真味鮮廚

营业中

休息中

聚會閒聊：今日下午2點下午茶時段去左旺角金雞飲茶。黎個頭盤先。蒜香木耳拍青瓜。都爽口入味，夠酸^^呢個流心豬仔包係為左呃like 而叫的～包心流心有煙架，夠囇熱～今日全枱d 嘢食比起茶市同晚市都熱～出囇煙～近排愛上食素～(fusion 素係最正～eg 素sushi, 素鰻魚..)健康d 好～～ 芥蘭多葉左少少，幾爽口～夠味炸雲吞每次都會order ~ 醬汁好味今次7大2小，都只係食左30碟，比起平時食少左近十碟9人大枱夠鬆動～～

呢度嘅海鮮蒸氣鍋套餐幾新鮮，1圍13人每人，另外叫咗象拔蚌刺身，成餐位位HKD350左右都唔錯。鮮蝦鮮到圓圍跳，一路食一路捉返佢上碟丸呀，肉呀太多，食到影唔晒相，仲有刺身併盤都好鮮味！大家最期待係阿拉斯加長腳蟹，大啖肉好正！不過粥底一就放棄喇，因為煲燶咗，可惜呀！坐就坐得迫咗啲，但氣氛幾好。

5月24日訂位於此餐廳8點吃晚飯, 一行11人有大有細。 雖然訂位時前台已說明可能要等一會, 但是她也說明8點半前一定有。 無奈, 由8 點等到9點才有位。 一入座, 我們叫了蒸氣火鍋。當鍋放好, 開蒸氣兩三分鐘後, 有一團啡色的東西從裡面跑來, 還要圍著煲邊跑--小強! 當時我們當然有大叫啦, 傳菜的,樓面的, 部長級的全都愛理不理。 蟑螂還是在努力的跑,事情擾攘的5分鍾, 酒樓的侍應依舊是毫不理會, 儘管其他食客也側目起來。 有一位疑似部長的人士走出來, 以極差的態度"道歉", 但未有提到讓我們轉檯。 最後,我們決定起身離場。似乎這件事比發現10隻蟑螂更加緊要, 這位部長以吆喝的語氣: 只是一隻小蟑螂吧了,算什麼大事! 又要脅我們已叫了食物, 不能說走就走。 幸好, 我們在小強跑圈時已拍照, 說道要不要通知食環?他才悻悻然的讓我們離開, 那時已經十時了, 還是餓著!

我從來未試過寫野投訴嫁，但今次真係食到成家人好嬲，話說今日母親節，就同一家人去咗旺角真味鮮廚，一入到去，見到張枱勁細，得六個位，我就同佢講八位，七大一細，佢就叫我地坐住先，咁八個人點坐六個位呢🤬🤬🤬，之後叫待應(伍x芳）拎張BB桌，點知發現得一邊繩🤷🏻♀️，佢竟然叫我地淨係綁一邊，咁唔安全，見佢地啱啱入左啲枱，有啲忙，就算啦，自己睇實啲個BB！到叫野食好多都無，阿拉斯加長腳蟹冇，聖子冇，龍蝦仔冇，想食好小小都無，唉。。。再黎全晚待應(伍x芳）成日扮睇你唔到加黑面🙍🏼♀️，叫到佢過黎，就做一半唔做一半，再叫佢就發脾氣話我咪做緊囉，其實我地唔係你肚裏條蟲，見你完全唔應機加悠閑的步伐🚶🏻♀️🚶🏻♀️，真係唔會知你係幫緊我地做野定無做野，之後仲大大聲話我地，成晚睇佢面色，再向經理投訴，經理好似想送生果打發我地就算，我地唔係R着數， 所以都根本冇要到！最後我地成家人一世都唔會再去！😡😡🤦🏻♀️🤦🏻♀️

为了订座，我拨打了旺角真味鲜厨的电话，接通电话后我尝试确认自己是否拨打的是真味鲜厨电话，接线服务员态度极差，并且挂断电话。我一直很喜欢香港，没想到会有如此差的服务态度。我相信无论在哪个社会人与人之间都应该互相尊重。强烈谴责真味鲜厨！！！没有能够在一个文明先进的社会体现出最基本的素养！

近排行過附近又見到真味鮮廚做緊阿拉斯加長腳蟹$288一斤，忽然記起上年11月同朋友的敍餐就在這裏吃長腳蟹，記憶翻晒黎。當日我們一行六人叫了六位用的長腳蟹刺身蒸鍋全包餐。蒸鍋上枱前，先來了日式刺身拼盆，內有鮑魚、牡丹蝦、帶子、蛋、八爪魚和北寄貝刺身。可能因為真味鮮廚不是主打刺身，所以擺盆不太漂亮，刺身亦不太出息。緊接是蒸鍋上枱，單張上面寫上有每樣食物是蒸煮時間，但我們也不太理會，因為員工對蒸鍋非常熟悉，她們每次也有協助我們調較。主角阿拉斯加長腳蟹4斤半，雖然蟹蓋感覺不太多膏，但是每條蟹腳都非常飽滿，令人難以忘記。(以現在$288一斤計，這裏都要$1,300，所以這個套餐幾乎是食長腳蟹送其他項目。)之後是生猛沙巴龍躉一條約2斤，魚已微微斬件及配上薑葱。蒸出來味道非常好，魚味豐富，非常滑溜，連不吃魚的朋友也讚好。之後有生猛海蝦連鮮甜沙白蜆一拼蒸煮，海蝦爽口，沙白蜆亦無沙。然後是紅棗雲耳蒸走地雞1隻，雞已微微調味，斬件太少適中，味道香濃，口感亦滑溜。爽滑黑豚肉，黑豚肉真的爽口，亦真的滑溜，唔講以為是吃緊鮮牛肉。另外是黑蒜豚肉丸及蒜蒸貴妃蚌，黑蒜豚肉丸是手打的，而蒜蒸貴妃蚌鮮甜亦唔會靭配上粉絲，

平時同屋企人打邊爐就多 但係佢地未試過蒸氣鍋 所以今次就同佢地食下首先個侍應幫我地準備個粥底先 個粥底係由大量薏米瘦肉同埋南瓜🎃煮成架 個粥係最尾先食既 所以而家講返第一樣野食先啦〰️黑蒜豚肉丸〰️呢個係我地第一樣食既野 由於係豬肉丸所以要蒸5分鐘 同平時打邊爐既感覺完全唔同 咁樣蒸唔會‘實的的’咁 肉質仍然保持嫩口〰️游水生蝦及白蜆〰️D蜆咁樣蒸法既味道特別鮮甜 我食左好多隻😂〰️陳皮蒸八頭鮮鮑魚〰️陳皮味十足 有咬口但係又唔韌〰️紅棗雲耳蒸走地雞〰️坦白講 雖然有咁多配料（蕃薯🍠南瓜🎃粟米 芋頭）但係個雞都係冇味既 只係覺得個雞肉冇平時既咁鞋 〰️蒜蓉粉絲蒸元貝〰️〰️安格斯肥牛〰️〰️沙巴龍躉〰️呢條魚係我覺得最好味既 蒸既時間係6分鐘 蒸完即刻食 肉鮮嫩口鮮甜 而且啖啖肉 唔係太多骨 正呀〰️日式刺身拼盆〰️呢個係套餐係包埋既 個帶子同蝦好鮮甜 〰️瑤柱咸排骨粥〰️呢碗粥就係一開始侍應整個煲啦 佢簡直係吸收晒頭先咁多樣野既精華 所以個味係有d複雜 我第一次食用薏米煲既粥 估唔到佢地可以煲到好綿 同埋個感覺下火d 冇咁熱氣😂

今日出左黎旺角諗住整証件，上網已經預約唔到，所以諗住walkin睇下咩情況！誰知拎籌後職員話大概要等3個鐘！咁唯有死死氣搵間茶樓飲早茶！位於中旅社對面既呢間真味屬於海港集團，諗住冇死！點知質數同服務係麻麻！蔥花炸兩腸賣相不錯！食落都算正常。柴魚花生粥材料係充足既，每下都會有花生或者瘦肉！但係就好難食，一定係煲左勁耐放左勁耐，而且粥都係偏稀。山竹牛肉球牛肉球大大粒！不錯！沾左gip汁好味！翡翠荀蝦餃皇點解可以冇正常燒賣？得一個飽魚燒賣比人揀！？好過份囉！唯有叫個蝦餃，幸好蝦餃都唔錯，個皮煙un，蝦都大粒！奶黃包最唔滿意呢個奶黃包？唔流心都算，入面都唔係奶黃！都唔知咩黎又花又一粒粒砂糖！我要奶黃包，點解好似變左煎堆涵！仲有個冷氣勁大！係咁搵啲屏風整黎整去！阻塞道路！又好似唔夠人手！叫左3次辣椒油都冇人理！要自己行出去拎！係咪夜晚食火鍋先正常？

就嚟過年，今年同阿爸阿媽一家人揀咗喺真味鮮廚度食團年飯。我哋一家人叫咗一個套餐，有乳豬、刺身拼盤、龍蝦、花膠煲螺頭湯、同埋蟹。嗰餐最吸引我嘅就係隻蟹，蟹腳好長，原隻蒸完上枱熱辣辣，我都等唔切即刻搶咗黎食。一剪開成條長蟹柳走左出黎，啲肉好鮮甜，鍾意食蟹嘅我都覺得不妨一試；另外最令我驚喜嘅係蒜蓉粉絲蒸波士頓龍蝦，我都可以話係蒜蓉控，逢係蒜蓉嘅嘢我都鍾意食，呢個蒜蓉龍蝦同蒜蓉蒸開邊蝦有得揮，啲蝦肉好好味，同樣都係好鮮甜。整體嚟講佢啲海鮮都唔錯，成個套餐二千蚊有找，12個人都算係咁啦。

平時出來食飯都有黃金時間，即係6:30至9:30呢段會比較繁忙，大多數人都會係呢段時間出來食飯，價錢亦會相對貴D，因為過咗呢段時間人流都會少D，有D食肆都會推出優惠吸引人，今次去咗呢間位於旺角金雞廣場食宵夜餐牌有多款金牌宵夜套餐組合同其他人不同優惠，而價錢合理又坐得舒服，我地人小小就點咗幾款金牌宵夜食，先來係脆片燒腩仔（例），燒腩仔燒得層次分明，表層香脆內裏脂肪肥美廋肉適中，食落啖啖肉，點埋芥末更美味，再來係依然脆片燒鵝（例），燒鵝肉質嫩滑肉味香濃，食到鵝肉香甜，又估唔到好食食完肉就到海鮮分別有蒜茸粉絲蒸元貝同聖子兩款各4件，咪睇咁樣其實質素一D都唔差，入口食到海鮮嘅鮮甜，而肉質亦非常爽滑口感十足有時去其他食肆都未必有咁嘅質素，講真又真幾抵食，每人舊幾水就食到嘅套餐

上次去鴻星食飯，朋友話係旺角呢一間叫真味鮮廚嘅酒樓都有呢個阿拉斯加長腳蟹食，而且價錢仲抵好多㖭！所以今日同屋企人食飯就嚟呢一度試下。一早已經book好位八點半，點知嚟到喺門口，足足重要等多半個鐘先入到座，入到去大家都已經好肚餓，一早留咗隻長腳蟹，就叫佢先上啦！果然隻蟹超級大隻同埋好鮮味我哋係揀用花雕酒煮嘅，我哋成十個人唔洗一陣，就成隻食曬啦！另外其他啲小菜都幾好食，有啲特別嘅款式添！食完今次下次食阿拉斯加長腳蟹，就唔會再去鴻星啦！因為鴻星貴好多，而且冇呢度咁大隻添！我哋今次呢隻有成六斤重咁多，都係228蚊一斤，超抵食。

今日同屋企人食團年飯揀咗旺角金雞廣場，呢一間中菜之前叫海港海鮮酒家， 嚟到 點知原來已經轉咗手，改咗名叫真味小廚，不過入到去啲夥記好似都一樣，唔知係轉咗手，定還是係轉咗名呢？我哋叫咗個$1998嘅套餐，好抵食，裏面有乳豬全體、一煲翅、雞、龍蝦……仲有好多唔同嘅小菜，係全包嘅加一飲品都包埋，好抵食。名爐即燒乳豬拼盆嘅乳豬燒得外皮非常卜卜脆，肉質好嫩滑，叉燒嘅肉質超鬆化軟滑，蜜汁嘅味道相當香甜！我哋十三個人嗌咗個十二人套餐，原本諗住多咗一個人會唔夠食，點知啲嘢大大碟，好抵食，最後仲打包咗幾盒走㖭！

朋友介紹我食平價蒸氣石鍋，聽朋友說出面起碼講緊要4百幾5百蚊人頭，都係半飽，我第一次食，好期待呀。我地一行三人walk in ,因為間野要滿4人先可以book到位，可能係星期五啦，我等左成大半個鐘先入到去。個鍋下面係個粥底黎，所以我地特別叫左個隻蟹，令個粥底更鮮味。拿拿拿，牛肉要連碟一齊蒸呀，咪就比人笑大鄉里嫁啦每款食物都有寫蒸既時間，唔怕會唔熟底蒸過龍簡直係食肉獸呀，大魚大肉咁食食食都有d蔬菜食下既，但真係好飽，仲食埋鍋下既粥底，每人可以食兩碗粥，真係飽到一個點呀最後埋單一人都係二百幾蚊，好抵呀，唯一敗筆係d侍應人手不足，叫左成15min先有人應機，咁多圍枱，眼見得兩三名侍應。

這次抱着平常心去吃蒸氣火鍋，因為以前曾吃過一些貴價又不新鮮的海鮮，所以這次是有點卻步但因為有家人生日，他們提議到這家酒樓吃蒸氣海鮮粥底火鍋，因為我遲了到埗所以他們先吃，蒸氣爐非常密封，大部份海鮮只需四至八分鐘左右便可進食，令我留下深刻的印像是黑毛豬及海蝦，黑毛豬嫰滑甜美，鮮蝦更是新鮮肉爽彈牙和鮮甜又美味！這個套餐本來是有鮮蝦的，因為味道很好，最後我再點了兩份鮮蝦。這次這間酒家令我真的有點喜出望外，也令我改觀。下次我一定帶同朋友來這家酒家在吃一次蒸氣火鍋！這次吃了2000多元但是有10位家人同行所以每人只是200多元！而且每人都吃得十分滿足，所以是十分划算！十分推介

早前睇電視賣廣告推廣海港酒家做緊阿拉斯加長腳蟹每斤$188特價，於是諗住帶爸媽佢地去試下蒸氣石鍋。由於阿妹經常要OT，所以我地選址希望盡量近佢番工地點。打去海港酒家(太子店)訂位先知果間無得食蒸氣石鍋，職員即時表示可致電位於金廣場既真味鮮廚，與海港為同一集團的。今晚我地一行五人6:30準時到達酒樓，職員好快帶我們入座。我地揀左6人餐，原因係6人餐有包一隻4斤重既長腳蟹。套餐的食物好快已經上齊，可以準備開餐。揀左呢個6人餐, 主要因為見到$1699包4斤重蟹同加一倒D米同配落石鍋度，準備開鍋蒸野食隻蟹好大隻啖啖蟹肉，又夠鮮味，爸媽同妹佢地都狂讚 蒸雞，由於蒸的時間真係啱啱好熟，所以好滑。掛住食無影到相沙巴龍躉---都好大條，肉質夠滑，但真係食吾到魚味 黑蒜豚肉丸---味道幾特別，我覺得味道都可以，老公就麻麻地鍾意沙白蜆---無咩鮮味同偏咸自家製小籠包---呢個好好味啊，好多湯汁，大大隻既小龍包，阿妹讚完又讚除左以上套餐包既食物，我地再額外order安格斯肥牛, 呢個好味，份量吾少肉質夠雪花有牛味，$98幾抵食  鮮淮山---正正常常, 都算新鮮古法馬拉糕----呢個失望，跟足指示蒸3分鐘