玉子造屋 (已結業)

近排在將軍澳返工，今晚約了舊同事食飯聚聚，不想大魚大肉，在popcorn 見到這間日式料理，不太heavy，就入去試試，7:30就坐滿人。試了兩個自選雞蛋煮法配雙拼飯套餐。咖哩蝦配蕃茄咖哩豬軟骨飯，雞蛋是半熟蛋包飯，蛋包飯又真是半熟效果，咖喱蝦炸得幾金黃香脆，豬軟骨就一般。蛋包飯果然是值得推介！奶油三文魚配南瓜蝦飯同樣是選了蛋包飯，奶油三文魚很好吃，用白汁送飯一流，南瓜蝦同樣出色，南瓜醬汁味道濃郁。黑松露牛油焗菌非常大份， 野菌切成粒狀幾有口感，牛油果黑松露味道突出，適合多幾個人分享。原味班戟有楓樹糖漿和鮮忌廉，班戟很軟熟，做甜品一流，有點像疏乎厘。

收工和媽媽吃個飯 選了這間主打是玉子的日本丼餐廳❤️我們各自點了一個丼set 配有大蜆味噌湯 前菜3小碟 和飲品大蜆味噌湯最令我驚喜非常鮮甜 而蜆肉數量也非常多😇我點了龍蝦蟹肉親子丼 賣相非常吸引😻龍蝦份量合理🦞半邊龍蝦和一只蟹蚶而蟹肉炒在滑蛋中 令蛋味更加濃郁有鮮味飯亦內有乾坤 不是普通的白米 而是有一點咸咸香香的珍珠米👍🏻 又是一個有驚喜的地方而媽媽點了鵝肝牛扒丼 試了一口鵝肝 🤤 實在是太美味 鵝肝煎得很香口 而鵝肝非常肥美 每一口都流有充滿鵝香的油 吃完主菜 甜品剛好就上菜了這是原味pancake 非常鬆軟 配上楓葉糖漿和cream 簡直是pancake 最佳配搭 👏🏻另外還點了雞蛋布丁 濃郁蛋香 而且小杯子很可愛😇還有要讚一讚這裡的服務員 親切的笑容和體貼的服務👍🏻 一定會再來光顧🙋🏻‍♀️

同朋友來食，之前都睇過食評好一般，點知真係劣食之旅豬扒炸到粉同肉甩開，炸粉仲有點咸，肉好粗鞋。冇肉汁咖哩帶點辣，不似日式咖哩。飯冇炒飯底個種香，總之，個飯唔太好食蛋 ok,不過不失冇特別朋友叫左豬軟骨，肉質又係超鞋前菜沙律加左類似柚子汁，但又係咸左點，麵鼓湯都係一般，個人感覺88蚊再加一，有點唔值。唔會再去

🥚叫得玉子造屋當然要黎食下玉子啦🥚佢有三種玉子選擇：醬油流心蛋、半熟玉子蓋飯、和風太陽蛋🍳然後再揀個主食配飯🍚-另外menu都有其他麵食同丼飯，叫左個豬軟骨拉麵，但睇份量麵有啲少，會覺得玉子飯抵食啲😬不過每一樣其實都只係普普通通，不過不失冇話會想再去食🙈預告下，如果真係再有下一次，會想食佢個岩鹽粟米天婦羅🤤-半熟玉子咖哩吉列豬扒飯 $88醬煮豬軟骨湯烏冬 $65馬鈴薯絲炸蝦卷 $38牛蒡醬油漬 $28

周末就梗係訓晏少少，然後再食個late lunch啦！望望餐牌，有飯、有烏冬，仲有近期至hit嘅梳乎厘pancake，當然要試試洋蔥磨菇汁雞肉飯 配半熟玉子旋風玉子賣相靚同幾香牛油味，洋蔥磨菇汁味道正常，入面唔係白飯咁齋，係有味飯黎豬軟骨烏冬烏冬煙煙韌韌，絕唔係平價野，湯底清清地，有濃郁嘅昆布味，仲有我最愛嘅流心蛋，正！黑朱古力雪糕pancake質感雖然比唔上坊間出名個d梳乎厘pancake店，但味道都ok，四十幾蚊又配埋雪糕算係咁喇

好想喺呢度同A姐講聲對唔住，因為我已經深深愛上咗玉子喇！我鍾意玉子夠百變，無論佢係咩形態，每次佢都會表現最好嘅一面俾我睇，當我錫佢嘅時候，都會感受到佢濃濃嘅玉子香味。我就最鍾意佢漏晒出嚟嘅蛋汁，所以我哋被稱為「漏M之戀」！而當A姐知道咗我哋嘅關係，佢不單止無嬲，仲帶我去到將軍澳嘅玉子造屋同佢見面！芥末八爪魚芥末味唔攻鼻，少少辣，夠晒開胃，八爪魚份量多又有咬口。七味炸雞翼一份有4隻，雞翼大大隻，外皮脆卜卜，肉就夠juicy。黑松露牛油焗菌黑松露味唔算濃，淡淡嘅黑松露，反而突顯菇菌嘅鮮味。玉子咖哩吉列豬扒飯豬扒厚切，不過肉質有啲梅，而且皮唔夠脆，有少少失望。不過，賣點當然係玉子啦！玉子做成旋風形狀，蛋夠香滑，蛋味香濃。撈埋日式咖哩汁，真係好好味。龍蝦蟹肉親子丼半隻大龍蝦加多隻蟹鉗，好滿足啊！龍蝦雖然唔算大隻，但夠晒新鮮彈牙，仲有唔少膏添。蟹鉗細心幫你整爛個殼，食得好方便。仲有蟹子同洋蔥炒蛋撈飯，好鮮味架。

住將軍澳都有十年將軍澳中心裝修之後選擇多過以前有時間想坐舒服D或同D friend 傾計既話，我會揀呢間。吾洗等位可以直入都係重點！食物選擇多份量好十足，次次都飽到試吾到個疏乎厘pancake下次要叫pancake 同D friend share 先今日一個人食lunch ，叫左奶油三文魚硑蘑菇雞飯三文魚吾算乾身4/5雞肉比較大舊可以切細D3.5/5飯係有蛋蓋（主打必試）蛋下仲係有日本果D紫菜碎好鐘意5/5埋單有服務費$96合理

自己其實都幾鍾意食雞蛋而且雞蛋有好多種呈現嘅方式。今日嚟到一間轉系食雞蛋嘅專門店等我見識一下先！叫左一個牛蒡醬油漬。不過個味道我我就覺得麻麻🙈自己好似有啲怕個陣味。但係個牛蒡就好有咬口好爽脆而且份量都好夠，絕對唔係小食呀！另一個小食絕對絕對要嗌我最鍾意嘅北海道南瓜芝士波啦！芝士係我嘅心頭好。呢個擺咗一陣食呢都仲帶啲熱。不佢個皮呢唔係放題有啲食到嘅透明既皮嗰種好有咬口好煙韌嘅年糕。佢係咬落去帶啲實色嘅唔算太有咬口，但係我覺得整體感覺反而又良好喎。不過如果芝士再重味啲同埋係流心就更好😍😍每個餐加$25就可以配一個麵豉湯配指定飲品（佢本身都有得揀冰茶嘅。不過呢佢餐牌就有幾款味道嘅冰茶，如果唔想加錢呢就飲佢每日指定嗰款水果味道嘅冰茶。今日咁啱係我哋想入嘅熱情果😍）同埋一個日式沙律🥗。麵豉湯個味道就帶一點苦。而個冰茶嗰味我就幾鍾意，全因茶味好濃郁好夠！咁先正！我自己幾鍾意呢度有得揀兩個配搭因為成日都心大心細。咁我就揀咗咖喱蝦同埋蕃茄咖喱豬軟骨飯，而且蛋仲有三個選擇，我就揀咗半熟玉子覺得在配襯最吸引又係最鍾意嘅。個咖喱幾好味有啲辣唔似日式咖喱，日式咖喱多數都係帶甜。咁啲蝦都幾大隻唔錯。最驚喜嘅係佢

今日同屋企人去將軍澳食晚飯，商場都幾多餐廳選擇，我哋揀咗一間日式餐廳，係以雞蛋做主題，環境坐得好舒適，卡位好闊樂，而且主食嘅選擇都幾多我哋揀咗咖喱豚肉湯烏冬，再加$25變咗套餐，咁就可以多一碗麵豉湯、沙律同埋一杯飲品，好抵食湯底咖哩味好濃郁，而且烏冬嘅質地煮得剛剛好，再加上微微炭燒過嘅豚肉，真係好惹味另外叫咗個鵝肝牛扒丼，材料好豐富，有幾片牛肉同鵝肝，再配上燒蘋果同埋溫泉蛋，賣相幾靚，而牛扒肉味濃郁，連飯都用上不同配料去製作，配搭唔錯，以呢個價錢食到鵝肝係抵食嘅跟餐嘅沙律🥗夠清新，而今日嘅冰果茶係熱情果果茶，茶味十分香濃，飲得出啖啖甘味，唔會得個甜字我最鍾意就係今日嘅甜品，我哋叫咗個士多啤梨班㦸，除咗賣相幾靚之外，我最欣賞就係香濃嘅蛋味，而且班㦸嘅口感好鬆軟，配上忌廉同埋士多啤梨醬真係好出色，真係想再食多件餐廳嘅服務幾好，而且上菜速度好快，環境好乾淨企理，食物質素唔錯，如果大家嚟食一定要試吓甜品啊

今日同老公去完將中探BB, 見商場停車場泊車好抵 ，電子消費100蚊已經可以free一個鐘，咁我哋就決定喺呢度食埋飯先走。玉子造屋係商場地舖， 一望入去好光猛，而且有唔少捧場客，所以就決定食呢間。套餐嘅價錢 都係一百蚊左右， 雖然要加一， 但晚餐黎講都好抵。叫咗兩個set ( 加$25包沙律味噌湯及飲品)，玉子咖哩吉列豬扒飯；卡邦尼溫泉蛋意粉； 兩個小食七味炸雞翼, 芥末八爪魚。小食先上，芥末八爪魚， 呢個係我每次叫軍艦壽司都必食，今次單叫，份量十足，味道同壽司店食的一樣。七味炸雞翼， 雞翼大隻，外皮酥脆， 肉質柔嫩。卡邦尼溫泉蛋意粉，按我們要求之後將溫泉蛋分開上， 唔會太多汁太漏， 份量頗大。玉子咖哩吉列豬扒飯， 之前有見open rice 介紹，蛋是採用日本嘅無菌蛋，半熟玉子做出旋風形狀， 加了牛油，蛋皮薄身香滑。 厚切炸豬扒， 配日式咖哩汁， 很開胃。飲品方面我哋另加15蚊換特飲，一杯熱情果水果茶，一杯芒果水果茶走時見唔少人點外賣， 可見其受歡迎程度。

作為無飯夫妻，今日來到屋企附近這一間日式餐廳搵食。幸運地被安排在梳化位置坐，枱與枱之間有一定距離，餐廳裝潢光猛，給人乾淨的感覺，十分舒適我和老公點了兩個丼及兩個小食特盛鰻魚丼三食 - 上菜時侍應會介紹如何三食。第一食： 直接吃鰻魚飯第二食：把配料和鰻魚飯混合一起食第三食：把茶漬湯加入鰻魚飯混合一起食第一食，沒有骨的鰻魚配上濃濃的鰻魚汁已經十分惹味第二食，把香蔥，芥辣，紫菜和黃蘿蔔混合一起，增加鰻魚飯多重口感第三食，清甜的茶漬湯配上鰻魚飯，份外清新一個定食有三種不同的食法和感覺，真的很滿足鵝肝牛扒丼 - 牛扒滿滿肉汁，配上流心蛋，令我食不停口主角當然是鵝肝，這個價錢的鵝肝一點也不馬虎，一大片的，外層煎得香脆，入口即溶！還有兩片蘋果，剛好可以中和鵝肝的膩感炒野菜 - 有蘆筍，洋蔥，椰菜，紅蘿蔔，粟米及野菌多種蔬菜，炒得不會很油，份量亦不少岩鹽粟米天婦羅 - 第一次看到餐廳有粟米天婦羅，每一口粟米都炸得香脆，而不失粟米的清甜，作為粟米控的我十分喜愛這一個小吃這間餐廳每一樣菜式都十分特別及高質，下次可以再來吃下其他不同的菜式

黎開將軍澳呢頭做野，心掛掛呢到既玉子美食，玉子造屋最正既係用雞蛋做主題既菜式。可以自己揀要流心玉子，半熟蛋等等的配搭。一個食Lunch 都可以好吸引的，我叫左個洋蔥蘑菇雞肉飯$70份量都好足夠，面頭係流心炒滑蛋, 滿滿蛋汁的好滋味。飯係味噲飯，加左調味並非白飯咁悶。雞肉份量夠，洋蔥汁亦味道不錯。加$25可以轉set, 加芝麻黑醋沙律，面豉湯同埋柚子蜜一杯。沙律味道清新，黑醋味濃郁。面豉湯面頭有豆腐，紫菜，湯很濃郁。

每次經過將軍澳中心，看見這間玉子造屋都被他們大大圓圓的招牌吸引住，今次約咗朋友一起在這裏食個lunch。餐牌上的午餐都好吸引價錢好合理， 但最後我們選擇散叫因為set lunch沒有我們想食的豬軟骨湯烏冬和咖哩吉列豬扒蛋包飯，所以我哋決定散叫, 但加25蚊有齊沙律，麵豉湯和蜂蜜綠茶都好抵食。 這個吉列豬扒蛋包飯，豬扒非常大塊，最重要係外皮鬆化，內裏肉質鬆軟多汁， 配搭埋蛋包飯， 蛋香滑溜配埋日式咖哩汁，香濃而不辣， 做得非常唔錯。這個豬軟骨湯烏冬分量都不少，流心蛋煮得剛好，豬軟骨又淋又入味。最後order 了士多啤梨pancake甜品 ，這個午餐非常豐富又滿足。

我的是日晚餐有 - 特盛鰻魚丼三食，第一食鰻魚同飯食，第二食飯可以放湯( 湯的味道較清， 配有醬汁的飯，味道就啱啱好)，第三食夾埋紫菜酸瓜葱一齊食，仲有可以大啖大啖食，厚肉鰻魚， 值得一食再食😋！特盛牛扒丼，飯上有滿滿的温室菜苗 ，再舖上切件牛扒，有肉有菜配埋雞蛋， 營養價值非常高 。再加配豆腐海菭赤味噌湯 ，野菜沙律及熱蜂蜜綠茶(只需加$25)，抵食！叫埋甜品，士多啤梨鮮忌廉班戟， 製作時間需要30分鐘， 精心炮製， 班戟好鬆軟有蛋香， 士多啤梨醬及鮮忌廉美味極了，完美組合， 慢慢享受！豆腐海菭赤味噌湯 ，野菜沙律特盛鰻魚丼三食特盛牛扒丼士多啤梨鮮忌廉班戟及熱蜂蜜綠茶

我除了喜歡周圍食，仲好喜歡周圍去。去邊？當然飛出香港。不過，唔係成日都可以咁豪，無得去，但有得聽也開心，是聽各方好友的旅遊經，今晚就約了位朋友分享下她在農曆新年的兩個旅程，想唔想知道她去了邊？來到都近大家的將軍澳中心，見到間食玉子的餐廳，友人馬上想起她的日本之旅，懷念着當地的溏心蛋，哈！開放式的門口，白色為主調，感覺舒適開揚，門口的大圓招牌幾搶眼。地方不算大，外面設有一排長椅配二至四人枱，走進內裏，有個半開放式的廚房、一排長椅配二至四人枱、一行二人枱和一行闊落的四人卡座，很舒適。有兩份餐牌和一份設計精美的餐簿，包括日式丼飯、冬季盛典和雙拼飯合組，而餐簿就有玉子盛典、食事、洋食、沙律、小食、班戟和飲品。咁睇即是有日式和西式，友人話好可惜無泰式，她剛遊完泰國，好掛住泰國美食喎！********************先來一客小食，兵庫蟹肉釀小蟹蓋 Crab Meat in Baby Crab Cover ($38)這名字幾得意。共有三件，每個小蟹蓋都脹卜卜，焗得金黃，賣相不錯。蟹肉加入蔬菜、薯蓉等食材，口感豐富，味道也不錯。********************咖哩豚肉湯烏冬加醬油流心蛋