睿海御宴 (已結業)

呢晚同朋友嚟食中菜，喺大坑揀咗呢一間，我哋要左帶子皇乳鴿套餐 每人$328加一😌食嘢之前首先上左個前菜青瓜，同埋揀咗壺普洱茶💕豐料功夫湯首先要上咗個湯，係好足料嘅螺頭雞腳湯，第一次見用功夫茶形式上嘅湯，好特別而且好好飲💕妙齡乳鴿乳鴿係每人一隻，有配埋准鹽同喼汁，乳鴿皮好香脆，肉質有咬口但又juicy✨XO醬京燒帶子皇帶子皇真係超大隻！影相完全睇唔到佢嘅大細，而且燒得非常好， XO醬更令帶子嘅鮮味昇華💕柚子脆蝦球蝦球都好大粒，每人有兩粒，柚子醬酸酸甜甜同炸過嘅蝦球好啱雲耳杞子浸時蔬呢個白菜仔好大盆，而且好鮮甜，可能係用咗上湯去浸👍🤤睿海甜品甜品係紅豆沙，好足料嘅紅豆同香濃嘅陳皮味😌

咁啱係港島比朋友叫去大坑食點心，嚟到位於大坑浣紗街嘅睿海御宴 ，個名幾好聽。今次食嘅野基本上係傳統點心加啲包裝，變成一個新形象；環境都坐得舒服，職員好勤力係咁做野，基本上無停手。.食咗以下幾款點心:泰國蝦膏煎腸粉 - 呢個係今日最好食，唔會過咸而且幾惹味。竹炭奶皇包 - 唔係玩爆醬效果，奶皇唔算多，但加咗竹炭嘅元素，近年比較常見。腐皮香酥雞卷 - 即炸即上，係熱辣辣嘅，炸腐皮幾脆，幾有口感。鮑魚粒鹹水角 - 將鮑魚粒融入餡料，唔係好食得出但鹹水角外皮做得唔錯。XO 醬炸蘿蔔糕 - 今次唔炒而變成炸，XO 醬偏咸同重口味，襯返味淡嘅蘿蔔糕平衡返。.全部野都係正常發揮，但食五款野先係 $280 埋單，仲要好飽肚 (可能係因為全部係碳水類)， 咁又真係唔貴嘅。

今日同家人打算係港島呢頭飲個靚茶😚於是嚟到呢間睿海御宴食個靚lunch 🤪呢到環境比其他茶樓闊落好多 我地仲要坐卡位😎 舒適咁飲茶🫖真係好爽🤤 同埋仲可以有vip 房😆之後連埋一大班親戚係到食飯都好方便✨我地叫了一壺水仙 同時餐廳都有比前菜-麻辣雲耳👍 好好食點心方面 選擇都幾多😍同埋都係比較有特色+精美既點心🤤先講泰國蝦膏煎腸粉😁同平時食既腸粉唔同 （講常都係會點下豉油 甜醬）而呢到既係會先煎左佢 所以會香口好多👍有啲外脆內軟既感覺😍同埋佢加埋啲肉鬆碎鋪在面 食落去更有口感！鮑魚燒賣皇也是很不錯的😚鮑魚鋪在燒賣上面好有奢華感✨同埋燒賣真材實料 係真食到成舊蝦😁😁 勁正Xo 醬炸蘿蔔糕也很special 😚第一次食炸蘿蔔糕 佢炸得很酥脆 同埋蘿蔔糕又唔會一pat pat 咁😆 仲要食到一條條既蘿蔔 😜加埋鋪上面既XO醬 辣辣地令味道更上一層樓☺️我地都有食到腐皮香酥雞卷 總共有4舊 同埋有配埋酸辣醬🌶個腐皮炸得好酥脆！而腐皮入面就包住啲雞肉👍另外 仲食左瑤柱冬荀粉粿 有大2舊！有成個手掌咁大 🤤個粉粿個皮好有咬口 煙煙韌韌咁咁好食😋 且啲餡料好多😆夠哂飽肚最後仲有甜點 係芋頭番薯糖水 💦

今日同朋友慕名嚟到食野🤗啲野食令人好驚喜😆門面佈置得好似令人返去古代咁😁裏面樓梯都充滿傳統氣息餐牌我地嗌咗呢啲點心 : (當然唔少得一般酒樓都有嘅茶啦😊)1.前菜(麻辣雲耳)✓有蒜頭✓辣辣地麻麻地🤤令人流晒口水好開胃✓麻辣同雲耳好襯✓非常適合做前菜2.泰國蝦膏煎腸粉✓有肉鬆增加味道口感✓唔會太熱氣✓有香嘅蝦味🦐好惹味✓唔會太油膩3.腐皮香酥雞卷✓一上碟就已經聞到香味😋✓腐皮好脆好香口🤤✓雞肉鮮嫰肉汁鮮甜✓附有酸辣醬🌶進一步增加口感味道4. XO醬炸蘿蔔糕✓每一個蘿蔔糕上都有啲XO醬 令成碟菜更精緻✓咬落去脆脆地 又有瑤柱XO醬嘅香味同白蘿蔔🥕嘅甜味 真係食到多倍嘅滋味💯✓唔會有苦苦地嘅唔新鮮嘅蘿蔔味5.鮑魚燒賣皇✓一睇就知係比普通燒賣更高級😆✓鮑魚同燒賣軟硬適中 鮑魚唔會太硬 燒賣又唔會太淋✓燒賣豬肉好香 好鮮嫩又新鮮6.瑤柱冬筍粉粿✓大大件粉粿好吸引🤩✓入面啲料好足好豐富✓爽爽地口感好好7.(糖水) 蕃薯糖水✓夠薑味✓蕃薯唔老 唔會太多絲✓甜度剛好🤤✓消滯😎總結 : 我地平均一人需要約$125，價錢合理，唔使比太貴就可以食到高級啲嘅點心。而且啲點心擺得幾精緻，菜式又好新穎(唔係普通酒

來大坑走走吃個午餐吧。..呢日過左黎港島大坑，一處滿有特色既地方。平日好少入黎，呢個Weekend 有時間約左朋友來走走，順豐吃個午餐🥢，發現一間中菜餐廳由滿有特色，供應粵菜 & 私房菜，菜式帶點傳統亦不失別緻，趁住下午吃個點心。店內更繪上不同龍騰牆畫，打卡一流。竹炭奶皇包XO 醬炸蘿蔔糕，煎得不油膩。腐皮香酥雞卷，帶有家鄉特色又咸香。泰國蝦膏煎腸粉，粉條同堂煙韌，外皮煎得香脆。鮑魚粒鹹水角，造型可愛又煙韌。最後嘴個綠豆沙下下火。隨意點左數款點心，不失傳統當中亦帶點新意。..×××××ש大坑浣紗街1-5號浣紗閣1樓

大坑靜中帶旺，行過去嗰陣真係覺得幾舒服。今日約咗朋友食私房中菜，平時諗起大坑都係西式cafe多，今日就試下中菜🥢鮑參翅肚、蝦蟹海鮮乜都有！黃金椒鹽豆腐 $88————————————外層勁酥脆，椒鹽味重，剛剛好唔會太鹹，入面豆腐入口即溶，完全忍唔住口食完再食🫣青檸檬焗肉排 $198————————————外層充滿蜜汁，酸酸甜甜非常好入口，令到肉排有好清新嘅感覺，唔會食一兩嚿就覺得好膩。可能因為係焗，肉汁都鎖得滿滿🍋五香雞卷 $108————————————好特別嘅一道菜，以脆腐皮包住，肉碎炒得好香，需要名係雞卷，其實係用豬肉做餡🤣豬肉肥瘦相間，口感很好。福建海鮮炒麵線 $188————————————符合大眾口味嘅面線，有豉油嘅香氣，個人鍾意食辣，加埋辣椒油，正！下次再嚟食海鮮😋

睿海御宴 (大坑)📍大坑浣紗街1-5號浣紗閣1樓-💖幾個月前試過佢哋嘅點心，賣相擺盤講究之餘，食材用料都非常上乘！✨食得出絕非一般酒樓嘅貨色，係能夠媲美酒店中菜廳嘅等級！🔖所以一直bookmark 咗要搵食個晚餐試吓佢地嘅小菜！👫我地得兩個人叫咗4個小菜-🥢黑椒鹽酥炸牛油果 $88第一次試炸牛油果！表面酥炸得香脆但唔油膩，牛油果熟成程度剛好，有外脆內軟效果，完全冇草青味，帶有微甜！-🥢羊肚菌日本玉子豆腐 $168平時係酒樓食呢道菜式印象中油膩感好重，煎炸過嘅豆腐加稠密度高嘅芡汁令到滿口都係油而且好咸！-但呢間中菜廳嘅芡汁比一般稀薄，而且玉子豆腐咬落去時唔會噴到滿口油，油膩感出奇低！羊肚菌味道相當濃郁，精華滲透高湯之中令豆腐完全吸收！連伴碟嘅菜心都好入味！-🥢琥珀蜜桃咕嚕肉 $198佢哋嘅琥珀合桃係非常出色，大粒香脆可口，而且甜度適中，出面食唔到，完全停唔到口！-酸酸甜甜嘅咕嚕肉炸粉好薄，外脆內軟又多汁好開胃！-🥢乾炒A5 和牛河粉 $188聽說乾炒牛河看似極普通菜式，但能夠炒到河粉條條分明，而碟底冇油的話就好考師傅牌！的確呢碟粉牛河食到尾真係唔見有油！-食材用咗A5 和牛，所以特別鮮甜

試過啲間酒樓飲茶，點心非常高質素，今次就試吓晚市，同樣係咁高質素。叫咗幾碟小菜，用料講究而且顯出廚師功架，絕對係優質。雖然價錢都幾貴，但一分錢一分貨，如果想品嘗中菜美食，對食物質素有要求，啲間「睿海御宴」絕對可以滿足到你。黑椒鹽酥炸牛油果 $88前菜叫咗碟酥炸牛油果，外表酥脆粉漿夠薄不覺油膩，牛油果時間掌握得剛好不會過熟，味道亦不錯。羊肚菌日本玉子豆腐 $168羊肚菌勁香濃食材優質。煮法其實就係琵琶豆腐，豆腐香滑，味道偏清淡不會過咸。琥珀蜜桃咕嚕肉 $198咕嚕肉係一碟好普通菜式，但要煮得好食絕對考廚師嘅廚藝。啲碟咕嚕肉可以話係無可挑剔。豬肉用上鮮甜嘅梅頭非常軟淋，表面炸粉剛好能夠做到鬆脆效果。蜜桃係新鮮而唔係罐頭蜜桃，琥珀（蜜糖合桃）亦一與以往的出色。配合彩椒同酸甜漿汁，稀稠度剛好，高水準之作。乾炒A5 和牛河粉 $188牛河茶餐廳都有，但要炒得一碟好嘅牛河，就好考廚藝，要夠鑊氣而不帶油膩。啲碟牛河就完全發揮出咩叫好食嘅牛河。河粉彈牙有口感，牛肉用上咗A5和牛，牛味濃郁到爆登，整體一啲油膩感都沒有。食完係冇丁點油殘留在碟上，可見非常夠穫氣而且炒得夠乾身。 係我食過最貴嘅牛河，同時亦係

星期六幫公司set好場, 就同同事入大坑食飯, 沿路見到“睿海御宴”私房菜館, 門面好特別, 走中國風路線, 見到午市有點心又有套餐, 價錢都合理, 就上樓開餐! 待應好有禮貌, 細問下先知餐廳總廚已經擁超過30年粵菜經驗, 餐廳宗旨提供優質食材及粵菜俾顧客 鮮蝦餃皇蝦餃皮質通透, 唔會過厚, 煙煙韌韌, 好有彈性, 蝦肉餡料爆多, 爽口彈牙 方魚肉碎蠔仔粥蠔仔雖然唔算好大粒, 但就好肥美, 而同數量都幾多, 粥底好鮮味, 有海鮮甜味又有肉香, 芫荽同米通有畫龍點睛效果, 令到成個蠔仔粥味道更香! 腐皮香酥雞卷腐皮卷兩面煎到金黃色, 腐皮脆薄, 內層爽脆餡料極多, 能夠做到外脆內爽既口感, 最重要唔油膩! 果皮千層馬拉糕千層馬拉糕一共有三層, 第一及第三層係馬拉糕質地, 潤滑軟糯，而中間就係千層糕, 煙煙韌韌, 甜而不膩, 仲有果皮橘子香味! XO醬炸蘿蔔糕蘿蔔糕外層好酥脆, 感覺就好似半煎炸咁, 外脆內濕潤, 有臘味既鹹香, 加埋辣辣地既XO醬, 超惹味呀!

大坑美食眾多，今次朋友就約埋我去到一間中菜館食晚餐，裝潢比較新潮特別，樓梯位更有特色壁畫可以欣賞。今次一行兩人，安排我地坐卡位，十分寬敞舒適。友人發辦叫咗幾款小菜，首先係香脆誘人嘅柚子脆蝦球，大大件蝦球炸至薄脆，口感爽彈細緻。柚子醬酸甜清新，讓人回味無窮。奶白香滑嘅黑松露海皇炒鮮奶都比較少見，配搭黑松露醬都幾夾，內裡仲有帶子同蝦肉粒，十分鮮味。我地仲點咗鑊氣十足嘅自家製XO醬和牛炒陳村粉和牛香濃又腍嫩，陳村粉幾滑又入味，如果XO醬香味再出啲就更正。當然不少得點一款時菜，上湯杞子雲耳浸豆苗份量都幾多，顏色翠綠，食落都好嫩。飲杯茶再食小菜，與好友度過了一個開心嘅晚上。

平日工作太忙，很少時間陪媽媽，趁著假日就帶她到大坑走走，吃吃喝喝。 第一站來到“睿海御宴”吃中菜，餐廳位於大坑浣紗街，離地鐵站步行約8分鐘，地點就腳。餐廳門外掛了大大的對聯，非常容易找到。 我們隨意的點了多款點心試試。 鮮蝦餃皇蝦餃大大隻，晶凝剔透，皮薄餡多，蝦肉入口彈牙爽口，讚。 瑤柱冬筍粉粿這個點心屬福建菜，粉粿皮超級煙韌，內裏放了滿滿的瑤柱冬筍餡料，爽脆有口感，層次感重，我和媽媽都大力推介。 果皮千層馬拉糕馬拉糕口感鬆軟得來又帶點Q彈，中間位置有千層效果，入口有淡淡橙皮香味。 XO醬肉鬆蒸陳村粉陳村粉既軟滑又爽滑，帶有淡淡米香，配上XO醬及肉鬆，香辣得來又惹味，層次感大增。 方魚肉碎蠔仔粥 蠔仔粥的味道超讚，內裏有不少漲卜卜的蠔仔，非常鮮味，還有莞茜及肉碎，而最特別是加了米通粒粒，令口感變得極豐富，推介！ 

新年黎到大坑依間中菜館飲茶 環境都幾舒適👍🏻🌟豐料功夫湯 $196足料靚湯 茶壺燉煮數小時 燉湯吸收食材精華每人一壺 自斟自飲 慢慢品嘗功夫湯的鮮甜濃厚🍤甜蝦多士 $38蝦多士炸得金黃香脆 加埋黑白芝麻😍😍😍🌟橫財就手 $38新年梗係要嗌啲好意頭既野食 髮菜豬手一定要食😋😋😋🌟發財好市燒賣 $48🌟鮑魚燒賣皇 $38🌟鮮蝦餃皇 $32🌟鮮蝦菜苗餃 $32四款點心質素不俗 蒸得岩岩好 食完燒賣蝦餃即刻加點埋新年燒賣同菜苗餃👍🏻👍🏻👍🏻🌟薑汁糕 $32🌟果皮千層馬拉糕 $38甜點唔會過甜 老人家食都岩岩好😻😻😻

新年同朋友聚會，當然要搵個坐得舒服嘅地方，但呢間餐廳唔止舒適，食物嘅質素仲好高。餐廳本身裝潢好有中華嘅氣氛，擺設都好配合呢個節日。即使要等位，都可以打下卡消磨下時間。食物方面，朋友叫咗個唔係好多餐廳有嘅蝦籽柚皮，我自己本身就好抗拒，因為曾經喺其他地方食過完全理解唔到點解人會鍾意，但今次試咗係有改變睇法！一啲苦澀味都無，有啲入口即溶，味道有啲似鮮淮山。另外叫咗個鵲巢羊肚菌蝦仁帶子，食材好新鮮！連裝飾嗰塊脆卜卜都食得，好香、好好味！離開時見到餐廳又買新年糕點同羊腩煲，日間仲有點心食。

睿海御宴 - 高級特色中菜廳 今日再有機會去到大坑依個充滿美食嘅神奇地方，之前有食過午市覺得都唔錯，就試試佢個晚市！ 充滿大坑特色嘅大門同樓梯，舒服、有空間感嘅雅座。 唔算特別大間，可以話係小店嘅感覺！螺頭瘦肉雞腳湯非常有特色，上枱係好熱，明顯係原盅燉湯，入面好足料，用茶壺倒落茶杯到，個湯出黎好清，望落真係有茶嘅感覺，但飲落去係好清甜嘅螺、雞湯味，細細杯慢慢飲，好似飲咗好多咁！成個體驗好特別，岩哂我鐘意飲中湯嘅人。XO醬和牛炒陳村粉 有人話乾炒牛河係粵菜嘅精粹，越簡單嘅嘢就越難做得好，依碟係食材上升級咗，但無忘記牛河嘅核心：有鍋氣同埋要乾身! 和牛係堅和牛，油脂足，一啲都唔韌，又當然唔係茶餐廳鬆肉粉啦。炒陳村粉難度極高，但大概都做到條條分明有上色，口感特別，同其他配料都好襯。魚湯浸豆苗簡單一個菜，但上碟個presentation做得好足，加咗木耳杞子，令人滿意、有誠意。海帶綠豆沙最後以甜品作結，綠豆沙非常足料，一啲都唔水，滿足！特別想講佢上菜啲碟真係好靚！擺盆亦做足，整體黎講，色香味俱全！好岩宴客或者要靚嘅場合！

中午時間想同朋友搵個地方坐下食少少點心估唔到大坑都有特色點心🎈蝦多士本身好鍾意食蝦多士 蝦多士上面鋪滿晒芝麻好香口 脆卜卜 如果唔係食咗早餐爭啲想encore🎈賀年點心拼盤呢個點心拼盤係過年特別限定原隻鮑魚燒賣皇由原隻鮑魚細細粒放喺燒賣上面好得意唔淨止可以打卡 味道都唔錯黃金南瓜仔 好似南瓜咁樣但唔好以為係南瓜其實入面有好多菇菇 好足料刺蝟麻蓉包小朋友見到最好刺蝟型好可愛嘅包點小朋友睇到一定爭住食金魚餃可愛金魚外型 岩晒要打卡既我入面係類似蝦餃咁🎈柚子脆蝦球柚子汁配炸蝦球食完都唔會覺得好漏就算啱啱食完蝦多士好炸好似好熱氣但呢嗰啲柚子汁就可以中和返