私家廚房 (已結業)

又一次收工行去油麻地 再次經過和譽發大廈 這兒真是愈來愈多食店 一邊睇樓下水牌一邊睇埋openrice😎最後私家廚房成功突圍而出🥳🥳 因為男友話西餐成日都食 難得有中菜 就一就你啦🤪冇改錯名 上到去好有「私家」既感覺 唔好請間開左好多間房 就連一間房都分開左幾張桌 唔會隔離桌都聽到你傾計既內容 佢個餐牌勁啦 好多野食選擇 成10頁紙 每頁都係密密麻麻 選擇困難症既我地終於選到2個小菜 1個小食 另外重嗌左碗湯暖下胃先先到既係漣漪飄香 這款餐牌唔多覺 但就係店員介紹我地既 話係得獎美食黎架 （$38@件）見唔係太貴又好似好勁 同埋又可以散嗌 所以就試試 原來係蓮藕夾左幾層 然後應該內有小小肉 再脆到卜卜脆 又脆又爽口感真係1流 同埋配上自家制蘋果喼汁 這個前菜真係必點之選👍🏻👍🏻👍🏻然後就點了個精選冇味精足料燉湯 是日靚湯係南北杏燉雞腳 熱辣辣既湯飲完真係好舒服😌 始終雞腳有小小油 但味道好出 好飲燉左好耐咁👍🏻👍🏻小菜就點了豆豉炒大蜆（$138）嘩 真得勁開心 因為份量好多 d蜆食極都重有 而且豆豉再加埋辣椒🌶️去炒 微微地辣再加上蜆既鮮味 炒得幾好 同埋個芡汁又唔會太過杰身另外就是鹹蛋

旺角這間「私家廚房」，聽聞是由食友 C 小姐提供，說「欖角蜜餞一字骨」和「蔥油新鮮雞」好得，其他家常小菜也不錯。 早前祖兒生日，來這裏慶祝。我遲了5分鐘到達，其他人已在吃「黃金脆魚皮」$88 ： 我一向不太喜歡吃鹹蛋黃包着的「黃金乜乜乜」，真心都要讚呢個魚皮。雖然價錢稍貴，係新鮮熱辣炸起，薄脆到不得了，又不會覺得油膩，重點是鹹蛋黃味道點到即止，不會太 over。轉眼成兜食晒。 店子主要是主打一些家常小菜，點菜朝這個方向就可以了，不用選太花巧的。 家庭式「鹹蛋豆腐肉片白菜仔滾湯」$188 / 約五至六人份 同屋企滾的沒兩樣，零味精，真材實料，湯清滾熱辣。有時飲啖平淡的滾湯，都幾暖在心頭： 侍應為我們盛上湯料，再附上辣椒豉油。豆腐、肉片、白菜，又可以當係一味餸，令我諗起一句「鹹魚白菜，也好好味」。 「欖角蜜餞一字骨」$138 ，今餐其中亮點： 煎成金黃色的半肥瘦一字排，表面沾滿蜜餞，肉帶欖的鹹香，相信大人小朋友都啱食，C 小姐無介紹錯！呢間餐廳勝在小菜即叫即做，令食物味道有加分，而且也不用等太久，呢點係抵讚的。 「香煎蓮藕餅」$128 可以用生菜包來吃，或者沾喼汁就這樣吃。

今次同朋友慶生，想食中菜但又唔想咁悶，估唔到油麻地會揾到呢間私家小菜館！蓮渏飄香 $38/件 招牌菜炸蓮藕釀墨魚，老闆推薦一定要嗌，薄薄嘅炸粉包裹住爽口嘅蓮藕同彈牙嘅墨魚，點一點酸酸甜甜嘅蘋果香醋醬汁黎食，滿足多層口感同味覺😋籠仔海生蝦蒸飯 $288呢道菜無論蝦定飯都份量十足，每隻海蝦已經開邊🦐，直接品嚐到蝦肉😋。飯係呢道菜嘅精華🍚，用蒸籠蒸嘅飯食起上黎特別有米香🌾，蝦汁完全滲透落d飯度，有好濃郁嘅鮮味，唔會好乾身🥰。海蝦雖然唔係好大隻，但肉質爽口彈牙，都好新鮮！欖角一字骨 $138豬肋骨用欖角醬汁炸成，少少似蜜糖咁好香好甜而且外皮好香脆，食落肉質非常juicy一啲都乾柴，啲肉離哂骨好易咬而且又肥瘦均勻🐷正啊！沙巴龍蠆海斑兩食 $388小編比較鍾意食清蒸龍躉🐟，魚肉好嫩滑，有d入口即溶嘅感覺，醬汁調味適中，令魚嘅鮮味更加突出。龍躉魚皮好厚好滑，連埋魚肉一齊食嘅話，骨膠原質感好豐富，好有層次感呀🤩最後老闆仲送左個冰鎮菠蘿🍍係間好親切嘅私家小菜館😆

這晚約了好閨蜜👭出來了解下對方的近況，我就找了這間私家廚房，食些小菜而且好似有點家的味道，因為她搬左出黎自己住了一排，我諗她也小吃了家庭小菜，其實都好佩服她有勇氣自己一個生活...木桶藥膳豬手 $138黎到就令我心心眼了😍呢個完全係好養身既菜式😆因爲有好多蟲松花係面頭，仲有補血的紅棗...豬手既份量有好多🤤豬手煮得好 “冧”，可以好好補充骨膠原！豬手含豐富蛋白質及膠原蛋白，有助改善皮膚及防止衰老。食左咁多豬手令皮膚變靚靚👸🏼薑蔥山根魚卜煲 $118好閨蜜原來係未食過魚卜，所以叫黎俾佢試一試...我還跟她介紹魚卜係被稱為窮人花膠，因為魚卜含豐富蛋白質，有滋陰作用。黎到時炸炸聲，好熱～～薑蔥味好濃，魚卜出面好似有層粉，咬落就好似有啲多左咁😂豉椒炒大蜆 $138這道菜式最能看得出，廚房鑊氣的功夫....炒得好野味，豉椒好濃，每粒蜆都有肉🤟🏽肉質好豐滿💕

簡約裝修 家的感覺有小炒,小菜 雞煲,大盆魚古法扣燴米鴨 焗魚腸,原隻咸豬手花膠,海參都吃到 豐儉由人煲仔小菜接近20款有魚有蠔,有素有臘味款式基本上食什麼菜式都一定要預訂先確保有貨籠仔蒸飯,有海龍皇,生蝦蟹,臘味款另有一款帶子粒配豬頸肉4-6位用$288 份量十足,用料新鮮小炒時蔬蝦帝炒魷魚芥蘭,唐生菜,椒絲炒時蔬菜心牛肉,上湯浸娃娃菜等平均大約$98至168 視乎食材小菜另有油鴨炒荷蘭豆,指天椒蒸大魚雲滑蛋炒蝦仁扒豆苗欖菜四季豆炒豬頸肉蒸肉餅,蒜泥豆曲,煎肉餅,炒牛肉湯款亦多招牌菜膽雞翅 海龍皇豆腐粟米魚肚  咸蛋肉片豆腐白菜無味精燉湯帶子蒸滑豆腐,紅燒豆腐麻婆滑豆腐小炒王賽螃蟹 尖椒炒雞丁咸蛋黃冰鮮中蝦  xo醬雞球南乳一字骨  頭抽冰鮮中蝦(煎)西蘭花玉帶子另鮮蔥油雞,上湯菜膽雞,白切走地雞,必要先預訂小吃類一口脆豆腐,脆魚皮(黃金)魚片頭,白魚蛋 漣漪飄香拎獎菜2片藕肉片夾墨魚滑再炸脆有芝士西式中煮,同樣美味 炒時蔬用上菜心仔,芥蘭清爽鮮綠,份量亦多炒得幾好食辣酒煮東風螺 紅紅烈火色既湯汁,但沒有死辣,配上肉厚螺肉辣味香濃之餘味道鮮又爽小食辣皮蛋特別調既辣汁配上高品質皮蛋非常

同瑜伽友喺康體會上完瑜伽堂，去鄰近食肆林立嘅譽發廣場搵嘢食，終於㨂咗啲間私家廚房。地方唔算大但佈置得頗有心思,天花掛咗幾盞巨大嘅水晶燈令光線充足，設計師用咗一幅幅布簾掛喺每間房門外。魚缸內有生猛海鮮游嚟游去。Menu有多種菜式仲有煲仔飯，當然唔少得有生猛海鮮。呢味鼓椒炒紐西蘭蟶子皇，鮮甜無比；配埋三色椒同洋蔥一齊炒,真係最佳配搭。 加多個南乳粗齋煲，數落有五六樣材料，䅗瓜、蓮藕、豆卜、雲耳、支竹同粉絲，味道淡口夠健康。最後仲有碟菠蘿贈送，雖然只得幾塊甜菠蘿，但擺設夠精緻。

在煩惱着要去那裡和dad慶祝b'day之際,喺openrice見到依間新小菜館,而且評價都很高,所以隨即網上訂座.網上提醒餐廳會聯絡客人如何給每位$100 deposit作confirmation,但過了一天都沒有收到電話,所以打了去confirm是否訂座成功,接着收到了dee哥,老闆的whatsapp,提供很多餐廳要預留的菜色及推介.我訂了推介的半隻鹹葱油新鮮雞及蓮猗飄香.我早了半小時到,因要放下蛋糕.dad到埗後,便開始點菜.很喜歡這裡的menu會寫明那些食材是新鮮或冰鮮,非常清晰.Dad很愛吃海鮮,所以點了每人1隻蒸蒜茸粉絲紐西蘭大聖子及大龍躉兩味.先來的蓮猗飄香,蓮藕片夾着墨魚滑,很大件香脆可口,中心有少許芝士.大聖子超正!!😋😋非常爽甜,真的想吃多幾隻!龍躉兩味,有菜遠同清蒸,連咀刁的dad都讚不絕口,話很難炒得這麼好吃.可惜我最期待的新鮮雞煮過火候很鞋很老,要不然味道其實很鮮香.最後送了冰凍🍍做甜品,還有我帶來的蛋糕.連最有要求的dad都很欣賞這裡的菜式,海鮮絕對是強項👍服務又very good,一定會再來😋😋

第二次食私房菜了，以前的私房菜需要與負責人聯絡商量菜式，又要很早預約，有些更有人數限制，其實都頗麻煩。而這一間私房菜只需要預約，更有不同的菜式選擇，想食私房菜的就更方便了。店內的裝修雖然沒有華麗的燈飾，但是設計上也很特別，更有一些類似包廂的座位，海譽有人多一點私人的空間飯聚。我實在太肚餓了，所以急不及待點了幾個餸，這個 鱔鍋，配料方面是十分入味的，唯獨鱔不夠彈牙，如果可以煮多一會，應該會好一點。這個是美國桶蠔，店員會在我們面前開啟，然後數有多少隻，應該是有七隻的，但是吃的時候卻少了一隻，不知為什麼呢？不過這個菜式是十分好吃的，所以不敢叫了一碗白飯。一碗白飯的價錢是價值$15 ，價錢婆貴了一點，但是白飯的質素不是茶餐廳那些瀾的飯，算是有一點咬口的，也不錯。飯後甜品，一直是大多數人的習慣，餐廳也很貼心，預備了又香又甜的甜品，很鮮甜呢！

上星期約咗好姊妹同佢另一半食飯，double dating 要揀間大家都岩食既餐廳，我諗私房菜就最好不過啦。一黎到見到大家都食海鮮，香噴噴咁，我地都嗌咗碟炒深海龍躉骨腩食。炒得幾野味，肉骨分明，唔會話中間有啲鬼鼠骨，所以都好易食！味道鮮～四色拼盤有指青瓜、麻醬豆腐、拌雲耳、海浙全部都好開胃，一邊等熱盤一邊食住就岩晒。鍾意佢個拍青瓜用咗口水雞辣汁拌，好惹味蒸柚皮呢個真係第一次試，原來好花功夫，蒸得夠軟就要睇廚師功架，呢間蒸都好鬆軟，質感似蘿蔔糕咁軟，有料到～藥膳豬手好香濃既藥膳味，湯底係精華，一定要飲！手打芝心墨魚丸炸得好香口，芝心夾係入面，配合得都唔錯，如果芝心更多就好了我地最後仲嗌咗冰震菠蘿食，好juicy !!

譽發廣場愈來愈多餐廳，上次嚟到呢度食飯見到有間類似私房菜嘅餐廳今次就預早訂枱去試一試，餐廳地方唔大但係都有幾間房仔都有好多人喺度慶祝生日喎。今次唔係好肚餓，所以就叫咗兩個海鮮同埋一個小菜，都已經食到好飽，店員推介我哋食炒蜆同埋蟶子皇，因為我哋都係比較重口味嘅人，所以就叫咗豉椒炒，叫完先發覺重複咗。不過佢哋嘅豉椒炒得好好味，而且有好多洋蔥同埋青紅椒。蟶子皇都幾大隻炒蜆亦都好大碟好似食極都仲有另外叫咗份西蘭花炒牛肉，原來又係超大碟， 牛肉炒得啱啱好唔會太硬，而且調味好好唔會太咸餐廳仲會送一份冰鎮菠蘿，係新鮮菠蘿嚟㗎，而且仲好甜添

同媽咪食飯，要坐得舒服，野食又要特別，又唔好太嘈。除左酒樓外，搵左間私房菜同媽咪嘆下約左媽咪係油麻地地鐵站等， A2一出行2分鐘就到，好易搵店內裝修好有格調，而且仲有海鮮缸，海鮮一定好新鮮 呢到除左叫小菜外，仲有火鍋選擇。今晚由媽咪發板豉椒炒聖子王, 入面除咗聖子皇外，配料仲有洋蔥，青椒，紅椒，黃椒，炒完份外惹味賣相唔錯不愧為聖子皇，睇下條聖子既肉幾大條，食落爽口鮮甜呢個係我既指定菜式，哈哈，得獎名菜，點都要食最入面係手打墨魚， 夾住蓮藕， 再攞去炸， 配搭好新鮮。 食嘅時候有唔同口感， 再加埋個醬， 少少酸， 同個墨魚蓮藕餅好夾蔥油雞: 面頭嘅蔥最啱攞嚟配飯， 食得出係新鮮雞, 雞嘅皮下脂肪好少, 雞肉嫩滑, 媽咪好鍾意最後飯後水果係冰鮮菠蘿， 菠蘿鮮甜， 而且擺盤好靚， 媽咪對呢餐好滿意， 下次再嚟食

呢間係旺角嘅私家廚房夠晒「私家」👍🏻因為呢間餐廳係有多卡位同房間，岩晒一啲中意有私人空間既朋友，慢慢食慢慢傾，亦方便一大班朋友親戚來食飯又想有多d私人空間。卡位亦全部都有間隔，又有簾，唔會撞口撞面同隔離枱一齊食飯咁。呢度嘅menu好多選擇，海鮮、小菜、煲叫乜有乜！仲有魚缸比客人揀海鮮！我哋就叫左幾個小菜，有涼拌四色小拼盤、香炸芝心手作墨魚球、撚手木桶藥膳豬手同埋柚皮，全部份量都不少！不得不提的是埋單時的小驚喜，冰鎮菠蘿🍍！老闆送左一條冰船上面鋪左菠蘿，好有心思，吃水果又可一解油膩。

唔知係咪人大左呢開始鍾意食中菜! 朋友介紹話呢間私房菜味道唔錯，所以就拉咗男朋友嚟試吓啦環境雖然唔算好大，但勝在企理乾淨唔錯款式都算多相，海鮮、冷盤、連雞煲都有，唔怕無野啱食先來個豉椒炒大蜆$138，鑊氣十足，大蜆食落新鮮惹味，無論送飯定送酒都好夾之後再叫咗個菠蘿咕嚕肉$138，咕嚕肉炸到外脆內軟，師傅技術幾好另外佢個汁酸酸甜甜咁，好開胃最後再叫左個鮮魷炒芥蘭$168，鮮魷爽滑唔會韌，而且由於加咗嘅蝦醬一齊炒，所以特別惹味最後餐廳就送左個冰鎮菠蘿比我地添！菠蘿又甜又多汁，而且食落夠晒冰凍，正！

除左酒樓同茶餐廳 去到旺角真係比較少食小菜既鋪頭😣但今日就俾我係譽發廣場搵到間幾多好評既私房菜 - 私家廚房😳其位置十分近油麻地地鐵站 好方便😛入到去有唔少位都已經寫住留座 呢度仲有幾個獨立房間 所以大家如果想試都記得要預先訂座 拎個好位😈好好彩我地兩個人但都可以安排到四人卡位 兩旁的帳幕令人有私隱度upupup既感覺😂😜由於我地好肚餓 所以叫左三個小菜 分別係欖角蜜餞一字骨 美極生煎龍躉海班頭腩 同埋金銀蛋浸時蔬😍首先係一字骨 HKD138一份但份量真係十分十分多 有4人份量😱肉質十分軟熟和入味 甜甜的好岩送飯😝 呢個配搭係普通酒樓茶餐廳亦十分少見!而生煎龍躉係我媽咪既最愛 份量亦絕不欺場 一共有十多塊 又係食極都仲有之選😂煎既火喉控制得剛剛好 入面既肉唔會老 冇浪費到龍躉😚去到最後仲有生果送 酸酸甜甜既菠蘿一解吃到中菜後的油膩感 夠曬貼心😻

見到食評寫到D菜式都好似幾好，所以決定要去試下，我地有大有小共13人，安排坐長枱已經覺得很方便， 都唔知點樣夾餸，都算啦如果D餸菜好味的話， 又話係新鮮雞必食， 但食落又鞋又冇雞味根本唔係新鮮雞， 籠仔蝦蒸飯最後一道餸先嚟 仲要啲飯好鹹啲蝦係梅，一D都 唔值嗰個價錢， 其他餸菜 就一般般 都還可以接受， 但如果咁嘅價錢就真係唔值啦