發哥粥底海鮮火鍋 (已結業)

秋風起，最岩就係打邊爐，假日老公帶我去發哥粥底海鮮火鍋。打邊爐之餘，仲食到打完邊爐既精華粥底。觀塘地鐵站B出口，行5分鐘就到發哥粥底海鮮火鍋，十分易搵。餐廳環境相當光猛闊落，牆身貼著本土佳景，好熟悉親切香港風味。有卡位同圓臺，坐得舒服。餐單分別有四式：A.龍蝦餐、B.海蟹餐、C.大胃王海鮮套餐、D.古法支竹羊腩煲，主食每樣都不同價錢，再加八款海鮮肉類：可選新鮮鮑魚或冰鎮鮑魚、聖子皇、貴紀蚌、多寶魚、黃金蜆、海蝦、時令貝、安格斯牛肩肉。海鮮真係好新鮮，份量又足料，著紅色衫哥哥仔服務員好細心同我地講解每款海鮮滾幾多分鐘食既最佳時間。另外可以係餐單度揀8款火鍋配料，飲品任飲。哩個價錢真係性價比高，甘多款海鮮火鍋配料，相當豐富及抵食。仲送您開胃涼菜2款，胡麻青瓜+脆花生，燉湯每人一盅，還有蒜蓉泰醬焗青口。我地揀左冰鎮鮑魚，一人一隻，鮑魚爽口鮮味。燉湯真係好有火喉，飲落滋潤清甜。火鍋配料揀左：自家制韭菜餃，自家包既特別大隻。手工牛丸同貢丸，十分大粒又彈牙。巨根蟹柳，薄身好滑。自家制墨魚滑及蝦滑，好鮮甜有口感。仲有炸響鈴及唐生菜，真係食到飽一飽。途中侍應都不定時幫我地收野、換碟、加火鍋湯底⋯服務真

想同屋企人打邊爐，又想試下新野，決定嘗試呢間海鮮粥底火鍋。呢間餐廳個位置好近港鐵，好易去。打邊爐本身都多煙，如果環境太迫就會好辛苦，呢度就唔同，枱與枱之間距離夠，坐得舒服，未食先加分。坐低睇下餐牌，有幾個選擇，我鐘意食蟹就點海蟹餐。未食正式食，就先有好香既燉湯一盅，補一補先。之後就係熱食，蒜蓉泰醬焗青口，蒜香濃烈，青口大隻，好味另外，個餐連新鮮或冰鎮鮑魚，我地要左冰鎮，鮑魚好大隻，好彈牙。火鍋海鮮好快就上，職員好有耐心教導我們點樣煮，煮既次序，煮幾分鐘。首先品嘗係主角蟹，蟹肉鮮味，唔洗點任何醬料，可以試到真正蟹味先最正。其他海鮮包括，聖子皇，貴妃蚌，蜆，海蝦，多寶魚，貝。全部都好新鮮，高質。中意食海鮮既朋友一定好滿足。跟餐既仲有安格斯牛肩肉，牛肉味撲鼻。除左呢d預設食物，客人仲可選擇八種其他食物，其中我地有墨魚滑，蝦滑，牛丸，貢丸，巨根蟹柳，響鈴，生菜，韮菜鮫。 每一種都新鮮，一d雪藏味都無。我自己就最中意蝦滑。食到七七八八，就加入粥膽，菜脯等料煲粥，個粥真係精華所在，超級好味，有哂之前食物既精華。最後，呢度既飲品係任飲，唔會怕口乾。總括呢度價錢合理，食物質素好，大家可以一試

有人愛養身湯，有人愛沙嗲湯，麻辣湯但有時粥底火鍋感覺更黎得原汁原味餐廳環境夠大，又夠寬敞外面有醬料區，飲品區自取，記得出去拎野時戴返個口罩餐廳除左粥底火鍋外，更有麻辣雞煲，花雕醉雞鍋提供海鮮有新鮮鮑魚，聖子皇，貴妃蚌，多寶魚，海蝦，蜆，時令貝，每人半隻龍蝦先來一人一盅燉湯同前菜自選火鍋料可揀八款海鮮生猛，幾乎不用沾醬料龍蝦鮮甜又厚肉，海蝦鮑魚也夠彈牙絕對無投訴套餐有包一碟安格斯牛肩肉牛肉味夠濃火鍋配料不外乎丸類，自家製墨魚滑，水餃之類，蔬菜類 最後粥底絕對係所有精華所在

已經唔係第一次黎發哥食海鮮粥底火鍋，上年父親節已經帶左爸媽黎食！個時都非常滿足（可參考open rice食評）今次媽媽話想食，即刻想起發哥！事隔一年，水準仍然keep到！服務態度更加好！⛺️環境：發哥位於工廠大廈地下，所以空間非常大。檯與檯的間距都較大，所以不用擔心對話內容會被隔離枱聽到。🤣仲有sofa卡位，私隱度足，坐得舒服！重點係：冇限時，三五知己gathering最好！每個餐都會跟左蝦+青口+燉湯除左海鮮餐，其實仲有羊腩煲餐～但我同媽咪分別要左龍蝦同蟹餐！肉多鮮甜，非常新鮮！其他海鮮，例如：鮑魚 & 蜆（仲未完全死，仍然郁緊）多寶魚（新鮮！甜）帶子 & 聖子 （鮮甜可口）侍應會逐一向您介紹每一樣海鮮需要煮的時間。十分細心～（❤️如果可以自製一張list（過膠）列明每樣海鮮需要的時間會更好）除左跟餐的海鮮，還可以再選擇多八款食物！我地叫左豬肚、竹笙、豬粉腸、魚腐、皇帝菜、雲吞、墨魚滑同響鈴！全部都好新鮮同清潔得好乾淨！最後會有南瓜🎃、蔥同芫荽加入粥膽一齊煮d粥吸收了剛才的海鮮及其他肉類甜味非常好味！（💡媽咪教：如果放粥時，不斷搞拌它會令佢更綿更好味）飲品任飲！除左一般汽水外，仲有自家製

天氣開始有啲凍，最適合食啲咩？緊系打邊爐啦🤤咁當然打邊爐吾系淨系適用於秋冬天，其實香港人無時無刻都好中意打邊爐🍲「發哥粥底海鮮火鍋」本身聽都聽過幾次，食就真系未食過，上一次食粥底火鍋已經系N咁耐之前嘅事，好似系呢幾年先流行，做法系將海鮮整好兼食曬先，咁啲精華就會滴曬落啲粥度🤤諗起都覺得好味。值得一讚嘅系，裡面嘅環境非常寬敞，我同朋友兩個人去，都坐到卡位，座椅亦舒適。主食有龍蝦餐、海蟹餐、大胃王海鮮套餐、古法枝竹羊腩煲，大胃王海鮮套餐有曬原隻龍蝦同埋海蟹，真系啱曬大胃王食😆可以揀新鮮鮑魚或者冰鎮鮑魚，仲包埋多款海鮮！要注意番右邊咁多款火鍋配料吾系全部都有齊曬，只可以揀8款呢。冰鎮鮑魚雖然我哋系揀咗新鮮鮑魚，老闆好好人咁比埋冰鎮鮑魚我哋食☺️鮑魚都幾大隻😍配以胡麻醬，中意都可以點黎試吓。個人覺得凍食嘅鮑魚系比平時熱食戈啲更多咗一份新鮮，同埋凍凍哋食個口好清涼🤣時令燉湯套餐包埋時令燉湯一盅，吾知系咩湯黎，飲得出好似系蟲草花烏雞燉湯，蟲草花味道幾明顯，飲落好清甜，油份吾多。重點入面嘅雞肉好多，雞肉嫩滑，食完都幾滿足。前菜同燉湯都品嚐咗，系時侯試吓重頭戲 ——海鮮！除咗龍蝦餐嘅龍蝦，仲有蟶子、貴妃

同事買lunch 見到依間發哥粥底話想試下就收工過黎幫襯依度出名食粥底，三個都揀左龍蝦餐先上前菜開開胃燉湯夠熱又足料！ D 肉煲到淋哂～～食埋都正青口隻隻都好大隻，蒜蓉泰醬味唔錯仲有足料竹蔗水任飲～飲得出無額外加糖水，夠清熱，唔飲蔗水都有可樂烏龍茶個d 飲架～.跟住就係海鮮拼盤龍蝦底下仲有勁多蜆仔添架！！店員好熱心介紹每款海鮮應該滾幾耐我地照跟真係岩岩好！！龍蝦超大隻，滾左四分鐘就食得，熟程度岩岩好，仲好嫩又滑身，勁鮮味～～ 鮑魚帶子又係大大隻，唔會韌，但又有咬口蟶子輕輕滾幾十秒就拎起，好鮮甜蝦又有好多膏～～個粥底都充滿膏味牛係送埋，牛味都幾重，而且脂肪比例岩岩好，唔會太肥跟住可以揀八款配料釀冬菇，黑豚肉，雲吞都係店員推介，味道都唔錯墨丸都夠味，唔會成舊粉甘食到差唔多就加d 南瓜粟米粒，準備煮粥底啦粥底份量好多，我地無落哂，因為食完上面d 野已經超飽用海鮮精華煮出黎既粥底真係好鮮甜，我地一人食左幾碗都仲有剩成餐飯都食得好滿足！！絕對係encore 之選～～

我哋成班同事好鍾意打邊爐，仲成日去發哥，貪佢海鮮餐選擇多，可以揀龍蝦餐或者海蟹餐，就嚟冬天啦，下次就諗住試埋古法枝竹羊腩煲👍今晚就食咗個龍蝦餐，龍蝦好新鮮好大隻！睇見都好high呀😍最鍾意食龍蝦啖啖肉口感，而且呢隻勁多龍蝦膏，好鮮甜好好味！龍蝦餐海鮮拼盤包括左有埋安格斯牛肩肉、同埋有一大堆海鮮例如有貴妃蚌、多寶魚、海蝦、聖子皇、黃金蜆、時令貝。款式都幾多，海鮮鮮甜好味！其中最正要算新鮮鮑魚，新鮮程度仲會郁吓郁吓，好殘忍呀！但係又好好味喎🙈一路等食物熟一路飲返碗時令燉湯，湯渣滿滿睇得出好足料👍食完海鮮仲可以揀8款火鍋配料打邊爐，日本黑豚肉同滑牛肉都好鮮甜好新鮮，食起嚟好嫩口。我哋仲叫咗自家制雲吞和自家制蝦丸，自家製款式都幾好味，蝦丸夠晒彈牙鮮甜！仲叫咗滋補花膠，養顏一流又好味！

鍾意打邊爐又唔想咁熱氣，所以我成日都會幫襯粥底火鍋，最咪食埋嗰啖粥，即時下火又好味😋今晚去咗食發哥，最鍾意食呢度啲龍蝦餐，龍蝦新鮮爽口。龍蝦🦞餐每位$288，份量都幾多，有拼盤有小食，仲有自選八道菜之後用嚟打邊爐，最尾仲可以食埋個粥底，夠晒飽！龍蝦餐海鮮拼盤包括有安格斯牛肩肉、貴妃蚌、多寶魚、海蝦、聖子皇、黃金蜆、時令貝，海鮮款式多，每種份量夠一人食，啱晒花心鍾意使多款食物嘅我！最鍾意食聖子王，夠晒大隻夠晒鮮甜，平時買一隻都唔平。可以揀新鮮鮑魚或者冰鎮鮑魚，最尾我哋揀咗新鮮鮑魚，上枱嗰陣真係好新鮮仲郁緊，所以食落真係好鮮甜好好味。時令燉湯好足料，而且飲落好濃郁，真係煲咗好耐嘅老火湯。另外火鍋配料8款叫咗日本黑豚肉、滑牛肉、松花皮蛋、魚片頭、新鮮豬紅、自家制雲吞、滋神花膠和自家制蝦丸。最美嘅精華粥底真係超好味，集合左所有海鮮嘅鮮甜，收畫龍點睛之效。

好耐冇食過粥底火鍋，見到好多朋友推介發哥海鮮粥底火鍋，價錢仲唔貴，揀咗海蟹餐都係$248一位，飽到捧住個肚走。我老公不斷讚抵食，話平過自己買料喺屋企煮，又要洗碗😂負責人好詳細解釋每一個套餐，非常有禮。 套餐包咗兩碟前菜，燉湯，泰醬焗青口。海鮮有新鮮鮑魚或者冰鎮鮑魚2選1，仲有 元貝，黃金蜆，時令貝，多寶魚，海蝦及貴妃蚌，加埋安格斯牛肩肉😋另外再可以自選8款火鍋料，真係好豐富。飲品仲係任飲，有汽水或者竹蔗茅根。海鮮非常新鮮，打完邊爐加番粥底，就係軟綿綿嘅海鮮粥。海鮮粥先係呢餐嘅重點，超好食，勁鮮味，係精華所在，每一啖都充滿海鮮嘅香味，而且好綿滑。❤️😍

秋風起呀係時間打邊爐，今日就朋友介紹，佢住喺觀塘附近，去咗間專做粥底嘅海鮮火鍋餐廳，食過晚飯佢有四個set,全部都海鮮嚟嘅，除咗就古法羊腩煲我就好想食蟹，就一於叫個海蟹餐先，餐裏面有一個新鮮鮑魚，蟶子，貴妃蚌多寶魚，黃金蜆，蝦 ,另外作配咗個安格斯牛肩肉，先飲一個是令燉湯，非常之足料。湯頭好清甜另外最正嘅就係一個蒜蓉泰式醬焗青口，青口非常鮮嫩滑，加上甜酸醬，再加蒜蓉嘅加持，非常之惹味食完前菜之後，就食過海鮮餐正式開始啦，新鮮鮑魚，淥大概十分鐘左右就食得啦，非常鮮嫩滑，又q彈，唔需要醬汁，都可以食得出鮑魚嘅鮮味另外就係個海蝦 ,海蝦肉質非常之新鮮 將蝦蟹將個湯頭更加提鮮，令到之後食粥更加入味最值得欣賞，就係所有貝殼類嘅食材完全冇沙，真係值得一讚聖子王非常之厚肉肉質q彈無比海蝦新鮮，點埋醬汁食非常鮮味 之後再配咗八款火鍋配料，叫咗幾味，就有菜肉餃，花膠；花膠非常之厚身，口嫩滑無比，吸收埋個醬汁，真係滋味無窮所有食材食完之後，就煮粥嘅時間，職員將個粥放落個湯底裏面，搞一陣就食得啦把所有海鮮精華吸收嘅粥，非常之鮮甜，再加埋花生同埋蔥蒜蔥嘅加持，更加提味，呢個只不過248蚊，超抵食，等我遲啲再食

勁耐冇出觀塘 今日黎到當然要搵埋食先走人 搵到呢間發哥粥底海鮮火鍋 好似幾特別入到去佢空間勁大 好寬敞嘅感覺 坐得非常舒適 工作人員仲好熱心 解釋比我地聽有咩揀 點樣揀同食 好細心哦最後我地選擇左海蟹鍋 每個set都有2碟開胃菜 燉湯同每人2隻蒜蓉泰式青口 個燉湯好正😭 開左蓋成10分鐘仲熱辣辣 好夠火候 入面有菇 豬肉同雞脾肉 呢排天氣涼涼地感覺好滋補😋另外青口一出 就可以預計今晚食嘅所有海鮮都會好高質🤪 因為青口真係好大隻！加上呢種海鮮本身只要有最輕微嘅唔新鮮都會腥 但佢真係100％新鮮 正呀🤫然後個set可以鮑魚2揀1 可揀新鮮鮑魚用黎打邊邊或者即食嘅冰鎮鮑魚 佢呢度嘅冰鎮鮑魚係正到傻 配搭埋芝麻醬 呢個組合好清新 搞到我狂喺度點🤫咁每個餐都會有埋個海鮮盤 包括我地揀左嘅海蟹同大約6款海鮮 真係救命 因為款款都咁鮮甜 蟹有靚羔 其他貝類又夠大 有肉地 成件事都好高質咁喺食完海鮮之後就可以用埋其他8款自選嘅邊爐配料打邊邊 最後會淨低一煲好多海鮮湯同肉汁嘅粥底 因為其實我地一直都係用緊粥水黎打邊邊架 夠晒特別！咁最後放埋餐廳準備左比我地嘅粥底落去 就變成好綿嘅一煲鮮甜粥啦🤪 呢餐真心

又到入秋時候，心絲絲想食打邊爐，今晚就去左發哥粥底火鍋打邊爐，空間好闊落，裝修好有香港風味。餐牌上有不同海鮮火鍋套餐可選擇，我地一人叫左半隻龍蝦同半隻蟹，想食多D唔同既海鮮。🥄足料燉湯清潤暖胃又足料，最鐘意飲燉湯。🥢前菜先上了點開胃涼菜，然後到前菜有蒜香泰醬焗青口，冰鎮鮑魚。🦐海鮮火鍋拼盤有鮑魚、蟶子皇，多寶魚、黃金蜆、海蝦、帶子、貴妃蚌等等，非常豐富！蜆同鮑魚仲一直蠢蠢欲動，值得一讚係蟶子皇洗得超級乾淨，絕係一粒沙，淥十零就食得，超鮮甜爽脆，一試愛上，其他海鮮同類新鮮清甜美味。🦞龍蝦口感彈牙🦀蟹完成保留鮮味，非常清甜，半隻真係唔夠喉啊另外8款配料簡左日本黑豚、自家制墨魚滑、自家制韭菜餃、雲吞、腸粉、牛柏葉、順德釀冬菇、皇帝菜，墨魚滑好重魚味，彈牙好食，韭菜餃亦值得一試，順德釀冬菇非常滑，好有特色。最後店員再加上粥膽、南瓜粒、香芋粒、冬菜滾成粥，粥底盡吸海鮮精華，飽肚又滋味😋。

雖然喺疫情之下，但亦無損我哋搵好嘢食嘅心情。今次就經朋友介紹，來到依間性價比高，抵食又飽肚，又靚料嘅發哥粥底海鮮火鍋，品嚐一下疫情下嘅美味。因為喺工廠區嘅關係，所以地方甚大，而喺疫情嘅期間，客人唔算太多，所以侍應都招呼得我哋賓至如歸。經過一輪介紹，我哋叫咗一個龍蝦餐同一個海蟹餐，三百蚊唔使，有齊多款海鮮，牛肉 同埋自選八款火鍋配料。再送多泰式焗青口小食同埋燉湯，咁嘅價錢你都咪話唔驚喜。 當然唔少得就係任飲飲品，種類都唔少㗎，仲有自家製嘅竹蔗水，飲多幾罐都回到本呀。 價錢雖然平絕觀塘，但無論味道質素都屬於中上。以呢個花膠燉雞湯為例， 非常足料，味道清甜，而且新鮮滾熱辣，非常滋潤。 餐前嘅小食， 每人兩隻大大隻嘅蒜蓉泰式焗青口。雖然個泰式醬料，略為甜咗少少，但青口肉質新鮮彈牙。 呢度嘅海鮮盤絕冇欺場，有新鮮鮑魚，蟶子皇，貴妃蚌， 扇貝，多寶魚 ，蜆，海蝦，仲有我哋叫嘅龍蝦同埋海蟹。 半邊龍蝦，都唔細仔，肉質結實彈牙，龍蝦新鮮且鮮味濃， 最緊要係佢有膏， 吃時增加左膏香味。 佢哋嘅海蟹又係必點之選。因為非常香甜，鮮甜度比龍蝦更正， 而且肉質冇咁實，外殼好易剝出嚟，食落去啖啖肉，超爽。 另一款

Blue monday放工同朋友揀左間公司附近既海鮮粥底火鍋鬆一鬆，非常不錯，可以覆卓！晚上七點左右到，環境闊落企理，晤會好似其他火鍋店一入去就feel到焗住哂陣味。點左個龍蝦海鮮餐，可以揀八樣配料，飲品任飲，價錢晤使三舊。首先上既熱辣辣既燉湯，一開蓋就知夠哂足料，味道適中，晤會太咸/油，岩哂填一填肚等開餐。之後所有海鮮配料一齊上哂，擺盤賣相吸引，龍蝦鮑魚新鮮到仲識郁！所有海鮮都係用清水烚，晤使點任何醬汁，已經非常鮮味。如果唔知海鮮要烚幾耐，可以隨便問個侍應，普遍都係3分鐘內，除左聖子十幾秒/脆肉鯇十幾分鐘 !值得一提係d人執碟好自動波，服務都好殷勤，見到你食完一樣就會收走，我地都係收碟個陣順便問海鮮既烹調時間。食到八點幾個場多人都係覺得好闊落，成餐都食得好舒服，晤使同人迫。另外係蜆都洗得較其他火鍋店乾淨，晤會好多沙。Overall 性價比幾高，地理位置就腳，放工開餐一流。

好耐無兩兄弟食飯，簡左呢間觀塘海鮮火鍋滾滾～～～佢個set真係好抵，先黎盅老火湯，足料👍👍泰式燒青口野味主角有幾款簡可比人任配搭，我哋2兄弟簡左龍蝦🦞個海鮮拼盤夠生猛，仲郁緊鮑魚龍蝦🤣配8款配料～個蝦膠/墨魚滑超超超超超彈牙！必食 👍👍👍👍👍👍👍👍👍👍👍👍👍👍翠肉鯇又係爽口最尾海鮮鮮味落入粥度呢間野地方夠大，樓底高，好好坐 唔似出邊d餐廳咁壓迫重要無限時間岩哂慢慢傾野👍👍👍👍👍