王家沙 (已結業)

朋友今晚選擇到王家沙 希望可以食到正宗嘅上海菜 我們兩男一女不停點菜 差啲食唔晒！分別叫咗上海清湯雲吞雞 三絲粉皮 炆牛柳 炒芥蘭 小籠包 炸饅頭 涼拌海蜇 燉雞燴面👍🏻👍🏻👍🏻整體每一碟小菜來說 都算係不過不失 唔係啲咩功夫菜 我比較出色嘅係雲吞雞 足料之外 嗰啖雞湯非常甜美 職員亦都十分好客地為顧客前來拆雞肉 啖啖肉 好滿足另外我最喜歡嘅係比較樸素的炸饅頭 香脆內軟仲要完全冇油溢味 沾上滿滿的煉奶 係最好味嘅主菜😋其他我個人認為好普通特別係個炒菜 非常苦澀！

一直以來，對王家沙的印象都不太差。今次路經新世紀廣場，突然想起很久沒有幫襯，不妨一試。今次我叫的是（辣）擔擔麵、紅油抄手及蟹粉撈麵。但擔擔麵除了可見少量的辣油外，一點辣味也沒有！ 湯底濃度比正常味道少了七成，只食到鹽味及少量花生醬味。 質素連一般的京滬鋪頭都比不上😪紅油抄手味度正常，沒有投訴。蟹粉撈麵等了30分鐘仍未到，追左兩次，最後獲告知原來沒有落單，令人感覺惡劣😡現在王家沙的質素真的是每況愈下！希望管理層能多加注意，改善一下。

上海菜首選 王家沙今次又來到無失手 保持水準的旺角分店一坐下 選了幾款喜愛的食物有多汁生煎包同鍋貼，依舊熱騰騰香噴噴，外皮酥脆，內裹全是美味的肉汁，跟住再來酸酸甜甜的上海話梅骨😋，有話梅肉同桂花，食到停不了，跟著 就⋯⋯⋯好好味的上海腌篤鮮，但喝了一口就發現有加料昆蟲😳😖，是有討厭的蒼蠅.......只好叫侍應生退回，他回答：把這個退回廚房，再補回一碗新煮的，但覺得都是哪一煲湯，決定取消好了！食完枱上的無問題食物再戰華聲 飲杯奶茶加校長多士補返數

我們三個人，點了六個菜，其中五個菜正常味道，但有一個菜，叫：麻辣口水雞。真係完全不知所謂！肉質太粗糙，味道淡而無味！得個辣字！失望！食物之外，我欣賞既就係服務。

睇戲前食D野，揀左王家沙。唔算多人，唔使等位，都幾好坐。餐牌係一張A4 tick tick 紙，簡單而且價目分明。蒜蓉拍黃瓜 $42老實說，冇乜特別........份量又唔係多味道就如題目所說，青瓜+蒜蓉賣相一般，有點 hea , 唔難食，不過貴左少少。餐前小食 （花生）$12 招牌蟹粉小籠包$78蟹粉冇蟹味，失敗。味道就同普通小籠包冇分別，一般 standard 的招牌小籠包外面大約$50 左右，佢加左「蟹粉」二字，收多成三十噃！王家沙粢飯 $42熱辣好味，推介。入面有肉鬆同油炸鬼碎，好香口。一客兩條方便 share, 欣賞佢！三鮮煨麵 $68顔值低....但是滿到瀉，有D磨菇絲、肉絲咁，無論湯底同麵都幾好味，一碗接一碗都幾正既。高力豆沙球 $58最後order 了高力豆沙，我夢眛以求的高力豆沙呀！點知大伏。外表有點焦，亦有少少燶味。第一啖，粉皮係硬的，第二啖咬佢六點鐘位置，粉皮係濕濕淋淋的，第三啖咬返另一邊，今次竟然韌皮喎！一件豆沙球能有此復雜口感，結論咪即係唔係新鮮做啦！都唔知隔左幾多個夜.......好想叫佢回水。茶位每位 $10， 好味咪抵囉！

約8時入席，被安排坐在外面的坐位，2人坐4人座，尚算闊絡，上菜速度很快，在15分鐘內，不過可能是因時段較晚，人流不多有關。點了三道菜式:上湯菠菜 (78蚊): 三道菜式最好的一道，雖有上湯，但菜依然軟硬適中，不會過淋，值得一讚。小籠包(52蚊):一籠5個，湯汁以致包本身，只算普通，不值一提。担担麵(68蚊): 麵身偏軟，湯中花生味較突出，然而口感普通，也不特別推薦。整體而言，服務的確出色，由入座到上菜，再到埋單，可以神速形容，只是當中最重要的菜式，反而味道普通，叫人不禁歎息。註: 埋單230蚊，加一23蚊，總共為253元正。

之前都黎過九龍塘同旺角呢一間既王家沙食過，都覺得幾唔錯，但今餐約朋友食就失準啦😅啲粗炒比較散收收，野食係常溫，小籠包居然係腥😯所以有啲失望，希望改善下最後上既豆沙窩餅，個餡比較少，失望～走既時候人不多～

晚飯時，咁啱行到王家沙，心血來潮想食小籠包，見唔洗等位就入左去。王家沙個環境唔錯，乾乾淨淨同埋坐得幾舒服。啲侍應都好主動落order，收碟同斟茶。我地2個人叫了2款小食同2款主食，埋單380左右，連加一同花生錢。上網見到可多人都post醉雞，所以就叫咗個黎食！呢碟醉雞就真係袖珍到呢，價錢同份量好似唔係好岩比例。味道仲要麻麻，好大陣雪味，無咩肉得啲皮。不過佢個酒味都香嘅，無浸到有苦味。90幾蚊其實可以唔洗叫。蟹粉小籠包我覺得唔錯，湯係鮮甜嘅，唔油膩，皮都算薄！酸辣湯麵呢個酸辣湯就真係最麻麻！麵好淋呀！個湯無咩層次，又唔夠酸又唔夠辣！有少少失望呀！最後，三鮮湯年糕本來以為係伏，點知意外地好食！個湯好清甜，因為有好多娃娃菜同菇，好似仲有少少金華火腿同埋蝦乾味！飲完，個人好舒服！年糕個size好正，係比普通上海年糕長身啲，而且佢個口感好好，好chewy！

Weekend行完山，一行8人去食上海菜，預先book咗枱，即時入得，叫咗9款菜式。·👑 三絲粉皮（$56）10/10分每次食上海菜，基本上都會食「三絲粉皮」。雞絲、青瓜絲、粉皮，全部被濃濃嘅麻醬覆蓋住，好入味，而且粉皮長度適中，唔會太碎而難夾。💯·👑 醉嘉美雞 🐓（$88）9/10分招牌菜之一，好重酒香味，雞肉嫩滑，雞皮唔會好肥，連住一齊食，一流！👍🏻·🥢 鎮江餚肉（$62）5/10分不過不失。·👑 王家沙擔擔麵 🍜（$48）9/10分招牌菜之一，份量好多，花生味好香濃，夠晒滋味，不過麵條比較難斷開，如果剪埋先上菜就更好。·👑 龍井茶皇BB鴿 🦆（$58/隻）9/10分好惹味嘅乳鴿，皮脆肉嫩，但比較細隻，所以我哋叫咗2隻。·👑 瑤柱賽螃蟹（$78）8/10分蛋白炒得好滑，加埋瑤柱，整碟餸都比較清淡，撈飯食都幾正！·🥢 蟹粉小籠包 7/10分招牌菜之一，味道ok，但賣相一般。剛上菜，小籠包嘅皮已經唔多挺身。而且皮太薄，夾起嘅時候，好輕易會整穿，令到湯汁會漏出。·🥢 重慶酸菜魚（$128）6/10分大大舊魚肉酸菜，好多湯，酸酸地，幾開胃。·🥢 菜肉餃 6/10分唔記得菜式名，味道不過不失

一家人有老有嫩，都深知晚市黃金時段難搵位食飯，所以提早打電話訂枱，點知準時去到，竟然話無我嘅訂枱記錄，門口個侍應仲質疑我打左去其他分店訂枱，好在即刻拎個電話出黎畀佢睇，證明有兩次通話記錄！跟住其中一個侍應入去問完一輪，出返黎話應該係「入面」聽左個訂枱電話之後，無寫落「出面」本簿，跟住又話「總之」而家就無位，要我地等半個鐘⋯⋯😰食物方面，係麵類同前菜比較好，小朋友鍾意個嫩雞煨麵，醉雞細細碟就88蚊，味道唔錯不過唔識分係咪真係嘉美雞，其他食物就一般，蟹粉小籠包食落同普通嘅無咩大分別，樟茶鴨好鹹好硬，毛豆百頁無咩味，黃金蝦、鱔糊、炒年糕算係正常。我地叫左20幾碟野，漏左4樣無入單，見d侍應態度麻麻都費事追🙈臨走前屋企人仲聽到d侍應講埋d難聽說話，想反映返意見竟然話間餐廳無經理！一間食物尚可但服務差嘅餐廳，如果想食得開心就唔會再揀佢⋯⋯

晚飯吃上海菜，我揀左王家沙。頭盤兩款，有醉嘉美雞 （$88）- 雞是瘦的，但唔入味，唔夠醉。明顯醉得唔夠耐，冇雞味，冇酒味，幾失望。另一是蔥汁紅蜇頭 （$78）-紅蜇的質素都唔錯，面層的海蜇沒有味道，要撈吓底D汁先得。湯品，原盅餛飩雞 （$52）餛飩上枱已經散開，皮肉分離。皮太厚，個皮仲有一隔隔網紋，賣相不討好。湯味道幾好，但又話原盎上，點知用左碗，溫度同感覺都唔一樣啦😩原盎火朣燉津膽 （$62）其實係幾粒金華火腿煮津白菜膽，火朣食得出係靚貨，咸得來夠鮮。但數量太少，得幾粒仔好碎吓。湯好味但津白唔入味。又係寫明原盎點知變左碗仔上，呢個價錢有點搶。招牌蟹粉小籠包 （$58）皮薄饀料足，冇漏湯幾好。唯獨蟹粉有點腥，建議食返普通小籠包算了，平成二十蚊。鮮豆板莧菜 （$58）呢個菜唔錯，份量夠多，入味又抵食，基本上零缺點 👍。坐位ok 啦，唔太逼亦唔算有什麼特別。總括來說，食材料是靚的但部分煮得唔好食，最不滿意係冇左個「原盎」囉☹️☹️

先講服務：1. 門口派籌小姐，大家人數一樣，但佢派籌俾企我後面個人先～ 👎🏻👎🏻2. 去到個座位 仲有食物碎 & 濕，我出聲講，唔知帶位小姐 真聽唔到 定扮啦～ 經理聽到 過黎幫手抹乾淨👍🏻👍🏻👍🏻👍🏻👍🏻呢個抵讚！3. 可能正值暑假請了些暑期工，佢地好有禮貌👍🏻但新人俾舊人恰 是正常的～ 成餐飯 個大家姐不停大大聲 點個新人男仔做野 自己就行行企企，我示意個男仔 加茶，阿大家姐 叫佢「執枱先！執枱先！」「細佬果邊搵人」 🤦🏻‍♀️ 真係可憐～ 最後我杯茶 緊係無得閒加啦！🤕再講 食物： 醉雞 $88 都偏貴，係咪嘉美雞就唔知～ 炒鱔 好夠味 👍🏻唔油膩 ，食完都唔會狂飲水～小籠包 不過不失 生煎包 上枱我地已經即食 但都無乜汁～ 闊佬炒飯 原來只係瑤柱蛋白炒飯😑提提大家 俾錢記得check單， 會無啦啦有個$10花生錢 ， 但無食到～ 🤔

跟媽媽在moko行街，五點幾肚餓便隨便入去試試這間上海菜五點多時間尚早，餐廳只有數個客人而已一坐低侍應便遞上花生和茶水我們點了醉嘉美雞，招牌蟹粉小籠包，排骨菜飯和豆沙窩餅~這是招牌菜之一醉嘉美雞。看起來好像好吸引，雞腿肉更多但並不好吃，一入口是嗆喉嚨而後勁帶點苦的酒味，雞肉尚算嫩滑，雞皮也不肥膩反而有點爽彈。可是雞肉完全沒有酒的醇香，感覺只是臨時倒了很多酒在雞上。總括而言，這隻雞沒有醉掉哈哈哈招牌菜二，蟹粉小籠包。我認為蟹粉小籠包是所有上海餐廳都必須要做得好吃的菜式，如果小籠包都不好吃的話，你還指望它其他的菜會出色嗎？結果是令人失望了 小籠包上到來並沒有熱氣騰騰，只是温的。賣相難看，軟趴趴的。看到照片嗎？我們還沒動筷，其中一個小籠包的皮已是穿的。輕輕夾起小籠包，竟然癡底，繼而皮開肉綻，湯汁全數流在蒸籠內。放入口，皮雖簿，但能吃得出蒸得過久，而且是放了一陣子，不是馬上出籠的。肉餡一般，不夠鮮美，蟹粉存在感低，吃不出來🤣令人感到安慰的是終於有樣好吃的了，這個排骨菜飯好好味，比鼎泰豐的好吃。排骨份量多，肉質肥瘦適中，不會乾乾柴柴，有肉汁。外層酥酥的，好香口，但又不會太油膩。菜飯也好吃，飯粒分

有幸到餐廳試下佢午餐，落完單半個鍾都冇黎聲氣叫d伙記跟一跟都要極度晦氣 話電腦壞左要等如果對服務冇乜要求，對食物冇乜要求 可以一試I had the privilege of visiting this place for lunch and experiencing the difference in service quality between this branch and the other.The prerequisite for getting a status update on why our order is taking so long appears to be begging the waiters. Fortunately, after asking multiple times, the manager was kind enough to tell us that the computer system is malfunctioning and that this sort of wait is to be expected.Through my wa

服務態度差，黑口黑面，悔悔氣氣，雖然未敢向客人口出惡言，但絕對有面色你睇，食物質素只是一般水平。本人絕不會再去，也會阻止朋友去。Bad choice, won't go there again.