影片
更多
2018-01-29
524 浏览
人類對食物嘅追求愈來愈高，除左講求味道，仲要講賣相、擺盤。最近呢間日本料理都可算係十分熱門，身邊都有兩位朋友試過，見到d相好特別，好吸睛，我地都要去一試。福岡.烏龍魚男位於天樂里附近，灣仔同銅鑼灣中間，晚上6點先開，因為預先訂左位，好快都可以安排到位置，客人相當多，就第係平日15分鐘左右已經坐滿，當然有大部分都係已做booking。後段時間喺門外仲有條小人龍，可見想嚐鮮嘅人真係好多。見網上多數人都係食「九段盛」，分為刺身、壽司兩款，店員都好有禮，簡單同我地介紹左分別，定價$198/238/298。原來餐牌都仲有其他選擇，包括有啲單點壽司、刺身，2人前/4人前、海鮮丼、定食、串燒小食等。當然啦，我地一定係食呢個咁矚目嘅九段盛。被形容為平價版嘅廚師發辦，概念係一樣，都係由師傅用上當日嘅新鮮食材決定整個盛盒嘅款式，但實際操作同一千蚊二千蚊位嘅廚師發辦都有不同。呢度收平時食開嘅三份一價錢，而且係小店，餐廳位置較為密麻，加上而家人氣甚高，就唔會話好似食高級日本料理咁成晚得幾個客。上菜同廚師發辦都唔同，會一次過上哂成份特盛，唔會逐件慢慢掐，或者有師傅同你交流，自己衡量番啦，我地覺得整體合符期望，質
見網上多數人都係食「九段盛」，分為刺身、壽司兩款，店員都好有禮，簡單同我地介紹左分別，定價$198/238/298。原來餐牌都仲有其他選擇，包括有啲單點壽司、刺身，2人前/4人前、海鮮丼、定食、串燒小食等。當然啦，我地一定係食呢個咁矚目嘅九段盛。
被形容為平價版嘅廚師發辦，概念係一樣，都係由師傅用上當日嘅新鮮食材決定整個盛盒嘅款式，但實際操作同一千蚊二千蚊位嘅廚師發辦都有不同。呢度收平時食開嘅三份一價錢，而且係小店，餐廳位置較為密麻，加上而家人氣甚高，就唔會話好似食高級日本料理咁成晚得幾個客。上菜同廚師發辦都唔同，會一次過上哂成份特盛，唔會逐件慢慢掐，或者有師傅同你交流，自己衡量番啦，我地覺得整體合符期望，質素同價錢都成正比，而且店員都好殷勤，keep住加茶
店員先送上welcome drink，兩小杯，含酒，但好淡好淡，唔飲酒果位朋友都可以接受。
如果好抗拒酒精，都可以同店員講聲，眼見隔離枱就轉左做水果飲品。
因為想試唔同款式，就揀左刺身、壽司（特盛）各一份，$298一份，每份有九貫。
魚男九段壽司盛：
首先上枱係「魚男九段壽司盛 極上」，主食揀左烏冬，賣相同照片一樣，係半份樓梯嘅擺盤，十分呃like，一定要相機食先。壽司款式由淡到濃嘅味道都有，紅鯛、牡丹蝦、油甘魚、金鯛、帶子、吞拿魚、海膽等，共九件，整個盤放埋豉油、碗筷、芥茉、烏冬。烏冬用茶壺仔上，都幾特別。整體壽司質素都係不俗
飯粒酸度適中，唔會太大件，壓得略實。魚生挺新鮮，鯛魚口感爽鮮，吞拿魚非腩位，但都幾肥美，牡丹蝦正正常常，睇番話魚生係產地直送，咁都有d保證
食完壽司、刺身，我地先食個烏冬，老實講，先後次序都冇特定規矩，咁理論上控淡至濃，但都可隨個人喜好。
烏冬魚湯味較濃，我地最後先食，以免影響魚生嘅鮮度。湯底魚湯味重，不過可能因為太遲先食，烏冬質地有點腍。
魚男九段盛刺身 特盛：
呢款都係298，多數2人食都會一份壽司、一份刺身，咁就剛好砌成完整嘅旋轉樓梯咁
不過眼見師傅一次過做幾set，所以比起壽司盛，刺身盛上菜係相隔一點時間。其實大家都心知肚明，大家係為影相、打個卡先點呢款九段盛。
如果兩份都相隔十零分鐘，要等埋一齊影相，都怕會影響魚生質素。
刺身有九件，牡丹蝦、玉子、海膽、吞拿魚、鰹魚、活貝、劍魚腩、鯛魚等，而主食就係吞拿魚腩蓉丼，伴麵豉湯，漬物。
刺身同壽司盛其實都一樣鮮味當然啦，比起高檔日本料理，點都有d距離。
吞拿魚蓉飯量不少，足夠送哂成碗飯入口順滑，無渣無筋，加上白芝麻，很香口，唯飯粒較黏。
人均三百蚊咁，食完都會覺得飽肚，整體都好新鮮，又適合相機食先，物有所值啊。
我地星期五晚黎到，六點開門，大概十零分鐘，都已經滿座，所以建議先行預約喇。
张贴
