋😋😋，然後餐枱上仲有三款唔同嘅調味料，我最鍾意玫瑰鹽又香又釣到味👍🏻👍🏻整體來講都算係水準以上，下次路過都會想再食多次😊

💖疫情下的一人晚餐💖諗起去意大利果陣，一班人食牛扒，有d要全熟，有d人食7成，有d人食5成，有d人3成😂😂😂真係好煩😅😅最鐘意食牛扒, 所以黎 #牛極 就唔會有呢個上面嘅問題發生，已經食過好幾次，每次都好滿意。店舖採用全自動購票形式。全部一人一個熱石自己燒自己控制生熟程度🤗一個價錢包晒白飯，沙律，湯及醬汁無限加添👏疫情期間仲有塊版間開，較衛生。我今次揀左牛柳200g都係 $110，唔洗加一😁性價比極高塊牛柳好稔好嫩，無筋，啖啖肉味都濃厚😜可以開頭食下d生d, 後尾再食d熟d, 試下唔同質感😁最鍾意加埋蒜蓉食，超香口呢😍😋強烈推薦呀#hkig#hkfoodie#牛極#steak#jordon#佐敦 @ 牛極

肉類之中我最愛的是牛肉。近年城中一間間食牛肉的專門店陸陸續續登埸。試過不少，今日就去了佐敦呢間。門前一部購票機，案自己喜歡的肉種類和重量揀選。隨了主食牛肉外，自助區包括沙律，湯，飯和醬料，任意加添！牛肉食法是將肉放在熱石上，案自己需要的熟度烤煮。跟朋友各點不同牛部位一齊分享：牛肩肉的間隙脂肪含量比較多，吃起來肉質鮮嫩。牛柳油花比較少，肉質極幼嫩同多汁。牛肉在熱石上，吱吱響，非常滋味！估不到花費不太貴，所享用的質素卻很高。

之前lunch time去過牛極起元朗既分店之後念念不忘 今日起佐敦撞正係機會再翻兜石燒牛既滋味今日我同父親嚟食個燒牛扒午餐 我叫咗份牛肩扒 牛肩排水準都係咁上下 食落好有肉味 咬落比較有咬口 唔錯 老豆叫左塊牛柳 店員見佢切得慢驚佢塊牛柳熟得制 仲好貼心咁拎咗個碗俾佢裝住先 逐啲石燒避免塊牛柳燒到過熟食落會韌 真係好好服務除咗牛扒之外 今日咁啱係牛尾湯 酸甜開胃 平時唔多食飯既我 都自肋拎咗些小白飯同沙律 加埋燒牛一齊食 平平地食塊牛之餘仲有啲蔬菜食下有埋湯飲都幾豐富 但一人只係$80埋單 抵食 幾推薦想食肉個日去食返餐石燒牛

中午時間、同朋友去咗佐敦呢間人氣牛扒店午餐、到達時差不多滿座，售票機買飛先，屏幕已經顕示多種牛扒價錢，簡單操作，取飛後就有店員安排送到座位，招呼服務都幾好！原來這午餐除了石燒牛扒外，仲包括咗自助沙律、餐湯、白飯任添、一定夠你食到飽！牛扒價錢跟重量和不同部位計價，約由$80至$350都有得揀我點咗美國牛肩肉300g$120,朋友點咗紐西蘭牛枊300g$160牛枊牛肩肉熱騰嘅牛扒好快送到面前、火山石發出的高溫，令一大件約一成熟的牛肉發出滋滋聲響！這時自己切開牛肉，生的朝下炙熟，程度由自己控制！牛枊肉身腍軟、肉汁十分豐富！非常可口！牛肩肉較硬一點，但十分有鮮味！醮些特製燒肉汁，一點點岩鹽、味道十足！加上沙律、羅宋湯、白飯任食！如此價錢、能食到這等優質牛扒、極之超值又好食！

本身打算去壽司郎食lunch，但太肚餓唔想排隊結果行行下就入左尼間牛極，性價比高，而且唔大煙，坐得舒服。我叫左牛舌lunch set，男朋友叫左300g牛肩排都只係$120。半自助形式，飯、湯同沙律菜都係自己拎，用牛煮嘅羅宋湯好濃郁好飲但偏咸。唔推薦牛舌，雖然厚身但冇乜味，似‘嗱’過所以淋身。反而牛肩排唔錯，夠厚又有牛味，放係鐵板再煎煮唔會太韌，抵食！假如提供嘅係蒜片唔係生蒜粒就更好la~ 180g牛配飯基本上夠食，300g唔大食嘅話會太多

石板燒牛喺香港唔算係新鮮野，但係呢一個價錢食到就絕對非常新鮮。平均每人唔使$100 ，抵到爛。依一間樓極位於佐敦，容易就搵到。基本上嘅菜單全部都係食板燒牛，有唔同級數。今次我就試咗比較經濟嘅西冷同埋牛肩肉排。呢度所有套餐除咗牛肉之外，椰菜沙律，飯同麵豉湯都係無限供應，包你食到飽為止。主菜首先有牛肩排，上枱時只有一成熟，然後隨你個人喜好控制熟既程度，我自己就覺得5成岩岩好，外皮香得黎保留到肉汁。牛肩排脂肪比較少，肉與結實，加少少岩鹽可以帶出個牛味。西冷相比牛肩排多少少油脂，相對比較香，唔洗額外調味已經好好食！食下食下成碗飯食哂🤣🤣🤣平時諗唔到食咩黎依度真係經濟實惠又好味！😋😋😋

熱石牛扒真係愈開愈多，受歡迎原因我諗係因為平同埋質素都唔錯，最平七、八十蚊就有交易，今次去呢間都唔例外，每人叫一份牛，價錢已包括沙律、餐湯及白飯，可以去自助區任飲任食🤪.沙律可以自己加醬，而當日去既餐湯係日式牛湯，味道同羅宋湯一樣，不過都幾重牛香同牛味，幾好飲.牛柳 7.5/10餐廳將牛肉先燒至1成再放上熱石比客人，客人隨自己口味決定燒幾耐，我就鍾意食5成🙈食落肉味濃郁，完全不乾，入口唔會太肥膩，整體肉水準不錯，重點真係幾抵食，一定食到飽！

最近都係隔離在家，難得出街食嘢，就想試D特別既，馬上俾哩間石燒牛吸引。整體來講，牛排肉質唔錯，而且性價比超高，唔同款式既肉同埋分量可以揀，可以話豐儉由人了。首先係門口自助購票，買票後，入面既沙律、面豉湯、飯都係任裝，非常抵食了。牛肩排（180g）牛肩排係最抵食既餐了，$80 有上面哩D，性價比真係好高牛肩排既肉味比較濃，中間會有條筋，店員有簡單介紹，哩個係牛肩排既特色石燒牛可以自己控制熟既程度，啱曬自己口味，又好玩。牛柳（200g）牛柳肉質比較腍，肉質軟屬，好味。我比較鐘意點檯上放既黑椒碎兩塊牛肉上台陣係咁樣，唔使擔心石板太熱，肉汁會彈到店員同食客，幾貼心餐廳係工業風，幾型格，同埋疫症期間，都分隔得幾好餐廳好貼心咁準備咗圍裙，自助取醬料同糖、飯

呢間係食熱石燒牛，有好多牛既部分可以揀，我覺得都幾抵食1. 牛柳 200克（$110）我怕牛太韌，諗諗下揀左牛柳，相對其他部分應該係比較淋d! 首先門口有部機揀牛同克數，廚房收到order勁快就會出餐！由於牛上黎果時得1成熟，可以襯岩岩開始燒個空檔去拎左沙律、飯、味噌湯、醬料、水等等先，自助形式自己拎餐具。熱石真係好熱，我切薄片，幾秒就表面已經熟，燒耐d直頭well done左😳 好彩牛柳呢個部分的確比較淋，我食得有d慢，食到中段，熱石已經幾舊肉的表面燒到熟哂突，但食落都唔會話好乾同韌，都仲係唔錯，當然食快少少就可以做到medium rare，石的溫度冇得調節，自己速度同牛的厚薄就好影響燒得幾熟。仲有好正既係除左牛，其他所有野都係任食，我食左好多沙律，個味噌湯超足料，我飲左2碗🤭總結：店員姨姨超好人，仲同我地傾計，店內仲有消毒用品，所以大家都係消毒左先夾野食，每次想再添都係用新碗碟，防止交叉感染

出去廟街買洗頭水，行吓條街水靜河飛，同往日人來人往真係兩個世界，都冇乜特別嘢想食，原本諗住行返去佐敦道食馬華，路經庇利金街見咁幾間食肆都多人喺門口等位，同太座一個眼神交流就行上去睇吓，有間雙皮奶有間食雞湯翅，最後揀咗呢間食牛扒嘅，都要等咗一陣間先有位，本身都多人幫襯加埋限聚令冇辦法!原來呢度係用塊火山石煮熟牛扒，上枱時只有1成熟，隨個人喜好自己煮至幾成熟，唔錯!有個自助位置可以攞沙律、麵豉湯、醬汁同白飯，仲有紫菜粉可以加落飯面，我試過覺得唔錯!牛柳食落肉汁豐富，有D咬口，又唔算太韌;牛肩排比牛柳較為嫩滑，但肉味一樣，睇吓個人口味喜歡，枱面上仲有3樽調味料以供選擇，個人喜歡加鹽吊一吊味，好味到可以同太座一齊添飯，性價比高嘅一間食店!

疫情問題除上班好少出街，今日見風和日麗，大人計畫去油麻地買啲烤焗工具，自家製蛋糕麵包。佢話先落佐敦行行街，醫醫肚。行經這間有日本風的餐廳，在販賣機自己落單，侍應告知可以坐的位置，然後等送餐。半自助式套餐，餐具，湯，沙律菜，白飯，水 都是自己取的。有貼心圍裙提供，今天著白色衫，一定要圍一圍。點了牛柳及牛肩排各一份。很快就送上有成吋厚的一乘熟牛排，用廚房紙蓋著(以免肉汁彈出)，吱吱聲，出晒烟，挺有趣。因之前曾經在其他店食過，除非食得好快，否則牛排一直放在石板上會過熟。所以今次將牛排分開一半。的確策略成功，因一向喜歡食半熟，所以今次可以慢慢嘆。牛柳很有厚度，挻腍滑，入口即溶，肉色好靚，可以煮到自己喜歡嘅熟度食，！牛肩排就較有質感，有咬口，帶少少根，不過也頗軟腍，牛味重一點。拿了些辣汁和醬油，但原來只用枱面上的鹽，胡椒和香草已經很夠味，辣汁反而會遮蓋了牛味。白飯任裝，紅/白蘿蔔牛肉湯任飲，沙律菜任食，必會吃得飽。總體感覺良好性價比也算高。

朋友帶我去左佐敦揾食，今次食左石燒牛，一入門口就有部自助機點餐用，職員用心推介有咩好食，一入門就見到好大隻牛牛裝飾牆好特別，之後就可以入去坐低等食，餐廳都好闊落，光鮮，環境舒適，仲有自助形式可以俾客人自己去拎沙律加不同既醬汁，仲有好味既牛肉羅宋湯，好開胃，同埋白飯任食既半自助形式，牛扒上菜速度快，牛肉肉質彈牙，石燒特式牛扒會燒一成熟再由客人自己按味道同熟度去煮，牛肩扒好淋，牛柳好大塊，好juicy，呢個價錢食到甘大塊牛扒都真係幾抵下。

自從限聚令一出 打擊左唔少小店座位少的小店生意更是雪上加霜今日難得是復活假最後一天 想出來走走只是吃一個午餐便回家今日去了牛極想試一下石燒牛坐位很鬆動 一定不只1.5米而且不夠熱可換 很貼心有湯 飯 沙律同醬汁可以自由選用湯是有牛肉粒的 好像羅宋湯 很好味不小心飲了2大碗我同朋友點了一份牛肩排及牛柳好大件呀一個女仔真係食唔哂真的只有一成熟 自己要等等才熟大家可以自己等想食的時間 才進食加上鹽同黑椒味道更出非常有牛味!!!很可以配飯!!!!我朋友說很抵因為他沒有試過吃這類型對於很吃得的男生來說的確很滿足

在鹿兒島吃過石燒牛排後便念念難忘，剛好在佐敦購物時發現一間石🔥牛餐廳，吃吧！來治癒想去日本的心情。-環境及服務～進入餐廳時至應會先量體溫及提供酒精搓手液給食客搓手然後便自行往自助販賣機來點餐。點餐後，侍應安排座位每張枱也有1.5距離讓食客安心。還會細心地提供即棄圍裙，防止油脂彈污衣服。湯、沙律及白飯是自助形式的。-HK$80/180g牛肩排～廚師先為食客將牛排燒至一成熟，然後上檯。客人隨自己的喜好將牛排燒至不同的熟度。燒的時候有牛的香味，配上蒜蓉及自家醬汁好惹味。-HK$110/200g牛柳～厚厚的牛柳，濃濃的牛香味，多汁又帶有嘴嚼感。配上牛柳的炸蒜片、蒜蓉及辣汁更香口。-每人平均不超過一百元便可以吃到石燒牛排，還可以無限追加白飯、湯及沙律。吃完棒著大肚腩走又可以當去一次日本旅行🤪也是不錯的選擇😉