素食一家 (已結業)

是日清明節，食素真係最好不過，一黎就清清地，清下腸胃，而黎食素就可以應下節，所以就黎左我平時至愛既素菜店，素食一家食唔慣素菜既朋友，真係可以試呢款鎮江骨，食落口感激似肉類，大概是它鬆化既感覺，酸酸甜甜，真係令人食唔停口這個很燙很燙，而且份量大，建議兩人分享一份，葡汁很濃，雞的口感也做得跟真的差不多，絕對是吃肉者首選豉汁靈芝菇蒸蟠龍鳝又點呢，用咗紫菜包住腐皮長長一條切件上碟，加上香濃豉汁，原來口感、味道和賣相都有真鳝8成。

天赦日，所以食素同放生！入到餐廳好驚訝原來有不少外籍人士幫襯!點咗一個紅燒野生竹笙素翅, 羅漢上素脆麵, 香煎野生竹笙腐皮卷, 猴頸菇芝士pizza.未寫食評之前, 先要講講每款菜色肯定新鮮出爐, 因為每款都熱到辣咀!紅燒野生竹笙素翅 – 配料算足料, 竹筍比竹笙多, 味道近似真正好燒翅, 唔錯.羅漢上素脆麵 – 最底要求麵要脆, 哩點一定滿分, 羅漢上素配料足夠, 只係味道偏淡, 算吧…. 清心寡慾一餐吧….香煎野生竹笙腐皮卷 – 同樣地味道偏淡, 外皮煎得亦唔夠香脆.猴頸菇芝士pizza – 最滿意菜色, 餅底屬薄身, 夠脆, 配料有”火腿”, 口感都近似”火腿”, 芝士份量不少, 由於加上菠蘿做配料, 所以味道唔會太淡. 欣賞!香港咁多人中電騙被呃緊有原因, 旁邊坐咗一對好似”愛回家” 譚道德”夫妻, 該女士竟然問 “鎮江骨係咪真係鎮江骨”!!! 唉….. 外表好似讀書不少好有學識, 其實…. 祝願佢唔好被人呃啦…..

可能黎嘅時候仲早，所以餐廳唔多人蓮藕果仁四蔬味道夠清，而上面嘅合桃食嘅時候仲係熱嘅，應該係新鮮整出黎蜜桃黑醋鎮江骨一上枱醋味勁香，一聞到就勁開胃咖哩雜菜素球煲嘅汁好好味，我仲專登拎左D汁去撈飯一齊食TIM焗葡國雞飯好大碟，我地四個人SHARE 就岩岩好。豉汁靈芝菇蒸蟠龍鱔嘅蟠龍鱔係用紫菜包住腐皮造成嘅，味道同口感都唔錯，不過豉汁我就覺得比較咸左少少黑椒雙茄素鮑仔嘅雙茄係蕃茄再加茄子，出乎意料地茄子竟然會同黑椒味係咁夾，桂花圓肉雪耳羹夠晒甜，材料亦都好足，啖啖都食到煲至軟稔嘅雪耳黑糖果凍無落魚膠粉，但係一樣食到啫喱嘅口感

初一特登陪屋企人去素食一家食素🙆🏻🙆🏻🙆🏻其實素食一家之前已經成日過嚟呢度食lunch💁🏻💁🏻💁🏻覺得環境幾舒服嘢食都幾唔錯🤗🤗🤗🤗🤗今次我哋叫咗幾款試下🤓🤓🤓🤓🤓齋鹵味拼盤 $58紅燒野生竹笙素翅鍋 $118菠蘿咕嚕猴頭菇 $88香芋荔莞卷 $72腰果百合炒淮山 $82松子黑松露炒飯 $95我覺得呢幾款食物都幾唔錯😋😋😋😋😋屋企人都食得好滿意😀😀😀😀😀😀得閒食下素都幾好環保啲又健康啲👍🏻👍🏻👍🏻👍🏻👍🏻

約朋友喺旺角食飯，心血來潮想食齋。即上網search，見素食一家有咁多人like, 應該唔差，就去試吓。今晚叫咗青瓜海蜇雞絲、荔芋卷、腐皮卷同黑松露松子炒飯。青瓜海蜇雞絲，雞絲整得太碎亦太少，如果唔睇餐牌，我以為只叫咗青瓜海蜇。因為根本唔覺有雞絲。而一般齋舖最普通嘅荔芋卷，居然可以整得又乾又硬。好彩腐皮卷唔錯。炒飯好食！不過最覺得失敗嘅唔係食物，而係服務問題。間嘢收10點，大約9點9叫人埋單，繼而落閘，之後仲開始熄燈。好彩我哋嗰枱已食完。但眼見隔離枱一家四口有小朋友嘅，啱啱先上菜，但間嘢都咁做，就覺得有點兒過份。又想賺錢但又趕收工，做埋呢啲小動作，俾壓力要人快啲走。呢間嘢無下次！

好耐沒到這間素菜館，之前只為了買份小菜和店舖出名的薑茶菊花和雲石芝士蛋糕外賣，今次行經這間食店，又正值是下午茶時間，往店內坐底抖下，叫咗羅漢上素湯麵，飲品揀咗桑椹醋，其實佢哋還有檸檬醋和其他醋類飲品，食品送上，那個桑椹醋不太酸，味道還像蘋果汁，飲落開胃怡神，而這個湯麵的材料豐富，絲瓜，菇類，紅蘿蔔片，如果有菜就更加好，湯底清淡，麵質軟綿，若然加配少許鹽味道更好，這是個人口味，口味各人不同，內部環境環境姡靜，坐得舒適自在。

素食通常比我嘅感覺都係唔好食，太過清淡，所以喜歡食肉的我，好少食素。但係見呢間有咁多好評所以就去試吓，雖然門面感覺比較舊，裏面也是比較是傳統中菜餐廳的裝修，但是感覺也很乾淨整潔，座位也舒服的。我們叫了一道前菜及兩道主菜。涼拌海蜇手撕雞（$48）：有紅蘿蔔絲，青瓜及菇類的素食，手撕雞味道微辣，雖然素雞的味道不是十分突出，也沒有雞的口感，但素海蜇做得滑滑的，很不錯！豉汁靈芝菇蒸盤龍鱔（$78）：第一口吃下去，還差一點給它的味道及口感欺騙了，做得很像，應該是以紫菜卷著腐竹做成的。西檸焗猴頭菇（$85）：最欣賞這一道菜，非常脆及鬆化，吃下去有點像西檸炸魚塊的味道！

今日同肥媽嚟到呢一間食素嘅餐廳，因為媽咪喜歡健康又美味的素食，這間滿多客人喔！雖然地方唔算好大，但是座位空間舒適不會太窄的感覺。店內設計好有中國風，以紅及黃色為主，幾有型又光亮！乾淨明亮！翻開餐牌發現都有好多不同嘅選擇。我哋左想右想，最後每人點了一些菜餚:1. 紅燒野生竹笙素翅幫肥媽點了這個，配料很多（冬菇、爽脆竹笙、木耳、素翅等），清甜口感豐富，還問我是否真翅來的，哈哈！2. 酸辣燴翅好耐冇食啦，見有而呢個時間啱啱好。相對於其他酸辣湯，這個較為適合好辣之人，邊食邊口水鼻涕不斷流，好過癮，野味開胃又吸引的3. 焗葡國雞飯上枱時侍應好細心，提醒我們要小心器皿溫度很高，好友善又溫馨的服務態度。這個焗飯的份量好多好抵食，適合2-3人用，賣相好靚焗得好香噴噴，味道幾香又足料又唔會太咸太濃，素雞口感跟雞肉好相似，好厲害4. 香芋荔蓉卷這個超好食！必點之選喔靚靚芋頭蓉卷得好靚，外皮好香脆好香口，配上少量酸甜汁十分可口，芋頭味道超好又軟軟，入口即溶！食唔停口喔5. 豉汁靈芝蒸蟠龍鱔雖然這個賣相一般，但是素鱔10分彈口又咬口，口感一流！真的好似鱔喔！師傅手藝一流！靈芝菌好香又健康，配上菜芯好好的配搭！

素食一家就係洗衣街，花園街隔離。由旺角東港鐵站行落黎只需5分鐘。餐廳唔算十分大，但張張都係卡位，坐得舒服。今日兩個人, 叫左3個主菜同一個甜品, 作為我地是日的晚餐。-松子黑松露炒飯 最欣賞是這裡的炒飯不含蛋, 純素人士必食之選。而且同時間唔多油又唔會黏底, 松子及飯也炒得甘香。炒飯配上意式黑松露醬及三色豆粒粒, 顏色鮮艷, 未食已經夠亮麗開胃。-蓮藕果仁四蔬蓮藕果仁四蔬, 一聽個就就知用料豐富, 除了有爽口的蓮藕片外, 四蔬有蘆筍, 翠玉瓜, 荷蘭豆, 紅黃椒等等, 小油炒得清爽。-有果仁係補腦的合桃, 上高有糖包裹著, 為整碟蔬菜加添少許口感和甜味。--香煎自家野生竹笙腐皮卷腐皮卷是店裏最受歡迎的菜式, 皆因餐廳堅持自家制, 唔用來佬貨, 因而可以拒絕調味料及防腐劑。腐皮卷先煎到後炸, 外表呈金黃色好脆口，入面用料豐富，野生竹笙 、木耳 、菇菌等等, 啖啖鮮味, 啖啖滿足。-並以菜心伴碟, 好味不過膩。-薑茶菊花薑茶菊花是指將豆腐切成花狀, 在這要讚頻師傅刀功好, 不用膜具已經能做到做花的效果，-看得出餐廳對食物菜色的誠意。素食一家用料食材皆優質, 過得自己才過得人，以天然食材烹調

今日又同咗食素嘅朋友仔食飯，佢suggest食呢間，話大部分菜式為純素，所以米trytry ：）呢度每逢星期三，一部分嘅營業額會用作慈善用途而且會定期派發素食飯盒畀有需要嘅人，與此同時亦推廣健康同素食嘅理念⭐紅燒野生竹笙素翅素翅係用蒟蒻等材料造成湯底以熬製蔬菜上湯代替鷄湯 配料有竹笙，荀絲，冬菇等等，口感豐富。⭐鰻魚炒飯成個炒飯都係好日式嘅感覺，用燒汁去炒，而且鰻魚唔講唔覺佢唔係真鰻魚，唔會油膩，而且份量都幾大⭐鹽酥雞好香脆!像真度好高，食肉獸嘅我表示同真肉真係冇乜分別，下次可以自己返屋企整下！

今日經開旺角做事，見到呢間裝修同價錢都岩心水，朋友又啱食素就入去食個lunch.餐廳全部食物都係素食，連甜品都係，嚴格素食者vegan都岩去。菜式以中菜為主，望望下個menu真係同普通茶餐廳既菜式無異。可能行到累，入到去好似做spa既地方咁，播既音樂，飲既茶令人很舒服，食得耐仲想訓返一陣Tim.手拍青瓜48真正手拍，好入味涼拌海蜇手撕雞 48好多配料，好清新菠蘿咕嚕肉 78呢個肉食落真係好肉，勁飽肚黑松露抄麵 88必點。因為抄到好乾身好香。係我食過數一數二好食既乾抄麵。最後仲有齋

流行的Green Monday，我改到Thursday，想吃個素，就來了這家rating不錯的店，主要用天然食材和自家製，逢星期三仲會將部份營業額作慈善用途，要支持下良心企業。晚上7點半來已經爆滿，不只有老人家，還有很多年青人聚會，茶位$6。菜式選擇都幾花巧，不是傳統老式的，有大師手工菜，不一樣的感覺，吃素也可以吃得很講究。西檸焗猴頭菇($85)菇質地厚實，口感似雞肉，炸得乾身香口，配酸甜的檸汁，似西檸雞，食到停唔到口！香煎自家野生竹笙腐皮卷($88)賣相精緻，自家製的腐皮卷，面層脆卜卜，新鮮煎的，食出鮮味，餡料爽脆有野生竹笙、木耳絲、菇菌，菜心也有質素，夾住腐皮卷食，不覺油腻。腰果百合炒淮山($82)組合營養豐富，仲有荷蘭豆、紅黄椒炒，非常健康！白飯($12/碗)薑茶菊花($38/1位用)用藍白清花瓷的小杯子來盛，有種矜貴的格調，將滑嫩的豆腐切成菊花形，刀巧也是太厲害了，像藝術品一樣，而薑湯用老薑煲，味道夠辣，薑味十足。

其實喺香港搵到一間有質素嘅素食,完全唔easy果然係齋好難做到色香味俱全,這間餐廳真係做得到,全家人都滿意😊健康素食我最愛當日同家人探訪舅父,之後想當天吃素。這間餐館鄰近太子地鐵站，位置方便，而且交通便利，是一家大小的好去處。家人很喜歡這幾個小菜。腰果百合炒淮山腰果香脆，加上百合及淮山一起炒，淮山有滋補作用，冬天食就最啱。整個配搭一流。桂花園肉雪耳羹自己母親大人最愛，有桂花香的雪耳羹，對女士皮膚有滋補作用。當日一家大細，非常溫馨，這間餐廳裝修也很特別。😘😊

-我媽👩話，今天是釋迦牟尼彿誕生辰🎂。 所以特別揀咗呢一間素食。間唔中食下素食，個人都友善🤭啲。坐位好闊落、大部分都係卡位。 座位櫈背夠曬高，私隱度極高👍。香煎自家野生竹笙腐皮卷（$88）腐皮卷好脆口✳️，入面全部係竹笙 、木耳 絲、菇菌🍄。 迫爆嘅餡料，好豐富。簡直係必食之選呀‼️招牌羅漢上素脆麵（$75）麵底炸到金黃色，香脆可口。紅燒鴛鴦粉煲 （$75）［龍口粉絲 + 手製紅薯粉條］ 幼粉絲同粗紅薯粉crossover一齊，口感好豐富又粗又幼。 乾扁肉碎四季豆 （$75） 少少微辣🌶️，夠惹味。 送飯一流。 麥米茶 🍵（每位$6）•••••••••••••••素食一家地址：旺角洗衣街145號正華大廈地下

若要我在九龍區推介齋舖，「素食一家」相信是頭三位的心水推介，這個星期六就帶著媽媽來到這裏吃齋菜。 茶位$6＠，另收加減服務費用。 餐廳除了食物質素高外，大部分菜式為純素 (不含蛋奶)，而最重要就是逢星期三，餐廳會將部分營業額捐出作慈善用途。 紅燒野生竹笙素翅 我點了竹笙素翅，湯頭清甜，素翅口感特別，入口份外煙韌彈牙，原來是用蒟蒻來的，再以野生竹笙及熬製蔬菜上湯來煮成，味道甜而不膩。 香芋荔蓉卷 這個荔蓉卷非常好吃，荔蓉卷外脆內軟，入口帶有清香的南乳味道，蘸上酸甜醬，味得更香更濃。 招牌羅漢上素脆麵 脆麵送上來時，香噴噴，麵底是即叫即炸，所以呈金黃色，口感亦份外香脆，而上層淋上羅漢齋，包括有紅蘿蔔、冬菇、青瓜及雲耳等，口感豐富，推介。 石磨芝麻糊及桂花圓肉雪耳羹 芝麻糊味道香甜，芝麻香味極濃厚，濃稠適中，口感不會過杰，而桂花圓肉雪耳羹味道較清甜，帶有淡淡的桂花香味，雪耳香脆，配上圓肉，令層次感提升。