睿和牛燒肉 (已結業)

價錢超貴，味道一般。最驚人的是，食到一半一位服務員阿姨嘅一家人入曬來佔領餐廳，小朋友望住你食嘢；阿姨似乎認為我的投訴不可理喻，試圖和我理論⋯我只係覺得，比左服務費以及哩個價錢，可唔可以俾返相應質素嘅嘢我？我見Openrice一致好評，係唔係因為大多數差體驗嘅人都無力mark夠200字？夠我湊夠兩百字送它一個不得不比的差評。反正嘛，四百還要Eatigo訂座半價後嘅價錢，份量少到塞牙縫咁，我認為，不了

饞嘴萬萬歲ChamZeoiLongLongLife🙌🏻睿居酒屋萬歲🙌🏻..👻「睿」係大坑有三間小店：「睿和牛燒肉」丶「睿居酒居」、「睿日本料理」。頭兩間嘅食物係一樣的，侍應要穿梭於兩個鋪位拎食物飲品，最後一間就主要食套餐同廚師發板。..👻食物種類有：燒肉、串燒、鍋物、刺身壽司、沙律、小食。價錢中上丶小貴但質素佳！..👻今次係「睿和牛燒肉」用餐，空間位置較狹小，只有四張枱。三個舖位中，大力最鍾意「睿居酒屋」，因為最感受到傳統和式氛圍！..👻胡麻醬燒黑豚肉沙律 $168賣相👅👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅👅沙律菜好新鮮，醬汁清新怡人！燒豚肉香脆可口！...👻鹿兒島豚肉雜菌紙鍋 $228賣相👅👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅👅鰹魚湯底清新鮮甜，充分帶起其他食材本身嘅味道。雜菌雜菜大大嚿，好乾淨新鮮！豚肉爽滑軟綿，充滿肉香！...👻燒多春魚$58、白鱔$68賣相👅👅👅👅👅味道👅👅👅👅👅口感👅👅👅👅👅份量👅👅👅👅性價比👅👅👅👅👅外皮充滿香烤味，裏面嘅魚春脆卜卜。白鱔汁多鮮味!...👅味淋河豚魚乾 $78賣相👅👅👅👅味道👅👅👅👅👅

我食過唔少好野，貴平都食過。呢間完全唔得，圖有既野，上枱未必有。400蚊得四片細到差啲睇唔到既牛肉。如果黎食，自行承擔失望又貴既風險。 仲之有得揀，死都唔揀呢間。

日本料理分好多種料，燒肉，居酒屋，壽司刺身或Sabu Sabu等，有時想一次過食幾款就有啲難度，因為每間日本料理嘅專長都一樣，食材又唔同，如果要提供晒咁多種類嘅話，就會變咗日式放題，一般質素都唔會好高。最近去咗大坑嘅一間日本料理，佢嗰度係集團式分三間舖位，提供居酒屋、燒肉同埋日本料理，由唔同嘅廚師打理食物質素相當高，你可以喺任何一間店都食到其餘兩間餐牌上嘅食物，對乘客來講相當方便同埋貼心。呢間叫睿居酒屋，位於大坑今日我哋兩個人去食咗一啲日式嘅前菜，加埋壽司，仲有燒肉，價錢唔算貴，但質素相當好先講凍豆腐，用上日本豆腐有濃郁嘅豆乳味，上面加上醬油同埋木魚，簡單又食。蟹籽沙律份量幾多，有好多蟹柳同埋蟹籽喺上面，最特別嘅入面加咗cream cheese，令味道口感都有一種新鮮感，喺第二度未食過，幾特別壽司方面有油甘魚中陀螺燒黃牛同埋魚子最正嘅就梗係仲拖羅夠肥美，魚油又香，好少食到有咁好嘅質素。和牛薄片，配細細舊嘅壽司飯，燒得好香，又唔會太乾，又唔太油膩，一口剛剛好，三文魚子爆趣，咬開射汁鹹鹹地，過癮到主菜燒肉有和牛三角牛排肉，黑豚腩肉同埋海鮮拼盤。和牛牛排肉就唔使講，輕輕一燒已經油香四溢，肉又

靜望星空，遠觀天際，或者係煩囂既都市生活中，唯一可以尋找到一刻既寧靜。咁係咪姐係要去下郊外、離島？咁又唔洗，近近地由銅鑼灣行去大坑，都足以令你有一晚舒舒服服既感覺。可能你會覺得洗唔洗去到咁偏僻呀，但你咁諗實在太天真。事關其實地理位置上，呢個地方絕對係好就腳，所以今晚黎到呢間「睿和牛燒肉」黎食返一餐和式盛宴，而呢間餐廳係同隔離「睿居酒屋」互通，一條龍試勻哂燒肉、刺身、壽司、串燒，絕對夠哂方便呀！👇📌枝豆 - $20👉簡單既一枝豆做前菜，但內裡既心意非常到位。平人食開都係以鹽煮，但呢到既老闆堅持用鰹魚醬油令每條枝豆都相當入味，呢樣係欣賞既！📌火炙安格斯牛肉沙律 - $188👉呢款沙律特別之處係利用清新既沙律菜做底，再擺放以火槍輕灼牛肉表面，大概去到五成熟左右，配上微微帶酸既醬汁，一齊撈勻。成個口感變得非常夾，牛肉入口嫩滑，仲保留到肉汁，質感岩岩好，相當好食！📌薄切伊佐木刺身 - $188👉我地揀左平時好少會嗌既伊佐木刺身，黎到既時侯見到賣相就知道師傅既刀功唔錯。每一塊刺身薄切細膩如一，色澤均勻、晶瑩透亮。而入口亦有驚喜，唔會話魚味偏淡，反而鮮甜有咬口，帶陣陣油脂香味。配上柑橘醋汁，完全唔需

平時極少到大坑食飯，多年前食過大排檔、咖啡店，有唔少都已經換上新面貌，近日因應朋友約，黎過食日本野，覺得味道都唔錯，離開時方喺大坑仲有兩間同品牌日本料理，於是再相約朋友食好西。週日晚上，天氣稍稍轉涼，正係食燒肉嘅好時機睿和牛燒肉同居酒屋係相連鋪位，日本料理例如刺身、壽司嘅部份，餐牌互通，呢邊當然可以食埋燒肉。全店枱櫈唔多，記得訂枱一般日本料理嘅格局，以深木色為主調，配上木簾、日式掛畫，加上鋪面小小，感覺都幾cosy。每枱都設有抽風系統，不得不讚，一來烤爐少煙，二來抽風出色，燒肉過程煙少，離開時亦冇一身煙味，之後坐車都唔會尷尬。睿和牛燒肉主打日本和牛燒肉，A5飛驒牛見到相都流哂口水。餐牌供應刺身、壽司、燒物、串燒、天婦羅、紙鍋料理等，價格中上。燒肉嘅部份品項唔多，主打特上和牛盛盒、飛驒牛及海鮮拼盤，以和牛盛盒為例，2人前定價$988。前菜 枝豆冷絹豆腐配芝麻醬 $58距離午飯時間唔係好耐，先點少少開胃前菜，揀左芝麻醬豆腐。豆腐滑溜就唔洗講，配麻醬好難唔好食，加埋木魚碎特別香。 蟹籽忌廉芝士沙律 $108蟹籽沙律新鮮，蟹籽份量大方，配上忌廉芝士，有新鮮感。油甘魚壽司 油甘魚厚實滑嫩，味道甘

今晚同朋友遊車河, 剛巧遊到大坑一帶, 雖然唔係旺區, 但有唔少食肆小店, 就泊好車嘗試發掘隱世美食。轉角位一間佈置什有日本居酒屋既餐廳---睿和牛燒肉店內裝修簡樸, 店員更指出隔離店既睿和居酒屋係同一餐廳, 所以除左烤肉, 更同時可以點串燒、炸物、熱食等等...細看Menu, 果然選擇不少啊! 【味淋河豚魚干】HK$78河豚魚干甜甜地, 入口林而不痴牙, 點沙律醬食, 送酒一流!串燒亦款款驚喜又出色!【芝士免治雞肉棒】HK$48免治雞肉棒上既芝士內層為半溶狀, 帶乳酪奶香, 跟免治雞肉棒溶為一體, 雞肉棒內裡有些少軟骨碎增加口感, 點上雞蛋汁食, 正!! 極為推介!【牛肋骨】HK$88帶些少咬口, 肉味濃而keep到少少肉汁, 表面有甜甜地既燒汁, 惹味~【照燒羊架】HK$156@2隻羊架都幾大件, 一刀切時, 有少少血水滲出, 肉質頗嫩又juicy壽司質素更令人喜出望外!【吞拿魚三貫】HK$198分別為拖羅, 中拖羅同赤身三款都很有份量, 竟為厚切, 飽滿口感同時更食出豐富魚油, 赤身甘香, 而最令人讚不絕口就係肥美拖羅! 入口油香四溢, 勁正!!!【火灸三貫】HK$188同樣為厚

早前同朋友去大坑食日本料理，原本揀咗一間居酒屋，去到嘅時候發現隔離店舖係同一個品牌，不過係食燒肉，就係咁就被吸引左過去。店內環境都係日式居酒屋嘅格局，雖然唔算大，但坐得都幾舒服。一嚟到就忍唔住翻揭燒肉嘅餐牌。首先點選左和牛肩胛肉同黑豚腩肉。左邊嘅和牛肩胛肉花紋明顯，望落咁靚嘅油脂分佈令人垂涎。厚度適中，放上烤爐上，燒大概5分鐘左右便可！皆因油脂豐富，和牛幾乎入口即化，牛味頗濃，亦可以沾點鹽，更能帶出肉香。黑豚腩肉同樣吸引，有均勻的脂肪，令肉塊吃起來順口，絕不「嚡口」。之後亦揀咗一份特選海鮮拼盤。有生猛嘅活鮑魚、大大隻嘅帆立貝、份量十足嘅白蜆、同重秤嘅海蝦！個人最喜歡係帆立貝，非常鮮甜。而海蝦都相當不俗，啖啖肉，肉質爽口。食完燒肉燒海鮮後，我哋亦追加咗沙律同壽司。呢份胡麻醬黑豚沙律份量都幾大，沙律菜之上鋪滿一片片嘅黑豚肉薄切，食落惹味。壽司方面，朋友點左軍艦三貫，有海膽、蟹肉同埋吞拿魚腩三款。我就揀咗吞拿魚三貫。有三款唔同嘅吞拿魚，分別係赤身、中吞、大腩，油脂比例亦順序增加。平時最喜歡係大吞拿魚腩，嗰種入口即溶嘅感覺係極少量嘅刺身可以做到。不過已經食咗燒肉嘅關係，今日覺得中吞同赤身更能食

今日興致勃勃咁黎到大坑食和牛！😍 餐廳位置唔算難搵，係銅鑼灣行過去都係15分鐘內～ 餐廳門面佈置左好多聖誕掛飾，好有氣氛🥳 仲放左大大張和牛banner，真係睇到都流哂口水，好想快啲入去食啊！入到去餐廳，唔算好大，但係五臟俱全，有幾張四人枱，枱面空間好大，可以擺放燒鑪。我地簡左個「特盛和牛盛合二人餐」$988，好期待😝醬汁方面，就有三款，分別係燒肉汁 、麵豉醬 、胡椒鹽，燒肉汁就梗係玩歲番和牛食啦，面試將我就覺得適合配蔬菜食，鹽就係用黎吊下和牛味。小菜方面，有日本既枝豆。店舖用咗醬油代替鹽，有別於日本傳統嘅食法，不過我諗咁樣仲更加適合香港人，帶出枝豆既甜味。和牛黎啦～ 賣相已經好靚好吸引！碟上擺滿左唔同部位既和牛，件件都好粉嫩，脂肪分布好平均😍首先介紹，「特選和牛厚切西冷Thick sliced wagyu sirloin」係咁多款之中，油脂分佈最多亦係最平均，輕輕放左去燒大約三十秒，和牛中間呈現粉嫩色，五成熟左右，先聞下，已經好香牛味，咬落去食到好重油香，然後入口即融，可見和牛既質素非常高，真係好好食！🥰「特選和牛肉眼wagyu rib eye」就係最厚身，咬落去比較有口感，油脂慢慢

大坑近年由於開了多間食店, 食物種類亦很多, 漸漸成為了港島區其中一個搵食熱點。今天我們來到這一間名叫睿和牛燒肉的日式料理點於區內非常有名, 而且已有3間分店。👍我和老婆今天7點左右到餐廳, 客人未多, 不過有幾張枱已經被預訂留座。餐廳裝修非常富有日式居酒屋風格, 感覺既簡約亦很舒適。😙我們點了一款前菜, 一客時令空運刺身, 兩款壽司和兩款串燒。兩個人Share應該夠食。😁冷絹豆腐配芝麻醬 $58豆腐綿滑, 配上芝麻醬味道清新醒胃。👍伊佐木刺身薄切 $168空運直送的伊佐木鮮甜可口, 加上師傅特製醬汁, 非常惹味。😋吞拿魚腩壽司 $110大拖羅油脂豐腴, 入口魚油香充滿整個口腔, 每人一件不太足夠。😚燒大左口魚邊壽司 $35左口魚邊非常嫩滑, 表層微微烤香, 非常美味。😍白鱔串燒 $68白鱔非常厚身, 外層燒得好香脆, 皮脆肉嫩, 啖啖都很滋味。😋露筍豚肉卷 $38露筍很鮮嫩, 配上烤豚肉片, 味道很配。👍埋單每人300多, 價錢合理。

大坑向來好多美食，今日好想食日本野，經過二話不說就入去左。餐廳主打食燒肉，不過餐牌其實都有好多選擇。小吃方面有枝豆 $20，佢係用用醬油代替鹽，第一次試，幾有新鮮感，有D甜味，但又唔會太咸。凍日本蕃茄配柚子汁 $68新鮮蕃茄好大粒又清甜，配左柚子汁酸甜，好開胃。牛既醬料包括有海鹽混黑胡淑, 麵豉醬, 及燒肉醬汁, 店員話全部都係師父親自調教的份量。主角黎喇，好有驚喜，成個盤都係牛，仲要件件肉好厚，而且顏色粉嫩好吸引！成盤有5個部位，A5牛三角，西冷，牛舌，牛肋骨，牛頂蓋。而最愛的厚切牛舌有六大件， 侍應哥哥又好好人，間中都會落手燒下，佢亦都控制得不錯，燒到出面脆脆地，每件牛都好軟又好JUICY，油脂豐富，口感好嫩。牛既油脂烤過之後轉放入口好香。成個拼盤仲有蔬菜燒下，可以食下肉又有食下菜，感覺冇咁飽滯，同無咁濟，感覺上健康些小。

大坑出名多野食同食物質素都不錯.放工行左入去食左間日本野.店鋪有係大坑分別有三間吾同既性質既日本餐廳.有居酒居,有燒牛同日本料理.友人係食肉獸.毫無猶疑就簡左和牛燒肉.前菜叫左枝豆.佢用日本鼓油浸住.枝豆既皮索哂d 味,不錯！之後叫左凍日本蕃茄配柚子汁,蕃茄仔好大粒.加上柚子汁好清新.開胃菜！雖然佢係燒牛店但都可以叫壽司.由於咩壽司都想試下就叫左個壽司雜錦拼盤.一碟有8件.值得一提係個海膽.十分新鮮.好甜.完全無我好怕既"壓"味.吞拿魚壽司都好鮮甜.幾有驚喜.重頭戲就係特選和牛盛盒.有好多種不同部位既和牛.有牛舌有牛肩脊.份量十分豐富啊.仲有三隻醬比你點.芝麻醬油.柚子豆版醬同鹽.d 牛既脂肪極多.一入口都係十分juicy.好邪惡但好正.佢仲有d 蔬菜可以燒下.清清口入面既d 油脂.性格比都高

今日同朋友去大坑搵野食見到有一間餐廳有三間鋪頭但係食嘅嘢都唔同咁我哋就揀咗一間食和牛嘅除咗和牛之外我哋仲可以叫其他鋪頭嘅嘢食我哋就叫咗個蟹子忌廉芝士沙律第一次食呢個配搭 估唔到忌廉芝士都幾夾之後仲叫咗大拖羅同埋油甘魚刺身勁大件 口感一流 大拖羅入口即溶係燒肉方面我哋叫咗一豬一牛我哋就叫咗和牛三角牛排肉啲油脂分布超靚 燒完之後更加香再配埋個飯就啱啱好豬我哋就叫咗黑豚腩肉 好q彈而且配埋佢哋嘅辣味噌真係好好送飯而且我哋仲叫咗個特選海鮮拼盤有鮑魚帶子同埋蝦老闆仲同左我哋傾計 同我地講牛油一溶就啱啱好食得 跟住老闆嘅建議果然生熟程度啱啱好 而且海鮮都好新鮮我哋仲叫咗牛油果串燒出面真係好少見而且叫咗番薯同埋南瓜串燒作為一個小小嘅甜品真係唔錯

今日喺銅鑼灣行完街見肚餓，就去咗好多餐廳好多好嘢食嘅地方，我諗好多住喺香港區嘅朋友應該會去過呢個地方，呢個地方就係天后嘅大坑，我今次嚟到呢間餐廳餐廳名就叫做（睿），餐廳好特別，呢間餐廳嘅老闆將呢個日本餐廳分做三間，一間係食燒肉嘅，一間係居酒屋另外一間就係食日本料理嘅，最後今晚我哋就揀咗食燒肉不得不提嗰度嘅店員非常之好，好照顧我哋客人之餘仲有好詳細咁講解我哋今晚嘅菜式，店員會問我地想自己燒定係佢幫你燒，呢個服務應該唔係每一間燒肉店都可以做到，事不宜遲講一講今晚嘅菜式先前菜有一個枝豆，呢個枝嘅食法同埋味道同我哋平時食開日本餐廳嘅非常之唔同，佢會將頭同美展開然後配合自家製嘅醬汁令到醬汁配黑豆一齊食非常之開胃蟹子忌廉芝士沙律，青瓜絲非常之爽甜，配合埋大量嘅蟹子，呢個醬汁係師傅自家製嘅再加埋芝士非常之一個新穎嘅食法中吞拿魚腩，油金魚刺身，兩種魚有份非常之充足咬落亦都非常之新鮮彈牙，係一間食燒肉嘅鋪頭裏面可以食到新鮮嘅刺身真係好少南瓜串燒番薯串燒，食落外脆內軟，兩種肉亦都非常之甜和牛，燒嘅時候只需要將兩邊大概燒2分鐘左右，食落嘅時候有一種入口即溶嘅感覺黑豚腩肉，肥瘦均勻識落唔會有一種好油膩嘅感覺燒

原來呢間餐廳名下分別有日式料理、居酒屋同和牛燒肉3間分店, 入其中一間都可以點其他店嘅美食, 選擇夠晒多元化, 今日我地就主要食燒物。先來個胡麻照燒黑豚肉沙律 ($168) 黑豚肉燒得焦香惹味, 拌上新鮮爽脆嘅沙律菜, 一拍即合。照燒羊架 ($156), 肉厚肥美, 切開仲有肉汁流出, 很有質素。珍寶多春魚 ($58)燒得夠乾身, 酥脆到連骨都可以食埋。味啉河豚魚乾 ($78) 魚乾很有咬口, 仲非常入味, 越食越滋味。雞軟骨就食得多, 雞胸軟骨 ($28) 都係第一次食, 軟骨咬到卜卜聲, 過足口癮。大左口魚壽司($70) 左口魚火灼後, 油份澎湃湧出, 壽司飯盡吸精華, 一入口油香馬上佔據整個口腔！呢件左口魚壽司, 絕對係今餐嘅亮點！