王廚咖啡 (已結業)

今天拜完山，一家人去飲下午茶先回家，路過這間王廚，有位，入去坐低，柜面女士木無表情望住我們，但女待位就招呼我地。早知食到一肚氣，當時就走啦！！真係店如其名，店主如皇上，我們如奴才般一邊食一邊俾佢鬧，有位自稱店主的阿叔一路睇報派一話我吔唔叫嘢食，但明明張單己經超過210元！我哋見唯一女侍應走來走去，就自己轉身取一只筷子，自稱店主的阿叔就鬧我地唔睇店內規則，吓！吃嘢前要先睇完全店的規條！未聽過！這間店子有平面的地方都貼有樣樣條款喎！例如要俾錢先可以要杯水洗筷子、套歺飲品後上要加5元服務費，規定每人一杯飯品、叫碟飯代替又唔得，仲要鬼食泥話唔做我哋生意，點解我哋一家想食吓嘢，會俾人鬧！我想我哋唯一的錯誤是唔睇Openrice食評就行入去。食完走喇，那位阿叔仲拉着我家77歲老人家繼續鬧，那位柜面女士竟說他們講咗今天体息，我哋仲要入去幫襯！！！佢哋都無講過，究竟邊個思覺失調？女侍應又招呼又落單，又話有意粉冇麵包....茶餐廳點會下午5點半就休息？！！可能我哋睇唔到店主其主要規條： 這店不歡迎顧客，不要再來幫襯。

星期日想响新城巿食個TEA 確係一件極艱難既事, 唯有轉移去排頭村, 對正大街間茶餐廳勁多人, 側邊淨番王廚同埋另一間冇開, 即係冇得揀, 入左王廚... 內裡有6-7張枱, 只有1枱客, 我地2個人就係第2枱客, 我地揀左最埋面近廚房既2人枱, 結果賴左野.... 佢呢度既擺設已經封晒塵, 朋友仲介紹我飲呢度既特式咖啡, 好彩侍應話部咖啡機壞左, 因為我等野食既時候見到部咖啡機係好污糟既.. 當等野食既時候, 收銀既老伯突然响我後面攞住個咖啡罐, 然後數左几張拜神用既奚錢, 我心諗唔係响度燒奚銀呀?????? 嚇死我! 好彩佢係拎出門口燒, 但响佢我張枱上面封晒塵既野度攞左D 野先去燒, 好彩當時未有野食, D塵冇跌落D 野食度..................我地點左2杯凍檸茶 + 1碗餐旦出前一丁麵, 凍檸茶黎到既時候已經冇乜冰, 而且味道很淡... 呢度有告示紙貼住, 如果是奉送的餐飲要同食物一齊上, 如果要求分開上要另加 $5... 咁我如果真係一個要食完野先可以飲野既人, 又想慳果$5, 我係一定要飲一杯溶晒冰既凍野, 或者攤凍晒既熱飲... 好唔顧客人既感受... 這

成日路經呢度但都未食過..次次見到都幾多人,,以為唔錯, 點知錯晒!!!今日又經過..決定一試入到去見到餐牌, 即刻覺得入錯嚟, 都係啲炒粉麵同客飯, 不是我杯茶最後我地叫左個菠蘿雞粒炒飯+炒貴刁+2杯熱啡等左一陣, 熱啡先到, 蒸餾咖啡淡如水過多一陣..炒飯到左, 啲飯都未炒散, 但味道正常我地食完, 貴刁都未到, 追左一次單, 侍應話煮緊繼續等....另一位侍應想收起我地既餐具, 我地話未用完, 仲有野未到, 再追一次單但眼見鄰座比我地遲來既客人點既食物都已經到左, 我地覺得無理由繼續等我地要求取消貴刁...侍應只是一味話煮緊我地離座去cashier..連收錢都冇人收, 又等左陣侍應仲叫我地唔好要佢地難做......我地只係想食個lunch啫, 應該係你地唔好為難我地吧?!

記得N年前超喜歡CAFE 的朋友帶我去這間餐廳, 當時服務一流, 老闆還會跟客人聊天, 但事隔多年再光顧, 餐廳一定易主, 服務超惡劣...... 大家行過唔好比間野門面光鮮, 裝修似CAFE被呃到入去食飯, 只會食到一肚氣....... 話說今日有事經開排頭村, 所以再去光顧一下, 食個LUNCH, 入去首見到一大堆"RULES"..........2個人最後叫左個肉絲炒面, 熱菜蜜, 熱咖啡....食物我地冇食到, 質素唔知, 飲品勁差, 菜蜜超甜, 咖啡入口係酸........ 服務方面, 只怪去前冇CHECK食評, 又見有位先入去, 又唔記得句金句 "有人排隊都未必好食, 冇人排隊一定唔好食" 今日SUNDAY 去到都知人多, 都預左要等下先有得食, 但我冇諗過個等字係要等超過30分鐘, 等左半個鐘都仲出緊我地嚟之前D 單, 咪叫佢追下單囉, 第一次追單, 佢應左就算, 第二次追, 個伙記話冇入到單, 淨係落左水吧張單, 咁我話唔要LA, 坐係我地隔離枱同一時間入嚟對男女都因為冇野食冇野飲就走左,同場加影, 左手邊枱有個女仔, 叫左個碟頭飯, 叫佢唔要蛋, 但食食下, 發現中間

今日一家人路經排頭村，於是就喺條街到揾咗間最揾間門面較佳嘅餐廳醫下肚啦，入到去已經發現門上貼了幾張字條意思大概是：﹣﹣如落單時不一併叫餐飲，則視為特別服務，需另加＄5（第一次見）﹣不收一元以下硬幣及十元硬幣（唔收＄10銀都係第一次見）﹣不要帶外來食物（都OK）﹣每人最低消費一杯飲品（都OK）﹣上午唔收＄500 紙幣（都OK）食物方面，餐牌只有碟頭飯及小菜，冇乜選擇和持別，落單時間大概下午2時多，我們一家4口叫了一碟乾炒牛河、蕃茄牛肉飯及咖喱牛腩飯，個侍應尚算有禮貌地同我哋講呢度有最低消費，她建議我哋多叫一杯飲品，媽咪就問有冇下午茶餐，個侍應表示茶餐要2點半，於是我哋咪話之後叫多個茶餐囉，於是個侍應即刻黑面行開咗。到第一碟炒河嚟到，於是我哋叫佢俾啲餐具及碗仔俾我哋啦，真係唔知咁啱定有意，她只給我們餐具無攞碗仔俾我哋，咁我哋咪叫第二個人俾我哋囉，食落去碟牛河好似炒定咁，一啲都唔熱。其他食物好似水一酒樓上菜咁，食完一碟仲要等多陣先上第二碟，到全部食物上齊，我原本叫嗰杯熱奶茶都已經變咗凍奶茶，真係好連加＄2凍飲錢都鏗返，既然已經過咗2點半，咁我哋咪問侍應攞下午茶餐牌囉，但佢哋話而家好忙做唔到下

休假日, 陪太太去領取護照. 她吃了東西才出門, 而我辛苦地讓她批准俾我係街食. 行出火車站, 她就先去行IKEA, 而我就留係排頭村, 試食當地的茶餐廳.多年前, 試食了呢一條村既Pizza, 結果是大獲好評. 是日, 就試一試這兒的茶餐廳. 人多的排頭我竟然不選, 選了這一家看似比較悠閒的什麼Cafe, 坐低吃吃, 也看看.裝潢雖然是cafe, 但一入到去, 原來只是茶餐廳一間. 實在令人大失所望. 正確一點來形容, 是out of my expectation. 既然來了, 就點下是日的茶餐廳式既午餐, 不過我遲黎, 有好幾款的餐, 已經售罄. 最後選了一個菜遠牛腩飯. 看看其廚房的內部功力. 不過, 出來的牛腩, 明顯地令人感覺到其內功並不甚深厚. 因為犯了炆牛腩既大忌, 就係唔腍, 又唔爽, 又唔腍, 牛腩肉又不掛齒, 不筋位重要好用力才能咬得開. 既費勁又費功夫. 而且那個汁, 柱候味道不夠, 只覺得有五香粉味. 其他花椒, 八角帶出的香味, 不足. 覺得, 再炆老火一點, 把這些味道迫出來, 滲埋入牛腩牛筋內才是正道.再說服務, 店員還是較為親切的, 但一個類似老闆的人

本人與朋友好日都唔會去沙田 , 昨天諗住去行吓食個 tea , 點知咁唔夠運 , 揀咗呢間”筍”嘢 , 外表睇嚟正常 , 點知入咗間惡人谷。原先侍應叫我哋坐入面嘅枱 , 後來老闆說員工用膳 , 要我哋坐在門口傍邊嘅枱 , 跟住我哋入來的另外兩位客人 , 又係咁嘅情況 (既然要用膳唔俾人坐 , 倒不如關門唔接生意) , 咁都算了, 接住女侍應放低餐牌不久 , 便催我哋落單 , 我哋話等一陣 , 但佢轉個頭又走嚟催我哋 , 好似好趕咁 , 我哋都乖乖照落單。之後侍應放低兩份餐具 , 我們便清洗餐具 , 跟住老闆便大發雷霆 , 兇神惡殺走嚟對我哋說︰『我 D 餐具已經消毒 , 唔洗再洗 , 你當我呢度係大排檔吖 ? 你咁洗法影衰我呀 ! 』我哋真莫名其妙 , 沒有理會他 , 餐具照插在杯裡 , 跟住食物來到 , 因我們只需用一份餐具 , 所以仍有一份插在杯子裡 , 之後老闆便大大聲叫侍應 , 把插在杯子裡的一份餐具攞走, 話擺喺度好肉酸、好難睇、影衰佢 , 仲不停咀兼好不滿咁 , 話我哋當佢大排檔 , 跟住我哋終於忍唔住問佢乜嘢態度 , 我哋話洗筷子係個人喜好 , 佢又再話我哋影衰佢

菜遠牛肉湯河粉Oh dear. It was almost shocking to experience such a big failure for such a simple noodle dish. There was hardly any soup, and the little soup it had was literally water with salt, and some oil floating on top. It tasted like nothing besides water and salt. I have never tasted such a lame soup base. The noodles themselves were of incredibly bad quality – all of different lengths (most were shorter than my finger and very hard to pick up with chopsticks), and overcooked, such that bit

昨日收到舊同事電話，我之前份工上司今個月尾退休了。以前要到沙田的話，我們常常幫趁王廚。王廚個老闆好有性格，諸多規矩，出品少肉多菜。有時實狂太少肉，看不過眼叫老闆加舊肉，十萬個不願意的。上司不愛攤涼的熱飲，要求後上餐飲也是諸多留難。不過，附近芸芸食肆中，王廚的出品的確係比較清淡，少鹽少油，日日轉款式。舊上司注重健康，一拍即合。而事實上，味道也是可以接受的。店舖細，得幾張檯，午市時要等位。不過，就係老闆的執著，hea的環境，認真的咖啡，也儲了一批捧場客。香港的營商環境好似不太利好如斯小店了，縱然王廚係古古怪怪，也希望她可以繼續存在。也祝願Y先生，退休生活愉快。

走來人煙稀少的沙田排頭村內，有三間食店，一間是吃pizza，一間是茶餐廳，最後是一間cafe小餐廳。本想去茶記，不過女友說這一間好像比較衛生，就入來吃下午茶。看看餐牌，好像沒太多可以選擇，很多也很貴，最後我要了飛碟加杏霜，要24元呢。女友點了最例排的烘多士是沒有問題。可惜吞拿魚飛碟到後，心情就已經下降，到我試完一口，心情急轉直下。飛碟份量超少，烘得不夠，微溫也算了，要咬幾口白麵包才可吃到丁點吞拿魚，還要是酸的Omg!!! 那麼少也吃不完，真是第一次呢。杏霜這就是有少少藥味的那種了，不夠杰身，奶味也不夠，不過比較飛碟，這個是可入口的。事實上，這店只是好像衛生，實際上是蚊蠅經常飛，吃得很不自在，放低幾十元，好像什麼也沒吃過。埋單也給我見到很多限制。為什麼不收10 硬幣，說什麼假幣很多，人心惶惶之類，但又找10硬幣給我????走時，我開始覺悟，為何店內要張貼 “請勿講粗口”。

今日第一次幫襯，首先就有個很無禮貌操唔純正廣東話疑似大陸來的女人落order，order左一個肉絲炒面餐+一個雙拼三文治餐(蕃茄+巴西咸牛肉)。咁佢話巴西咸牛肉要再加多2蚊，本身個餐都唔係話平架喇，咁佢話加咪加囉﹗之後環顧四周發現呢間野牆身貼滿標語，規距多多，最令我印象深刻就係"不准講粗口"，食肆中佢都算巴之閉喇~~~首先黎左個肉絲炒麵ok la﹐跟住黎個三文治先令人大開眼界，揭開個三文治見到d咸牛肉，嘩! 真係少d眼力都睇唔到呀，佢將d咸牛肉搽到好似奶油多d牛油咁薄甚至更薄!今天真是榮幸之至竟然比我食到同日本A5 和牛一樣咁矜貴既巴西咸牛肉!!!而D蕃茄亦不負所望只有散散修修的幾小片，食落只有麵包和蕃茄味，呢一刻我終於明白到點解呢度"不准講粗口"...............................

今天幫襯沙田的王廚咖啡，簡直可以用「一肚子氣」來形容。事緣今早本人致電該舖落order，他們著我自己前來領取，當時大家都同意。豈料到十二時半到來領取飯餐時，那群中年女性服務員好像「倒瀉籮蟹」一樣混亂。首先，本人在落單時為了方便大家，已留下自己的姓名及電話，但領取時沒有一個人對事件知情，完全沒有一回事。而且她們又把本人與其他客人，或客人與客人之間的order錯調，給人的感覺是「唔係做野」，也充分證明該店管理失當，很小的事情也沒法做得好。但有趣的是，沒有一個「話事」人出來指正員工或控制這個混亂不堪的「殘局」。更令人氣憤的是收銀員（很可能是老闆）的態度不是一個服務員應有的或者甚至可以用惡劣來形容！今天全日天氣差，本人拿著傘子，準備找數時，他用很差而厭惡的口吻說：「你快點拿開你的傘子呀！」本人自問傘子跟他有一段距離，況且他亦犯不著用這種態度去對待客人。更加理想你做法是可以禮貌的態度告訴我，先行放下傘子吧，這樣做不是一則自己一定不會被傘子碰到，二來客人感受良好，不用你叫，下一次必再蒞臨。可惜的是這位仁兄的態度連一頭狗也不會如此對人，實在使人有白白花錢來一敞的感覺。哈！最搞笑的是本人拿走飯餐後，竟

七月初三‧晴朗 在附近活動，熱得緊要，汗是不受控制的在流著。偶爾發現這間咖啡店，當然鼠進來坐一坐，喝杯咖啡。 這裡是典型的村屋食肆，地方四正，沒有什麼裝修的。但看真一點，真的內有乾坤，原來四周也貼有不少的告示，不准這樣又限制那樣的，如「在店內請保持寧靜」、「請勿講『粗』口」、「請勿移動石檯」、「最低消費10蚊」、「繁忙時間，需要搭檯」等等，都幾有趣。 不理這麼多，無端端我不會嘈吵，也不會講「粗」口。要了個熱狗茶餐，看到有不少的特色咖啡，問問可否加錢轉特色咖啡？回應是「不知道」，為免最後也來了個「不准」，也不節外生枝，另叫一杯羅馬忌廉咖啡就算。 先來熱狗，吃起上來還算不錯。但吃至中途，竟然發現碟底的餐紙旁有一小塊牛肉，頓時令我放下熱狗，無論原因為何，在自己的食物中發現一點點別的外來物，也是令人噁心的。 普通的咖啡真的普普通通，但特色咖啡就真的幾特別。臨走時向主理人說喜歡這杯咖啡，她自豪的說：「正哩？」。 埋單42蚊，在付款時發現原來也有不少限制，如不能付某個數量以外的散紙，又或是那一個年份的鈔票等等，我當然是乖乖的守規距，付上兩張廿蚊及一個兩蚊，全身而退。 是有趣的咖啡小店。 想看食物相

原本諗住去附近食PIZZA午餐/排頭餐廳食, 不過無位, 結果去左呢間餐廳食.一座底已經見好多紙貼晒係間舖入面, 大概係 1) 每人最底消費十元 (都合理)(2) 請勿移動石枱(3) 唔係落單個陣叫埋飲品, 就要加$5服務費.(4) 上午唔收$500紙 (都合理)(5) 請保持店內寧靜 (我唔知佢比員工睇定比客人睇, 因為張紙寫左係廚房出餸位置)跟住我叫服務員落單, 個服務員座左係到望左我好耐都唔行過黎, 仲同D同事講類似點解叫我咁0既口吻, 但係都仲未行過黎寫野, 跟住我地再話唔該寫野, 個女服務員先慢慢慢慢行過黎. 個陣本來平靜0既我就底唔住問佢: 你係唔係唔想寫, 一係搵第二個落單. 但個女服務員都係無反應, 我再問多佢一次: 一係叫第二個人黎落單. 佢先至問我要乜. 呢D咁0既態度, 我真係原全明白點解附近間間都座滿0既時候, 唯一佢地呢間舖頭仲有咁多位.雖然D服務咁麻麻, 但好在D餸菜味道OK, 價錢都合理.不過我地好肯定係唔會有第二次幫親呢間餐廳.

今晚2人無所事事, 試了這間新假期介紹的cafe. 吃了菠蘿西炒飯,肉絲炆米及咖啡, 味道唔錯. 西炒飯用了新鮮菠蘿, 明顯少油少鹽. 茶餐廳價錢. cafe 格局. 真的不錯不錯.咖啡味道不合心水, 我是不太喜歡帶點酸味的咖啡. 可能其他人喜歡這間cafe的咖啡.但cafe店內靜得厲害, 店員服務態度一般, 坐得不太自在. 適合快食走人.很希望這小店可以繼續經營下去, 因為沙田市中心實在難找普通晚飯食店. 經常出現長長人龍.