生記山西刀削麵 (已結業)

#第一次黎朝聖😐#行行下街睇到下午茶$38 only，於是抱著try try冇壞既心態入去😬😬#舖頭地方唔大，可能係下午茶時間，所以食客唔算多～#刀削麵份量十足，女仔食真係有d太大碗😂🤫#五香牛肚食落少少韌，but可以接受👌#湯底偏鹹少少，如果清d一定加分😆#食完覺得38蚊仲有杯凍嘢飲其實唔錯😆😆😆#下次再去元朗可能都會試下其他口味譬如豬大腸🙈🙈#整體合格，食完都唔會太頸渴🤣🤣 有下次😐

手撕雞刀削面配凍檸茶($48)手撕雞頗嫩，浸左湯底夠入味，幾好食。刀削麵偏硬，份量比正常多，食半碗已經飽。湯底要左小辣，唔太辣，下次可以挑戰中辣。(個人口味: 3.2/5)蘭州牛肉燕子餃刀削面配凍檸茶($50)牛肉似切片牛腩，燜得唔夠腍，好硬，無口感，無乜牛味，唔好食。燕子餃幾有口感，幾好食(個餡似牛肉定豬肉?)。 唔辣既湯底充滿牛肉味，唔錯。下次絕對唔再叫蘭州牛肉。(個人口味: 3.4/5)見到隔離枱既雞翼刀削麵有3隻定4隻雞翼，好似幾扺食，有機會再試下。

本時晚餐黎生記食多數都係食水煮魚或者酸菜魚，反時好少試刀削麵。今晚自己食，突然好想試佢地既刀削麵。鋪頭位都算多，但8點左右去到已經要搭檯，好多人呀！大部位都望到廚房，仲可以見到師傅拉麵同削麵而刀削麵有得揀湯/炒，亦都可能轉拉麵，麻辣有大中小辣，不過黎到點可以唔揀麻辣刀削麵分量頗 大，最後仲淨左小小麵，刀削好飽肚-酥炸雞翼刀削麵，麻辣中辣$48雞翼有4隻，岩岩炸起連湯上，皮好薄，有醃過好入味。如果可以分開上就好，擺左碗湯到，有一面已經淋淋地。而刀削麵就好考師傅功力，係味一樣厚度，如果厚度不一就會影響口感，而且好易一啲熟一啲未熟。生記既麻辣都非常唔錯好好味！好香口！夠麻野飲款式都好多，特飲要加錢。下次絕對要試下炒刀削麵

今日一條友食lunch，緊係食我最中意既煙靭野！呢間由細食到大，品質都冇咩點變，千色呢間裝修完大左舒服左，又有多張卡位，d內地口音既侍應都著埋格仔制服！ 刀削麵有分湯同炒，炒就費少少。我就揀左酥炸雞翼刀削麵唔辣（之前食過覺得太辣）！最重要係雞翼另上，咁先可以確保雞翼外脆！刀削麵偏厚生大條，煮得岩岩好又唔會好林！湯底微咸多蔥，仲有兩條生菜！ 酥炸雞翼有四隻，仲要大大隻，岩岩炸好，熱辣辣，外皮非常脆，內裡juicy，但就唔夠咸，淡左小小！ 仲會連冷熱飲嫁，推介熱奶茶

呢間刀削面都幾多人食 舖面都幾大 但係喺好迫嘅卡位都要搭枱 都食得幾辛苦 同朋友叫左一人一碗面再加左個小食 小食叫左麻辣皮蛋 啲皮蛋幾好味 小小麻辣 中間皮蛋心果度好香 口感亦唔錯👍🏻然後我叫左麻辣魚片刀削面 成個面個湯到係覆蓋左辣油 但係唔算好辣 我仲要加左2更辣椒 魚片方面 魚肉係幾嫩滑嘅 不過係非常之多骨 食到個人好忟呀 食左半個鐘都未食晒成碗野！而個刀削面就好好味 好有咬口 煙煙銀銀唔錯👍🏻 我朋友叫左個豬潤清湯刀削面 我試左佢個清湯都幾夠味 豬潤偏薄 但味道唔錯

晚飯前好餓，食飽啲當晚餐好了！麻辣手撕雞好辣但唔夠其他味，得個辣字回鍋肉刀削麵，波士食撈麵，諗住會特別啲，但個回鍋肉麻麻地燕子餃福州魚丸刀削麵，得好少餸，我送唔到碗麵

第一次食佢都有起碼4，5年，果時仲係細鋪，人少少下午茶又抵食，唔使40蚊有野飲。而且真係好好食，湯係清，但個辣汁惹味，我由以前食少辣一路食到中大辣都係因為佢，停唔到口。慢慢人流多左，我叫手拉麵d粉粗左冇咁滑，刀削麵厚左又難咬左，不過個湯同辣依然ok。我最愛依然係手撕雞。裝修後的上個月，OT放工返元朗都成9點10點，難得佢開張又再入去食。空間大左靚左光猛左。同樣的手撕雞拉麵，要47蚊，不過連個湯都味精左，雞少左，麵好似都少左dd。唯一係個辣汁惹味，不過只讚個汁我都講到唔好意思。有失望，希望可能個湯清返d，麵都拉返以前個水準。

琴日晏晝1點幾冇野做諗住去食下 見到裝修過 大間左 多左人去食 諗住有進步等左一陣位 呀姐叫我同埋屋企人入去坐卡位 三個人坐一排 迫到不得了 都算 個枱成十幾分鐘都冇人執 仲要叫幾次先肯執走 不斷問"吓? 唔係你地架? 我以為係你地架添" 問完又唔執 就走左去落單又係等10至20分鐘 同時間點菜 兩碗麵可以食完一碗 下一碗都未黎到午市的確係多人 但係咪諗住裝修完 間大左間舖做多啲人生意 不斷塞客入黎 就冇左應有嘅service 同管理?Service 講完 到食物質素蒜泥白肉 表面蒜好多 賣相唔錯 但係蒜唔香又冇味 肉都冇乜味 食到見底 只係見到好多好多嘅油 未食過咁差嘅蒜泥白肉本人叫左碗蘭州牛肉刀削麵 牛肉又乾 唔冧 啲麵半吋厚 全部味好似分開哂咁 麵還麵 肉還肉 湯還湯 真失望!其餘嘅 各位可以自己去試 各人口味不一 我唔代表所有人 但係至少我身邊嘅人都話唔值得去食 甚至難食

㸃單: 豬腰豬潤麻辣拉麵(中辣),水煑魚麻辣拉麵(中辣),蒜蓉娃娃菜,甜酸豬手及飲品。只可説拉麵質地煙韌。 豬肚豬潤又老又硬,無可能咬得入, 湯底又凍又淡又冇麻辣味。水煮魚冇味又唔滑及超多骨,碗湯好似食緊冷麵咁,冇尼聞味,清水紅油冷麵。娃娃菜烚左加蒜蓉,又油又甜,味道奇怪,至於菜是比無牙的人食,霉到打冷震。豬手只咬ㄧ啖,ㄧ樣叫人失望,全碟棄了。有兩個侍應姐姐分别走來問為何不吃,是否很差?ㄧ碗麵價錢47, 加餸再加錢,全枱差不多200元。 絶 對 冇 下 次

本來想試刀削麪。見到牌匾，改試蘭州拉麪。湯底味道ok，牛骨湯。麪條太粗冇口感。不知道老闆是否分不清日式拉麪同蘭州拉麪的唔同。而且都冇聽到即拉拉麪拍打檯面的聲音，表示這是半成品。完全冇佐真正蘭州拉面的口感。牛肉入佐香料，錯嗮。冇佐白切牛肉的鮮味。如果一碗9分蘭州拉麪，面3分，湯3分肉3分，咁這碗 面0分，湯2分，肉1分。 總分3分，愧對牌匾。建議老板搭半個鍾車，去深圳是但一間穆斯林蘭州拉麵店，點一份10蚊的拉麪。先再返來改一改你的所謂正宗蘭州拉面

隔離間重慶火煱，又貴又難食。雞煲啲唔滑，個湯底無咩味（胡椒豬肚湯）。啲蝦滑可以不試，因為好粉仲好腥，仲差過街邊生菜魚肉。入口係勁粉。職員態度不好。同佢講個蝦滑有問題，佢聽完入咗廚房，出返嚟就無回應過我。可能以為我唔想比錢啦！結果，我係無食過碟蝦滑。之後，我去櫃檯埋單（係過返隔離舖刀削麵比錢的）。我再同收銀反映話個蝦滑有問題，建議佢入廚房睇睇，佢即時答咗句，唔會架喎，就算。連揾人/自己入廚房睇吓都無。我同我啲朋友，以後都唔會再去呢道食嘢。講完！

夜晚晚 又肚餓 唔想等位 又自己一個就決定黎呢間刀削面試試的刀功先一碗面 加杯熱飲就$45其實唔算貴原因係佢我面好似食極都唔完咁刀削面有分普通同厚切我鐘意普通就可以厚既話 湯既味道滲唔到入去面條都算爽口彈牙要一讚係佢地既牛展 一碗面有成6 7片真係算係咁而且牛既香酥味好出好香 牛展煮得相處入味 而且好稔平價之選

成日都會黎呢間刀削麵舖食，因為覺得好好食。今次叫左手撕雞刀削麵、豬扒炒拉麵同海蜇。 佢地既份量都會幾多，所以每次食完都會好飽。下邊呢個係手撕雞刀削麵，小小辣。 佢d 刀削麵雖然係有d 有少少厚，但食落去都唔會覺得好硬，咬落去既質感都好有咬口，手撕雞其實本身就無咩味既，但加落去呢個湯同d 麵一齊食個味道係出晒黎，因為佢個湯既味都算濃，又有少少辣味(可以揀唔辣的)，所以普通麵撈埋一齊食都會幾有味幾好食，佢仲有d 芫茜令到個湯好香。下邊呢個係豬扒炒拉麵，少少辣。 都係好好食架，拉麵就比刀削麵無咁有咬口，因為佢幼d。但係佢既煮法令到佢好入味。佢辣辣地咸咸地覺得佢好有獲氣，都算乾身，所以食落去都唔算好油。 另外，豬扒都好食，唔會咬極都唔咬唔開果d。最後呢個就係海蜇，都係少少辣。佢有d 麻油加左落去令到佢香d，但係今次就覺得佢落得太多，因為好似淨係食到d 麻油味。但個海蜇都好爽好食的。

不經不覺生記已經係元朗打滾左超過十年！由佢一開張26蚊個餐食到依家42蚊都繼續食！雖然好壞參半！但我個人就覺得好好食好有口感！個人最鍾意係酥炸雞翼刀削麵！因為有4隻雞翼較抵食！相反好似手撕雞咁貴d但料反而少！先講個麵！我留意到多數人唔鍾意食係因為d麵太厚好似食緊舊膠咁，所以我每次叫都要求薄切！雖然都仲會有少量厚麵，但薄左個d刀削麵口感一流！係好滑好爽口！滑到光速入口咁！而且湯底夠味但唔太咸！加上小辣汁好開胃！而雞翼係炸同燒中間拎個平衡！唔會好乾好好味！不過記住叫另上！否則浸曬落麵度就冇咁脆口！而野飲個size比以前大左！味道亦好過以前！算係唔錯！

以前成日去鷄地間生記食水煮魚同鷄煲都覺得幾好味, 今晚黎到千色店生記見到有位, 啲位都幾濶唔會好迫, 原來呢度無水煮魚同鷄煲食, 唯有食刀削麵。 我叫咗個紅燒骨撈刀削麵中辣, 碟麵既味道唔錯, 夠辣但係得好少料,有啲失望。我老公叫咗個五香牛展撈刀削麵小辣, 睇落個樣好過我個麵, 味道都唔錯, 不過只係小辣, 唔啱我食。另外仲叫咗一碟灼菜心。