生記山西刀削麵 (已結業)

在荃灣都經常吃山西，元朗的山西？大馬路那間已經嚐過，今次走遠些來千色這邊。位子較少，但座位較舒適。店內較亮堂，裝潢簇新，環境企理。酸辣油渣刀削麵以為是經"酸辣處理"的油渣，原來只是配合酸菜及辣椒。。。幸好，這兒的油渣還算是挺乾，乾得沒怎麽油份，一咬，盡是乾乾的。刀削麵較統一，沒太參差，但較為薄。其實削得參差更好，可以顯得是新鮮人手鮮削，還有不同的口感。熱奶茶茶味極濃以為是頹飯的餐牌？怎知炸雞翼飯要$50這餐牌充分顯示此店中國風十足，店內員工亦不時以普通話溝通。但以刀削麵店而言，荃灣沙咀道山西刀削麵，現場有師傅鮮削，即時拉麵，更吸引，更新鮮。

心癮想吃手拉面，在元朗中心地帶想吃的話，最就腳就是這間位於千色店分店。晚餐點選了大辣的雞翼手拉面配飲品一杯(冷熱同價)為$42。很好的可選擇不同辣度，拉面也是師人傅即拉的，店內會不時聽到面團被拉動的「啪啪聲」。 雞翼不算大隻，但數量有四隻，算是不俗，面條偏粗一點點，如拉得幼身細膩些更好。湯底一般，沒有太大驚喜。而愛吃辣的我而言，這處的辣，欠缺紅油，也少了份辣的香料味。總括而言，只是一般，但也可止一止吃手工拉面之癢。

門口好多人排隊,好似好好味咁,所以自己一個人都排埋一份當然,一個人易有位好多既點了酸菜油渣拉麵油渣唔太油,部分硬D, 部分剛剛好酸菜同平時既唔同, 因為佢唔似平時食酸米線咁布好多酸菜同酸味既湯酸菜係一粒粒既,湯唔係酸既而最讚是拉麵,因為拉麵係手拉拉麵,唔係一包包現成拉麵除左知係係手拉既之外,味道無咩特別一食完就走,因為坐得唔舒服,D位好迫但食品水準幾好,會再去

入到元朗, 出名既原來唔係淨係得老婆餅....今次朋友帶我去試元朗出名既山西刀削麵時間大約8點, 去到舖頭門口太多人要等一等, 雖然想坐卡位, 但實在太多人, 店員最後都係安排我地坐四人枱同人搭枱(後尾店員姐姐態度幾好, 叫我地轉去另一個位), 可能係夜晚又唔係太多人等既關係, 所以店員姐姐態度OK滷肉刀削麵+小辣刀削麵既麵團係即製, 因為見到店入面師傅拉緊麵團, 相信係新鮮整! 麵有咬口唔會煮得太爛, 好食, 湯底方面加左辣汁, 好香好惹味, 辣度大約係譚仔三小辣左右, 配料滷肉就比較遜色, 太瘦, 唔夠肥, 可以用肥少少既肉比較好食總括而言, 不錯的選擇! 下次會試下蕃茄湯又或者拉麵

係雞地戈邊返學,有時都會去雞地戈邊間刀削麵食,戈間好唔錯..而且又大碗!但係..去到千色呢間就中伏...午飯時間,都算係多人~我叫左雞wing刀削麵,加茄香汁,兩次佢都係唔記得加囉..要我之後問佢佢先拎黎!!!又有次我要小麻chilli,係一d都唔香囉!!!雞地戈間真係香過佢好多!!而已,千色呢間又細bowl喎..........又貴..要成$31蚊呀..比雞地貴幾蚊(兩度學生價都唔同$$)俾咁多次機會..無下次!!!!!!!!!!!

呢間店開左好耐, 一直都未有機會試,可能因為佢位置唔起眼啦, 一般經過都唔留意, 或者引唔起興趣不過真係無乜心水, 望下門口又 ok 多人喎, 好, 就博一博呢間係一間地道店, 阿姐們都係唔休做果隻多口問下阿姐有咩好食, 佢回應 : 無架, 你睇下餐牌有咩想食囉 唔敢再問佢, 自己扮毒男睇餐牌啦唯有.....最後點左個 "牛(月展)刀削麵 + 凍檸茶少甜"....個牛(月展) 的確係好 "林", 無乜根, 唔使鬥牙力 刀削麵, 應該係預製既, 不過口感都好特別但唔知係因為心理影響, 定係真係細碗, 食完真係好似唔係幾夠飽....而個凍檸茶少甜, 一如以往其他大部份食肆一樣, 都係正常無少甜既味道算啦, 三十零蚊閎 Lunch + 阿姐態度, 唔敢有太大要求 唯一要讚一讚佢個辣油, 係必試項目, 好正唔敢講佢好過夏銘記, 不過元朗食到呢種味既辣油, 有驚喜

好耐冇食過生記的刀削麵, 是日入開元朗, 再去回味下先...............入到元朗一點幾左右, 幾驚撞正食晏時間會冇位, 但去到竟然仲有1張卡位同2張圓枱, 咁我地梗係坐卡位啦~~ 一坐低發覺佢好似裝修過, 但大致上差不多, 都係咁平民化, 唔理咁多, 叫嘢食先....................叫咗蘭州牛肉刀削麵配凍奶茶 + 台灣滷肉刀削麵配凍檸水, 全部麵都係即叫即整, 雖然舊粉係一早搓好, 但都叫即煮, 都算係新鮮啦~~ 蘭州牛肉刀削麵 牛肉竟然碎濕濕的, 唔知係咪炆得太林, 搞到一切就碎哂?? 變咗好似肉碎麵咁, 不過都叫做幾入味~~ 個湯都幾深色, 可能加咗d牛肉汁, 但味道唔算好濃, 亦都唔味精 個麵煮得林咗, 如果硬番d會好食好多, 食到最尾就浸到好爛........... 台灣滷肉刀削麵 滷肉好似日本叉燒, 無論個樣同味道, 切得好薄, 肥瘦亦適中, 好嫩滑, 但略微淡咗少少 個湯比蘭州牛肉淡同清, 但都有味..........可接受啦~~ 個麵我諗係一齊煮, 所以都係偏林 凍檸水雖然有4片檸檬, 但都冇乜檸檬味................ 凍

七月下旬(炎熱)回到元朗市中心已是十點多，大家一直沒吃過東西所以餓得很，一定要吃晚飯才各自回家-看見在千色店背面的生記山西刀削麵還未關門，就去那裡解決吧！店內還有幾枱客人在吃東西，感覺應該可不錯。有刀削麵、拉麵等選擇，配料有牛肚牛肉雞絲醬燒骨等等等等，不過大家都不約而同的要了少辣的雞絲刀削麵，除了一位因抱病不能吃辣，點了不辣的牛肉拉麵。麵也跟一杯飲品，我要了熱檸茶，但檸檬味澀，當是濕濕口算了。大家的麵一次過送上-雞絲混有芫茜和辣椒，浸在漂著少許辣油的湯和刀削麵上，香味令肚餓的大家禁不住立即起動！雞絲有驚喜，肉味濃郁，撕成一絲絲的質感也鬆化；混有的辣椒和香莤也令雞絲更加香和惹味。相反是主角的刀削麵麵條大細不一，有厚有薄，質感也太多粉太煙膩，雖然削出來的都是短短的一段段，但嚼感依舊令人不爽。反而襯在麵底的一片生菜更是爽脆又味濃，是個出奇的亮點 - 而湯底只是微麻辣，如果叫中辣應該會更過癮！這碗麵連飲品只是三十四，算是合理。但麵條真是有點太厚，影響了整體口感-如果有機會的話，再來嚐嚐涼拌雞絲凍麵，看看會否有著不一樣的感覺？

2011年首個主日，參加崇拜及新年感恩見證會已近二時，肚子嘰里咕嚕的，快快去找暖胃美食吧! 　與老公先吞下美味夾餅，下一站目標是岩手拉麵，但要就坐室外兼等很多個位呢... 等不及拉麵，老公提出不如吃刀削麵，結果改去幫襯生記山西刀削麵了。今次去的是千色廣場的第二分店，二點多的小店內食客爆棚，當日與老公也是搭檯吃的。　雖然山西與四川隔得挺遠，但老公想吃，當日照樣點了份口水雞($40)。食物來到，未吃前只看賣相已知口味絕不正宗，川味的口水雞何來那般多的豆豉? 此雞味道香辣得來帶挺重的咸味，而雞隻本身肉質也是普通，沒有任何過人之處，主要都是滿足辣魔老公的口味罷。這裡週末並不設下午茶優惠，仍然有那麼多人幫襯，巨大的份量是其中一個原因。當日與老公分享了一碗牛展刀削麵($33)，份量足餘二人分食還有餘了；而別以清淡的湯底就是全部，此店有款充滿麻香的辣汁，經要求可以另上的，那個辣汁的調味做得不錯，也是留客的關鍵之一。也要一講刀削麵本身，源自山西的這款特色麵，貴乎柔韌與滑溜度的平衡，無疑這方面生記是做得不錯的；而且有粗有幼的麵條，吃時口感會隨粗幼不同而變化，的確是比一般的標準麵條多一份趣味。各人口味不同

係元朗想食刀削麵, 呢間山西係唯一的選擇除了刀削麵之外, 還有拉麵和米線, 但我都係鍾情刀削麵多一點配料我喜歡的有 壯雞絲 / 滷肉 / 蘭州牛肉 連埋飲品, $34, 刀削麵, 有薄有厚, 咬入口彈力的, 幾有手打烏冬的風味, 但價格當然便宜一截啦湯底可選清湯 / 麻辣如果唔係食得太辣的朋友,例如我, 可以叫辣汁另上, 自己來調較, 加少少, 整碗湯會好味好多油菜 $12, 佢個汁好好味, 好爽菜心, 一定要試另外, 口水雞的水準就一時時, 睇下你的彩數而定了飲品普通料, 無乜特別招呼, 如果人多, 預左起碼等10-15分鐘先有得食,

一句講晒：太港式！好耐冇食過咁難食o既餃子，係素o既，一粒肉都冇，應該講明係素餃ma，等我唔好叫呢款麵！麵質還可以，但淋身左d。個湯底好差，好味精。蘭州牛肉﹖一d都唔好食，仲有咖哩味，有冇搞錯！一定唔會再黎！

同朋友去完了 "濕地公園" 出番元朗,.就帶佢地去食 "刀削麵"雞扒刀削麵 (大辣) + 凍檸茶 $31 - 好夠味啲麵都 ok唔硬, 不過就唔夠辣..鹵水豬腸麵刀削麵 + 汽水 $35 - 朋友話啲鹵水豬腸好好味. 啲湯 so good 雞絲刀削麵 + 紅豆冰 $36 - 招牌菜果然唔錯..朋友話好味

與男友遊車河遊經元朗就到依間刀削麵小息。記得上一次食刀削麵已經係多年前於北京時。來到這間地道小店，睇過林林總總既刀削麵之後揀個蘭州牛肉刀削麵。其實似係咖喱牛刀削麵，不過還OK。但係我同意上個食評，個刀拍黃瓜比個麵得好多!!

9點幾落到元朗...想食o個d都收晒...所以揀佢...都開得幾夜...第2次食呢間...order左:1) 麻辣雞絲刀削麵(中辣) : 刀削麵好參差, 有d好粗又有好幼...係好有口感, 不過唔係咁o岩我口味~ 我都係鐘意食米線多d...至於麻辣雞絲沒什麼特別...2) bf 的牛肉拉麵: 佢話冇咩特別, ok啦~3) (小食)炸雞翼: 賣相不錯之餘都好好味4) (小食) 唔記得咩名的黃瓜: 呢個我就覺得好好味, 仲幾大碟, 酸酸辣辣咁, 不過bf 唔食得辣就唔係幾欣賞了, 我一個人可以食晒大半碟, d黃瓜都好新鮮, 卜卜脆~出名刀削麵, 不過竟然係d小食好食好多, 所以真係妹仔大過主人婆架~haha~2個人食左$102...其實食麵黎講都算貴左少少~

我一向都去開這一間食拉麵，之前我可以話在香港咁多間拉麵店係最"正"的。好可惜，當他們裝修完之後，d麵又"冧" ，湯無味，d staff 做野又慢又錯! 實在令人失望!現在我去大馬路果間，雖然無之前這間咁好食。