王家沙 (已結業)

Lunch和同事去了吃王家沙，因為佢想食上海野。擔擔麵每次吃擔擔麵我都必先試湯底，幸而這兒的湯底沒有令我失望。湯底很濃，並配有濃烈的花生醬、麻醬，而且麵條幼細，每條麵都盡吸醬汁的精華。一碗非常邪惡的擔擔麵，吃完唔知要做幾耐運動減番。醉嘉美雞份量比想像中小，不過味道挺不錯。一上碟已問到酒的香味，雞肉一入口已嘗到濃濃的酒味，而且肉身很嫩滑，最後還忍不住喝了數口浸酒呢！招牌東坡肉配蝴蝶包這個菜式較為失望。首先，五花肉雖然半肥半瘦，但肉質非常「鞋」，質感好似食緊煲完湯的瘦肉，沒有入口即溶的感覺；其次，味道一般，煮得不夠耐，完全吃不到紹興酒和冰糖的味道。另外，我們也點了小籠包，味道挺不錯，不過忘記了影相🙈整體來說，也是不錯的。

呢間王家沙有段時間啲食物好難食，啲姐姐態度又差咗，所以好耐都無嚟食，前幾日心血來潮想食上海菜，所以又嚟咗食， 點知好味咗好多！果日晚上九點嚟食，但依然有好多食客係到，所以啲嘢食都等咗一陣，差唔多半個鐘先上枱！不過得2個樓面係到做，所以成日都無人理我哋，好彩佢哋態度幾好。叫咗一個前菜蒜泥白肉🐷、炒通菜🥬、賽螃蟹🦀同樟茶鴨🦆，簡簡單單，好好味👍🏻👍🏻😋😋 keep住呢個水準，會繼續支持💪🏻💪🏻

香港有名又平民嘅上海菜都唔少，今次去左王家沙到食lunch，可能啱啱過左lunch hour，客唔多，得小貓三四隻。我地無叫午餐，因為唔啱食，於是散叫。先黎冷盤醉雞，雞肉都嫩滑嘅，但酒味唔夠香，除左上面果層係肉，下層全部都係骨，即係得半碟可以食辣擔擔麵，望落好似好正咁，好濃味，偏咸，得面頭花生碎，但無花生香味生煎包鎖左肉汁係裡面，食落都幾好味，可惜包皮厚左少少，如果薄d就好啦仲有小籠包，不過唔見左張相，相對幾樣菜式係最好食，皮唔算厚，肉汁同肉餡都唔錯食物方面就不過不失，但職員就唔知搞咩，分別叫左3次埋單，轉個頭就忘記左，等左20分鐘都未埋到，好在侍應都晒冧講唔好意思，但客少都咁甩碌，客多點算？！

1) 下午茶套餐 $53- 王家沙牛肉餅 (1件)- 酸辣湯麵- 滋潤菊花蜜 (凍)2) 芝麻豆沙鍋餅 $42 + 10%點選下午茶套餐, 免收$10茶水之餘更免收加一, 覺得抵食。酸辣湯麵, 麵餅黏在一起, 鬆開時需小心湯汁彈開。酸辣湯酸辣剛好, 合我口味, 喝完會想再喝, 唯份量有點少, 剛好把麵吃完, 想多喝也沒有。菊花蜜清甜, 感覺潤喉。牛肉餅外表香口, 有肉汁, 味道濃郁。芝麻豆沙鍋餅外表脆卜卜, 充滿芝麻, 十分香口。豆沙薄薄一層, 甜度剛好, 豆沙香與芝麻香混和, 令人回味。

因為得壹個鐘就要食完dinner，之後趕住去睇戲。睇返啲食評話要等好耐都有啲擔心，好彩我哋係六點鐘左右，所以唔使等位就有得入去食。今次叫咗小籠包、生煎包、擔擔麵同埋蒜泥白肉。本身係想嗌雞絲粉皮，但又怕太飽，但原來蒜泥白肉下面係有粉皮，一次過滿足晒兩個願望！擔擔麵嘅湯底比唔上以前果種濃郁，不過我欣賞佢有得揀唔辣。幾樣食物入面最好食嘅係生煎包，佢可以煎到個皮好脆，但又唔係硬骨骨咁。雖然店入面唔係好多人，但都見啲侍應好忙，可想而知如果full晒嘅話，人手應該會唔係幾夠。

你啲員工就話要睇你頭姐我打你工架？態度差到不得了仲要勁兇咁講:" 咁你而家想點呀 "嘩 我真係爭啲以為我係你下屬呀你無野呀麻晚市多人 會易燥底 我理解我從來都唔係咩都投訴既人但係你咁既態度我真係無辦法接受幾好食都無用！我睇左好多篇食評，相信都唔會係打手，因因家都係鬧緊呢個經理！好易認架咋雖然我唔食 都大把人排隊食 但我一定唔會再黎 奉勸大家 無謂再貼錢買難受!!!!!!!!!!!!!!!!!!!!!!!!!!!!!!

今日難得約左fd 係moko 食dinner，行過見到王家沙，一直想試左好耐，於是就入左去。 可能去得早同平日既關係，7點鐘都唔算好多人，都幾多空位☺️同朋友入座之後就嗌左啲傳統既上海菜一齊食，紅燒獅子頭，嫩雞麵 仲有三絲粉皮同埋小籠包😍最令我surprised 既係上湯小籠包，入面既湯好濃郁，配搭入面既肉同肉汁，水準真係一流，果然黎王家沙一定要食小籠包😍獅子頭個肉丸亦好足料，個汁好配，仲有唔少菜配搭，好抵食最舒服係個環境，同朋友好耐有見，食完坐係度傾到10點，都唔會趕人走，啲侍應都會簡唔中過黎加茶，幾好服務👍

今次主要係約朋友黎傾吓計，所以想搵個坐得舒舒服服嘅地方慢慢食，上網見到呢間王家沙好似唔錯，就揀咗佢，排隊都算快唔駛等好耐就入得。🍞蘇式鮮肉小籠包👉🏾皮唔算薄，汁亦都唔算多，不過新鮮多肉又熱辣辣，味道亦還可以，都算可以接受嘅🦐黃金中蝦👉🏾蛋味十足，炸得趣卜卜，而且食得出蝦嘅鮮味，呢款菜算係王家沙最出色嘅一款🍛闊佬炒飯👉🏾用料包括瑤柱、蛋白，味道偏淡，分量唔算多，覺得非常一般🥬奶油津白👉🏾味道甜，食得過，唯一係呢個餸份量叫做正常，唔會唔夠食🐄水煮牛肉（小辣）👉🏾就算我哋叫咗小辣，我認為食落都係比較辣，唔係小辣咁簡單👉🏾牛肉比較硬身，入口主要得辣味，唔太食到牛嘅味道🍜上海粗炒👉🏾味道正路，但同時份量亦都算係比較少，唔算特別出色總括來講，王家沙坐係幾舒服嘅，但係食物質素一般般，食完真係未必會選擇返轉頭再食。

今晚同班friend用app八折向餐廳(王家沙@旺角分店)book本來成餐飯都可以食得好開心，点知最後食到一肚火，叫咗第一張單啲餸嚟到之後，我哋再入第二張單， 我先生向第二張單度underline賽螃蟹和砂鍋什菜津白但沒有圈出來的，再由我另一位朋友響第二張單度圈出賽螃蟹和嫩雞煨麵，但啲餸嚟到之後突然多咗個砂鍋什菜津白，我哋回左冇叫到，之後個職員就拎咗原先我地点既第二單紙畀我哋睇， 發覺嗰砂鍋雜菜津白除咗underline之外，仲被人圈住寫左一字，於是我哋已經講咗我哋係冇圈呢樣餸，之後有個光頭高高瘦瘦嘅應該係經理，用好不友善嘅態度話我哋有點呢個餸，個一字跟本不是我地字蹟，佢就不停同我哋理論，因我手上抱著bb，而我朋友亦都有bb女響度，我哋就沒再同佢吵，免得嚇親小朋友，就硬食咗㷛砂鍋雜菜津白。1. 職員收單嘅時候，冇同我哋覆單，已經係第一個錯。2. 就算我們點咗餸，其實職員也應print番張點菜單給客人核對，睇下有冇錯漏。3. 身為一位主管或經理，晚市比較多人，工作亦都繁忙，我可理解，但應該注意下自己嘅工作態度和語氣，事實上我哋真係冇點過嗰樣餸，就比佢大聲夾惡咁迫我哋要，此等行為實在太過分

平日來食的時候不論服務還是食物都好好，適逢新年假期前夕想食個中菜，想起上海菜 - 王家沙亦不錯。門口站滿了等候的客人，在接待處等了3-4分鐘才有員工出來派籌，人手明顯地不足夠。再等大概10分鐘已安排我們二人入座，比想像中快，原來店內空位其實還有蠻多，應付不來假期太多客人，辛苦店面的員工了！首先，來一個酸辣湯米線，不酸亦不辣，沒什麼味道，米線份量卻很多，二人共享才食得完。大大粒紅油抄手，上面加蒜粒，頗特別的做法蘇式鮮肉小龍包一籠有5隻，皮較厚，但有一隻一上檯皮已破，要快快食完！餐紙上甜品有高力豆沙，但想起兩個人會食不消，下次人多的時後一定會叫吧！

Meatball (the recommended fish) tastes poorEmployees are forever absent-mindedEven asking for more water or rice becomes difficultWang Jia Sha’s quality has declined rapidly in recent years

星期六新世紀廣場好多人，想食嘅餐廳都排滿長龍， 見到王家沙冇人排隊有咁多位，所以沖咗入去。記得好早期食王家沙嘅時候響香港仔， 當時間唔中都會去食下嘅，印像都不算太差！ 首先講下今次佢哋嘅服務態度， 我哋喺門口等帶位嘅時候，店員或者經理都好似唔想招呼客人咁， 明明有好多位都要諗好耐， 最緊要係全程冇笑容黑口黑面的！ 之後我們點了蘇式鮮肉小籠包$52，鮮肉鍋貼$48，上海粗炒$88。 小籠包的味道普通， 鮮肉鍋貼上枱的時候是凍的， 上海粗炒份量真係好少， 88蚊嘅價錢， 本身食物已經普通，竟然份量得咁少？ 埋單$242（ 加埋茶位，花生，加一服務費 ）。之後諗下其實自己都蠢咗，向繁忙時間都冇乜人排隊點解我都要衝入去？ 都係怪自己太過肚餓， 其實每一間餐廳除咗食物之外， 服務質素真係好重要， 當客人嚟到嘅時候每一個員工都係黑口黑面冇禮貌的， 客人又點會食得開心呢？ 有時餐廳食物質素中等， 調返轉店員的服務態度好真係會加分的！

見咁耐無食，今晚嚟王家沙晚餐，但未開始食，已經聽到應該係經理既男人（光頭）同其他工作人員講「六位，四個係小朋友，點比張大枱佢，如果佢食千五蚊就話」，咁樣揀客，點解唔係門口寫明唔招待小朋友，就算間餐廳同野食幾好都好，已經唔想再幫襯，真心覺得好差。

係moko個directory望黎望去都唔知食咩好，咁岩見到王家沙，王家沙係第一次同男朋友約會食飯嘅地方，對我哋有特別意義，就去懷緬一下！😂我哋叫咗一個家鄉火腿炒飯，鹹肉津白，同埋流沙奶皇包😀個炒飯色澤幾靚，金黃色，粒粒分明， 鹹味適中，不過我就唔係好食到有火腿，淨係食到啲唔太滑既雞粒，但味道係唔錯既👍咸肉津白既津白唔會太淋，味道亦岩岩好，啲咸肉就真係勁咸，要送飯一齊食🙈流沙奶皇包黎到嘅時候熱辣辣，裏面真係名副其實 超級流沙，而且幾香又唔會太甜，very nice！😋不過服務就真係麻麻，隔離果張檯同左個女店員講想加一碗白飯，個女店員叫個女同事幫手畀個飯俾果檯，同事話佢做緊嘢叫個女店員自己俾，想加一個白飯都叫咗兩三次先加到🙈🙈overall 環境同食物比服務好

突然好想食中式嘢，同屋企人過左黎太子行街，星期六都係早啲食好啲。我地攞位已經係六點幾，以為好早，已經開始多人。先睇有咩食有蟹粉系列（依家唔知仲有無）叫番啲正常先，樣樣都想食。王家沙擔擔麵，$68，麵條唔係煮得淋，首先我本身唔係一定要食淋，但湯唔係好掛到，變咗食嘅白麵多。另外有叫杭式葱油拌麵，$46。同樣唔係好夠味，可以唔叫。燻魚菜飯，$78，燻魚得三舊，夠味，香口，但餸同飯嘅比例唔係好配，似叫咗一碗大嘅菜飯。四喜烤麩，$62，唔錯，呢個幾好味，幾入味，又夠開胃。小籠包，$52，有5粒，一咬開，湯汁爆多，肉質夠味，唔會散開。上海話梅骨，$108，炒得好均匀，梅味唔會太過，配飯一流。甜品部分教人失望，高力豆沙包千祈唔好叫（下圖），個涵少到嚇親人。豆沙鍋餅係可以叫（上圖），比例合理好多，熱力夠，好味。樓面店員唔夠，根本睇唔哂咁多張枱，態度亦一般。如果真係要食，可叫餸配白飯都仲ok。