真材實料 (已結業)

今年第三次食大閘蟹啦﹗尋日同個同事做野做到9點幾，收工後在公司附近覓食，見到有間”真材實料"諗住隨便食啲野醫一醫個五臟腑。坐低竟然又見到有大閘蟹食，我又忍不住要食大閘蟹了。第一次去了東海味道都唔錯，不過成個大閘全蟹宴要連加一成伍佰幾元一位，都有啲肉赤。不過一年都係得呢段時間有得食，貴啲都感覺OK﹗第二次去了同事家，打邊爐加大閘蟹，不過又要去買又要整，真的有點兒勞師動眾。第三次食大閘蟹，在”真材實料"這平民食店。本來以為係好一般既大閘蟹(因為四兩$48，心想這個價錢的貨色是平平無奇，不過平有平食，貴有貴食。我同個同事各自點了一隻四兩既大閘蟹，送到上檯未打開個蟹蓋已經見到啲蟹膏啦，打開後蟹蓋後見到蟹膏滿溢，入口肉質嫩滑。講真，四兩大閘蟹屬於輕斤兩的，但眼前爆到漏瀉的膏真係屬於四兩蟹，真係好吸引。食落味道竟然好食過上次在東海食的大閘蟹，無想到平民食店都可以食到又平又正的大閘蟹。我地兩個人一共食了4隻大閘蟹，好滿足呀﹗最後，在肥老闆推介下試了店內蛋白燉燕窩,我倒是第一次吃燉蛋，感覺很新鮮很滑，值得推介﹗

同朋友仔來晚飯... 7:00PM 開始... OK啦... 多人,幾靜..OK叫了:墨魚餅... ...勁正.好味, 霸王雞 .. 好滑, 好味... 好香.... 煲仔翅.... ..勁熱 好味... 鵝掌 ........ 林 呀... 入味花膠 ........第一次食 味道好特別, 但係好味呀... 炒飯飯 ... 精彩 精彩 好好彩, 因為無預定, 我地冇預定但佢做多了, 所以有得食... 味道OK, 好入味西瓜涼粉 平凡野都甘 .精彩 .. 不太甜... 好味道桂花糕 .... OK, 但不喜歡蛋白焞燕窩 十元 正正正

成日行過見到依間舖,由開頭好多人排隊到依家要係門口拉客,招牌又食晒真材實料,依日見佢無乜人唔駛等位,終於入去試下.叫左個2人翅餐,都成2百幾蚊,先黎左個翅,面頭都有幾舊翅既,食落口無味...仲要只係暖暖地,唔係熱既...梗係啦,我見住佢用微波爐翻熱...跟住食鴨牚,又係無味...佢個餐可以揀兩個送,我要左沙拉骨同帶子蒸豆腐,個沙拉骨好普通同埋個汗怪怪咁...個豆腐就等左好耐先黎,面頭好多豆鼓,原來有原因既,因為成個送淨係得豆豉有味,d帶子又細粒,仲要一食就知係d雪帶子...服務又唔得,人地仲食緊就成日想收左人地隻碟,老實講我地兩人個人食飯,叫埋野等埋你上菜,40分鐘就算快啦,你又無人等位,又唔係閂門時間,做咩成日好似趕客走咁架...食完終於知道點解會越黎越無人食...一句講晒,唔會再去.

我近排食過兩次午餐, 一次食京都骨; 另一次食豬軟骨; 兩個都好好味喎.係d油菜d汁怪雞d不過無食翅, 之前因為食過麻麻地.

吃過甜甜的湯圓後…快樂的走過天后…看到不少食店仍然燈光通明…左看右看…最終被一個男人叫住…其實我和sheep都首先被門口的碗仔翅吸引…最後他說晚上有優惠…六十多元就可以吃翅和老火燉湯…我們都認為只喝湯應該不會太飽的…所以就忍不住再吃了…晚上九點後只有消費滿四十就可以十元特價叫花膠響螺煲老雞…還有兩款什麼菜膽翅和海參…我和sheep就選了砂窩鮑魚碗仔翅和一盅花膠響螺煲老雞….花膠響螺煲老雞 - 份量不多…每一可以分到接近一碗…味道清甜濃郁…很有老火燉湯的味道…花膠只有小小的一塊…所以分給sheep吃了…我試過雞件…味道不錯…砂窩鮑魚碗仔翅 - 幾有份量…上面鋪了幾梳翅和幾片薄薄的鮑片…味道呢…我覺得這個翅不能稱作碗仔翅了…是酒樓裡吃大圍飯的湯翅更為適合…因為這個味道就是酒樓的味道嘛…你在酒樓是吃不到街邊碗仔翅的味道啦….所以這個只能稱作砂窩鮑魚翅…鮑魚薄薄的但有點靭…其他的材料好像只有肉絲和疑似海參的粒粒…不過五十八元有鮑魚有翅確實是抵吃的了…吃到一半…又是微波爐的”叮叮”聲作怪…看清楚一點…雖然在門口時看到有一個大爐盛著碗仔翅的…但是上檯之前原來都會先放入微波爐叮一叮的…呃…為什麼就不

2009年01月16日，21:20灣仔下直巴後，邊行邊食；竟走到天后，到這店才來份正餐。老闆在門外大力推介，加HK$10.-有翅食。最終選擇了蝦乾銀魚蒸豆腐，配花膠響螺煲老雞。5分鐘後有湯飲：色：清澈徹、湯料有序地沉睡。香：祇有老火湯的濃郁香味。味：入口偏鹹，厚切瘦肉，口感粗糙；小片花膠夠豐厚；老雞腳，連骨亦腍。最後是碗底朝天，吃清光。10分鐘後豆腐上檯：色：簡單純樸，赤的蝦乾、透明的魚乾、雪白的豆腐和碧綠的蔥花香：蔥花氛香、蝦乾鮮香、豆香味：銀魚亦有淡淡的鮮、蝦乾有濃烈的鮮、豆腐清甜和幼滑。整體有水準，真材實料，平實而無花巧。服務一般，在這類小店，伙計應更加把勁。題外話：在海嘯下，小週末的港島區仍是搵食難；本想到登龍街來煲鱔片飯，被人龍嚇跑；再到蛇王二，亦是人頭湧湧。

Extremely unprofessional!!JJ and I went there few weeks ago, since we always passby the place and it was always packed with ppl. So we ordered two dinner sets with one 鮑汁鴨掌. First, the waitress brought us two 鴨掌 on the same plate , before i could say anything, the other waiter rushed to our table and took the plate away without telling me what was going on, i actually touched the 鴨掌 with my chopstick, and JJ already started eating his...Then he came back with the exact plate(still got some previ

臘腸蒸雞 廿六蚊雞 尼食個lunch叫左個午餐....有菜 + 凍飲 + 臘腸蒸雞飯雖然個送少少的但係都算幾禾味蒸雞咸鮮兼備臘腸油清香非常...所以整到成個飯都香噴噴佢仲送埋一碟清菜就咁六熟嫁炸~~不過要求唔好咁高啦~~皆因連埋凍飲都係廿六蚊...算係咁值得一提佢地好注重清潔為左方便食客放d 雞骨...會特登俾多隻碟俾我地呢~~不錯不錯

六月廿二‧炎熱在專兄口中聽過這間店，也有facebook看過食友小頭的相片，對這裡有一點印象。是日落維園探師弟妹的班，晚飯時間，過來試試。晚市餐牌有兩款一人餐，價錢是98蚊及148蚊的，主要分別在於有沒有鮑魚。第一次來，保險一點，就要98蚊沒有鮑魚的那一款。一人套餐包前菜、翅、鮑汁鴨掌及甜品，算幾豐富的。前菜是海蜇手撕雞，海蜇爽脆，雞肉腍滑，做得也算好吃的。不過我吃這一味，很著重是否己撕定又雪了很久的，這裡的吃起來是凍了一點，感覺一般；翅是牙揀翅，都算是如店名般的「真材實料」。翅湯不是十分鮮美，但勝在假味也不多，也做得不太杰身，算係咁；鮑汁鴨掌只一般，鴨掌廋，只得層略硬的皮，扣得不滑，不算好別。不過一客兩隻，又幾夠份量的；甜品二選一，選了西瓜西米露，也算是足料的，但也有未打碎的冰粒在內，涼透心。女店員的服務態度是非常的好，可以說是超級有禮貌，在這等小店，真的是意料之外；埋單98蚊，始終吃這些貴價食物，也是一分錢一分貨。

真材實料的裝修企企理理，門口有一煲的豬腳薑和碗仔翅很吸引，門口的男人大力推介，不用味精、真材實料、魚翅撈飯等，很是吸引。九點過後，有十蚊一碗的菜膽翅，叫了咖哩牛腩飯(45蚊)包一杯冷熱飲品，再加十蚊的菜膽翅，咖哩很香有很多洋蔥和薯仔，帶有澳門味度的咖哩，可是牛腩的質地與香口膠一樣，一咀都係。菜膽翅很少，但是很足料，有豬肉、雞腳、雞肉、瑤柱、小棠菜，就是好像沒有翅，我找到的好像得一兩條，少得可憐，可是味道都算唔錯。服務算是可以接受咁啦，值得一提是這裏嚴禁攝影餐牌，話說我想拍攝餐牌的時候，突然有侍應好像發現嚴重罪行一樣禁止拍攝，影一影餐牌到底有甚麼「罪」呢？真的奇怪。http://icuteee.mysinablog.com/index.php?op=ViewArticle&articleId=1417430

只不過去食lunch...一極簡單的order,竟來來回回問三次.friend食完後,我嘅order影都冇.最'興'係佢人手極多.只不過在吹水中,連廚師都行出嚟講手提.結果我話唔要啦. 侍應瀟灑咁話好, 連對唔住都冇.幾平.幾真材實料都冇用啦

一大班同事去食晚飯, 地方比想像中少人, 問個侍應碗仔翅($33) 同煲仔翅($58)有咩分別, 佢就話其實一樣, 只不過煲仔翅等於碗仔翅一開二, 計落梗係煲仔翅抵D, 咁我地八個人, 就叫左四個翅同埋6,7個小菜 個煲仔翅我地兩個人分一煲, 真係有兩個碗既份量, 而且起碼我食同有螺同翅, 不過可能我食得咸, 有個同事話個翅好咸~叫左好多個小棻 最正既一定係煎銀雪魚, 煎到成條魚金黃色, 食落口好鬆化, 正. 之後再叫埋蒸銀雪魚試下, 上面落左好多生蒜, 都唔錯!!! 茄汁豬扒, 咸魚蒸肉餅, 蒸排骨 - 同茶記無分別 蒸三寶 - 有魚乾, 蝦干同臘腸, 但食落都係好普通, 而且唔知係咪物價高漲, 得三塊仔臘腸總括黎講, 以咁既價錢食到咁既翅係物有所值

本人原在天后居住~~都幾熟附近d餐廳,在個幾月前試過呢到d碗仔翅感覺上都幾好味,前幾日行街路過就順便入去食下野,發現入面d餐牌唔同左...冇左以前食開果d碗仔翅套餐.於是就問下d服務員可唔可以整返以前個餐俾我食,佢地又ok好服務可以整俾我食我就叫左以前食果個玉掌餐再加5蚊轉左個豬扒包~~同以前一樣來左碗仔翅先但係發覺d碗仔翅唔同以前........d湯底冇乜鮮味同埋食完個碗仔翅有種想飲水既感覺...(我唔敢問佢地係唔係轉左d湯料....因為唔係呢到d熟客..)同埋d玉掌好似冇以前果d咁大隻..個豬扒包都ok好食~~如果下次再來決定唔食碗仔翅,來試下d盅頭飯好過~~

中秋追月夜，兩口子點了碗仔翅一人餐包蒸三寶（銀魚乾，蝦乾，臘腸），加淮山杞子花膠螺頭煲雞腳，蒸茄子拼排骨，翅及湯均用料十足，喜出望外（是晚高潮），殊不知等十五分鐘的蒸餸，三寶祗得聊聊數撮，排骨更是水準以下（是晚谷底），紅豆沙糖水有陳皮香，亦夠沙，理應挽回少許分數，可惜比蒸餸還要耐，滿不是味兒！總括湯水十分出色，菜色選擇極之少，三思三思！

本來想食 lunch, 不過朋友遲左, 變左食tea叫左一個咖哩豬扖丁, 同吉烈豬扖沙律咖哩豬扖真一般, 又無骨可以咬下, 咖哩一屬一般水平吉烈豬都係一般, 好薄, 個沙律d 沙律醬仲多過d 菜, 而且, 仲要落漏左單, 用左一個唔合理的時間等一個普通tea...麻麻