第一郡 (已結業)

之前係深水埗已經想去試，不過太多人等，所以無食到，今日去天后見到有第一郡，原來佢地開左分店係天后，今次見有位，梗係要入去品嚐下。越式軟包咁大個女都未食過越式包，梗要叫黎食，一上枱見到個包嘩一聲，都幾大下，饀料非常仲好多，有腩肉、扎肉、肉鬆、酸菜、青瓜、芫荽和肝醬非常豐富軟法包皮脆，酸菜酸酸地令人胃口大開，昵個包好好食，值得推介比大家米紙蝦卷，係由米紙包住檬粉、蝦、香菜和生菜等⋯⋯本身材料都比軟淡味，所以呢道菜有個醬汁跟。上面碟係班斕綠豆糕，糕好煙韌，味道帶有椰汁味和少許班斕味。烤豬肉湯河河粉滑，配上爽囗洋蔥和芽菜，香菜未必人人接受，但我喜歡吃烤豬肉味道有啲似豬肉乾，但有肉汁嘅豬肉乾，好特別又幾好食

其實之前去深水埗食過第一郡之後 有時經過都忍唔住去買杯牛油果沙冰外賣嘆下 咁啱去開天后個邊做野 朋友同我講話附近開左間分店 咁就一定要去食啦一去到發覺呢兩間分店既最大分別就係呢度大間d 有卡位坐得舒服d〰️蟹膏蕃茄湯檬〰️$50又係食返呢個湯檬啦 大大舊既蟹膏餅仍然係亮點 加埋個大蕃茄既蕃茄湯底 因為呢個蟹膏餅吸晒d湯 所以一咬落去就感受到濃郁既蕃茄味有一絲絲既蟹膏既咸味 係正既〰️烤豬肉撈檬〰️$50烤左既豬肉好惹味 而且仲要剪得細細片咁 易入口 〰️斑蘭綠豆糕〰️$13另一必食推介 面頭煙煙韌韌 而且綠豆蓉好滑及好香 唔太甜 〰️牛油果沙冰〰️$30每次都必叫 因為又香滑 又好濃味 好似飲左成個牛油果咁呀

第一郡Q1同事話天后開左一間越南野，知道我中意吃越南野，於是收工同我去吃個下午茶，我當然義不容辭啦！收得早系好好咖！吃完下午茶先系6點，還可以繼續吃晚餐，哈哈哈哈！一到步，論裝修，不過是普通餐廳的裝修，可是4點半已經有客人，大概都是為了食物而來的！門口的招牌甚至難以令人找到店鋪，趕緊進去試試！我們一來就想叫一個米紙蝦卷和斑蘭綠豆糕 ，聽朋友講好好味哦！可是這家生意太火爆了，都賣光了！蟹膏蕃茄湯檬$50蕃茄和蟹的配合並不是什麼新鮮的配搭，只是永遠都是最好的配搭，湯底很清甜，儘管有許多的其他的配料，蝦膏做的蛋和豆卜和扎肉，它們不會喧賓奪主，倒也吸收了蟹和番茄一起煲出來的湯，成功，大概也就是如此！三色蛋豬扒飯$50一直豬扒配太陽蛋都總有一番風味，那是茶餐廳的味道，而越南餐的特色必然會加上酸甜的白蘿蔔和紅蘿蔔絲，番茄的配合是錦上添花。達到色香味俱全！滿足的一個下午！

今晚想食得輕巧一點，想起同事介紹過呢間越南菜館話好抵食又好味，一於和男友試下先蟹膏蕃茄湯檬~材料非常豐富，有蟹膏餅，蕃茄，扎肉，豬紅，香葉，芽菜，生菜和檬粉湯底~以鮮蟹熬製, 有蕃茄的酸味，更有蟹肉和蟹膏 的鮮甜，好有層次，好開胃蟹膏餅~質感有少少似索左湯汁的冰豆腐，軟軟綿綿 又有濃濃的蟹膏味，浸落湯汁尤其美味越式扎肉~豬肉味濃又夠爽口米紙蝦卷~米紙夠薄又煙韌，餡料極多，有檬粉，蝦，豬肉，香菜和生菜，又爽甜又新鮮，蘸埋自家製醬汁更美味越式法包~ 法包好脆好鬆軟香菜，青瓜，芫荽和葱與肝醬，扎肉腩肉混和一起有解腻作用，口感好豐富椰皇清甜芒果沙冰奶味好濃，比較似芒果奶，冰凍解渴斑蘭綠豆糕~斑蘭味好濃，好煙韌彈牙，裏面一層是綠豆蓉，清新可口

我同細妹一向好鍾意東南亞風味，今次聽聞天后有間越式傳統餐廳，就決定搵一晚嚟試吓有幾滋味。餐廳位置唔算係人流多嘅地方，但係正所謂地上執到寶，問天問地攞唔到，根據過去幾年覓食經驗，隱世餐廳通常先至有水準😎行到身水身汗，首先叫咗杯涼浸浸嘅牛油果沙冰！飲落有驚喜，牛油果好香甜，沙冰打到好幼滑，幾乎飲唔出係冰，每啖都係牛油果肉😍😍，$30仲平過自己買牛油果🥑認真抵飲，抵過starbucks😆食越南野少不了越式法包，配料有腩肉、扎肉、肉鬆、青瓜、酸菜、芫荽、蔥、肝醬，始終係經典味道🤩成個法包烤焗過，外皮好鬆脆，厚度適中，令到麵包同配料比例得宜！$65以一碗麵嘅價錢來講唔算平，但係分量足夠兩個人分享。上面有大大塊魚肚，吸收晒上湯好好食。自家製拉麵果然係唔同啲，質地好滑，好有煙韌嘅口感。我斑斕蛋糕食得多，但斑斕綠豆糕真係第一次食，冇估到口感咁豐富，兩層滑嘟嘟又煙韌嘅糯米層中間有綠豆蓉夾心，未放入口已經聞到陣陣椰奶香味，仲有綠豆蓉嘅甜味，雖然細細舊要$13件，但係值得嘅👍🏽

今日天黑之前, 就去咗美華氏入手左, 一啲古著二手產品, 買到一袋二袋之後, 就喺附近食咗個晚餐, 入咗間越式嘅餐廳 , 非常之多人, 畀到我好大嘅信心叫咗個越式法包, 裏面非常之多餡料, 有腩肉,扎肉,肉鬆,酸菜,青瓜,芫茜,蔥添, 佢芫茜同埋佢個酸菜, 令到成個越式法包嘅味道層次與別不同, 非常之香, 百感交集! 個麵包烘得非常之脆身, 裏面嘅肉好juicy, 不錯不錯另外再叫咗個 牛展米線, 牛展米線,有豬腳,扎肉,洋蔥, 佢嘅湯頭沒有味精, 非常之好飲, 又健康!芽菜同米線, 有爽脆, q彈, 百感交集, 佢嘅豬手仲要係冇毛添, 非常之乾淨! 牛展肉味非常之香龍, 有咬口

一直都聽過喺第一郡 係一間好出色嘅越南菜但因為實在太遠啊 而且又多人等所以一直都冇機會試點知最近佢竟然係天后嗰邊開咗分店咁就梗係要試吓首先我同阿媽每人叫咗一杯芒果沙冰一杯牛油果沙冰我本身就唔係好好牛油果 所以本身係阿媽飲㗎 但係我試咗一啖我就覺得真係不得了忍唔住同阿媽交換飲 牛油果好香滑 而且好濃厚嘅果仁味 好正之後叫咗個米紙蝦卷 配埋佢嘅獨家醬汁而且入面有好多菜 成個感覺好Fresh之後仲叫咗個蟹膏番茄湯檬粉個蟹膏餅超正 有濃濃嘅蟹膏味最後仲叫咗個越式法包呢個又係不得了 法包好脆而且入面餡料嘅調味啱啱好我同阿媽都好鍾意呢間餐廳真係極力推介

早已聽聞深水埗出名的越來南菜，如今在港島區都有分店，不用山長水遠過海去食，今日同朋友約在天后食lunch ，二話不說就去了這間Q1。點了招牌菜的那幾款菜式，百食不厭。蟹膏蕃茄湯檬$50湯底是用蕃茄跟蟹來熬成的, 喝一口, 沒想像中那麼濃, 反而感覺有點清, 可能是要跟蟹膏攪拌一下才有味吧. 蟹膏本身有加入雞蛋來炒, 把部份蟹膏跟湯輕輕攪一下, 再夾起檬粉同吃, 入口果然有著陣陣蟹膏的甜香, 濃度不算是非常強, 但吃起來不會太膩, 剛剛好. 檬粉本身份量頗多, 伴著蟹膏來吃味道更香; 蕃茄有半個, 體型都幾大, 而且吃起來十分多汁. 內裡還有兩片扎肉, 每片厚度適中, 吃起來質地彈牙, 還有豬紅。米紙蝦卷 $35/2條餡料有青瓜、豬肉、蝦肉、大量檬粉等，打開葉子, 只見內裡就是一大卷的米紙蝦卷, 米紙非常薄身透出兩片開半了的蝦, 而內裡的菜更是塞滿得要爆出來的樣子. 咬一口, 內裡原來有大蝦還有不少檬粉, 配自製花生醬汁. 這個汁非常的濃稠而且很香, 沾一沾來吃, 味道微酸中帶著甜香, 頓時令整個口感都豐厚。三色蛋豬扒飯$50材料有三色蛋、烤豬扒、蕃茄和青瓜，還有介菜湯和酸菜。三色蛋肉餡

一個人的晚餐決定清清地 食越南野🤭入左呢間家庭合作的小餐廳 好warm的感覺原本想食撈檬但見呢餐牌有一個叫蟹膏藩茄湯檬粉，餐牌有相睇，有圖有真相幾特別，又多菜😋決定試下湯看似好清 配上車仔面般的配料 如豆卜 豬紅 紮肉索哂湯汁 十分入味😋紮肉係厚切架 👍🏻去到重點 特別的蟹膏餅 一口咬入去 軟綿綿的 但啖啖咸香的蟹膏味令到成個湯面升華 又另外一個味道😋 加分 值得一試!!!晚餐當然要有甜品我叫左個斑斕綠豆糕一口咬入 好濃的斑斕及椰奶味在口腔中徘徊! 加上中間有層綠豆蓉😋多重味道 香濃面不膩👍🏻重點唔太甜😋岩曬我臨走前見到對面的人叫左紮肉軟包 好大份咁 好多涵料好吸引 下次可以叫來試下🤭

兩步曲：食蟹膏蕃茄湯檬！早排係雜誌睇到依間越南餐廳連我既同事都大力推介搞到我真係真係好想試~臨放假前當然就要把握機會~來品嚐依個越南風情！深水埗算係創始店怕人當擠迫~又加上住新界東既我見到天后依間開左無耐~就當然揀天后店啦來到鋪頭已經滿座~店鋪門口就係店家既開放式廚房可以一邊等一路睇住姐姐係到整越式法包煮下麵打發下時間等左大約5分鐘到就已經有位一早想來食既我~當然會做足功課啦！心中當然已經有個必食清單牛油果沙冰 $30依個牛油果沙冰我同朋友都一致大讚！完全係牛油果奶昔~全杯都係牛油果同奶！！！！！完全飲唔到任何沙冰~足料到我想幫佢改名為牛油果奶昔~唔單止足料~仲要好幼滑順口！好鬼正！大力推介~滴滴咖啡(熱) $25去過越南既朋友仔成日推介我飲越南咖啡未去過越南既我一直有個心癮想試下~一來見住佢滴滴好過癮二來越南既咖啡口味好獨特，同平時飲到既絕對唔同越南咖啡用既咖啡豆係相對較重苦澀同平時飲到既西式咖啡有所不同越南咖啡既底部放左煉乳，並唔係糖或者鮮奶原因係煉乳既甜道可以中和咖啡豆既苦澀亦都造就左越南咖啡既獨特口味！而店家做到十分地道~同我一樣甘八卦想一嚐越南咖啡既你地一定要試下，十分得意！

吃過深水埗的第一郡，都它的牛油果沙冰和斑蘭綠豆糕念念不忘，媽時不時特地去買外賣。知道天后開了分店，也一直想去支持下。青檸梳打先點杯梳打解暑。三色蛋豬扒飯豬扒超大塊，少少硬少少乾，但不嚡不韌，淨明沒有過量的加工。醃得不錯，帶微甜，配蔥很夾。蕃茄和青瓜很新鮮。三色蛋不算特別，略嫌偏乾。白飯的飯香不俗。加配一隻鴨蛋，味道不錯，同樣偏乾，但加得值得。牛油果沙冰最期待的牛油果沙冰，沒有令我失望，打破了開分店會變差的魔咒。又濕又厚，牛油果味香濃，偏低的甜度恰到好處。蔬菜燉牛腩店員推介只限週末供應的燉牛腩。別看它細細碗，超多牛腩，炆得入味又嫩腍，還帶點黏，出期地好吃。紅蘿蔔和薯仔也夠腍。法包烘得外脆內軟，外層的脆不是硬脆，中間鬆軟的同時有重量，絕對吃得飽。法包吸滿醬汁，蔬菜味、牛肉味加少少甜，值得一試。斑蘭綠豆糕最後少不了這件甜品。軟腍腍又煙煙韌韌，充滿葉香，中間夾著適量的綠豆蓉帶來甜味。吃完再買多兩件回家孝順老媽。一家人經營，充滿人情味的小店，而且聽到他們的越南話交談，更有地道風味。還想試試即叫即造的法包，不過太飽了，只好留待下次。

雖然是米芝蓮入圍店，並不囂張反覺得低調的格局，有舒服感覺。選擇並不多，只麵類和飽類，貴精不貴多吖嘛！越色軟飽 $33麵包不是法式那種外脆內軟的，而是酥軟，非常可口。餡料好豐富，有札肉，腩肉，酸菜，芫茜，青瓜，肉鬆，肝醬和蔥。口感複雑，腩肉和肉鬆有嚼口，肝醬另整體味道濃郁，酸菜增加開胃感，芫茜添加香氣。好味！份量不算大件，最適合少女們。牛油果沙冰 $30即叫即做，好新鮮，味道清淡，質感濃稠，健康有營的飲料。

與朋友到炮台山，他以前曾經在那區工作多年。今次去到威菲路道，見相鄰有兩間越式食店，我們就選了一間食傳統順化米線的試試。食店的裝潢是傳統的小餐館型式，地板鋪上階磚，中堂其實有很多位置，一般都會擺放可分拆的長枱，可以多十個八個座位，現在留空就會使餐館有更大的空間感及沒有那麼擠迫。原來餐館的總店在深水埗，而這裡開業了大約十個月。與老闆閒聊，原來都是一家人做，老闆娘是正宗越南人，所以敢講做的是正宗越南菜。打開餐牌，只有底面兩頁，選擇不算多。我們點了順化牛腱米線($65)、蟹膏蕃茄湯檬($50)。我們來到的時候已經時間不早，差不多八時，原來食店是收九時，所以有些想叫的，如米紙蝦卷都已售罄，就只叫了一個牛油果軟包($33)，飲品方面芒果沙冰也沒有了，就只要了兩杯牛油果沙冰(每杯$30)。所以經常說早些到，有著數。順化牛腱米線是他們的招牌食品，當然要試。湯底並不走熬十個八個鐘的濃湯路線，所以並不濃稠，但清得來帶點甜，有金不換的香味。材料除牛腱外，還有豬蹄、札肉、洋蔥、芽菜、蔥花及米線。牛腱腍滑，豬蹄更加炆得骨肉分離，整碗米線肉的份量非常多。蟹膏蕃茄湯檬的湯底亦非很濃，湯的蕃茄味亦不很重，但有蝦膏味。

第一次食呢間越南野，估唔到質素幾好，可以作長期飯堂！先講下佢既Bang Mi法包其實我地係簡左軟包 因為細份啲驚太飽食唔落飯烤豬肉軟包，超足料，芫西多到跌出黎！仲有酸葡萄，夾埋咸既豬肉食，好複雜既味道但好正！個包軟過法包，個人鐘意軟啲易咬！三色蛋豬扒飯，三色蛋其實係類似蒸水蛋，有啲蘿蔔絲有啲豬肉碎咁，都幾特別未食過！豬扒係香茅香味，都幾林！順化牛展米線有好多送：一隻大豬手、兩三塊大牛展、兩三塊厚札肉、爆多芫西豬手好林呀！牛展都係，又夠厚身！札肉係非常有味同係越南食既一樣咁好食，impressive!湯底唔辣但惹味！牛油果沙冰不錯，清清地青檸梳打，梳打另上，都係唔錯：下次會再食，因為好抵！

中秋翌日的下午，想去維園的綵燈逛逛，又想去時代廣場買衫給男友，同時還記掛著Q1的蟹肉檬要 於是小丫頭與男友決定舊地重遊，再來Q1覓食食。特意打車來到天后，發覺Q1旁邊新開了另一家越南餐廳，但相比之下，Q1食客遠較旁邊那間為多，小丫頭與男友自然毫不猶豫，直奔Q1！餐廳更新了餐牌，比之前多加了些圖片及菜品描述，不變的是親民價格。小丫頭點了心心念念的蟹肉檬要，男友則來點新意選了三色蛋豬肉飯，飲品照舊是牛油果沙冰，而此行的另一重點則是上次售罄未能品嚐到的班蘭綠豆糕。蕃茄蟹肉檬要（$50），兩個月後重臨，味道依然令人驚歎，蟹肉餅份量十足，配上大大個蕃茄、扎肉、豬紅、豆卜、香草，湯底鮮甜有蟹味，與檬粉相輔相乘，可謂Q1必食之選。三色蛋豬肉飯（$50），豬肉偏甜，帶點焦香味，肉質未算乾身亦不韌，三色蛋裡可見有肉、粉絲等配料，味道鮮美但略嫌嚐不出蛋香，飯上面的蔥油配飯一流，菜湯味道清新，正好中和豬肉及蔥油的油膩感，整體味道不錯。班蘭綠豆糕（$13），第二次來，終於成功嚐到這綠豆糕，包裹在班蘭葉中，一上枱已經聞到陣陣班蘭香。綠豆糕分開三層，每一層都有不同質感，面頭極軟糯煙韌，中間夾雜cream的香味，底