神川日本料理

营业中

休息中

慶祝男朋友生日，專登揀間佢最鍾意食嘅日本野，但平時試過太多放題、丼飯之類，所以就決定揼本試下一直好想食嘅廚師發辦お任せ。諗住要使好多錢啦，點知俾我搵到呢間比較平民化嘅西環小店，比起起碼一千開頭嘅壽司舖，呢度幾百蚊就有交易啦。師傅好細心，一早打黎問有啲咩想食或者唔食，到左個日會因應有咩新鮮食材而調整菜單。終於去到期待以已久嘅大日子，估唔到有咁多款菜式，前前後後起碼有十道，有刺身、壽司、卷物、沙律、小食、甜品，十級滿足！

食過幾間廚師發板 呢間真係又平又好味😍個廚師仲會出嚟去介紹每一樣菜色第一個係冷盤 有凍茄子好特別 酸酸地 好開胃第二個係刺身 因為屋企人食得太多刺身所以我哋同廚師講咗 要少啲刺身 ～仲有法國生蠔最特別係個焗茄子😍😍又有雞扒同埋鰻魚飯雖然鰻魚飯冇影到😂極力推介～，

聞說西環多特色美食，而且對比市區價錢較便宜加上食客較少，相對舒服。今日特意來到這區覓食，選了這間。叫了廚師發板，畢竟日本食材都是信廚師較好，佢地先係最整d 最新鮮，最當造的食材。頭盤有麵豉青瓜+鰻魚青瓜+芝士蕃茄-賣相如高級餐廳般，非常精緻美觀。濃味麵豉粒配青瓜份外配合+鰻魚微煎非常香口又退了腥味+芝士厚厚的夾在兩片蕃茄中間，蕃茄清新中和了芝士的膩感刺身-有三文魚 吞拿魚 金槍魚 蝦 魷魚海膽，全都厚片，非常新鮮。煮茄子-配合蘿蔔溶，茄子煮得淋稔，吸收到蘿蔔溶，份外美味！而且很健康，多吃都沒有罪惡感。蟹肉mix海膽 濱燒配蒜蓉包-呢個食法比較小有，蟹蓋釀了蟹肉海膽再燒香佢，之後當醬塗包，超級好食！！啖啖都好豐富口感，配上了包又不致過份濃味。薯蓉大蝦-大蝦上配合芥末沙律醬，非常配合，蝦非常大隻，啖啖肉，好想一吃再吃。吞拿魚壽司-吞拿魚係當天新鮮食材，用來做壽司最好不過，配了小許天婦羅，有脆口感，多重口感十分推介。朱古力蛋糕-最後送來自家製朱古力蛋糕，非常濃香，食完真係大滿足了。真想不到一定小店做出了出面酒店水準，而且價錢只是4百元，出面敢寫包單唔會食到呢個質素的食物！

廚師早幾日打電話來確認有什麼唔食、什麼想食。我話我唔食xxx, 其餘廚師決定。整體來說，餐單好豐富，有好多新鮮食材和廚師煮功。非常用心的小店，廚師好有heart地分享點煮，用餐後問你意見，好關心客人的感受。誠意推薦👍🏻 其實仲有8/ 牛油果軟殼蟹salad & simple dessert at the end到訪原因：睇openrice 前面幾篇正評，所以來試試！覺得好值得推介，所以寫第一篇食評！

朋友帶路黎到西環食日本菜，今次我地食OMAKASE 廚師發辦，睇下喺每人budget只有$400之下會有咩驚喜每道菜師傅都會過黎介紹同問食後感，而且跟住我地食野速度上菜，好細心前菜有：師傅話由左至右，由淡到濃味咁食：芥末八爪魚、烤鰻魚配海帶、芝麻醬番茄夾芝士。我特別鐘意個番茄，一咬落去爆汁！之後就到呢個刺身拼盤師傅話日本沙甸魚當造。第一次食沙甸魚刺身，肉質好柔軟好滑，配上蔥花同薑蓉食，我覺得刺身比熟食好食。仲有三文魚楠、熟成左兩日爽口嘅鱆紅魚、魷魚紫蘇葉韓國海膽卷（平時麻麻地紫蘇葉，不過呢三樣野加埋食就好夾，師傅話係另一主打）、甜蝦軟殻蟹牛油果生菜蟹籽沙律青瓜好爽口，師傅話原來用獨有日本學嘅手法將青瓜片薄再切條，所以特別爽脆！再黎就係烤地雞扒師傅建議九成熟，呢度既地雞都係日本飛機貨，可以放心食。地雞扒用烤爐燒，雞皮烤到好脆，咸咸香香咁，無多餘肥膏，平時唔食雞皮既我都食晒！雞肉柔嫩而且好多汁！伴碟既醬其實唔洗沾已經好夠味仲有吞拿魚卷始終鐘意有飯落肚，卷外撒上芝麻 、三文魚籽，仲有特別加左天婦羅脆脆，口感好豐富甜品仲有朱古力蛋糕師傅話用純朱古力整架，食落好香濃又唔太甜估唔到$400/位就可

琴日同朋友慶生，由於最近食厭左放題之類，所以特意地book左呢間由廚師發辦嘅日本菜，希望可以食到較高質嘅日本野呢間餐廳由我book枱果一刻已經比我一種好有心思嘅感覺，book果陣廚師問我地budget大概幾多，有冇咩唔食，我就問佢budget每人400左右得唔得，佢都話可以（平時啲omasake都千千聲）所以係未去餐廳之前印象已經非常好。去到嘅時候發現餐廳都比較遠，入面位置唔多，裝潢亦唔係特別吸引，但係我地在意嘅係食物嘅質素去到店員好熱情咁簡介左一次我地果晚會食嘅野。等左冇幾耐就有前菜食前菜分別係芥末八爪魚、鰻魚同日本蕃茄加芝士，要由左至右咁順次序食。我個人非常鍾意日本蕃茄加芝士，芝士配合埋清甜嘅蕃茄，成個感覺好清新好開胃。之後就到刺身拼盤，有甜蝦、帶子、鯖魚、三文魚同海膽魷魚。店員好細心咁同我地講解個食法同食嘅次序，我特別鍾意個帶子同三文魚，帶子上面加左青檸汁同少量鹽，食落感覺好新鮮;三文魚肥美得黎唔會太膩，而其他魚生都非常新鮮，比起放題食到嘅果然出色好多!呢個野菜沙律有勁香嘅黑松露味，食落非常開胃。鹽燒秋刀魚係我成餐飯最喜歡嘅一道菜，秋刀魚外層燒金黃色，非常香脆，食落有秋刀魚特有嘅

平時食日本菜既廚師發辦都over $1000 一個人 呢間小店可以自己set budget 好貼心呢 我地今次揀$350 budget 既廚師發辦師傅事前仲細心問我地有咩想食 / 唔食食物質素非常高！刺身非常新鮮 海膽又唔腥 （我地以為只有係日本食先唔腥 原來香港小店都有甘高質素！）鍾意海膽朋友唔好錯過！朋友仲力讚吞拿魚蔥卷超好味！（太好味唔記得影相呢）呢個軟殼蟹牛油果沙律 雖然睇落平平無奇 但軟殼蟹超好味！唔係其地店食到淋哂甘明太子蛋卷都超好味！下次一定會再黎！

第一次寫食評今晚吃了一個只是$500 一位的Omakase非常值得一試今晚由賢師傅主理由前菜到甜點也是令你滿足的前菜的栗米好甜，番茄芝士也很好味鱼生很新鲜，最surprise 的是鱿鱼海膽加了紫蘇葉，好refreshing 燒物如三文鱼和雞軟骨，平民食材，但也做得很好茄子和炸豆腐也做得好好那個由蟹肉、蟹膏、海膽和蟹子做的烔燒物，非常鲜味，師傅手工菜500 一位真是非常超值, 一定要再回來大家一定要吃的是那個由蟹肉、蟹膏、海膽做的烔燒物'記住要訂位很開心找到了一間平民價，但用心做的日本食店它是港版的深宵食堂支持小店

從地鐵站走過來，說近不近，說遠不遠，大約要8分鐘時間左右，之前都是朋友吃過介紹來吃的，不然，真係好難知道有呢間小店。 常言道，酒香不怕巷子深，第二次光顧神川，依然被小小的店鋪給予了大大的感動。作為一名吃貨，食物質素固然排在第一位，但餐廳愉悅舒服的進食環境也是必不可少的，而神川恰恰都兼備了以上兩點 菜品方面，軟殼蟹沙律、甜蝦刺身、三文魚刺身、生蠔、海膽魷魚卷、脆吞拿魚腩反卷等等我都是超級喜歡的（還有好多只顧著吃已經忘記菜名了哈哈哈） 另外我更加欣賞的是，一絲不苟專心烹飪的賢師傅，即使對著素未謀面的食客，也總會偷空過來閒聊幾句，介紹菜品、食材和做法。因為omakase都是由師傅發辦，每一道菜都是一個驚喜，讓人十分期待，而且神川的價格豐儉由人，不用去高級餐廳也能享受新鮮食材製作的高級日料，實在讓人心生歡喜

其實之前都係度食過 但就無食過omakase. 上網睇左報導. 於是就同老公仔過黎食好西，梗係要預埋呀嫂同bb la 今次book 左3位omakase 成餐飯好令人回味個刺新拼盤無懈可擊 全部都厚切鮮味魚生 😍三文魚腩 海膽八爪魚卷 帶子鯛魚刺身 肥美吞拿魚 最特別係個沙甸魚刺身 真係第一次食 師傅仲安排左個特製醬油配搭其實仲有甜虾 但好味到俾BB食晒😆🤣黑松露大蔥沙律都好特別。本來以為佢會好大浸味 但食落口有幾清新 又幾夾嫁喎燒蟹膏面屎 之前喺日本狂食。佢哋呢度用扇貝殼燒 冇咁易燒燶 用埋佢Mixed左好多蟹肉仲有海膽 在配埋個脆卜卜既吐司。好滿足呀而今次令我地最驚喜就係嗰個慢煮牛肋骨 連筋位都做到外脆內軟 juice 又有肉味齒頰留香呀！ 真係估唔到細鋪都做到咁嘅質素！總括來講樣樣野都好精心設計 多謝廚師嘅安排，好有heart嘅小店 我一定會推介d朋友黎食。當然 想食環境 呢度就未必有好靚裝修 但唔知點解有種舒服嘅感覺，食得好自在。