真鮨 (已結業)

雖然是日天氣不似預期但難得早收工又可以同女友去食下好野依然保持好心情😆🙌🏻適逢我同女友都鍾情日本菜早前有朋友介紹呢間質素不錯吃還掂行開黎呢頭一於黎撐下枱腳啦☺️Moshi Moshi位於尖沙咀金巴利道喺尖沙咀B1出口經彌敦道行過黎都算方便呢度裝修以木為主周圍都放左好多日式擺設同掛畫仲有好多靚酒🍶環境好有格調而呢度野食都有好多款式最後我地叫左三款刺身、芥末八瓜魚及三文魚籽軍艦、親子卷、花之戀、蒲燒鰻魚串、明太子玉子燒同埋豚肉露荀串刺身 (三文魚、油甘魚、吞拿魚)刺身厚切夠哂足本！即叫即切亦十分新鮮三文魚刺身脂肪比例均勻而且入口散發魚油香油甘魚刺身口感就比較厚實食落魚脂亦好濃郁吞拿魚刺身就色澤鮮紅食落鮮甜亦唔會起筋軍艦 (芥末八瓜魚、三文魚籽)軍艦紫菜香脆唔會話淋哂芥末八瓜魚有微微芥末香亦好有口感而三文魚籽食落一啲都唔腥食落亦好鮮甜親子卷及花之戀兩款都賣相一流親子卷面頭既三文魚籽同樣地食落一啲都唔腥而且食落鮮甜而花之戀面頭既蟹籽亦增添口感配合夾心沙律醬亦係好夾另外三文魚脂肪比例均勻入口散發魚油香雙重享受！蒲燒鰻魚串鰻魚好肥美！而且燒得好香又唔會太燶食落啖啖肉同魚油香必食！豚肉露荀串豚肉脂肪比

經過見到呢間餐廳有好多款壽司、刺身，一於試下！餐廳坐位舒適寬敞，傾計唔錯。店員服務態度好👍🏻刺身: 油甘魚、章紅魚、劍魚腩油甘魚、章紅魚都係厚切，入口即溶，劍魚腩肉質結實，味道鮮甜。刺身水準高，亦好大塊！啖啖肉！壽司: 燒黑松露鵝肝壽司、火炙魚背邊壽司、吞拿魚背壽司、三文魚腩壽司鵝肝壽司不得了，燒得超甘香，亦好香黑松露味！三文魚腩好肥美，吞拿魚背都入口溶，壽司飯亦都高質👍🏻<海膽和風軍艦>三文魚籽多到好澎湃！海膽大大舊夠鮮甜，仲有肥美吞拿魚腩蓉，我表示滿足喇。<明太子玉子燒>推介！玉子燒好嫩滑，甜甜地，食得出係用高質雞蛋做，明太子份量多，好鮮甜，喺香港好少食到咁用心整嘅玉子燒👍🏻驚喜！<明太子釀雞翼>燒得好香，明太子多到滿瀉

放工約左朋友食飯，朋友話想食日本野，就去左呢間個名幾得意，評價又唔錯嘅日本餐廳食。餐廳環境都算乾淨舒適，我地就坐係吧枱。每次食日本野都會點刺身，而刺身就係最睇得出餐廳用料嘅地方，新唔新鮮一食就知。呢度個刺身拼盤就非常值得推薦，入面分別有三文魚、池魚、北寄貝、帶子、油甘魚同牡丹蝦，全部都非常新鮮甜美。牛肉壽喜燒亦值得一試，壽喜燒湯底清甜，入面亦十分足料。牛肉、豆腐、金針菇等等配料都齊，食完都幾飽。牛肉食落非常腍同嫩滑。壽司亦都幾唔錯，帶子壽司大件又鮮美。三文魚壽司亦非常之鮮甜。燒三文魚壽司亦相當出色，半熟嘅三文魚帶點油香，再加埋洋蔥絲，食落風味十足。呢個卷物亦令人十分驚喜，海膽、拖羅溶同埋三文魚子，三樣加埋簡直係鮮味爆登。整體而言moshimoshi係一間非常值得推薦嘅日本餐廳。

本來約左個朋友去韓國街食嘢嘅，但係好多都們晒左拎咗醜，諗住行返去廟有冇排解日本野喎，我嘅新嘅踢咗去試一試啦。裝修都幾靚架好似閣樓咁樣要行上去嘅，雖然地方唔太大都有10張枱左右，侍應安排左我哋坐吧枱，前邊有一大堆清酒樽，正啊！由於之前食咗嘢打左底嘅關係，我哋唔敢叫太多澱粉質，黎日本餐廳，梗係要嗌啲刺身啦，有什錦刺身拼盤，幾件壽司(三文魚腩，珍寶馬刀貝，雪長腳蟹，珍寶赤海蝦)，仲有天婦羅，同埋幾串燒物(煙肉荔枝，牛粒同牛舌)。什錦刺身拼盤上到黎我地兩個都嘩左一聲，每件都好肥美，同埋切得好厚，每一件都有大概一節手指嘅厚度㗎！一共有六款唔同嘅sashimi，應該係時令嘅！肉質都好正，雖然開頭等得有d耐，但係見到個賣相，都係值得嘅！每一件壽司都有一隻碟盛住嘅，賣相都真係好靚架，仲要順帶一提，員工見到你食到咁上下嘅時候，都會好細心咁幫你換過隻碟。食下食下，天婦羅都嚟咗啦，即叫即炸基本啦，唔會太過油，炸漿亦啱啱好。燒物必叫煙肉包荔枝，唔知點解佢嘅味真係好夾，好balance到煙肉唔會太咸。牛舌亦好，但係調味料就落重手左，搶左d鮮味。

Happy Friday 先嚟落大雨，不過都無損想要食日本菜的心情🇯🇵 Moshi Moshi 位於尖沙咀金巴利道，店子小小不過環境很有格調。先點左一客雜錦刺身拼盤，很豐富呢有劍魚，甜蝦，三文魚，帆立貝，油甘魚同八爪魚刺身厚切嘅刺身們很新鮮，色澤漂亮，呢片油甘魚刺身口感油香嫩滑享用完刺身就到壽司吶～分別係火炙蟹膏帆立貝，火炙墨魚，珍寶甜蝦和劍魚腩壽司。火炙壽司兩款都很好吃，火灸蟹膏帆立貝壽司的蟹膏相當濃郁，而帆立貝亦非常甜美。火炙墨魚壽司上的𠝹紋很漂亮，口感軟糯中帶點爽脆呢一道係蟹膏蟹肉玉子燒，睇食評見到大家都推薦玉子燒，所以都點左一客層次分明，煎得好鬆軟～蟹膏蟹肉濃郁甘美，同玉子好夾亦點左幾款串燒，先嚟雞皮露荀串，雞皮燒得乾脆，完全不會覺得膩，食落好香口再嚟一碟燒麵醬茄子串茄子非常 Juicy 入味最後就是脆焦糖日本甜蕃薯串甜蕃薯很粉很軟糯，加左脆焦糖幾特別

今日去尖沙咀行街，行完美麗華就見到呢間日本野。門面幾吸引，幾特別！坐底諗左陣食咩好，跟住職員就拎住個牌介紹今日有咩特別推介。職員話日本岩蠔係咁即日番，夠新鮮，價錢都幾抵，叫左一份黎試，百三蚊左右有三隻。值得一提，職員有考慮上菜次序！唔會又凍又熱咁食！係有心思，頓時印象分加左！日本岩蠔相相當之吸引好鮮甜同肥美！海水味唔重以甜度較高，易入口！size 以日本蠔黎講算大特別在個蠔配左啲醒胃既汁，我爭啲想叫多三隻啲蠔質素高！食完蠔就到什錦刺身！每款大概三件，而影像最深刻係甜蝦同油甘魚！好肥美同鮮甜，重點係食得出鮮！但八瓜魚有啲un 要咬耐啲。。。一開始職員話海膽好新鮮，就叫左兩件壽司試下。無怪味，好鮮味同色澤幾靚。真係一分錢 一分貨！最後仲有清酒煮蜆同天婦羅蟹腳。都一樣幾出色！蜆好大隻下同都有十幾隻！都唔錯！雖然叫左啲新鮮到港既食物，但呢個質素都算對得起尖沙咀地段既價錢！

收工去左附近做facial，做完見難得出到尖咀，就決定食返餐好既行左一陣，決定食呢間moshi moshi，雖然鋪頭位置唔顯眼，不過直覺話我知呢d小店通常都有驚喜雖然係地鋪，不過一入到去都要行幾級樓梯先上到去鋪頭入面座位唔多，唔驚會太多人搞到好嘈話咁快就落左單，首先黎既係刺身盛，每款三件，其中我最鍾意既一定係夾住果舊油甘魚刺身，鮮甜得黎食落口重有d彈牙之後黎既係呢個壽喜燒安格斯牛肉鍋，牛肉非常嫩口，配合埋甘甜既湯底，真係食到停唔到食完d肉之後重有幾款蔬菜食黎落一落格之後叫左幾件壽司，分别係鰻魚，三文魚腩同親子卷。每件壽司都睇到食材既質素係幾咁上乘再之後就係燒牛舌同燒蘆筍，燒宸d牛舌一方面唔會變到太乾，另一方面又唔會厚得濟，冇左鹽燒牛肉應有既噤道最尾叫多左份三文魚鰭就收檔lu

路過尖沙咀，要搵嘢食，👀完開飯網覺得呢間幾好，就試下～門口有餐牌，𥄫𥄫先，d嘢都幾啱食，而且唔貴，$60、70就有個lunch set，good😬呢度小店格局，位置唔多，似居酒屋style ；幾鍾意呢排木製menu，睇落好似典型🇯🇵食店風格，like👍🏻海鮮茶碗蒸蛋超推！呢碗蒸蛋必食！太美味啦⋯⋯隔住張相feel唔feel到它滑溜如軟豆腐，一啖瀡入口，而且加入足料海鮮，好正！燒鰻魚鰻魚我至愛，鍾意呢度嘅鰻魚汁夠濃，好味；特地影張飯相，呢度魚生同飯幾乎2:1，舊飯細細，魚生大大，啱哂女生口味！火焰三文魚一向都係三文魚fans，好食。火焰油甘魚食完滿口充滿油分，啖啖肉😬帶子鮮❗️甜‼️大件‼️抵食❗️食完呢個壽司set，覺得呢度嘅用料好新鮮，一食就知道係貴價貨；加上件件都厚切，一件等於人地兩件，抵食丫😍😍

好想食日本菜，所以同朋友決定試呢間。店鋪細小，不過服務不錯。茶飲左大半好快過黎斟，而且有禮。食物方面，好新鮮。天氣咁熱，先叫兩杯冰凍啤酒再黎個壽司拼盤，最鍾意八爪魚、劍魚腩、油甘魚腩壽司，好好味其他款式都好不錯。滿足！明太子雞翼清酒煮蜆，香濃酒味，蜆好大隻又冇沙呢個卷我地都覺得好正，但食左會半飽最尾仲有個燒三文魚頭，$88好大個總結，好味，服務ok唯獨鋪頭細要預早訂位同冷氣唔多夠之後都會再返黎幫襯

今日去左尖沙咀食飯，本身想同媽咪食個飯，點知佢上堂上得夜左，我唯有自己係附近食啲野！經過Moshi Moshi，見到一間主打日本菜的餐廳，一個人入去叫小小野試下！叫左幾件壽司，分別係蟹棒蟹膏壽司、金目鯛壽司、三文魚腩魚子壽司、蔥吞拿魚腩壽司。壽司飯有咬口，味道微酸，我好鐘意！蟹棒加蟹膏，味道夠濃郁，再燒香非常滋味！金目鯛魚味突出，最欣賞三文魚腩夠肥美，入口油香重又不會肥膩！蔥吞拿魚蓉入口魚味香濃油香非常重，加上香蔥極是香口，一口一件大大滿足！愈食愈滋味，另外加點一個刺身拼盤，魷魚青瓜卷、三文魚、牡丹蝦、油甘魚、北寄貝，刺身新鮮夠厚身，入口唔會太重雪藏味，蝦肉最爽口爽甜，最鐘意油甘魚魚香極是重！

今日去左尖沙咀食飯，本身想同媽咪食個飯，點知佢上堂上得夜左，我唯有自己係附近食啲野！經過Moshi Moshi，見到一間主打日本菜的餐廳，一個人入去叫小小野試下！叫左幾件壽司，分別係蟹棒蟹膏壽司、金目鯛壽司、三文魚腩魚子壽司、蔥吞拿魚腩壽司。壽司飯有咬口，味道微酸，我好鐘意！蟹棒加蟹膏，味道夠濃郁，再燒香非常滋味！金目鯛魚味突出，最欣賞三文魚腩夠肥美，入口油香重又不會肥膩！蔥吞拿魚蓉入口魚味香濃油香非常重，加上香蔥極是香口，一口一件大大滿足！愈食愈滋味，另外加點一個刺身拼盤，魷魚青瓜卷、三文魚、牡丹蝦、油甘魚、北寄貝，刺身新鮮夠厚身，入口唔會太重雪藏味，蝦肉最爽口爽甜，最鐘意油甘魚魚香極是重！

新餐廳，裝修又靚又齊整，師傅上邊個牌匾寫滿晒今日最新鮮食品，可以睇住黑板叫，或者叫職員比建議白花魚刺身 （築地貨😼）白花魚生魚片師傅做咗兩個切法。第一種係半透明、切得纖薄。第二種係切得比較豐厚，然後擺設城玫瑰花形狀。刺身放上刺身船上，非常醒目！魚肉沒有腥味，沾點一下豉油芥茉。白花魚口感非常細嫩，無論是薄切還是厚切，都可以比到纖細好感，吃幾塊會令你上癮🤪珍寶馬刀貝壽司馬刀貝，又名大蟶子，大塊肥美👀。可以點一些豉油，帶出極鮮甜的肉味。馬刀貝有超級爽口質感，而且纖維分明，非常有嚼口。伊左木壽司外表有淡淡的粉紅色，魚味比軟淡但入口滑身,味道爽又甜,加入少少蔥花刺激味道。紋甲壽司表面爽口,放入口中需咀嚼一陣,但越食越有魷魚鮮香, 𠝹紋𠝹得好好,幫助到你更容易咀嚼😁油甘魚壽司油甘魚是愛吃刺身的人必然之選，獨特的甘香、油花油脂豐富。而且留意一下相片幾咁肥美🤩鱈場蟹腳天婦羅🦀炸粉用量岩岩好,唔多唔少,夠脆又唔會吃落去覺得好粉,而且一咬就感受到每件食材都好新鮮優質,特別係蝦,好美味雞腎感覺沒有經特別的調味,但非常爽口有咬感鹽燒牛舌心未食已經聞到好香既牛味,口感厚實嫩滑,爽口但唔韌,一咬就咬得開豚肉蘆筍燒

個人愛吃日本菜, 原因其實很簡單, 就是欣賞日本菜那種一絲不苟, 精益求精的精神, 而最近朋友介紹了一間在尖沙咀的日本料理給我, 對於喜歡吃日本菜的我，也立即抽空來看看。飲品方面, 先來Orion啤酒, 入口冰凍順喉。店子有供應各類形刺身和壽司, 先來試試刺身的水準吧, 這晚上來的什錦刺身拼盤, 擺放得很精緻, 內容包括有三文魚、油甘魚、甜蝦、帶子、八爪魚等, 三文魚脂肪豐富鮮美; 油甘魚的口感厚實，魚脂味濃郁; 其他刺身的新鮮度都是滿意的。到了壽司時間, 有三文魚腩壽司，一大片肥厚的三文魚腩放在飯糰上，有濃郁的魚鮮味，上面就是小量的三文魚籽, 粒粒呈鮮螢的橙色，吃入口, 一粒粒魚籽併發出來的魚汁無比鮮味，是非常新鮮的貨色, 配合赤醋飯一同吃實在滿足。之後送來的黑松露帆立貝壽司, 赤醋飯上的就是厚厚的帆立貝, 不過師傅加上了一點點的黑松露，黑松露的香味令帆立貝的鮮甜來得更有層次感, 配合赤醋飯的一點點酸味, 也是好吃。再來串燒環節, 鹽燒雞軟骨燒得乾身夠香，而灑鹽的功夫到家，吃起來也夠味的; 燒鮮雞腎燒得香脆爽口，很不錯。最後是蟹膏蟹肉甲羅燒, 蟹蓋上放有蟹肉，加上蟹膏和鵪鶉蛋等，燒烤

尖沙咀金巴利道, 過往有很多婚紗舖開業, 熟悉尖沙咀的朋友, 很多人講到婚紗街都無人不知。隨着時代變遷, 這條街已被很多食肆佔據。 行到35號金巴利中心地下B舖被一個很熟悉的文字 “MOSHI MOSHI”吸引住 , 這就是我接電話時喜用的口頭術語。 “MOSHI MOSHI” 是一間丼和食料理。 叫了個汁燒鰻魚蛋包飯套餐, 送蒸蛋及小食, 更驚喜是午市壽司78折計算且免加一收費, 咁抵!!!! 真的要試多幾款, 三文魚壽司、甜蝦壽司、油甘魚壽司、吞拿魚壽司、帆立貝壽司、北奇貝壽司、韓國海膽(軍艦)怎能錯過。 汁燒鰻魚蛋包飯, 分量相當豐富, 鰻魚分量也很足夠, 蛋包着飯吃的感覺很滑口, 配上美味的汁燒鰻難以形容的好食。 甜蝦壽司不但有2隻鮮甜, 味道也很鮮甜、油甘魚肥美甘香、吞拿魚需被紫菜飯卷包著, 仍能吃出吞拿魚淡淡的鮮味、帆立貝肉質彈性、食韓國海膽再吃上蒸蛋後心滿意足地離開。

今日去左尖沙咀食飯，本身想同媽咪食個飯，點知佢上堂上得夜左，我唯有自己係附近食啲野！經過Moshi Moshi，見到一間主打日本菜的餐廳，一個人入去叫小小野試下！叫左幾件壽司，分別係蟹棒蟹膏壽司、金目鯛壽司、三文魚腩魚子壽司、蔥吞拿魚腩壽司。壽司飯有咬口，味道微酸，我好鐘意！蟹棒加蟹膏，味道夠濃郁，再燒香非常滋味！金目鯛魚味突出，最欣賞三文魚腩夠肥美，入口油香重又不會肥膩！蔥吞拿魚蓉入口魚味香濃油香非常重，加上香蔥極是香口，一口一件大大滿足！愈食愈滋味，另外加點一個刺身拼盤，魷魚青瓜卷、三文魚、牡丹蝦、油甘魚、北寄貝，刺身新鮮夠厚身，入口唔會太重雪藏味，蝦肉最爽口爽甜，最鐘意油甘魚魚香極是重！