生記山西刀削麵 (已結業)

下午時段入去食，一般人流。嗌咗碗燕子餃+蘭州牛肉+生菜既刀削麵。好笑嘅位係 我食食吓發覺「咦，點解冇菜嘅？」再liu幾野⋯⋯ 揾到一塊細過我手指公既正方形狀嘅生菜🥬於是乎我問一個職員「唔好意思丫 我嗌左生菜嫁 係得咁少嫁？」「係丫 得一塊嫁咋」我心稔「唔係丫，我另嗌嫁喎⋯⋯」跟著我對筷子duk住塊菜仔「得呢塊！？」唔知係咪見到我個樣xx地「ei 我去拎多幾塊比你」跟著佢行開咗我就即刻影相因為真係好想同大家分享下呢個奇趣事之後⋯⋯ 佢就比咗一碗我啦😃所以我想講既係如果大家下次都遇上類似嘅情況要堅持 質疑地問多兩句就會有返樣餸嫁啦yeah~! ✨好 講返佢嘅麵 其實硬度都適中嘅(啦我無食開刀削麵⋯⋯)麵份量足嘅 (我食唔晒)燕子餃好似有三粒 味ok la👌🏻蘭州牛肉 可以唔使切咁碎

我哋周不時都會想食刀削麵！去慣呢間，就繼續去啦！我哋每次都係嗌手撕雞刀削麵！一係湯麵🍜一係炒！我就鍾意炒，我老公就通常都係湯！佢哋真係自己喺廚房拉麵！今次俾我見到！師傅打到拍拍聲㗎！佢哋呢度有得揀口味，例如可以揀麵條係薄身定係厚身，辣度亦都有得揀。以前冇得揀我就覺得佢太厚，所以我嗌咗薄身，再加底，中辣！佢箇中辣唔係好辣，都唔㷫口，似小辣多啲，下次可以試試大辣！今次再嗌埋佢個皮蛋！呢個就出色啦！好食過譚仔嗰個，重點係我已經好鍾意食譚仔嗰個！

今天和家人第一次進店，由於唔想坐門口位，所以取票等位，後來職員叫我地「坐住等」，點知到有位唔係安排我地入座，係因為我地已經「坐低左」，要重新排隊，我重申左三次係你叫我地「坐住等」，最後被態度惡劣嘅職員叫我地「以後唔好黎」俾錢食野大把選擇，無謂貼錢買難受

早市: 香茅豬扒刀削麵(有煎蛋和熱飲)份量足夠，湯底不錯，刀削麵還可以，就是刀削麵的口感和厚度，豬扒十分淋，好吃！但……熱咖啡真的不好喝😔酸的！再也不會點咖啡了！

幫襯左好幾年，間唔時去食下🥲到今日平日下午想再去食，坐低落單叫幾次等五分鐘都無人，應左你反轉頭反左幾次都無來眼見三個侍應忙，堂食落錯單，外賣落錯單！😳😳我再叫多幾次落單，侍應話：我得一對手，等唔到你就走，另一個話：你咪唔好食食左幾年，過左今次無以後⋯以前都唔係咁!!!!!!!!!!!!!!!!!!!!!!!!!!!!!!我唯有拜拜我鍾意食既辣汁俾錢食好多選擇，無謂俾錢食野俾人鬧…

第一次食呢間難得入到元朗叫左下午茶餐酥炸雞翼刀削麵+凍檸茶$38好抵食試下個麻辣大辣湯唔夠麻 唔夠辣少少失望但個刀削麵就好出色或者下次可以試下炒刀削麵雞翼就正正常常不過建議雞翼另上 就脆卜卜

我好鍾意呢間嘅手拉麵，食咗一兩年？因為好鍾意去深圳食蘭州拉麵（唔正宗嗰啲，我通常叫蓋澆麵；正宗嘅應該係蘭州牛肉麵，仲要一定係食湯麵）唔再返大陸食嘢，有時真係好掛住手拉麵彈牙既感覺，搵到呢一間。之前成日都去大馬路個間，我通常11:00正就入去，之後呢個時間再去成日見佢拉住閘，原來佢新年之後改咗12點。時間唔再啱先嚟呢一間。酸菜魚有骨，食得好麻煩，同埋有少少腥，之後冇再叫呢個餸。豬大腸只食過一兩次，都係偏硬個種，冇再叫。因為費事同唔肯定佢有冇改善或者改良過，我自己就唔鍾意食硬身嘅豬大腸。之後都叫燕子餃，因為出邊少見，我又少食。之後次次都叫呢個😂。食到啲阿姐認得我，有次佢仲講你次次都叫呢個😅。好尷尬。因為食太多食到悶，後來就改叫雞翼。因為乾炸啲雞翼，好鹹香，又索埋啲湯幾好味。依間係我成日個心會諗住諗住，計埋等車時間可能要個半鐘來回，為咗食一碗麵。有時食厭咗會停一排，但唔厭嗰陣時基本係每個星期去一次。發記有大閘蟹賣既時候去得仲密，（有時會轉下口味食傷心酸辣粉或者川菜）。有蟹拎返去嘅時候就覺得車程更加值得，真心想間野開喺樓下。有時想食呢間嘅麵，但又book咗啲要book好耐嘅餐廳，咁點都要去嗰啲

好耐冇食過刀削麵，就來到生記。 生記的佈局主要為卡位， 坐得舒適。坐低後就叫了三個前菜冷盤，包括麻辣青瓜，豬耳，皮蛋。這三個冷盤都用了他們秘製的麻辣醬，滋味得來又不太辣容易入口， 很開胃。豬耳口感爽滑， 青瓜雖然切得比較大塊，但味道都很好。我們另外點了兩碗刀削麵，一碗是燕子餃拼蘭州牛肉小辣， 另一碗是燕子餃拼牛肚刀削麵BB辣。配料份量足夠，整體上不錯。另外這裏的燕子餃到十分馳名，皮薄餡靚， 入邊仲有一啲馬蹄， 爽口得來又啖啖肉。而另一碗配牛肚的刀削麵也不過不失，整體來說性價比是不錯的。我們另外點了百香水果茶和紅棗熱飲， 飲品挺不錯的。百香果特飲有果肉檸檬青檸和籽， 香味十足，另外紅棗特飲亦都有很多紅棗肉。

從中學已經是刀削麵愛好者，生記是我由細吃到大的一家店，數上來也有數年沒吃了。現在也會寫食評了，就試寫一寫吧。生記刀削麵是師傅在現場一片片從麵團削下，每一下刀法行雲流水一樣，非常熟練。坐在廚房前的座位便可觀賞師傅的拿手好戲了！數到刀削麵的配料，大家一定會想起雞絲吧？可我的最愛卻是福州魚丸。福州魚丸特別在於外皮用魚肉打成，鮮味濃郁，內裡餡子多是豬肉，煮成後內有湯汁，葷香不膩。所以來到生記，我必點福州魚丸。雖然生記打的外皮較厚，卻是彈牙滑潤，咬下內裡肉汁飽滿，豬肉味濃。必推之一！刀削麵偏硬有彈性，外滑內筋，做得如以往一樣好。反而湯底偏咸，略有味精之味，生記是向下流了？男友愛吃炒物，點了一碟蝴蝶腩炒刀削麵，蝴蝶腩偏硬偏韌。總結還是好評，因為是多年的食堂呢。

又一間元朗經典的餐廳，我自孩提起，已經常光顧的山西刀削面!!!前菜先叫了一個白灼豬腰，不要以為白灼沒有甚麼特色，但是時間的控制是十分重要的，而且醬料是自家調製的，想自己煮也沒有辦法吃到同一個味道的啊~先說說刀削麵的本身，這家的刀削麵都是自己削的，保證全人手，口感和機出果D真係唔同架! 自家削既又細又通透，粒粒都好滑身!新鮮蝴蝶腩刀削麵: 蝴蝶腩煮得又香又腍，放係湯麵上去一啖一啖食都唔會被湯浸淡，因為汁已經入曬腩肉入面!滷水豬大腸刀削麵:豬大腸十分入味，而且唔係好韌，又唔會有渣!

小時候爸爸帶過我吃某家得過獎的刀削麵店吃湯麵，那次用餐過程十分不愉快，印象中那碗刀削麵每一次麵很肥大，而且很硬，我都咬不開，所以那次之後我都再沒有吃過刀削麵了，一直覺得刀削麵不好吃。這次丈夫突然提出想吃刀削麵，原本我有三個願意，沒想到這次以後，完全改掉我對刀削麵的感覺。這間餐廳有兩個出入口，一個連接著元朗千色匯，一個連接著街外。一進入店內，就看到一幅手提字，寫著「山西刀削麵」，煮麵的員工也戴著頭帽，感覺很衛生。是日是平日的晚餐時段，店內已經坐滿了人，原本我跟相公是坐在六人卡廂搭檯的，一有空檯，店員就把我們安排到別的卡廂吃，蠻貼心的。相公說這間的炒刀削麵十分好吃，我們就點了一個炒刀削麵，一個撈刀削麵，再加一個涼拌小吃。涼拌海蜇（辣）爽脆又晶透的海蜇，還有洋蔥絲、青瓜絲、紅蘿蔔絲，吃起來涼涼辣辣的，十分爽口回鍋肉炒刀削麵—小辣這個讓我感到十分驚豔，一送上來時，超香的！很夠鑊氣，麵條很Q彈（可能小時候不太夠牙力咬，所以覺得太硬吧），回鍋肉切成薄片，很入味，配合芽菜、紅椒、青椒、椰菜，真的好好吃我選了較健康的：黑椒雞扒撈刀削麵+娃娃菜（不辣）撈刀削麵也不錯的，味道沒有那麼濃，刀削麵也沒有黏在一

星期六中午人又多經過這店見有位好耐冇食呢間食店，好！就入去食個午餐先！由於星期六關係人也比較多，但流量也很快所以我們不用等也有位座了，店內座位比較擠，店內餐牌上有很多選擇都唔知食什麼好！今次點咗滷水豬大腸刀削麵、麻辣魚片刀削麵🍜講真有些失望😞已經不是以前的味道⋯感覺⋯麻麻地！

究竟刀削麵點樣為之好食呢？其實呢間嘢好多選擇，最平係要48蚊，我揀咗蝴蝶腩，貪佢個名得意，我就食呢樣。同埋佢係配埋飲品。奶茶：不過不失，有奶同茶香😐但個杯有陣味，好怪🤔刀削麵：最初會覺得煙韌，刀削麵容易斷裂，但過幾分鐘會軟綿綿……所以要快趣食完😕蝴蝶腩：似蝴蝶嗎？腩有一陣味，但算軟熟，有少少筋😫生菜：正常😃湯：味精……人哋話本身係胡椒湯，但裝修後就改咗，所以飲會想飲水🙃總括而言，嘗一嘗無妨，但唔好持續食啊☆

原本沒有計劃到「生記山西刀削麵」吃午餐，但有見當日下着滂沱大雨，所以唯有到此用膳。坐下不久後，看到身邊的所有人都在吃刀削麵，所以我沒有多想便點了一碗五香牛肉刀削麵。五香牛肉刀削麵不消一會兒，他們便呈上五香牛肉刀削麵。牛肉的肉香味頗為濃郁，而且口感軟腍，只是略為有點臊味，但大致上也不錯! 而刀削麵的口感相當煙靭，不過煙靭得來帶硬身，不是我喜歡的口感，加上湯底不夠清甜，所以整碗麵只屬一般!今次的五香牛肉刀削麵沒有給與我驚喜，整體上亦只屬一般，所以我相信再次光臨的機會也不大!

呢種粉麵舖食西式早餐，其實而家都好大路嘅!今朝試一試 佢，麵包都ok好柔軟，可惜呢啲係唔會砌邊!要自己剝皮😏 炒蛋就差咗啲 搞到碌backpack 唔老唔嫩唔餅唔滑咁， 馬騮倫，食咗個蕃茄肉碎薯仔通粉，d肉碎吖聶牙好麻煩， 如果有得選擇就咁蕃茄薯仔肉片湯就好過肉碎啦 ，我食咗啖都覺得一般般! 反而我個沙爹牛肉麵就出奇地非常有驚喜，熱檸水一般啦， 檸檬唔新鮮又唔太老 ! 杯熱水都有水味都夠熱嘅 ，但杯咖啡我自己就接受唔到 ， 因為本人自己最唔鍾意茶唔茶，啡唔啡，仲要d啲唔靚嘅奶勁多! 但係呢啲食味，都見仁見智，總括嚟講係中式嘅舖頭食呢啲西式早餐無乜ok唔 ok ，不過我又覺得價錢 冇走棧位 ，算貴而選擇好似唔多咁🤣☕