皇御園 (已結業)

好姊妹生日，落晒order話想食中餐，但又唔想迫唔想嘈，唔想限時還枱食到趕頭趕命 (公主病發，要求多多🙄🤣) 唯有請教食家朋友，發現九龍灣高銀有間中餐廳有免費泊車又唔限用餐時間，好過去apm 同德福。Happy Friday 零舍開胃，menu睇落樣樣都ok 吸引，傳統同新款野都有d。六個女仔全晚叫左好多餸⋯⋯最有驚喜係個麵 - 雲腿海味手工拉麵 (部長極力推介，話好多客食完都讚)整體價錢唔算貴... (餐廳裝修都幾骨子，又有d食評話係貴野，一開始都驚呢餐會好容) 食埋甜品人均都係$500 有找。 下次可以帶阿媽黎 

呢日放左工, 去左九龍灣JOIN埋D朋友仔們去試新野...(是朋友仔發現這家中菜餐廳的, 所以就約埋一齊柴娃娃去試喇,餐廳的位置雖然唔係近MTR, 但有接駁車去到個道;落完單, 等左一陣, D野都好快就來了,首先來的是涼菜這涼菜都幾爽口;之後呢道最出名的係叉燒, 肉質好軟, 但係個面的邊邊有點太濃;再來係好吸晴的,幾清新配搭, 第一次咁樣食咕嚕肉XD個炸豆腐, 一咬落去, 入面軟綿綿的, 外面有少少脆身, 幾得意;薑汁芥蘭就食得多, 第一次食用酒煮芥蘭...個酥皮的牛油味太勁了, 但鮑魚好好味, HEHE隻雞雞D肉好滑流流;由於我唔食牛, 所以呢個只聽朋友講, 幾好味個炒飯幾好味, 口感好爽;片皮鴨, 另鴨身D肉做了生菜包, 好味個麵幾特別; 跟住到甜品時間, 都話食甜品係另一個胃來架啦XD總括來講, 呢間中菜D食品很好, 雖然位置不算就近鐵路, 但佢地有接駁專車, 都算是方便的, 而且唔洗同人迫及等位

今日放工難得經過九龍灣 一於就試試呢間朋友推介嘅中餐廳門口有個大電視播啲宣傳野原來喺度食飯仲可以賺埋Asia miles👍🏻👍🏻👍🏻👍🏻一坐低 好餓既我地即刻點啲小食醫醫肚先呢個話梅汁浸萵筍酸酸甜甜咁 好開胃食完又唔會滯 做前菜一流招牌蜜汁叉燒超好食半肥瘦適中 肉質唔鞋 仲有陣炭燒香味就咁食或者送白飯都一流呢味金磚心太軟個名咁得意 原來係炸豆腐炸得好乾身 一啲都唔油 外脆內軟 加埋上面啲炸蒜一齊食 非常香口呢個紅菜頭蛋白炒飯都好岩我口味賣相好靚好特別一粒粒紅色嘅飯原來係用紅菜頭汁炒出嚟嘅 天然唔係色素黎嫁加埋蛋白同菜粒 非常之健康好少係中餐廳食甜品今次試咗幾款又真係有驚喜喎呢個黑芝麻糕好香黑芝麻味又唔會太甜鍾意黑芝麻嘅朋友一定會鍾意呢個鴨仔造型嘅鳳梨酥非常得意個皮好脆 鳳梨餡好香又唔會太甜用黎打卡一流

We came here for a celebratory dinner. I had been here different times before, but first time since they changed chef. I quite like the new menu too. The place is super spacious. We have a whole private room to ourselves. My favorite dishes were the truffled scallop in steamed egg white, and the soup was just out of the world. Highly recommend to come back.

屋企人生日今次揀左一間ｏ係商廈既中餐！平時好似飲茶都唔平的但係聽講味道唔錯所以諗住試下！第一道係龍蝦。。。呢碟既味道係不錯的。。。不過未加人好似要近＄８００我地６個大人，一人都無一舊大既值唔值真係見仁見智我地就覺得全晚最唔值就係呢味了第二味。。係牛。。都係一人都無一舊的。。。味道都係不錯。。。但係未加人都要ｏｖｅｒ　＄２００呢味。。竹生好似都接近＄２００味道都係唔錯。。。但係都係唔抵。。。炒飯。。好好味。。。不過又係要＄２ｘｘ。。。但係起碼食得飽呀～片皮鴨。。。全晚最難食既一味。。。價錢唔平。。。仲要難食。。。鴨上台已經唔熱。。。ｄ皮又厚。。。失敗之作！最後仲有個一鴨兩味～呢個都係只係用黎填肚ｏｎｌｙ。。我地食６：３０ｐｍ。。。但係好奇怪，點解７：３０。。甚至８：３０會愈黎愈多人黎先發覺用某ｄ　ａｐｐ訂台係有低至５０％！！！！我地真係覺得勁蝕呀！！！最後我地差不多＄３０００埋單！如果有用ａｐｐ訂應該大概＄２０００吧？

皇御園是城中一間較為低調的高級中菜廳，不但擁有華麗堂煌的裝修，食物水準也很卓越，除了這此，服務水平都很殷勤，所以絕對是一間值得推介的高級中菜廳。由於菜式一直有口皆碑，上任行政總廚離任後，她們也邀請了另一位得獎無數的馮文業師傅來坐鎮。 有見及此，小弟即興演與好友來嚐嚐新行政總廚設計的一系列新菜式，感受一下他的魅力。首先，馮師傅端出傳統粵菜的精品來，分別有燒得香脆可口的化皮乳豬件、蜜香鬆化的蜜餞炭燒黑豚叉燒及清新爽脆的青瓜海蜇，當中的叉燒不但軟腍鬆化，邊位更略帶焦燶，令人回味。 接腫而來的是用料極為豐富的黃金大蟹蓋，將原隻鮮蟹拆肉再釀回蓋內，手功的確繁複，但卻簡單地以洋蔥調味，品踏蟹之原始鮮味，而且表面炸得金黃香脆，內裡則軟滑如絲，鮮甜無比，的確好吃。 隨後而來的是占苗愛喝的濃魚湯厚花膠竹笙燉菜膽，輕輕一撈，厚厚的花膠即現眼前，已感到非常滋補養顏，我再喝上一口香濃的魚湯，那種鮮甜的滋味實在難忘，大家也不禁讚不絕口。 馮師傅除了烹調傳統粵菜了得外，還喜歡以東南亞的香料入饌，配以本地的新鮮食材，好像這道香茅頭抽三蔥炒龍蝦。未開始吃，已可從中聞到香噴噴的香茅、乾蔥、紫洋蔥及蔥段的香氣，加

同屋企人食飯，搵中菜嘅餐廳就啱。查哂九龍灣同觀塘，見到有一間新餐廳就去試下，雖然個位置比較隔涉，環境係幾舒適，樓底高，枱同枱之間好闊落。麻香和牛面頰肉牛面頰肉有啲凍， 肉唔會黏牙，麻醬香濃。蜜餞炭燒黑豚叉燒肉質鮮嫩軟滑，冇豬羶味，蜜汁恰到好處。黑醋脆皮火龍果黑豚肉有些失望，原以為火龍果和豚肉一齊炒，卻是分開，冇特別，只覺得黑豚肉嫩。甜梅菜蒸茄子茄子滑唔澀喉，冇渣，梅菜味道唔會蓋過茄子香味。馬拉盞蝦乾肉碎芥蘭煲唔會有多餘油份，但嫌佢馬拉盞唔夠香唔夠味。羅漢石榴球有驚喜，瓜好清甜，西蘭花新鮮，石榴球入面載滿一粒粒切碎的冬菇，茨汁濃郁。茶壺的設計比較差，好重好難拎。下次要黎飲茶試下佢啲點心。用apps訂位有折扣

其實食物水準不錯，尤其叫了一個炒蟹，入味有水準... 食物分量尚可，當中我們叫了一個四人套餐，價錢都算合理！但是途中小朋友叫了杯冰水，竟然開了一支礦泉水加冰！如果需要收費，我覺得要先問客人.. 感覺有些被欺騙的感覺😣。當日是星期日晚上，酒樓嘅人流不算多，可能是在商業位置，餐廳比較靜。服務人手足夠，服務尚算可以....交通比較麻煩，因為離開地鐵較偏遠, 由地鐵出發要行15分鐘才到達，所以只可以乘的士或者私家車。

對九龍灣高銀金融國際中心的四間餐廳印象唔錯，唯一缺點是地點比較隔涉，於我等無車的貧困人士而言是有點不方便，因此我都有一年多沒來訪了。 再次驅使我前來的原因很簡單，就是有新行政總廚到任，呢位大師的來頭當然不少，有興趣的話自行谷歌下吧！ 又咁講，皇御園的總廚，從來都是猛料之人。 搞手預先寫好了菜單，餸來張口實在輕鬆，我亦相當放心。 先來的小拼盤，位上。乳豬外皮鬆脆而肉香；叉燒用上黑豚，看上去是偏瘦，但吃起來鬆化可口；海蜇與青瓜醒胃又爽脆，三款小吃都合心。 接著來的黃金大蟹蓋，用匙『筆開』便是澎湃的蟹肉，足料非常。用上紅花蟹，肉質肯定鮮甜，原味已很好吃，下少許醋就更能討我歡心。 這類高級食府的湯品，一定係好嘢。呢盅濃魚湯厚花膠竹笙燉菜膽，味道的確濃郁，三頭花膠厚身又充滿膠質，不單是女士恩物，男人老狗的筆者也十分喜歡。 再來的炒龍蝦，是本地龍，肯定無得輸。加埋靚頭抽去炒，端上桌時已嗅到陣陣香氣，吃起來自然惹味，肉質嫩口。墊底的紫洋蔥及青蔥絕不是配角。大家都是懂吃之人，自然不會錯過。 乾煏牛筋骨，用筷子一夾已感受到其鬆化的肉質，加上濃濃的肉香，停不了口。 我份人比較麻煩，食菜都會偏好香口的，所以

九龍灣高銀集團內的皇御園最近有新大廚馮師傅上場，馮師傅有超過35年的豐富入廚經驗，那藉着好友占占的生日就來一場美味的盛宴吧！ 闊別多時的皇御園依舊瑰麗堂皇，這樣我們被安排坐於貴賓房中，當然是舒適非常啦而且房間近有獨立洗手間，這一點是我非常欣賞！ 先來皇御園精選拼盤＄150，一客三款內有化皮乳豬件、蜜餞炭燒黑豚叉燒、青瓜海蜇！ 先吃件化皮乳豬外皮咬下去香脆得如薯片般，肉質亦香口不乾韌好味道！ 再來是蜜餞黑豚叉燒須不是半肥瘦的位置！但吃下去口感鬆化蜜味香濃，真的令人十分回味。 最後是清爽的青瓜海蜇，海蜇爽口彈牙永遠都能討我歡心，而爽口的青瓜條清新可口，這個我可以吃光光啊！ 吃罷前菜後侍應送來一件漲卜卜的炸物，細看之下原來是黃金大蟹蓋＄158，飽滿得連蟹蓋也看不見！內裏只蘊含香甜洋蔥和一梳梳鮮甜紅花蟹肉，大家應該可以想像到是有多麼鮮甜可口！ 接下來是這夜的濃魚湯厚花膠竹笙燉菜膽＄218，揭開湯蓋看見奶白色的濃湯，再加上鮮香撲鼻的味道真是未喝也聞到美味！ 魚湯鮮味富濃濃的魚香，內裏還有爽口竹笙和超有口感的花膠件及菜膽，這個湯味道超級好喝得我沒辦法的將它完完全全幹掉了！ 鮮味不會停

近來去飲茶的地方食到有d悶,就算訂了檯,去到都要等先入得。見九龍灣有新開酒樓,雖然在寫字樓區,但都試一試佢。12點幾去到,只係得幾張檯有人,可能真係地點問題,比起商場既酒樓靜好多。食到差不多完,都坐咗七八成。但因為佢有房,所以唔知房有無人坐。環境都唔差,因為新開無耐,所以都好乾淨。坐位都好闊落,一d都唔迫。亦都因為人唔多,所以好好招呼,不斷有人飲茶。唔知係咪茶錢包咗,因為成$25一個茶位。好,講返食物,一般酒樓的點心都有供應。仲有一d特別少少既,如竹炭义燒包,潤腸波菜餃等。另外炸雲吞都推介,好脆,脆到你一咬個個都聽到聲(因為太靜啦間酒樓)。鮑汁鳳爪不過不失。另匿個生煎野菌包都ok,但我覺得唔夠脆。紅棗糕可以,同另一間食開既拍得住。匿個就係竹炭义燒包,食唔出有咩分別。食完之後仲叫埋甜品,蘆薈荔枝糕,金絲蛋散。雖然甜品唔係做得好出色,但係佢可以一件件叫,最少叫兩件,人少少可以叫多幾款。整體嚟講,靜靜地,慢慢嘆吓係一個唔錯既選擇。

週末想搵一間 唔使 排隊嘅酒樓 飲茶 都唔容易， 但係 呢間 位於 九龍灣 工廠區 入面嘅 高質素 酒樓 就唔使 等位 ，一入去 畀個環境 吸引住 ，侍應 服務態度 一流 ，每個侍應 都幫你斟茶 ， 我哋飲咗 新推出嘅荔枝紅茶 ，有好香荔枝香味， 好好飲 ，點心方面，野菌 生煎 包 一定要推介 ，熱辣辣 ，叉燒 好 蜜汁， 都係唔錯嘅選擇 ，佢嘅自家製 xo醬 ，真係 最好味 ，但係冇得 賣 ，原來 好多客人 都係因為 佢嘅xo醬 而過來 幫襯 ，最後 食埋甜品， 蛋白杏仁茶 好濃 好香 ，蘆薈 荔枝 糕 好晶瑩， 唔太甜 ，有好多蘆薈 同埋荔枝肉 ， 仲有 免費 接駁車 返去 九龍灣 德福花園， 真係 一個 好高質素 好高檔 嘅 飲茶 體驗。

第一次跟朋友到來，位置不屬於方便，而且週末的商業區，人煙少得很，當晚晚飯客人也不多，但員工可不少喔，所以在服務上是做到十分貼心今晚以海鮮為主的菜式，每一道都十分巧心思，入口感到食材鮮美，而且配合不同的烹調方法，令味蕾豐富了不少一口肉的阿拉斯加蟹腳作為頭盤青瓜底的青酒浸鮑魚帶有薰香，令人感覺很清新原隻北海道扇道，味道不算太搶，仍然吃到鮮味，煎很恰到好處沒有過火的感覺食物的溫度很值得一讚，每一道菜都是分開上給每位客人，在客人面前翻開蓋子，所以每一只蠔入口煙仍可以散出不單止菜式吸引，連食具也十分精緻這裡的焗釀蟹蓋可算是我吃過最多蟹肉的一次了，由於蟹肉多所以沒有給人一種很滯口的感覺這一款沙茶龍蝦球味道可算不錯，但略欠蓋過龍蝦鮮味，口中龍蝦肉的彈度就更令人感到這些食材的級數不弱很鮮甜的一碗海鮮魚湯飯，另外再在客人面前灑上爆脆米花，入有仍然鬆脆可口松茸竹笙茶壺湯，郁香的松茸味道一杯杯斟出來品嚐，湯的溫度保持良好狀態入口美味

為慶祝老公生日，在皇御園安排了一頓特別訂制的午餐。點心、湯羹、主菜、甜品都有水準。最好味就是黑醋豚肉，外脆內軟，肉汁肉香四溢，令人一試難忘。套餐份量充足，賣相精巧，既滿足食肉，也賞心悦目。雅座如設身於大戶人家的飯廳。雖然透光，但一銹鋼古玩架設計，及瓷器擺設，做到又開放式，又寬敞，又失私隱度，使食客感到十分舒適。專人服侍上菜，使我們用餐更暢快和感到殷勤的招待。餐廳更送上壽包祝賀，使我老公有一個充滿喜悦的美味生日午餐。

一早預訂父親節的午餐，為家中兩位父親慶祝一番。先在網上訂中午十二時，過了幾天，有職員致電告知當日父親節要分兩輪。因應餐廳要求，揀選第二輪，即下午一時。一切準備好，今日準時到達。可惜，接待處竟然話暫時冇枱，仲要話唔小心俾咗我哋張枱人哋，唔知要等幾耐。一輪交涉後，個經理叫我哋過對面食。吓？咁都得？一心諗住食好D，坐得舒適D，唔想同人迫，先至揀呢度，點知原來係錯誤決定。