睿海御宴 (已結業)

作為大坑既忠實粉絲，一直想來試下呢間高分私房菜，終於係weekend帶一家人黎諗住食餐好既，點知⋯好失望！！ 訂左五人，無安排到圓台，惟有長台，傾計同夾餸都唔方便，都算了。點餸俾唔到建議，好盲目。帶酒收$200 corkage，但係d酒杯好似腳皮咁厚，無手感兼影響隻酒既發揮。食物方面，調味十分麻麻，只能算整熟佐。portion有偷工減料嫌疑，貨不對板。以至於今日翻睇竟然一張相都無⋯ 食到咁其實就已經無乜心情了，於是食完就即刻離開。 到呢刻都唔明點解咁好review⋯總之唔會再黎了。

同朋友相約飲茶 就搵到大坑呢間環境咁舒適又寧靜嘅私房菜小菜館 見環境唔錯高私隱度岩晒同朋友聚舊就入去試下～我地叫左個午時套餐 可以有三款小菜 仲有兩款點心同白飯送！椒鹽九肚魚塊塊都炸得好靚 啖啖魚肉 椒鹽味剛好唔會太重手 好香口 份量仲好多 兩個人食好多呀～蜜桃咕嚕黑豚肉推介必食小菜 豚肉好嫩又有口感 甜酸醬汁調得好好 酸甜度好完美 開胃又醒神呀～麻辣肉鬆四季豆炒得好出色 輕微麻辣味別具一番風吹！四季豆條條都有光澤入味 唔會炒到乾晒同燶 仲唔會覺得有油膩感 送白飯好出色～點心：燒賣 蝦餃有驚喜 估唔到附送嘅兩籠點心都咁高質 呢個套餐性價比好高！好食又飽肚～

大坑係個幾多元化既小區，你諗到既入面都有得比你揀，近排就有朋友推薦呢間中菜-睿海御宴，餐廳主打粵菜私房菜上網見到有個抵食 2人餐都幾唔錯~~餐前小食: 琥珀合桃，用糖水炒過的合桃，外層酥脆甜甜地次次去中餐館我都好鐘意食佢~~陳年花雕雞好大一煲，店員一開蓋，勁香花雕酒味~~雞肉非常嫩滑多汁，肉質緊實而不柴，入口即化。花雕酒的香氣和味道也滲透到每一塊雞肉中，味道恰到好處。蜜桃咕嚕黑豚肉：餐廳用日本嘅黑豚肉，肉質比一般豬肉更香更嫩。外層裹上一層薄薄的粉漿，炸至金黃酥脆，然後拌上甜酸的蜜桃汁，夏天食呢個，清爽感UP! 牛乳滑蛋炒蝦球：個蛋真係炒得好滑，蝦球大大粒爽口彈牙，而且份量仲好多! 豐料燉湯：勁多料! 入面有雞腳、冬菇、紅棗和其他食材煲成的。這款湯有補氣和滋潤的功效，適合任何季節飲用。湯色金黃，味道鮮甜，雞腳軟爛，冬菇飽滿，紅棗香甜，每一口都是滋味~~~

❀ 睿海御宴 #大坑 ❀❗️大坑中式私房菜 $488有三道小菜❗️——————————————————大坑真係一個臥虎藏龍之地，有唔少大大小小好出色嘅餐廳😆今次嚟到一間中式私房菜，門面用上中式牌匾，仲有舞火龍壁畫，幾吸睛😍有唔少經典中菜式選擇，而且價錢合理！.☞ 陳年花雕雞套餐 $488♥ 陳年花雕雞 (半) (4/5)♥ 蜜桃咕嚕黑豚肉 (4/5)♥ XO醬家鄉小炒皇 (3.6/5)$488可以喺私房菜食到半隻雞加兩個小炒算幾平👌🏻陳年花雕雞採用優質土雞，用一個大砂煲呈上，雞肉超嫩滑☺️不過唔知係咪煲得太耐，酒精味反而揮發晒，變咗係好濃郁嘅雞湯🙈另外，必須讚一讚佢嘅咕嚕肉🥰最怕咕嚕肉有骨或者好肥膩，但呢度嘅黑豚肉源自日本，口感爽口又唔會有一大舊肥膏。XO醬小炒王就幾香口。.☞ 魚湯雲耳浸勝瓜 $168 (3.9/5)勝瓜浸滿鮮甜魚湯，清甜美味，仲要夠晒健康😚.☞ 陳醋金針菰海蜇頭 $138 (4/5)平時麻麻哋酒樓嘅海蜇，覺得好硬好似膠。但呢度嘅海蜇頭幾滑，而且係爽口唔會好硬。最正係佢嘅陳醋，酸酸甜甜極之開胃，調味一流😋——————————————————✨整體味道: 3.9/5 ✨環境裝

📍大坑樓上私房菜‼️· $488花雕雞煲加小菜😋 -- 睿海御宴🐲·Follow @pigfoodiexhk for more food!🐷#pigfoodiexhk_大坑#pigfoodiexhk_中式==============================大坑有唔少特色餐廳，前幾日同@majorinfood嚟咗呢間樓上中式餐廳，環境幾舒適，仲有舞火龍壁畫裝飾，盡顯大坑傳統文化👍------------------------------⭐️陳年花雕雞套餐 $488 套餐包咗半隻花雕雞外，仲可以喺餐牌嘅12款小菜選2款💖唔食花雕雞嘅話都可以轉當紅炸子雞😋-陳年花雕雞（半隻）(4.1/5)陳年花雕雞好大煲，有好多雞件，仲有雞髀!雞肉厚身嫩滑～但係就唔係好食得出酒味🙈·-蜜桃咕嚕黑豚肉(4.3/5)酸酸甜甜非常開胃！黑豚肉源自日本，肉質腍身👍🥰而且唔會有太厚嘅肥膏同炸粉，不俗！👍·-XO醬家鄉小炒皇 (3.8/5)呢道菜幾有鑊氣，有韭菜、豬肉絲～·⭐️魚湯雲耳浸勝瓜 $168 (4.3/5）單點勝瓜浸喺魚湯入面，腍甜鮮味，唔會有嗰陣草青苦澀味👍😋·⭐️陳醋金針菰海蜇頭 ＄138 (4/5)

我地揀咗個黃金套餐- 任揀3款小菜 (包自飯同甜品) -風沙香蒜骨, 椒鹽九肚魚，雲耳紅棗蒸雞風沙香蒜骨肉質鮮嫩，有肉汁。有埋炸蒜，味道更濃旭椒鹽九肚魚炸到外酥脆內嫩, 加左少少椒鹽調味，特別惹味。雲耳紅棗蒸雞蒸雞好滑，唔會蒸到過熟，唔鞋口～ -魚湯鮮竹卷魚湯鮮竹卷既餡料夠多配埋魚湯好鮮甜， 好夾！-蟹籽蒸蝦丸蝦肉彈牙鮮甜～ 仲要大大粒蝦丸配埋蟹籽, 口感豐富。- 鮮蝦菜苗餃鮮蝦菜苗餃好足料呀。餃皮薄， 餡料多。-綠豆沙綠豆沙煲到一d溶左一d整粒～ 有咬口! 清甜。

黃金套餐 有3款小菜 (奉送絲苗自飯及甜品各兩客) $268❣椒鹽九肚魚椒鹽九肚魚炸到外皮金黃色， 好香脆～ 入面既九肚肉好鮮嫩! ❣風沙香蒜骨風沙蒜香骨係糖醋醃製好既肉排再炸一炸佢～入面肉質好林, 外面炸到好脆口, 加埋炸蒜仲香口❣雲耳紅棗蒸雞有雲耳， 紅棗，雞加蒜頭～ 呢碟小菜好惹味～ 雞既肉質好滑！ 糖水： 綠豆沙唔太甜， 綠豆沙好清熱！ 正～ 點心： ❣ 鮮蝦菜苗餃 $24皮薄～ 餡料有好多！ 鮮蝦好爽口👍🏻❣蟹籽蒸蝦丸 $38蝦丸好大粒 食落爽口彈牙! ❣魚湯鮮竹卷 $25呢度嘅鮮竹卷係魚湯！ 魚湯好清甜， 好好食

睿海御宴能提供令人耳目一新的風味。您一坐下便享受到琥珀合桃的精緻,將糖與合桃渾然融為一體，香甜可口。陳年花雕雞讓人忘卻舊有的印象,土雞肉質柔嫩多汁,細緻地烹調出獨特的風味。花雕酒的芳香令人回味無窮，可以突出雞肉嘅鮮甜美味。蜜桃咕嚕黑豚肉：黑豚肉裹上脆炸粉,香酥滿口。配合甜蜜香醇的蜜桃汁和果肉,令口感味道層次變得更豐富，食落不太油膩。黑豚肉的滋味能在享樂中盡情品味。牛乳滑蛋炒蝦球從滑溜溜的口感中強調創意。滑溜的蛋黃牛奶包裹著爽彈的新鮮蝦球,入口即化。豐料燉湯溫潤了身心,非常適合用餐。湯中有雞腳等配料，豐富滋味能令人盡享飲食的樂趣。

喜出望外睇openrice搵搵大坑有乜好野食搵到呢間介紹唔錯既私房菜叫左個兩人套餐+點心首選一定係蜜桃咕嚕黑豚肉夠哂開胃 配蜜桃幾特別四季豆比出面都炒得出色 夠爽口唔會得個咸字虎皮尖椒都係水準之作係位置比較難搵左少少其他方面都係不錯不錯

向來好中意大坑呢個區，一個小區以位置黎講其實算方便，就近銅鑼灣同天后。最近有個親戚帶咗我去試吓戈度嘅私房菜，環境舒適，員工服務友善。Lunch time相信比較多人食午市套餐，有各款特色小菜供客人選擇。「睿之選」、「海之選」食材高級，可以一試。酥炸鮮蝦角🦐包個邊戈個摺疊位好似餃子咁🥟好治癒☺️外皮脆卜卜，裡面蝦肉口感實在，爽口彈牙。椒鹽吊筒仔🐙喺出面好少食到吊筒仔，脆炸之後仍然吾會好油膩，吊筒仔好爽口又大大件。腐皮香酥雞卷店員話系傳統福建菜，就咁食其實冇乜雞味🤣反而似糯米卷，餡料豐富。蟹籽蒸蝦丸🦐就咁睇落好似打邊爐嘅蟹籽蝦滑，不過變咗蝦球，蝦膠打得實在，呢個幾好味。XO翡翠炒豚肉，即西芹加炒豚肉，豚肉脂肪部分較多，滑溜溜配XO醬帶點滋味。蜜糖咕嚕黑豚肉，咕嚕肉頗有嚼勁，酸酸甜甜味道向來受人歡迎。

📌睿海御宴位於大坑的隱世私房菜餐廳主打精緻中菜，賣相精美係一間出品用心嘅餐廳🫶🏽午市2人套餐食到餐前小食、2道菜連白飯、甜品，價錢$268另加茶芥，定價合理🔖[ 蜜桃咕嚕黑豚肉］咕嚕肉係賣飛佛❤️咕嚕肉外皮酥脆唔厚粉，放耐咗都一樣香脆內裡黑豚肉肉質juicy爽口，酸酸甜甜好惹味伴碟加咗蜜桃🍑同三色椒🫑感覺更fresh🔖[ 椒鹽吊筒仔］鍾意香口小食，吊筒仔就啱晒原隻吊筒仔鮮味十足，口感爽脆唔會韌🔖[ X0醬翡翠炒豚肉］XO醬唔會辣，加入西芹炒豚肉夠晒入味，好啱送飯🔖[ 酥炸鮮蝦角］懷舊點心😍蝦角外皮脆脆內裡有飽滿蝦肉做餡，每次飲茶見到都必點🔖[ 蟹籽蒸蝦丸］蝦丸爽滑彈牙，食到蝦肉鮮甜加上蟹籽口感十足😗🔖[ 腐皮香酥雞卷］呢度食到福建雞卷又幾驚喜外皮香脆，餡料滿滿配上地道甜辣醬

大坑又是一個多高質食肆的地區這次到訪了樓上私房菜 - 睿海御宴門面搶眼 樓梯間更畫上「大坑舞火龍」的壁畫 火龍栩栩如生 騰躍於雲間一看就知道是大坑文化！餐廳雖然是走私房菜路線 但價錢豐儉由人 以超過30年經驗的大廚主理以高級食材打造的私房粵菜😍是值得的⋆__ᴛᴏᴛᴀʟ ᴏʀᴅᴇʀ___⋆小食 ：醋香涼拌木耳 木耳非常爽口 酸酸辣辣 很開胃陳年花雕雞套餐雞可以選擇花雕雞或炸子雞配2個小菜🥘陳年花雕生雞（半）用半隻新鮮雞 配陳年花雕酒 酒味非常香濃 雞皮不會過肥 雞肉嫩滑湯汁暖胃又暖心 🥩蜜桃咭嚕黑豚肉咕嚕肉配上蜜桃🍑 酸甜口味 開胃🦴風沙蒜香骨採用肉排作菜式 肉質彈牙 肉汁豐富再配上炸香的蒜蓉 香口惹味🫔五香雞卷餡料其實是豬肉混合香葱 外皮是腐皮卷口感酥脆香濃 帶濃濃肉香味 再沾上甜醬 美味升級🥚溏心皮蛋凍豆腐香滑豆腐 帶香濃豆味 加上溏心皮蛋碎粒 味道不會太濃 配上芝麻醬 味道相當不錯

位於銅鑼灣大坑的睿海御宴酒樓，環境雅致、以港式點心和粵菜為主打。除了點心、還提供午市套餐、不少應該是住附近的熟客仔光顧。蝦餃一客兩粒、蝦餃皮晶瑩透亮、皮薄餡多、裡面包著的鮮蝦餡非常鮮美！蟹籽蒸蝦丸也是蒸得剛好、蝦肉彈牙爽口。XO醬炒腸粉— 腸粉沒有炒散、加入蛋絲 芽菜綠相當惹味。除了點心之外，午市時段的自選套餐也是不容錯過的。套餐內的可選三道小菜、附送白飯湯水、好抵食。椒鹽九肚魚的外皮酥脆，內裡鮮嫩多汁，加上椒鹽調味，香脆可口。蜜桃咕嚕黑豚肉的豚肉的質感極佳，搭配蜜桃的甜味、清爽不膩。滑蛋炒蝦仁蛋汁濃稠、包著大大顆蝦仁、家常菜也做得出色。甜品是黑芝麻糊、幼滑香濃點心和小菜款式算蠻多的、假日帶家人來喝茶或晚上吃小菜也不錯。

今日難得放假男友想食中菜，帶佢去大坑一間私隱度身高嘅中菜廳，唔使去酒樓同人迫「睿海御宴」大坑共有四間以「睿」字開頭的餐廳在大坑，唔通係同一個老闆？行入嚟嘅好處就係可以靜靜地撐枱腳，開咗茶之後我哋揀咗個午市自選套餐黃金套餐$268再加幾個點心，我哋唔係生積，不過大家都想食飽飽補充元氣再逛街。糖心皮蛋豆腐皮蛋切成細細粒，撈左啲類似沙律醬嘅醬汁，味道變得酸酸甜甜，同凍豆腐好夾，完全是夏天的涼拌菜。麻辣肉鬆四季豆比平時食開嘅四季豆多份惹味，因為加左少許麻辣令整體味道更提升。滑蛋炒蝦仁蝦仁超大隻，爽口彈牙和超嫩炒蛋一起，送飯一流。揀咗兩款非全統點心泰國蝦膏煎腸粉$68份量足，最特別係加左香口肉𩯕，微微地辣，很開胃。蒜蓉蝦春卷$32卷成較幼身春卷吃落也更方便，炸得通透，春卷皮薄如紙，蝦仁爽口，香口點心必備條件齊備。蝦餃一籠兩隻，份量啱啱好甜品馬蹄爽，清甜，飽曬

大坑出名多高質食肆，今次到訪嘅睿海御宴係一間樓上私房菜，地點就腳，過咗銅鑼灣道嗰個安全島再行幾步就到，而且門面搶眼，有中式牌匾，上樓嘅樓梯仲有舞火龍壁畫，好有特色。私房菜通常價錢不菲，但呢度就豐儉由人，第一次嚟小試牛刀食佢嘅$488套餐，有半隻雞再加兩個小菜，幾抵食👍🏻雞可以揀花雕雞或炸子雞，鍾意食脆皮嘅我地二話不說揀咗後者，真係皮脆肉嫩，最得意嘅係會配埋炸蝦片，味道同樣出色～小菜方面我地揀咗咕嚕肉同肉鬆四季豆，兩者都好有鑊氣，四季豆辣度啱啱好～見佢套餐咁好食我地都再加咗湯同個蠔餅，蠔餅嘅蠔量多得驚人，配埋特調醬汁，微酸嘅味道更加帶出蠔肉鮮味，仲有醃蘿白絲十分解膩。湯品係逐位上嘅，以茶壺盛載別具特色，猴頭菇燉雞味道香濃，小杯咁飲保溫效果更好，仲可以隔埋渣🤣🤣主菜湯品固然係好食，但成餐飯最驚喜係一開始嘅開胃小食，望落好樸實嘅涼拌青瓜非常爽脆，而且醬汁比起平時坊間食到嘅更好味，令人眼前一亮～