白色雪花之公主 (已結業)

元朗區內的韓式甜品店不多，而白色雪花之公主乃是其中一間主打韓式甜品的餐廳，所以韓迷朋友特別鐘情此店的雪糕~平日都吃開的怪獸爆谷雪糕當然是必點呢~ 看見密鋪的金黃色香脆的爆谷山相當誘人，光是內裡的雪糕已經有十圈了，份量超多。這裡的雪糕比起某連鎖的韓式雪糕好吃之餘，而且不易融化，爆谷亦沒有因雪糕的濕潤而軟掉，其脆甜的口感總令我念念不忘。至於友人的脆脆焦糖花生朱古力雪糕個人覺得味道沒有怪獸爆谷那麼強烈，可能因為它只灑上餅碎，像沙般幼細，不太吃到其口感，而且焦糖醬不是給太多，所以不算太香濃，我還是喜歡我的怪獸爆谷。

元朗甜品店很多，是晚同朋友黎試下主打近年大熱的韓式甜品的白色雪花之公主，店名很長，不過平時都係叫佢做白雪公主朋友點的藍莓冰抹，要了細size，但其實都唔細，一個人食會有啲辛苦囉，哈哈。冰抹很重奶味，很綿，藍莓酸酸地中和返，幾好味喎。自己點左kitkat軟雪糕，杯仔細細但斟得超滿，雪糕甜滑勁仲奶香，kitkat有一條份，一切四，仲有少許朱古力粉，但整體無乜朱古力味，當係食軟雪糕吧。亦點了一個熱食炸薯條，炸得過份了點有點燶，旁邊有蜜糖芥末醬同黑松露沙律醬，薯條無乜特別啦，醬料還不錯，甜甜的蜜糖，另一個黑松露則無乜黑松露味。甜品都有餐，要了飲品石榴汁，酸酸地有點怪，哈哈，可能係飲慣。另一杯係凍檸茶，但不凍，上枱時冰已全瀜掉了。飲品真心不行，寧願飲免費提供的麥茶還好飲。人均最低消費要80元，不過可以坐足全晚吹吹水，其實無妨，甜品幾好味，人多叫多幾款share食更好。

放假好友相聚問我想食什麼?我想食冰XD友人們「冬天喎!!」我就覺得冬天食冰食雪糕最過癮XD即刻上網Search, 搵到之前係尖沙咀食過個間白色雪花,咁岩探朋友就再食多次, 因為佢d冰真係唔錯!!!內部裝潢同尖沙咀舖差不多同樣都有自助麥茶上次無試到, 見今次有朋友一齊share就order 1款試試原來係原個青蘋果, 外面用一層糖膠同彩針包裹著, 味道是不錯的,只是咬的時候要用一點力!!!外軟內係爽脆, 多重口感今次看到餐牌有set (我上次漏睇眼添)所以今次有香芋白雪蛋糕之外, 更有件小小的藍莓撻,但不要少看這件小小的藍莓撻, 都有6粒藍莓的香芋白雪蛋糕有著淡淡的芋頭味, 不會太甜我好喜歡,內層亦有滑溜的牛奶凍, 口感層次豐富誘人粟米本以為只是牛油燒粟米, 其實我覺得咁樣已經好好味,點知原來有「誘人」的地方：香噴噴既牛油味，灑上芝士粉及少少辣粉味道真的誘人多了如果辣多一點我覺得會更好味!!今次的主角「oero雪花冰」一上台真的不得了「嘩」左一聲好滿啊!!!!!!!!!看著它......我應該從哪裡入手呢?我們玩野地係中間食, 而且更食出一條隧道都無倒下牛奶冰好軟綿又好幼滑香濃, 真的好

其實香港已經沒多冬天，十一月中了依然流汗…飯後就近近地到家附近食冰。元朗食韓冰以我認知有兩間，單說冰的話，個人覺得白色公主勝！勝在夠綿，而且不用自行加煉奶，冰已經有濃濃的奶味！所以啖啖都有平均的奶味，不用自己撈到水水的，當然好吃，且賣相亦得以保存。老公選了藍莓冰，藍莓為數都不少，雪糕亦是藍莓味的，價錢和對家相約，感覺上白色公主份量小一點(但又好吃一點)，有得揀我揀白色公主！ 當然有其他種類的甜品，例如超級精美的杯子雪糕，朋友的tiramisu味和我的綠茶味。我覺得雪糕是細滑的，奶味濃，所以難免溶得快，是超級快，真夏天來的話不知怎算(汗)吃得有點狼狽，綠茶或tiramisu味我覺得不算濃，不過沒有過甜值得一讚的。 甜品套餐送蛋糕一款，不可選(又或者可以不過對方沒有問…)幸好送了一款正是我喜歡的，朱古力咖啡布甸，兩者味道超撘配，口感軟綿，沒甚麼好挑剔了！

難得入元朗，當然要周圍搵嘢食啦同女友行行下，見到有地方有蛋糕又有冰，即刻拉左我入去食用原個青蘋果，面頭加上糖膠同彩針，原本怕酸既我膽粗粗咁食左舊，糖膠令青蘋果一啲都覺得酸，反而有一啲小清新叫得誘人粟米，當然叫一份試下有幾誘人香噴噴既牛油味，灑上芝士粉，再加上少少辣令一條平平無奇既栗米變得香辣誘人山咁高既oero雪花冰面頭舖滿厚厚既oero粉，再淋上少少朱古力漿冰夠哂軟綿，唔會有一舊舊冰粒出現，食到底都仲有一層oero粉，合二人之力先可以將它消滅有夠大碗呢我後來點多個香芋白雪蛋糕，清幽既芋頭味慢慢咁浸出黎唔會太甜忌廉幼滑不過食完呢餐有啲罪惡感呢

剛過去的重陽節長週末Dayz 跟男人到元朗掃墓男人家的祖屋，感覺還蠻偏遠的在元朗市中心，要多坐一程小巴才到達呢回程的時候我們在教育路下車本來男人想到千色匯附近吃韓式芝士炸雞卻被 Dayz 意外發現知名的韓式 Cafe～白色雪花之公主！！Dayz 二話不說就把男人拉進去（笑）對女生來說七彩繽紛的甜品永遠是最最最吸引的！嘿嘿～雖然白色雪花之公主的主打是韓式甜品其實咸點及小食都不少喔！為了安慰餓肚子的男人Dayz 點了水冷麵、香炸魚餅麵跟黑松露薯條在天氣還是帶點悶熱的十月初來一碗冰涼又酸甜的水冷麵實在是一大享受呢！Dayz 最喜歡水冷麵裡清甜爽口的白蘿蔔及梨子了！感覺非常解膩喔～超級惹味的香炸魚餅麵用白魚魚漿製成的魚餅麵吃起來海味很夠、很鮮甜粗切的魚餅麵口感 的～富有彈性及嚼勁實在是有夠邪惡～完全停了不口！！跟自家製的韓式泡菜汁非常搭喔！！炸得香脆的黑松露薯條是 Dayz 最喜歡的小食亮點是以黑松露醬和 Mayonnaise 混合的醬料芬香撲鼻跟薯條真的是絕配！是Truffle Lover 必點的小食！！吃完咸點，是時候 Move onto 甜品囉～順帶一提，白色雪花之公主是自助形式的在櫃

我諗成日做家長或者係做媽咪最煩嘅就係唔知比乜嘢小朋友食，又想拒肯食，又想健康d。但佢哋就淨係鍾意食雪糕，炸薯條，朱古力等等。。都係一啲唔係好健康嘅嘢，烚下菜，蒸下肉呢d冇乜味道嘅嘢完全店都唔想店。我呢d唔係做媽咪嘅梗係要做下魔鬼，比拒地放肆一下喇，哈哈。仲要好衰甘同bb講唔好話比媽咪知。。。係咪好衰呢。。。同得佢哋出嚟玩，揀梗係揀佢哋想食嘅野啦，唔係拒唔食，我點算好丫。第一道魔鬼小食--炸魚餅。其實呢個就係我想食，個樣好似薯條咁，咁樣小朋友都以為係薯條食，食落去完全冇反應，哈哈。佢個魚餅切到一條條，好特別，同我平時食嗰啲唔同，口感唔同左，外面多左脆嘅感覺，咬落d韓式魚餅味滲出嚟，好香。再點埋番茄醬一齊食，好fusion 感覺。另外就叫咗個刨冰，刨冰係藍莓味，上面仲有一個雪糕球，同勁多果醬喺度，果醬內仲有原粒藍莓。啲冰食落去係雪花類，入口即溶，而且本身個刨冰已經加入左奶入冰，所以食落去奶香味，再加埋果醬嘅鮮味，酸酸甜甜，好開胃。平時飯都唔肯食嘅妖怪小朋友，自己一個人都食左一大半，我亦都好慶幸佢可以自己一個人食到咁多。。如果唔係佢食到天一半地一半。。我唔敢食拒口水尾，呵呵。結論係，妖怪小朋

壽司之神為我帶我晚餐的驚喜，咁山長水遠入到元朗，順手吃個甜點當然係錦上添花啦！行過幾步就食個韓式甜點白色雪花，尖沙咀都有分店，上次去食無叫到餃子，今次要叫返試下先！餃子炸得金黃香脆，隻隻都好飽滿，跟泡菜吃，口味剛好，一客四隻，即叫即炸，涵料係粉絲和菜，係正宗韓輕食的感覺！要推薦的是這個蜜糖年糕吐司！唔好睇個樣普通普通，呢個係美味得很！面包甜蜜可口，配上蜜糖同杏片，軟硬兼備，仲有球美味雪尼拿雪糕，不會太甜，味道剛好！中間的年糕豐富，切開帶有點流溶的感覺。不膩又好吃，暖暖的多士配雪糕，冷熱交融。美味好吃，連我向來不吃甜都吃了半個！真好吃每次都想吃杯子雪糕和顏色繽紛的卷蛋，但每次都吃不到，因為太多品種了！這裡會不定期推出新甜點，听説秋冬又有好東西推出，下次行過去再品嚐啊

在元朗吃完一頓精彩的Omakase後，我哋兩位媽媽還未滿足！咁當然要去慰藉一下甜胃啦！經過呢間白色雪花之公主就揀佢啦！因為之前我試過尖沙咀店有唔錯印象呢。呢度有免費嘅凍麥茶供應，吃得甜品多飲杯茶都唔錯吖！仲有超抵食套餐供應，可惜吃不下蛋糕！甜品選擇實在太多，我倆好不容易才選出兩款來點，先來係怪獸爆谷雪糕$51（大）我哋揀嘅時候很糾結究竟要大定要細好呢，但係店員話畀我哋知細得3圈雪糕，而大有7圈咁多，只不過相差6蚊咋！即時師奶上身選大啦哈哈！雪糕質感都算軟滑的，加上甜蜜蜜的焦糖爆谷，這樣價錢我哋絕對收貨了！而另一款揀咗Glass Tiramisu$55，這款就冇爆谷雪糕咁開心啦！食落唔係好像Tiramisu，不過有甜品食點都係開心嘅*^O^*

吃完晚餐時間尚早，回家探望小兄妹前還順路吃多轉白色雪花之公主；這名字實在太長又太難記了吧，所以店方只 highlight 白雪公主，希望食客記得。 店內有凍果茶供應，不過我的凍飲 Quota 都轉給雪糕了，所以沒喝了～ 胃納不多又想點兩款甜點，這 Monster Popcorn Ice Cream 有想過點小的 ($45)，但小的只有三圈雪糕，圖中大的卻有七圈也不過$51，於是大家都豁出去了！老實講，成品是有點甜，但甜魔還可以接受到；而給雪糕黏著的焦糖爆谷仍算脆，以此價位、份量及賣相我收貨了～ 另一款是提拉米蘇杯子雪糕 ($55)，這店的軟雪糕沒特別吸引，配料也營造不出 Tiramisu 的口感味道，兩款中較喜歡有口感的前一款了。 店內還有很多款式的甜品、蛋糕，甚至是主食，下次有機會再來試更多項目吧！

好難食果個炸醬撈麵，淡而無味，d面整到發曬漲，撈蕎麥d汁總多d面，難食到瀨屎..............................

太夜食下午茶，夜晚就搵間甜品屋試下。 踏入門口就聽到細細聲既輕快音樂，好適合吹水談心!MENU上註明"本店所有甜品材料皆由韓國總店直接提供"，食得更加開心放心，我就係鍾意韓國野!雪白既MENU配合店名"白雪公主":是晚選擇了: 柚子蜜雞翼 - 雞翼焗得個皮好鬆脆，柚子醬汁入面食到淡淡的啤酒味，仲有少少柚子果肉，食落幾清新，甜蜜而不膩。食落比檸檬雞翼香甜，好開胃，仲配有沙律杯，不錯，韓國風味。PINEAPPLE SODA - 呢排俾首歌不斷洗腦，PINEAPPLE PEN........ 就ORDER左杯PINEAPPLE SODA，好冰凍，菠蘿汁好香甜，可惜配上雜果而唔係菠蘿粒或菠蘿蓉，唔係會更加好飲。TIRAMISU杯子雪糕 - 好大杯，滿滿既雪糕，灑上朱古力碎，杯底仲有蛋糕粒 如果蛋糕粒再浸下咖啡酒，咁就更加完美!

上次尖沙咀店食怪獸爆谷雪糕時send左相俾朋友分享，佢就嚷住要我帶佢去食。晏晝佢帶我去食台灣麵，夜晚就帶佢黎食返呢個甜品。嘩，原來星期一至五買一送一，咁咪抵好多? 不過一場黎到，照食可也~門口凍櫃啲甜品好吸引:但係我最想試呢個，可惜每日限量發售，賣晒了枱角寫住有最低消費:最後我地揀左一個咸食一個甜食share。黑松露薯條$38，個薯條炸得好鬆脆，係即炸的，夠晒熱辣辣。朋友鍾意個kimchi醬，佢愛韓風。我就鍾意個蛋黃醬加黑松露，兩個味異常夾，真係好正喎!! 可惜個醬太細碟，俾我一陣就食晒了怪獸爆谷雪糕(細)  $45，上次叫左個大，食唔晒，今次要個細既夠了，每粒爆谷都沾上焦糖，好脆口好好食。爆谷係我首選既雪糕toppings，有爆谷揀其他可以不用考慮。最值得讚既係，免費提供冰凍既麥茶。可以清新口腔，亦都好好飲!! 見店員密密refill，大讚

人妻難得返黎香港,緊係要罪罪!帶佢老公同囝囝試完香港雞煲又係吹水環節朋友話呢間開左一段日子都未試過,所以就即管一試!食雪糕/冰沙,緊係食OREO!!!唔會死錯人兜冰沙咁巨大真係要開心SHARE! 開頭食都係冇咩太特別,但中間有朱古力流心,混埋一齊好食好多!不過D粉入口時好易吸入喉嚨促親....要混埋D冰沙食先安全XD1個人食係超級飽!最好2人SHARE! 但有每人最低消費28,但佢最低甜品價26....好奇怪既設定,朋友因為太耐冇返香港, 驚叫個26會比人趕囉XD

講真平時間餐廳差極,我都唔會即刻上openrice打食評.但依間餐廳嘅員工服務態度好差。 我係唔會再去食！另外價錢同食物質素，份量亦相差太遠。話説我地四個女仔拎住d B仔同蠔餅外買入去。一入去, 四個員工唔單止唔講歡迎光臨, 仲好似碌木禁企係到吹水。到坐埋位嘅時候，仲俾我見到其中一位員工嘅口型話 「佢地唔係稔住係到食牙」😤😤😤 ， 仲要睥住我地。試問有邊個會禁厚面皮，係間甜品店食其他餐廳嘅野！ 咁我地就叫左怪獸爆谷+藍苺梳打（套餐）$50, 年糕雪花冰$42,綠茶雪花冰$42。怪獸爆谷同杯梳打係甜到。。。 兩杯雪花冰就無乜味禁 （可能因為無提供煉奶嘅關係） 份量亦少到可憐。綠茶味雪花冰比較好,但年糕雪花冰係無味。而另外一個套餐： 杯梳十打太甜, 加埋個怪獸爆谷嘅焦糖真係甜到唔想食。 總括黎講, 價錢又唔平,員工態度又差,份量又少,味道就更加不值一提。元朗仲有好多選擇, 大家可以揀其他Lo~