牛皇星 (已搬遷) 新店位置

同男友仔都係愛牛之人~結果聽聞呢間野既牛好出名就去左食lu~基於資金唔算太充裕,決定將資源投放係牛身上.2個人叫晒最出名既牛邊,牛頸,牛脊,牛肉粒.仲有花甲.西洋菜...其他叫過咩就唔係好記得.落order時見到個waiter好似O 左咀...我諗好少有人少少又叫齊d牛掛..叫左最普通沙爹湯底,估唔到幾好,幾濃味,湯底有好多瑤柱碎.d牛一次過黎晒,其實都已經唔係好識分,問左幾次先分到.-牛邊:比較多肥膏-牛頸:最重牛味-牛脊:我最like,入口即溶,雪花分佈得好平均,係supermarket賣幾十蚊一包得5塊個d貨~好正!-牛肉粒:肥瘦分明,淥好耐都好多肉汁,不過個人略嫌麻煩..好多時淥完搵唔返~一粒粒咁..-花甲:都幾大隻,一碟都有十幾廿隻,好似48蚊,幾抵食-竹蔗水:自家出品(感覺上)-西洋菜:冇特別佢門口有好多水缸裝晒海鮮咁樣...真係幾吸引架~牛又真係好正wor~絕對係牛痴必食~佢仲有d好得意,牛利,牛心椗,軟骨呀..有個好似係牛既橫隔膜,不過因為得2個人結果叫唔到幾多~可惜~不過環境真係幾嘈..唔知係撞彩定咩,上次去勁多中年大聲漢,真係嗌交咁大聲傾計.攪到坐對面都唔太傾到計咁

尋日心思思想打邊爐，一諗就諗起牛皇星，於是身體力行咁去食.......因為得我同我男朋友兩個人，所以就唔敢叫咁多野.....我地叫左：-(1)牛邊(例)$88--男友最愛！(2)牛粒(例)$88--有d膏痴住，牛味更濃郁，正！(3)牛脊(例)$88--記得上次食係雪花果隻，但今次唔同左(無雪花)，唔係入口即溶，所以好失望！心諗；「明明無記錯係牛脊，唔係牛頸呀？點解無雪花呢？」心有不甘咁問個伙記姨姨，個姨姨話，如果想食雪花既話，要落單前講聲喎！oic......下次一定要記住！(4)牛肉刺身$98--今次切得薄左d，要兩塊夾住一齊食先食到牛既鮮味！(5)花甲$48--有少少沙，同細隻過上次少少，但都好食(6)娃娃菜$18--無特別我地今次叫左個海底椰湯底(好似$48)，香就好香，但香得濟蓋過晒牛本身既味道，所以如果真係鍾意食牛既朋友，雖然個牛皇湯($98)貴左d，但真係物有所值，呢d野真係唔試過唔會知！

因為有本雜誌介紹呢間野，我男朋友又係一個無牛不歡既人，所以我地尋日一行三人去試下，睇下係唔係講到咁好食！我地三個人係比正常人大食既，所以就叫左......(1)牛頸(例)--好好味(2)牛邊(例)--膏多左少少，唔係入口即溶果隻！0岩晒我男朋友！(3)牛脊(例)--勁好味，入口即溶，咬都唔駛咬！記得唔好"點"豉油，因為會食唔到好鮮既牛味！(4)牛肉粒--烚極都唔"un"，好有牛味！(5)牛肉刺身--我覺得好食過"他他牛"，因為佢牛味重D(6)蜆--個女伙計話係花甲黎，好大隻，一碟得12隻，但好好味！不過你地要留意，個餐牌寫$28，但實際係$48，但我都覺得值既！(7)出前一丁--無特別(8)娃娃菜--無特別我地要左佢個牛皇湯(個名好似係咁)，$98，呢個我覺得就貴左D啦！好多人叫左椰子湯底，好香！我下次一定要試！之前睇過其他人既食評，話態度好差，但好彩我地遇到個女伙計，人又好，樣又NICE，唔該前唔該後！但有個男伙計就真係烚烚地啦，我諗你地係話緊佢羅！anyway，呢餐飯真係食得好開心！呢度無加一服務費，但飯後果盤要$20，你地要留意呀！

見食評同飲食雜誌都大力推介，鍾意打邊爐同食牛嘅我，點可以唔試！早一晚訂定枱，昨晚準七時到達，被安排上一樓坐，地方唔大不過都OK。跟著一位滿臉笑容的男侍應前來落單，第一句「寫隻龍蝦刺身喇」，見我哋無反應，第二句「寫條魚做刺身喇」，我哋都無order到魚刺身，個位侍應即時收回D笑容，好冷淡幫我哋order咗大碟牛脊、四宝丸、鵝腸、黑柏葉、牛肉粒、北寄貝刺身。及後再加大碟牛邊、金錢展、細碟牛頸、西洋菜、花甲、蝦同墨魚滑。七點幾開始食，八點半這位侍應遞張單俾我，話八點半要交返張枱俾佢！我即時問佢，你哋幾時同我講過有咁嘅規定，這位侍應答都唔答我，面黑黑行開。到九點，當大家放下筷子之際，傳來一把聲音「D嘢唔要嗱」，電光火石間，個煱已被收走，不用三十秒已將枱面所有嘢收走兼上埋菓碟，一顆無奈的心想食片西瓜之際，張單已「隊」在我面前，那位侍應大佬好cool咁話「埋咗張單先慢慢食」！簽好哂單，想飲埋杯啤酒，呢位侍應大佬就話「埋咗單就好走，俾返張枱我！」。連啤酒共1240大元，五個人被安排坐一張四人長方枱，坐係枱頭的人必須手長過人才可到個火煱，坐在後面的一枱四人比我們早到，到我們被勒令離開仍可在把酒談歡，就

冇來幾個月，前幾天和D friends又來大吃一頓。人多有好處，牛肉脊、頸、邊3種部位call齊，除了同區另一店外，可說其他火鍋店都不能這樣叫，加上入口油香的牛肉粒，真是各式其適，大快朶頤！此店愈做愈好，已在隔壁商業大廈擴充，牛肉、刺身師傅都搬了過去，地方較大，一樣衛生乾淨。象拔蚌、花蝦、活魚、龍蝦價錢都較其他店貴，但保証新鮮，大家只能睇住荷包來點。但刺身+牛肉實在是一種奇妙組合，缺一都若有所失，唯有大破慳囊。有網友提及合興，我佐敦、九龍城店都有幫襯，最不喜歡就是他們的牛肉切法，真是人人口味不同，而且食物選擇少，地方也不好座，牛肉是很好，但價錢亦較貴。

好友TY 君電郵小弟轉載網上有關牛皇星火煱牛比合興四季還要好的報導，即時致電女友取消其自家製溫馨晚飯並立刻訂位。甫六時到達，旋即order 本地手切肥牛、唐生菜、墨魚滑、四寶丸、出前一丁；用招牌湯底，另加避風塘炒蜆。隨後再加肥牛頸脊。評價如下：本地肥牛：類近火井但較肥，Pass。肥牛頸脊：相對地細塊咗，多咗膏，OK。招牌湯底：雞湯底+ 冬菇+ 花膠，OK。避風塘炒蜆：唔夠熱，有方太feel ，一般。剩惠六百大元，會否再去？應該不會吧！還時合興四季D 牛切法、厚度與脂肪比重較合口味。

真係估唔到一間咁好食既’牛皇星’係咁樣屈人錢0嫁….. 話說前晚個同事帶我去食一間佢極力推介既火鍋店度打邊爐, 間野既野食真係好好味, 我地叫咗一碟牛肉, 刺身蝦, 墨魚滑, 象拔蚌同避風塘炒蜆, 點知埋單既時候要成$864, 我個同事咪話無理由會咁貴, 跟住就同個侍應講話要check單, 點知過咗陣條友攞張單上嚟就同我地講話佢地計錯咗, 應該係$1044…嘩…真係估唔到我地一話check單, 佢地就先下手為強, 比佢地吼番轉頭佢話之前個象拔蚌計少咗, 唉….我地已經食咗啦, 佢話幾重我地都唔知0嫁啦, 唯有好無奈咁比錢啦, 0個條友仲要懶好咁話’好啦, 收你$1000啦’, 真係十萬個暗X呀……都未試過食咁貴既火鍋呀….呀….呀 今次都算係買咗個教訓, 下次食象拔蚌一定要問佢稱咗幾重先喇~

用牛迷聖地黎形容絕不為過，星期三晚九點去到門口見到舖頭細細，又冇人等位，仲以為冇乜fans ，原來樓上別人洞天，好彩o岩o岩仲有一張四人檯，兩個人坐非常鬆動，睇過呢度食評，湯底方面冇乜特別介紹，求其叫個沙嗲湯底，醬料方面有乾蒜蓉、蒜蓉、蔥碎同辣椒粒任落，咁理想本應好好味先o岩，可惜豉油勁鹹又冇鮮味，失敗到極點,；牛肉有三款不同部位任揀（大）$128，（細）$88，價錢一樣，問伙記邊隻牛肉腍Ｄ，伙記介紹牛脊肉包腍，牛肉上檯一睇已經非常對路，色澤鮮艷，雪花紋細緻均勻（原全係吉之島$70 蚊五片個隻），雖然一碟大牛肉數埋冇幾多塊，但係o係重質不重量大前題下，照食可也，果然入口即溶，唔駛點o趙又冇渣，可惜沙嗲味道太霸道，食唔出肉味，而另一個問題係太肥，再加埋咁漏既沙嗲湯底，食唔到幾件已經成口油，咁又叫多個蝦滑過下口癮，減低下肥膩感，點知張單又落錯蝦滑墨魚滑雙拼$68，味道一般，我諗食平十蚊，要淨蝦滑Ｄ蝦味會濃好多，一場黎到，食得一碟牛肉又好似單調左Ｄ，所以又叫多碟細金錢牛𦟌 $88，個侍應落單後五分鐘過黎同我講，冇金錢鱔喎？下？我幾時話叫鱔呀？鱔同𦟌都分唔開呀？果如其他食評所講，侍應真係恰下恰

湯底, 好普通, 好似唔邊種湯底特別出色海鮮, 好新鮮! 相比起價錢, 都算公平. (九龍城o既打邊爐都係咁上下)牛肉, 覺得佢地o既牛肉係最好o既!P.S. 無試佢地o既生牛肉. 但係隔離臺兩個人淨係order左一碟生牛肉, 食完就走... 睇黎真係為左生牛肉而來... 下次試試先....

昨晚睇波前冇野好做，決定搵間火鍋慢慢烚，打發時間先叫左個星皇湯底，用火腿紅蘿蔔雞腳竹笙熬出聞起來很香(感覺好似去飲時，吃那個紅燒魚翅的湯底)試飲了一口，覺得偏鹹，略嫌鮮味不足猜想它用來涮完各式肉類後，應該會更好喝但當時吃飽了，又忘了再試(蠢左了)值得一提的是，他們之後都是用原湯不斷添加沒有用水或其他上湯，很好全晚主角當然是牛肉我自己不吃牛，但家人卻全是牛魔王叫了一碟牛脊，一碟牛邊，再加一碟牛肉粒聽他們說真的很好吃，尤其是牛肉粒，轉眼便一掃而空另外拉七雜八的叫了一堆火鍋料覺得都還可以啦，份量偏少，但都算幾新鮮服務員態度親切，不過就相當迷糊整晚不停端來我們沒有叫的東西，教人哭笑不得會再去

先講湯底, 因為要就「無雞不歡」0既「太后大人」, 結果要左個醉雞窩. 但失望的發現藥材同花雕都唔夠, 成個湯都淡戊戊, 但幸好有鮮甜的雞件挽回分數.到至愛0既肥牛, 果然係正! 要香口0既可以揀牛邊, 脂肪會多d, 入口亦滑d. 如唔想咁肥可以揀牛脊, 脂肪少d, 但牛味亦夠.其他配料, 首推墨魚滑+鮮蝦滑, 彈牙兼鮮味.其他的中規中矩. 但順帶一提的是呢度都幾多海鮮, 睇落都好新鮮, 但基於人數同budget問題, 我們一行三人決定將資源投放於牛肉上.回應主題, 唔知係咪d伙計0係呢度做得太耐, 吸收晒打邊爐0既奧義, 個個都「烚下烚下」, 冇黎醒目.先講加茶, 我地係同人孖台的. 同台既哥哥叫加茶, 伙計甲拎茶壺過來淨係加畀佢, 對於一爐之隔0既我地佢竟然望都唔望, 要勞煩本人叫伙計乙再過黎. 喂! 大佬, 「針」多杯唔駛死掛! 雖則伙計們都好有禮貌, 但咁0既服務態度未夠囉.此外, 我粗略估計我地點0既十樣0野當中, 有4樣要摧, 咁樣唔多掂喎.至於打邊爐指定動作- 「加水」, 佢地就真係加「滾水」, 大佬呀, 唔好咁好唔好? 加d上湯好喎, 搞到原本已經淡0既湯底更加冇味,

睇左雜誌既介紹,影o的相好靚, 又話佢地既出名既牛肉係水準好高, 包起供應商五豐行既靚牛肉, 講到好好, 忍唔住要去試一次。覺得佢既牛肉真係唔錯~ 但係.. 其他就一般一般啦...試左佢既幾款餸:牛肉粒($88):油花好多, 的確係唔錯, 烚到半生熟最好味, 就算放o係鍋度烚耐o的, 都好有肉汁牛肉($128): 佢有好幾款牛既部位可以俾人揀, 佢介紹我地既呢個部位較瘦,但係有牛肉味, 唔想叫所有牛都咁肥, 所以都試下~ 初時見佢賣相, 真係太廋, 好似會好鞋好靭咁, 正o係度擔心, 但試過後又唔係喎, 都幾有牛味同埋比想像中滑, 如果怕肥既話, 呢一個就好適合, 覺得同出面食到既有唔同口感貴花蚌(約$60):呢一碟得好少咋... 我覺得唔係好抵, 同埋烚完縮到好細舊, 唔抵食脆鯇片: 份量都係唔多, 唔算突別脆, 中規中舉..但我覺得價錢貴左o的醉雞鍋底: 湯底好香酒味, 不過偏淡, 而另上既雞份量都幾足, 不過個人覺得似o係美國雞...再叫左1碟菜同埋一碟包心蟹子丸一支茅根竹庶, 價錢唔平, 有少少就住食。呢間餐廳好既, 可以任落佢既青紅指天椒同蒜蓉, 不過黎呢度食都唔平, 如果你

牛肉来自中國,非常正,我最喜愛牛脊,最喜愛海鮮則是大聖旨＄９８．例　象拔蚌＄１６８鮮味正迫我在日本北海道食的海螺牛脊the best

牛肉海鮮都唔錯. 但以牛為名就梗係牛肉最耍家啦! 我最喜歡的是他們的牛肉粒, 好像靚肉眼扒切粒咁; 打邊爐照計肉味會流失多過煎烤, 但一樣食得出好肉味. 生牛肉刺身$98例牌和其它火鍋店比較很便宜的了, 未試過的可以一試. 若拿自己熟悉的同類牛肉火鍋店相比, 個人認為好過方榮記, 朋友則認為好過合興.海底椰湯底滋補, 沙嗲則稍嫌唔夠"勁". 三兜新鮮蔥花, 蒜蓉, 指天椒任你添; 你鐘意點"較"汁你既事.刺身用的象拔蚌(2斤多)及沙(其實純粹試試, 冇日本各類做刺耳的白肉魚咁鮮甜;魚頭用麵豉整反而好味得多)都好新鮮, 價錢偏貴但相信係來貨問題, 並非刻意掠水. 其他甚麼"滑", "餃", "菜" 等亦中規中矩, 冇乜驚喜但亦唔會令人失望. 他日再訪要食得好但經濟的可淨食牛肉.

睇到食評介紹牛肉咁正，晚上與女友來試。老板介紹食牛邊，好稔，好肥好香，簡直未食過咁正牛肉。海鮮要了幾隻花竹蝦，埋單竟然30元一兩，成五百幾蚊，中招。