發記海鮮酒家

营业中

休息中

海鮮檔即場揀左隻2 斤的新鮮龍蝦，配芝士伊面底。但一上枱，第一，點解2斤甘的份量？食慣海鮮的我哋，一睇就知，心中有數；第二，未食一夾，即刻有疑問，點解d龍蝦肉散散地？吾結實？再食，肉淋的，而且淡而無味，而不是彈牙爽口。第三，芝士汁，極淡，吾掛面，水汪汪的。伊面，少得可憐，以為食緊餸頭餸尾。再重點，伊面要「餵」上湯先有味，但好明顯只係求企烚完個面就甘上，無用上湯「餵」，伊面水汪汪又淡而無味，仲要吾「掛汁」，無乜芝士味，非常失望。一開始揀龍蝦時，店內男人已經話2 個人吾洗甘大隻龍蝦，話食龍蝦伊面已經飽，但我們就是為左食龍蝦面先來，所以寧願比貴啲都想滿足一下。但換來的係滿肚疑問：點解好似甘少肉？點解d肉新鮮檔會淋？點解個面無味只係這道龍蝦伊面，承惠$800最後，整體味道偏淡，我們亦叫左椒鹽鮮魷、扇貝⋯⋯😓😓一樣失望

在激熱的天氣下走完釣魚翁🎣⛰，最好就是到布袋澳吃海鮮🐟🦐🦀。由於太肚餓的關係，我們一到步就立即到魚缸點海鮮，最後點了以下菜色！🦑椒鹽鮮魷熱辣辣的椒鹽鮮魷很惹味，外脆內熱，實在炸得恰到好處，跟白飯🍚一起吃就更開胃了😋。😋扇貝蒸粉絲扇貝配合蒜蓉、粉絲、蔥、鼓油去蒸，美味又鮮味，而粉絲亦吸盡了整味菜的精華所在，令到粉絲變得相當入味😋。😚果皮蒸鮑魚這味菜是最遲送來的，事關它蒸得比較久。店員很貼心的為我們準備了牙簽，事關怕鮑魚黏住個殼。鮑魚很鮮味，亦充斥着果皮的香氣，加上鼓油就更鮮味😚！不得不讚這店的上菜速度超快，由下單、上菜、吃完都不用半小時，相當有效率！👍

2021 重大事情開放18:00 晚餐， 即刻駕車入布袋澳吃海鮮， 閒日晚上幾枱人， 可自選窗口位。 出去叫左扇貝，瀨尿蝦，聖子， 椒鹽鮮魷，炒麵。 聖子最好味， 瀨尿蝦自己唔走油， 出去食海鮮必叫， 好好味。 但我覺扇貝蒸老咗， 椒鹽鮮魷可以不叫。 其實海鮮就唔飽既；直到炒麵1到就飽晒。 如果炒麵炒得好， 就好好味， 有次黎炒到窿左， 今次剛好。 所以整餐都好滿意。 是日好飽， 搞到冇叫雞脚外賣添， 大致上這間野都ok, 唔洗only去西貢同鯉魚門。看吓風景， 行完山黎都唔錯。 提提： 而家泊車職員揾食艱難， 之前攞飛出黎是free的， 而家要比$20. 附餐牌比大家update. 吓

星期六的下午，短暫告別煩惱的工作，決定好好慰勞自己。跟朋友跑到西貢的一個海邊一角，欣賞漁村秀麗的風景，品嘗最愛的海鮮餐。這裡漁村較細小，無論餐廳或賣東西的店也不多，反而有種寧靜放鬆的感覺。餐廳相連碼頭，格局十分開揚，我們安排坐於窗戶旁，無阻隔地望著靚海景，享受溫暖的冬日陽光，品嚐美味午餐。 餐廳地方寬闊，在偏遠的漁村土地問題沒那麼緊張吧。還有很多水缸飼養著海鮮，保持新鮮，有些是巨大型的。白灼海蝦原汁原味的鮮蝦直接放進清水裏煮食, 保持其鮮、甜、嫩的原味, 然後將蝦剝殼蘸醬汁，鮮甜又香滑，蝦頭的膏也很香濃，新鮮的味道就是這麼簡單。豉椒炒蟶子蟶子比我們想像的大，開邊起肉清內臟，完全沒有沙粒，啖啖肉滿滿的幸福，爽脆鮮甜。豆豉的香味加上燈籠椒的甜味，帶出蟶子的鮮甜味，惹味非常，有鑊氣。蒜蓉粉絲蒸扇貝粉絲入味軟身，蒜蓉十分香口惹味，底下的扇貝原來十分巨型，平常很少吃到，街市也少見，餐廳掌握時間蒸得剛好，鮮嫩彈牙，將扇貝鮮甜味道和口感發揮到最佳，沒有浪費這優質的食材。椒鹽鮮魷惹味的椒鹽沾上薄薄的炸槳配合爽口彈牙的鮮魷，酥化而不油膩，送酒佳品。鮮魷切件略嫌較細小，如果大件一點口感更佳。沙薑雞腳選用外

星期日的假期，去西貢遠足行吓山，呼吸吓新鮮空氣，需然都係要帶住個口罩😷，但郊外空氣清新大自然，比自己假期的一個寧靜舒適😊—————————行到三四點，有D攰，當然又去醫吓肚仔，係路口見到大大個招牌發記，咁就當然就行入去搵嘢食，睇似門口細細，原來入到去好大，而且仲好大自然fee，l真係背山面海既環境下，認真涼快的享受美味的海鮮😋😋————————-🟥果皮蒸鮑魚：我的至愛😍😍⋯⋯又大隻又新鮮、彈牙又鮮甜，果皮蒸得又夠香又不會影響其鮮甜的味道👍——————🟨椒鹽賴尿蝦：又香口又嫩滑的肉質，吃落肉甜彈口的好味道，就知幾咁新鮮😍——————-🟩豉椒炒花甲：肉甜又新鮮，炒得又夠香，時間又剛剛好，好甜的花甲😋———————🟫豆豉鯪魚油麥菜：好有配搭的豆豉鯪魚油麥菜，菜爽甜… (short short)脆的滋味——————🟪豉油王銀芽炒麵：味道適中，銀芽爽口，吃落麵質的帶煙靭彈牙，確實不錯👌幾百元就食到咁新鮮既海鮮➕飽飽=開心———————-開心🥳⋯⋯就係咁簡單

難得週末天氣好☀️，與家人出外走走，黎到布袋澳食海鮮，喺新都城樓下有小巴，不過30分鐘一班，真係等到傻🤓為左食......要俾d耐性😜海膽炒飯$250依個炒飯唔係成日有得食，而且係季節性，今次好好彩，最後一份有口福了🤤海膽份量足，炒飯底讚，金黃色，一d都唔多油，而且d飯粒好乾身一粒粒的，海膽加埋炒蛋同蔥花，好好味呀😋😋炒蟶子仔(例牌)$160老闆話蟶子皇無貨，今次轉食蟶子仔，鼓椒炒。例牌份量勁大碟，雖然係蟶子仔，但肥大脹卜卜，又無沙👍椒鹽賴尿蝦 $5xx點了3隻，一開二，椒鹽烹調真係無得輸，惹味又鮮味，正斗！蒜蓉粉絲蒸扇貝、貴妃蚌雖說兩款都係蒜蓉蒸，小妹一家都比較鍾意原汁原味，新鮮鮮甜。是次貴妃蚌較為肥大厚肉，海鮮既甜味加埋蒜蓉出既油，跟粉絲伴著起，真係會飽😂烚花螺叫了例牌，又係大大碟，花螺好新鮮，混合甜醬辣醬一齊食，特別好食鹽水雞半隻海鮮以外，試下小菜，雞唔算大隻，不過鹽水煮得好入味，雞肉又嫩滑，就咁食會覺得有d咸添今餐6個人，消費共$20xx，完全對辦👍

週末走到布袋澳逛逛，嚟到梗係要食海鮮啦，今次都係去發記海鮮酒家👍🏻今日舖頭人唔多，我哋揀咗靠窗嘅位置，之後走到餐廳門口嘅魚缸揀海鮮👀，🐟🦞🦐🦀🦑🐙好多海鲜款式👍🏻我哋叫咗芝士上湯焗龍蝦🦞伊麵底、蒜蓉粉絲蒸貴妃蚌、蒜蓉粉絲蒸扇貝、豉椒炒蜆、腐乳炒通菜同煲魚湯😋其實款款海鮮都好新鮮，煮得好味👍🏻。今次唯獨是個魚🐟湯比白菜嘅味道蓋過魚嘅鮮味😅，略嫌清淡咗d，有d失望😥不過喜歡食海鮮嘅我，真係大滿足😋👍🏻

今日大食妹同屋企人去咗布袋澳郊遊, 到左晏就時段當然要去附近食海鮮今次媽子帶咗大食妹嚟呢間發記, 聽佢每次去布袋澳都會嚟呢間食海鮮<椒鹽瀨尿蝦>媽子係counter揀咗幾隻生猛嘅瀨尿蝦瀨尿蝦鮮甜肥美, 蟹膏飽滿, 用椒鹽調味, 食落非常惹味<白灼基圍蝦>因為當日嘅蟹未至於上上等, 所以媽子就揀咗白灼基圍蝦蝦肉鮮甜彈牙, 係食得出嘅鮮味<紅燒豆腐>老豆就揀咗紅燒豆腐, 呢度嘅豆腐好水嫩, 口感好似玉子豆腐<椒鹽骨>因為大食妹對海鮮有少少敏感, 唔可以食多 屋企人就嗌咗份椒鹽骨畀大食妹送飯啦相對海鮮, 椒鹽骨反而冇咁好食, 但份量 幾大<蛋白炒飯>雖然去到布袋澳最主要嘅目的就係去食海鮮, 但係點樣都一定要食返啲主食大食妹就揀咗份蛋白炒飯炒飯好有鑊氣, 但係又唔會好油膩, 米飯粒粒分明, 蛋白同青蔥嘅量都好多<蜆湯>最後我哋再飲埋蜆湯, 湯底清甜, 同樣有好多嘅豆腐同埋蜆咁啱嗰日落雨, 天氣有啲涼, －碗落肚瞬間好暖和食咗咁多嘢, 埋單都唔洗千五蚊, 又有得食海鮮, 水準又唔錯, 推介大家過嚟試下

由於有個手足就黎結婚，所以一齊食左個晚餐慶祝暨傾準備婚禮事宜，所以去左間平日靜靜地嘅酒家食好西。個環境就係大牌檔黎嘅，但就係海邊，可以出去吹海風，雖然凍但好舒服。蒸扇貝，好身鮮，啲元貝肉好滑又好有彈性，完全無蒸過龍。不過蒜蓉就鹹左啲，粉絲太碎，唔多好。豉汁炒蜆，啲蜆無砂，處理得好好。蜆肉鮮甜，豉汁唔太鹹，好好食，送啤酒一流。豉汁炒蟶子，鮮甜彈口，炒得好好，無過老好易咬。都係送酒一流。墨魚兩食。個身就做刺身，啲腳就炸。其身刺身係無味，但啲墨魚有咬口，好爽彈，好食過好多日本餐廳，因為新鮮啊嘛。炸墨魚呢，因為食左幾輪正野佢先出場，唔評論，對佢唔公平。仲叫左啲油菜同炒飯，好普通。

一班舊同學話好耐冇見，想約出來食餐飯吹吓水，有人話去布袋澳食海鮮，見大家真係好耐冇見，布袋澳又未去過，聽人講風景靚海鮮唔貴又好食，就一於應約出席，去到見環境都幾靚呢到得兩間海鮮店，我哋選左間門囗貼左好多明星幫襯嘅相個間，坐低就睇餐牌選左個炒麵和點左幾款海鮮白灼海蝦：鮮甜彈牙，大細適中豉椒炒大蜆：入口冇沙，蜆肉爽口龍蝦伊麵：龍蝦啖啖肉，伊麵好軟滑豆豉鯪魚油麥菜：油麥菜好爽，豆豉鯪魚好惹味豉油皇炒麵：炒麵好香豉油味，入囗唔油膩，味道剛剛好

本來打算去香港區不過還是命仔要緊不如去一些無人地今天跟老闆心血來潮去布袋澳吃海鮮也有十年沒來這地方吧跟印象中沒差很遠到餐廳時剛好是他們的吃飯時間等了一陣子才能點餐就襯這短短的時間裡感受一下寧靜的海邊吧點餐可以自己去魚缸點海鮮看喜歡哪條也可以指明先後我們點了*白勺蝦🍤好新鮮啊吃時點上辣椒鼓油更帶出蝦的鮮味*豆鼓炒蜆吃前攪拌一下讓蜆吸點醬油飽滿的蜆肉加上香濃的醬油美味至極*一人一隻香蒜粉絲蒸扇貝這味在下本來就愛就自稍微煮過火點還是偏心地覺得好好吃*椒鹽鮮魷好幾年沒吃了印象中是脆脆的不過這裡是軟軟的還配上青椒紅椒讓不健康的炸物變得帶上健康😀*蒸蛋香蔥蟹這味就還有進步空間了可能因為養殖蟹的關係也有點營養不良整隻蟹起出來的肉就一口啊😭*薑蔥蒸魚雖然不知道這是什麼魚但好滑啊鼓油輕薄味濃好香港味❤*發記炒飯最後一碟招牌飯作結尾吃了兩口突然懷念咸魚炒飯啊。。好想吃啊不過都飽飽了店員也驚訝我們兩人吃那麼多還好吧如果我老闆不喝酒應該可以吃更多閒坐一陣吹著海風烈日之下我們渡過了就與世隔絕的假日可時光流逝。。讓回家了飽啊

成班屋企人gathering，有人提議不如食海鮮，最熱門嘅幾個地方都各有擁護，最後由長老揀左布袋澳到食，於是上網睇下有咩選擇，其中發記比較老字號，咁就呢間啦。呢到可以揸車，只要提早交車牌號碼比酒家就可以留位，食完就有張泊車紙交返比管理員就唔洗比錢呢間酒家嘅海鮮係即揀即秤即煮，所以都幾生猛新鮮，揀好就坐低等食等食海鮮期間叫左碟沙薑雞腳食，沙薑汁唔會太鹹，雞腳亦軟硬剛剛好，最啱發口痕時𡁻下白灼蝦係鮮味，一d都唔梅，灼嘅時間剛剛好，好彈牙豉椒炒蟶子皇，個個都讚個師傳好野，蟶子炒得唔老，仲好爽，好容易咬，唔會成條橡膠蒜蓉粉絲蒸扇貝，影嘅時候得返細半碟，因為一上枱已經個個搶住食，都係果個形容詞，鮮，但我最欣賞係個蒜蓉，預先調左味先落碟蒸，唔會搶左扇貝嘅鮮味上湯龍蝦伊麵又係一貫新鮮彈牙，伊麵唔係比一patpat嘅芡汁張住，亦唔會淋晒一夾就斷椒鹽瀨尿蝦好正，瀨尿蝦好食唔洗講，椒鹽炒帶微辣，好惹味最後係花雕蟹蒸蛋，我最鍾意係食個蛋，充滿蟹味又有淡淡花雕香，送飯真係一流，可惜已經飽到食唔落，而食蟹時亦有酒香味，味道好豐富總括黎講，呢到雖然地點遠d，無冷氣，但有好多把牛角扇，夠晒地道，同西貢碼頭果d真係無

椒鹽鮮魷豉椒花甲蒜蓉粉絲蟶子皇白灼海蝦今日嚟到我哋三個人帶咗四樣非常之好食可能因為天氣非常舒服，又有微風，非常之relaxed白灼蝦火候剛剛好其他啲海鮮都新鮮好食建議揸車嚟，因為見到其他人等小巴等好耐Let me recap in English We had 3 people and ordered 4 dishes Salt n Pepper CalamariFermented black bean hot pepper PipisSteamed razor clams with garlic and rice vermicelli Blanched shrimps The chef seems to be very good because the shrimp was blanched at just the right temperature. Suggest to drive here because the wait for vans seems to take a long time

今日同姨仔入布袋澳補慶生食飯，去咗呢間，點咗8個餸，緊係唔少得海鮮啦！同大家逐樣講下。。。首先講啲正正常常既。。叫咗兩碟菜。。。炒芥蘭，豆豉鯪魚炒油麥。。ok既。。碟頭因人而異啦！椒鹽骨。。真係暈。。。大家唔好用平時排檔既椒鹽骨標準去睇。。呢度既極其量係叫椒鹽肉粒。。食落好雪肉既感覺。。白灼海蝦。。。都應該唔會點出事啩。。感覺上冇秤嗰陣啲咁大隻咯！杉班。。。僅僅熟。。新鮮既。。攞出嚟都識舉手。。但啲肉唔爽咯！油鹽水花甲。。。唔知點解會落勁多胡椒落啲湯囉！啲花甲既甜味完全冇晒咯！重點嚟啦。。。我哋叫咗隻墨魚。。刺身椒鹽兩食。。隻墨魚都冇當面秤。。就話幫我哋搵隻斤零既就ok㗎啦咁！個椒鹽墨魚鬚嚟咗。。碟刺身要追先嚟。。迷離既係碟刺身用保鮮紙包住出拎出嚟。。啲「所謂」既刺身一啲都唔爽脆。。擺明唔係新鮮劏出嚟既。。希望今晚唔好肚痾呢間8記。。冇下次！

聖誕節一班朋友遊布袋澳八個人吃了七款海鮮。天氣涼快、胃口特別好。自選海鮮、全都想吃。最愛龍蝦及鮮墨魚刺身。三五知己遠離繁忙的城巿、享受效外的新鮮空氣。為聖誕帶來一頓豐富的晚餐。