米走雞Live

营业中

休息中

米走雞Live 位於觀塘 🍲 主打雞煲 🐓 可配多款配料 🥢 有音樂現場表演 🎤 幾有氣氛 🎶🍲 招牌芝士雞煲雞煲鋪滿芝士 🧀 加熱後溶化 ♨️芝士味濃 香氣撲鼻 🐓 雞件嫩滑🌊 涼拌海蜇木耳絲海蜇脆彈 木耳清爽 🍄 兩者涼拌 清脆開胃🦪 美國桶蠔口感嫩滑 鮮美多汁 🌊 大隻新鮮 沒有腥味🐑 蒙古羊肉片薄片柔軟 落鍋涮熟 🥩 肉質不錯 帶點彈性🦐 蟹籽鮮蝦滑蝦肉彈牙 添加蟹籽 🦀 鮮美鹹香 增加口感🍜 黑松露蟹籽魚麵口感柔軟 富有彈性 🍄 松露香濃 魚麵吸湯

喺觀塘，有間喺網絡上爆紅嘅火鍋餐廳——【米走雞】。呢間餐廳喺網上嘅好評如潮，各種火鍋湯底選擇豐富，令人忍唔住想去試下。我終於有機會同朋友一齊去體驗呢間餐廳嘅火鍋啦！我哋點咗一鍋金湯桃膠花膠雞湯，主料包括雞肉、桃膠同花椒等。湯底熬煮得非常入味，唔單止好味，仲有養顏效果，特別受女生鍾意。湯汁濃郁，桃膠同花膠嘅搭配令整鍋湯更加滋補。作為牛肉愛好者，我哋梗係唔可以錯過餐廳嘅霜降Prime牛板腱。呢間餐廳揀咗Prime級數嘅牛板腱，帶有明顯嘅霜降脂肪，肉質適中有咬勁，濃郁嘅牛肉香味令人回味無窮，簡直可以話係完美之選💯蔬菜方面，我哋揀咗娃娃菜。娃娃菜同火鍋湯底一齊煮，唔單止令湯底更加鮮甜，仲將湯底嘅味道融入咗蔬菜中，更加好味👍🏻諗唔到呢間餐廳嘅食物咁好味，一度以為只係網絡上嘅虛傳。依家睇嚟，真心推薦大家去試下呢間火鍋餐廳！

有一排特別鍾意打邊爐，啱啱好我嘅好同事外出見客時，喺觀塘附近搵到咗一間好有特色嘅餐廳叫【米走雞Live】。雖然佢哋主打雞煲，但係都有火鍋食，非常有特色。於是乎我哋就安排咗星期五晚嚟呢度打吓邊爐，吹吓水，食個晚餐。嗰度嘅環境畀我一種酒吧風格嘅感覺，座位又好寬敞，非常舒服，唔會窄。我哋要咗一個杞子花膠膠原鍋作為湯底，湯底鮮甜濃郁，非常鍾意佢嘅甜味適中，又唔會膩，而且入面嘅花膠增添咗軟滑嘅口感，好香。我哋叫咗好多樣菜嚟煮火鍋，有幾樣係我特別鍾意嘅。蒙古羊肉片從色澤上睇就係好粉嫩，然後羊膻味唔會重，湯底啱啱好可以蓋過膻味，煮入味咗羊肉都好鮮甜，仲會有羊肉獨有嘅香氣，好好食！然後白鱔魚片口感又好彈好滑，有海鮮嘅甜味，魚肉再配口湯好正！娃娃菜又好新鮮，甜味好濃，口感又好脆，係火鍋最唔可以少嘅菜，一定要叫！我哋兩個人最後都食得好飽！真心推薦大家都嚟試吓！！

好耐冇嚟食雞煲，一諗起雞煲我男朋友同我都一定會諗起呢間🤩最鍾意佢哋嘅麻辣雞煲！火焰麻辣雞煲呢個真係必點！兩個人點細份就夠，辣度都可以揀，我男朋友同我都比較鍾意食辣嘅，點中辣已經好辣🥵成個味道係比較鮮香麻辣，醬汁超級濃郁！最緊要係佢哋嘅雞肉一點都唔乾柴，每一啖雞肉都好嫩滑彈牙！掛滿麻辣醬汁嘅雞肉好入味，麻辣又鹹香十足！🤤食完雞煲之後可以再加湯繼續落材料打邊爐～打邊爐材料都有好多選擇，各式海鮮蔬菜雞肉同和牛呢度都有～🥩蒙古羊肉片切得厚薄均勻，羊肉片肉質軟嫩，一點腥味都冇！輕輕喺湯底涮個十秒就可以開食😋🔥牛柏葉都係打邊爐必點之一！擺落滾湯嘅湯底十幾秒就變得好嫩滑，但係仲保持住牛柏葉獨有嘅彈性同爽脆，一啖咬落去鮮香美味😍🥬之前雞煲嘅湯汁已經好濃郁，所以加咗湯底都唔會淡，燙個生菜都超級入味！正👍🏻

嗰日我一個人係觀塘行街，然後打算返屋企嗰陣就見到呢間米走雞，見佢哋嘅Menu有呢個惹味沙爹鍋，我見好特別就決定喺呢度解決我嘅晚餐。佢哋嘅店員好Nice，個個都好好笑容。環境都好乾淨同好舒服。我點咗一個沙嗲湯底，一份霜降Prime牛板腱，一份虎蝦同埋一份黃金炸饅頭。                                                                                                          沙爹湯很濃郁，仲未上菜我就已經流著口水🤤，食落黎唔會甜膩，好南洋風味同埋好濃嘅花生味，感覺用了不少料調製成的。配上個霜降Prime牛板腱，太好食啦！個肉吸收咗滿滿嘅湯汁，好滑好嫩，咬著會有牛油嘅香氣，絕配！                                                                                                                                                               

講到火鍋，米走雞絕對係我心目中首選嘅火鍋餐廳。前幾日為咗慶祝老婆生日，我帶咗老婆同細路仔嚟呢度食晚餐，真係一個好嘅選擇。老婆點咗金湯桃膠花膠雞湯，呢款湯品非常養生。佢主要以花膠、桃膠同雞肉熬煮而成，雞肉已經熬得軟嫩無比，湯底清潤唔油膩，飲落非常順口。我哋點咗幾款火鍋配料，其中包括霜降Prime牛板腱、M5和牛餃。霜降Prime牛板腱經過廚師精心處理，就算係味道濃郁嘅湯底入面，都可以感受到牛肉嘅香氣。牛板腱嘅味道同口感都好出色。🥩M5和牛餃採用高等級和牛（M5級）作為餃子餡料，雖然牛肉經過腌制，但仍然保留咗牛肉嘅原汁原味。配上Q彈嘅餃子皮一齊食，簡直係完美嘅結合。🥟另外，牛柏葉嘅口感比較有嚼勁，雖然肉質較為緊實，但仍然保留咗嫩滑感。老婆對呢度嘅食物讚不絕口，幸好冇令佢失望。哈哈，下次我哋仲會再嚟試吓其他美食。🤤

早排又約咗飯局～紀錄吓先🤭🤭.✨金湯桃膠花膠雞湯一睇就知已經熬煮咗好耐嘅湯底～金黃色澤超吸引😍餐廳用咗一整隻雞嚟慢火熬煮～雞肉一啲都唔鞋～反而仲好嫩滑！桃膠同花膠亦非常滑潤有咬口～同湯汁相融～口感順滑細膩🤤🤤桃膠同花膠都係非常有營養價值嘅食材～同雞肉一齊變成一道健康又養生嘅湯底👍🏻飲咗兩大碗嘅我感覺身體暖笠笠🥰.✨白鱔片試問邊個會唔鍾意無骨魚片？白鱔魚肉片件件都肥美鮮嫩～落鍋幾秒就可以撈出嚟食～非常之原汁原味！雞湯鍋底好好咁將魚肉嘅鮮美激發得淋漓盡致～入口甘香而且一啲都唔腥😋.✨日本鮮帶子餐廳畀嘅帶子份量都唔少～而去各個個頭都唔細！涮落雞湯鍋底成個超級入味！彈性又緊實嘅肉質入口肥美嫩滑～好幸福啊🥰.✨雲吞必點💯雲吞個頭好大～外皮韌勁十足～而且內餡超級鮮美！皮薄餡大食住真係好舒服好滿足😌

上個週末，我同女朋友去咗一間朋友推薦咗好耐嘅餐廳——位於觀塘嘅【米走雞】。呢間餐廳以佢哋嘅雞煲同火鍋出名，既然朋友咁推介，我哋決定去試下。因為我哋都好鍾意食辣，所以點咗一道火焰麻辣雞煲。上菜時，服務員會喺鍋入面加酒點燃，呈現出火焰效果🔥。麻辣嘅湯底以雞肉為主料，湯底入面有豐富嘅香料，尤其係花椒嘅香味特別突出，增加咗湯底嘅口感同香氣。雞肉滑嫩可口，味道真係好正！食完雞煲入面嘅雞肉後，仲可以加湯變成火鍋。我哋仲另外點咗其他配料，其中包括青花椒牛舌。將口感細膩嘅牛舌放入火鍋煮，食起來味道更加好。喺小食方面，我哋點咗脆炸蝦餅。外層金黃酥脆，每一口都可以食到蝦仁，料好足。仲有萵筍，口感脆嫩，放入鍋入面煮一陣，味道更加好。總括來講，呢間餐廳真係唔錯，尤其係火焰麻辣雞煲，真係我同女朋友都非常推薦大家試下。如果你鍾意辣味嘅火鍋，千祈唔好錯過呀！

原本室友約我聽日去食飯，但佢突然有事，就淨低我一個。我就一個人去觀塘行街，行吓行吓就發現咗呢間港式嘅雞煲店，而且仲有火鍋，睇落唔錯，就打算入去解決今日嘅晚餐。我揀嘅桃膠花膠雞湯真係有金黃色嘅湯底，而且雞肉好大隻，滿滿嘅桃膠同埋花膠，我一個人食到好爽啊！雞湯嘅味道有雞肉本身嘅鮮甜味，特別好飲！仲有桃膠同花膠都好Q彈，好合我胃口！仲有嚟自日本嘅新鮮帶子肉質特別豐厚，仲好有彈性，食落有淡淡嘅鮮味，味道鮮甜，食完仲會回甘，成個口感特別細膩😍而涼拌海蜇木耳絲食落特別解膩，係一道好爽口嘅小食，海蜇都唔會太韌，仲食到海蜇原本嘅味道，加上木耳絲口感更加好！淨係睇青花椒牛脷我都流口水，牛脷切得啱啱好，仲放咗我最愛嘅青花椒，味道更加刺激味蕾，食落特別惹味，而且牛脷嘅肉質都好有彈性，口感特別豐富，吸咗湯底之後更加香，一個字，正！我好耐都冇食過咁爽，呢度嘅嘢食真係好啱我嘅胃口，下次打算約朋友一齊嚟happy hour!

前幾日，終於攞咗人生中第一份工資，然後就諗住帶住爸爸媽媽去食晚餐。從朋友嗰度知道呢間火鍋店，睇住環境同朋友嘅評價都好唔錯，於是就決定帶佢哋嚟呢度食火鍋。佢哋呢度嘅menu有好多選擇，各種各樣嘅湯底。然後我哋決定點咗個超特別嘅鍋，黃金芝士雞煲。啱啱好我哋一家人都非常鍾意芝士，然後呢個雞煲，食完上面嘅芝士雞又可以加湯變食火鍋，感覺點一個然後可以食幾種花樣。加入湯之後，我哋就把和牛放入火鍋度滾。出鍋後，嗰個香味真係一級棒！和牛味道帶有啲芝士嘅味道，好獨特，但係非常好食。平時都係清湯或者麻辣，今次帶有芝士余香嘅火鍋感覺都好nice。後來我哋仲點咗啲海鮮，沙白蜆同黒松露蟹籽魚麵。佢哋嘅食材都好新鮮，放入鍋度越滾越出味，沾上湯底令到呢啲海鮮變得更加美味，鮮嫩多汁，真係令人回味無窮。最後嘅湯底滾咗咁多食材後都變得更加香甜，越飲越上癮。好開心嘅晚餐，爸爸媽媽都食到好開心。

同朋友慶生，佢話想食雞煲，而我想食海鮮邊爐於是就靈機一觸念起呢間米走雞在觀塘都要分店啱晒我們放工去食。食品種類選擇算多起碼我們喜歡的基本都有作為兩位中女梗係要食得滋陰養顏啦所以就選了杞子花膠膠原鍋雞湯奶白奶白色，味道非常鮮甜花膠份量卑得相當大方煮得夠淋且入味，雞件非常鮮嫩就算是雞胸都非常之滑。我們起碼都飲了3碗湯，覺得皮膚都Q彈了！火鍋配料中，涼拌海蜇木耳絲口感獨特海蜇略帶韌性，木耳絲爽滑細嫩帶來清新的開場青花椒牛舌質地柔軟中帶有適度的彈性青花椒的麻香帶來微微的麻辣感唐生菜脆嫩多汁，葉片清脆爽口莖部甘甜清。用餐環境舒服又靚，服務態度親切又細心呢間店成功將傳統滋補菜式同現代人嘅飲食需要結合埋離開嗰陣，我哋都覺得好滿足約咗下次再嚟試吓其他特色菜式

嗰日晚飯時間見到一間餐廳門口排咗條好長嘅隊，就好奇咁行埋去睇吓，原來係一間雞煲火鍋店，我同男朋友決定喺呢間餐廳試吓。由於我哋得兩個人，所以都唔使等好耐就可以入座。餐牌上真係好多選擇，都唔知揀啲乜嘢食，就隨便點咗幾樣菜嚟來試吓。首先我哋點咗金湯桃膠花膠雞湯，湯係用新鮮食材熬製而成，唔單止賣相令人垂涎三尺，味道更加鮮美清甜，而且好回味，激發咗我哋嘅食慾。雞肉都好完美咁保持住鮮味同口感，滑嫩入味，又香又好食。我哋仲試咗佢哋嘅青花椒牛脷，爽口彈牙鮮甜嘅口感，配上青花椒，味道清香麻味重，增添咗牛脷另一種風味。跟住就係花枝片。花枝片味道甘甜鮮美，口感柔軟彈牙，更加係含有高蛋白同低熱量嘅營養海鮮食物，超好食。仲有就係唐生菜，唐生菜嘅口感爽脆，葉片嘅水分都好充足，味道清甜，吸收咗湯汁嘅鮮味之後，食落去十分惹味。

有一次我嘅爸爸媽媽一齊去外地出差，我作為屋企嘅家姐就要照顧妹妹前幾日嘅晚餐都係隨便打包返屋企食，所以就決定搵一日帶妹妹出去食晚餐，佢好鍾意食辣嘅，尤其係麻辣，於是就帶嚟呢度食麻辣雞煲麻辣雞煲一上桌，我哋流曬口水，麻辣嘅味道好濃郁，香氣撲鼻入面嘅雞肉，麻辣鮮香，放入口後口感刺激，令人好滿足食到差唔多時，仲可以加湯變麻辣燙嚟滾火鍋🍲點咗青花椒牛脷，醃製後嘅肉令到佢嘅味道更加豐富呢個牛脷煮過後，有住豐富嘅口感，鮮嫩多汁，好好食咗脆鯇片，佢哋擺盤擺得好靚，睇落都好新鮮。呢個脆鯇片好可口美味，脆嫩脆嫩嘅最後wasabi鮮墨丸我唔係好食得辣，一食就感覺好似食緊一粒wasabi，好刺激味蕾，辛辣嘅。不過口感唔錯，鮮嫩，有啲Q彈，食得津津有味

第一次同女朋友嚟呢度食雞煲，佢哋嘅食物真係有驚豔到我，尤其是嗰個火焰麻辣雞煲，我哋到依家都仲係念念不忘，好想再去食。-火焰麻辣雞煲-雞煲上枱之後，侍應會嚟加酒點火，麻辣同酒香味香氣撲鼻，侍應炒咗一陣雞肉然後蓋上，稍微煮多一陣之後我哋就可以開始食喇。雞煲嘅辣度啱啱好，啲唔食得辣嘅朋友都食得，火焰烹調過後更加突顯咗成個雞煲嘅香辣味，雞肉又好鮮嫩，真係食完仲想再食，完全停唔到口。食完雞煲之後再配合火鍋湯底，我哋就可以打邊爐喇。-西班牙黑豚肉-油花分佈均勻，味道好鮮美，肉質好嫩而且好有咬口，食落唔會覺得油膩反而特別香。-雜菇拼盤-有金菇、冬菇等，乜嘢菇都有，個個都非常新鮮，淥完之後，口感軟嫩，味道爽甜，好食。-牛柏葉-有啲清香味同微苦嘅味道，好有獨特嘅風味，淥咗幾分鐘後，口感變得爽脆可口，味道一流。

今日星期六，就諗住同男友一齊去觀塘嘅米走雞Live食晚餐，順便試吓呢間餐廳嘅嘢食。因為我哋係第一次嚟，侍應就好熱情咁向我哋介紹。我哋就叫咗呢幾樣菜。杞子花膠膠原鍋：呢個湯底真係滿滿嘅精華！每一啖都特別香濃，加上杞子同花膠本身獨特嘅味道，湯底更加鮮甜，令人非常開胃！口感都好豐富，仲帶有養顏嘅功效黑豚肉：肉質散發住好獨特嘅味道，口感鮮嫩仲好高級，煮熟更加濃郁香甜，每一啖都令人回味無窮！而且豚肉有住好靚嘅紋理，顏色微紅，未食都睇得出豚肉好新鮮。脆鯇片：呢個係打邊爐必食嘅菜式。呢度嘅鯇片鮮香，肉質細緻結實，口感好爽脆，特別送飯。而且魚肉都冇腥味，廚師處理得好出色👍鵝肝M5和牛丸：丸子好彈牙，入面係滿滿嘅鵝肝同牛肉，口感好豐富，加上丸子吸收咗湯底嘅精華，味道更加正！