素食一家 (已結業)

《素食一家》 #食在旺角 #90sfoodieshare_旺角📍旺角洗衣街145號正華大廈地下-自從之前食過D素食餐廳覺得唔錯 一直都想繼續試多D 而今次係旺角東附近見到有間素食餐廳 都幾多人食 應該無伏啦-🔹香煎自家野生竹笙腐皮卷(6件) $88呢款都幾受歡迎，店員話係自家制無落其他調味料，腐皮卷入面包左竹笙 、木耳絲同菇菌，仲有菜心伴碟，每樣配料都係我鐘意嘅野，都幾好味。🔹菠蘿咕嚕猴頭菇 $88 咕嚕肉用山楂調製，比起一般食嘅酸小小，加埋夠甜嘅菠蘿，勁快清哂🤤🔹松子黑松露炒飯 $95 呢個炒飯係純素嘅，真正食素嘅朋友都可以食，炒飯粒粒分明無油膩感，黑松露味都幾濃，面頭嘅松子都好好味，令口感更豐富。​🔹天然桑椹醋 $18/杯一直都好鐘意飲醋，酸度對我黎講岩岩好，唔錯🔹泰國山竹汁 $22/樽山竹汁！山竹汁！認真真係未飲過，仲要係無加糖，係真係有山竹味，都幾好飲🔸茶位$6/位

近年家中長輩開始醉心佛學，開始全齋生活，對於無肉不歡本身是一名食肉獸的我，確是一個新嘗試。店員會奉上麥茶一壼，可以解油膩亦非常解渴！除了必食齋鹵味拼盤（包括酸齋、蠔油齋、齋叉燒、齋鴨腎）。還點了廚師推介的黑松露百寶袋。腐皮做的百寶袋子包含蔬菜🥬和西蘭花🥦伴菜既美觀又開胃，唯一缺點是黑松露汁較少，以及味道不足。另外蓮藕餅每片很厚重，有咬口亦炸得爽脆清，夾有少量芋頭肉，值得推薦。最值得一試的是菜單上沒有的素食一家齋滷味薄餅🍕較為薄底有點像餅乾般香脆，內含餡料份量十足（有酸齋、素雞和素叉燒），最驚喜是居然好夾薄餅上的半融芝士🧀，而且有少許拉絲效果，算是非常特別的菜色。雖然包含特別菜色，但食物普遍偏油膩。

讀小學時常常經過旺角洗衣街已經發現呢間創立於2001年的「素食一家」，餐廳以推廣素食為理念，希望透過素食，減少碳排放，以及減少殺害動物以作煮食用。亦主張以天然食材和自家制，烹調健康而且美味的素食！而且餐廳也非常有善心，每逢星期三，都會將部分營業額用作慈善用途難怪平日下午來到都坐滿客人，好受歡迎！菜單內的大部分菜式為純素(不含蛋奶)，更設有純素的甜品齋滷味拼盤三款齋滷味拼盤分別有：酸甜齋、蠔油齋、同素叉燒，個人比較喜歡酸甜齋同素叉燒，酸甜齋好開胃，素叉燒有豆香又有嚼勁香煎自家野生竹笙腐皮卷呢道菜係餐廳最受歡迎的菜式，全部都係自家制！內餡係竹笙 、木耳絲同多款菇菌，腐皮卷先煎後炸，咬落外脆內軟，好鮮味，大滿足的感覺！仲有菜心伴碟，食落唔會覺得膩，好好味！南乳羅漢齋煲係一個好足料的羅漢齋煲，內裏分別有茄子、雜菌、西蘭花、白菜、豆卜、腐竹、白果、粉絲等等配料，加入南乳炒香，每款配料都吸收晒南乳嘅香味，味道同口感都好豐富，送飯食就啱晒泰國山竹汁無添加糖、色素同防腐劑，飲到嘅係新鮮山竹天然果糖味Happy Cow雪糕設有多種口味可供選擇，我就揀咗朱古力味。佢係純素雪糕，無蛋無牛奶製作，可可味幾香濃

是日Green Day又出動同朋友去素食一番，今日來到旺角洗衣街的「素食一家」吃一個充滿大自然的一個下午。齋滷味拼盤是來到素食點必叫的前菜，多數會有咖哩麵筋，齋叉燒及醬油麵筋，每款都是由大豆製造，只是味道同形態不同，我比較喜歡齋叉燒，因為口感逼真有如此食真叉燒一樣，入口煙韌彈牙，似真肉的質地，驚喜位是叉燒一般是甜，但這個竟然是帶辣味的。香芋也是我得不二之選，我點到「 香芋荔蓉卷」，一碟6塊，薄薄煎香，外脆內軟，都算可以啦。主角是「 養生藥膳雲吞」，未開始食單聞已經有很香濃的藥材味， 呷第一啖湯有重當歸味，湯底很清甜滋潤， 新鮮淮山非常爽甜， 雲吞一口一粒，味道中規中矩很正常。主食來一個「 籠仔荷葉蒸陳村粉」， 陳村粉很滑溜，份量超多，配菜是西蘭花很爽脆青綠。甜品點了「 桂花圓肉雪耳羹」，清甜順喉，唔會太甜，桂花很香，食飽後來一個飯後甜品，的確十分之完美。

話說早兩日腸胃炎今日開始先冇再肚痾，所以都係決定食清啲，喺旺角搵到呢間素食，黎到門口見到好多人排隊知道應該冇揀錯😂餐單有好多選擇，揀左好耐我地決定叫一位既紅燒野生竹笙素翅，腰果百合炒淮山，香煎竹笙腐皮卷同埋籠仔荷葉蒸陳村粉😀紅燒野生竹笙素翅既素翅幾粗幾有趙口，個人認為口感仲好過真魚翅😙 仲有啲荀絲，竹笙等等增加口感，個質地啱啱好，唔好太稀又唔會落太多粉搞到太稠over左😁👏淮山係我食素必點嘅東西， 因為健脾有益，同埋如果自己整會滑潺潺好唔方便，佢既淮山超級爽口👍👍 荷蘭豆同百合都唔會老，清清地仲係好養生既一味素菜式，love it😍自家製香煎竹笙腐皮卷呢個招牌菜係男友想叫，雖然係煎炸出嚟但係我都忍唔住食咗一嚿🙈 好脆口，皮好薄，層次豐富仲冇加防腐劑👍 配咗菜心可以減少嗰少少一般煎炸物嘅油膩感😁陳村粉有淡淡嘅荷葉香味，唔會蒸得太淋一pat野，配左啲素肉碎同埋榨菜調返個鹹味，都係清清地既好選擇👍呢間餐廳係少油，少鹽， 唔加味精， 主張用自家製天然食材，逢星期三仲會將部分收益作慈善用途，真係不得了😯😯😯 一定會繼續支持💪💪

是日十五 吃素素食一家是我們的首選前兩日已打電話book位 可惜齋期只能walk-in7:30去等位 等左25分鐘有位 算快了本人必食推介 - 涼伴海蜇手撕雞 ($48)這個素涼伴手撕雞是我吃過眾多齋舖中最好吃的冶味，帶少少辣如果可以大碟少少就更加好紅燒野生竹笙素翅 ($42)2個人我覺得叫－碗share剛剛好個湯值得讚的是 真的很夠熱加上唔會好似坊間湯羹咁多茨清清地 唔錯菠蘿咕嚕肉 ($78)這味菜也是我心頭愛之一這個咕嚕肉由內到外根本就是一塊肉完全滿足食肉獸的需要西蘭花竹笙素球這個菜炒得一點也不油膩清清地 好吃

今日中午整班同事心血來潮話想食齋，響旺角都有好多唔同嘅齋鋪，但素食一家嘅正評比較多，所以我哋就決定去食啦。餐廳嘅裝修簡約，而且主要都係卡位，所以坐得比較舒服。每個人食齋都有佢嘅原因嘅，有啲人就想為環保出一分力，減少宰殺動物，有啲人就想食得健康啲，有啲人就想睇下點樣可以將素煮得好似真係肉一樣咁。所以我哋就叫左一個菠蘿咕嚕肉去睇下有幾似，再加一個鰻魚炒飯，椒鹽茶樹菇，同腰果百合炒淮山。菠蘿咕嚕肉咁賣相真係堅似真。咕嚕肉，咬落去嘅感覺就係食緊豬肉一樣，再配以山楂汁同埋菠蘿青椒呢啲配料，根本上冇辦法分別到佢係一碟素咕嚕肉。椒鹽茶樹菇就好香口，炸漿好脆好薄，茶樹菇嘅味道都好香，椒鹽亦非常惹味。腰果百合炒淮山的味道好清新，爽爽地，又可以中和一下其他重口味嘅餸菜，食完感覺好舒服喎鰻魚炒飯同喺日本餐廳食嘅味道係一樣，造型根本非常非常非常似鰻魚，食落口令你分辨唔出佢係一個素嘅炒飯。估唔到呢個餐廳走嘅路線都幾創新，唔會只係局限於中菜方面嘅素食。呢間餐廳除咗食物質素好之外，佢哋對於環保又不遺餘力。佢哋推出素食就係為咗減少屠殺動物，減低碳排放，為我地嘅地球作出一份力量。而且佢哋仲會將星期三嘅部份收益作慈善用途

—涼拌海蜇手撕雞($48)辣辣地 作為開胃小食係唔錯嘅選擇蜜桃黑醋鎮江骨($85)形狀同質感幾乎以假亂真 調味唔太重香煎野生竹笙腐皮卷($88)外脆嘅腐皮卷 入面包住爽脆嘅竹笙 木耳同菇類啖啖咬落都脆卜卜 食起嚟都唔覺膩籠仔荷葉蒸陳村粉($78)餐牌寫明製作需時 第一次食呢個陳村粉 好似食緊冇卷埋嘅腸粉咁利用榨菜本身醃咗嘅味同個粉一齊食—————————————————素食一家 Veggie Family旺角洗衣街145號正華大廈地下

「Yo!真的是菠蘿咕嚕肉！」媽媽咬了一口咕嚕肉，好驚訝的贊佢夠逼真，勁似真的咕嚕肉，酸酸咪咪的口感，肉的質感，有肉絲添...呢味素食就系出自我今天要分享的素食一家。素食一家系一間新派素食餐廳，佢推廣素食文化，希望透過素食可以減少殺害動物，提暢環境和慈善。在佢的裝修環境中都可以見到令人感悟的字畫，淡雅而恬靜。餐廳有好多卡位，環境舒適，坐得舒服。菜式方面有好多選擇，令我們眼花撩亂。秘製一家蓮藕餅，通常非素食的蓮藕餅是以豬肉作爲中間的餡料，而呢個蓮藕餅以荔蓉作爲中間的餡料別有一番風味，口感外脆內軟，我覺得系好味過豬肉餡的。招牌羅漢上素脆麵，麵底金黃香脆，不油膩，加上蔬菜的點綴，即香口又健康。菠蘿咕嚕肉，咕嚕汁是以古法山楂制得，再將素肉炸脆，將醬汁同彩椒一起炒。呢款菜式一定要試，實在太逼真！另外滷味拼盤都好抵食，一次可以試到三款晤同口味的齋，我最鐘意系素叉燒，口感彈牙有質感，仲好味過真正的叉燒。

雖然係素食，但款式琳琅滿目，仲有唔少仿肉食嘅素菜，賣相幾可亂真，食落口感亦唔錯，當然調味係功不可沒嘅一環，現今嘅素食精美而好食，素食者可謂大有口福餐廳裝修雅致，由牆上嘅陶瓷字畫點綴，到天花垂落嘅燈籠吊燈，都富有濃厚中國色彩，新年後開市，當然唔少得揮春炮仗等等嘅飾物，到達餐廳時，已經有唔少人光顧，現場有大圓枱又有卡位，無論三五知己，抑或一家老少，都適合光顧

話說呢一間餐廳我之前食過一次！想係新年之前食食素就黎呢度喇😬😬😬<<菠蘿咕嚕肉>> $78呢一道菜係我係呢度嘅至愛❤️❤️❤️餐牌上面仲寫住食肉獸之選因為佢嘅味道係平時喺餐廳食嘅菠蘿咕嚕肉嘅味道！除此之外，佢嘅咕嚕肉係素來嘅，但係佢都可以做到有肉咁嘅效果！聽店員介紹，佢哋嘅咕嚕汁以古法山楂調製，素肉都係先炸脆，再與醬汁及彩椒一齊炒！<<香煎自家野生竹笙腐皮卷>> $88Menu上面寫住係招牌菜式，而且店員強調係自家制，非來貨，因爲來貨有調味料及防腐劑。❤️❤️好細心！入面有竹笙 、木耳絲及各式菇類，咬落啖啖鮮味同多重口感！加上有燙菜心伴碟，吃起來不會油膩。<<鮮菌枝竹豆腐煲>> $75呢個煲入面嘅嘢全部都係我鍾意食嘅嘢❤️❤️❤️炸豆腐，豆腐入面好香豆味而且好軟滑❤️❤️❤️如果有多幾舊就好啦！枝竹同埋菌類嘅份量比較多，煲中以冬菇、秀珍菇、猴頭菇等去配搭，令到食落口嘅時候感覺有時脆脆地、淋淋地同爽爽地<<Happy Cow>> $38估唔到齋鋪都有雪糕食😱佢哋嘅齋雪糕有好多味道🤗我

最近食滯左，所以今日選擇左食素，潛意識地清減一下😆呢度既野食款式都幾多～～感覺都係比較新派同多元化。✨日式燒汁鰻魚炒飯（$75）：簡簡單單有紫菜，粟米，紅蘿蔔粒，菜芯頭同仿真鰻魚粒。個鰻魚粒都幾香，面頭有層紫菜，食落幾有彈性。炒飯都好乾爽，軟硬適中，加埋爽口既菜芯頭令成個飯食落就更加有咬口。✨香煎竹笙腐皮卷（$88）：腐皮卷自家製，外皮煎到微微脆，但感覺唔油膩。入面幾足料～超多木耳，竹笙同各式菇菌，味道幾清，個人覺得調味可以再重手d~✨松露黃耳鮮菌豆腐（$88): 呢個真係好清新，芡汁有淡淡既松露香味，豆腐好滑，仲有好多唔同既菇都幾入味。最驚喜係百合，平時好少食，原來拎黎炒餸係咁好食，非常清甜。

即使是再豐富的美食，多吃也會厭倦。平日飯局大魚大肉得多，偶爾也想健康一下。今天便到了「素食一家」這間餐廳嚐一頓無肉宴，結果令筆者對素食又有一番新的體驗。請各位饒恕筆者的孤漏寡聞，筆者對素食的印象停留在羅漢齋和甜酸齋這些傳統素食。今天翻開「素食一家」的餐牌，晃然發現今時今日的素食是如此豐盛和多元化。先來一道日式的魚生剌身。詢問店員，得知素魚生原來是用蒟蒻弄製，而碟旁的素魚生豉油及芥末也是由店內的特別配方調成。素魚生造型方面，筆者覺得一塊像三文魚，一塊像北寄貝。蘸上了素魚生豉油後，感覺和平時的壽司店像極了。蒟蒻入口非常彈牙，無論是質感又或味道都模彷得相當迫真。點餐時被店員推薦的紅油抄手，一碟有6粒，據稱每一粒都是由人手包製，好花心機的一碟小菜。抄手拌上了麻醬、花生醬、豉油等調味料，尚未入口已聞到陣陣芝麻花生的香氣。咬開後發現餡料是素雞肉和冬菇，另外也加了沙葛粒，令口感帶點爽脆。因為同行友人是吃辣高手，所以她看餐牌時一眼便看上了這味水煮猴頭菇。自問也算是能夠吃辣的筆者，一開始卻被勁辣這個字眼嚇得有點怕。這盤水煮猴頭菇舖滿了花椒和子彈椒，熱情好客的店員更自豪的介紹辣椒是店主親自到重慶採購。雖然

本身我唔係一個素食者 亦都唔係因為宗教信仰。 但係就近呢幾年聽得多go green 或者可能係而家好似變咗一個潮流咁。所以我都慢慢接受左同愛上食素食。但係我都有要求，我唔鍾意食傳統嘅齋舖，佢哋相比之下會好油同多數用黃豆類製品。 所以我就傾向食新式嘅素菜譜鋪或者好似呢一間標榜自己少油少鹽就啱曬我。同埋我最appreciate佢每逢星期 三，有一部分營業額會用作慈善用途。Like!我叫左三樣菜加一個甜品。菠蘿咕嚕猴頭菇， 鮮菌支竹豆腐煲，松子黑松露炒飯同埋薑茶菊花。菠蘿咕嚕猴頭菇佢d staff 介紹個咕嚕汁以古法山楂調製，猴頭菇先炸脆，再同醬汁及彩椒一起炒。基本上呢個菜式係我去到邊個素菜鋪都必叫，只可惜唔係間間都有猴頭菇整而係素肉整。個醬汁較得好好味，同平時果d係更濃味好味。我至愛既猴頭菇口感又俾素肉整既咕嚕肉更爽身無咁滯。Like!鮮菌支竹豆腐煲幾多料，味道惹味，豆腐好滑。又係送飯一流。 松子 黑松露 炒飯呢個炒飯標榜不含蛋 (純素)，但係同時係強調小油。證明廚師手勢 一流， 冇乜油同埋冇蛋都可以炒到啲飯一粒粒粒粒分明又唔會黐底 。簡簡單單松子加上黑松露醬及菜心粒就已經好好味。薑茶菊花

素食一家位於太子同旺角交界，細個行模型舖或者買書一定會經過。我本人都食過幾次，質素絕對有保證，難怪係新派素食店開到成行成市之際都仍然經常會見到有人排隊候座最近非常流行啲扮肉嘅素肉，而素食一家就標榜佢地盡量少用素肉，希望用返天然同埋自家製嘅食物同埋佢哋大部份嘅素食都係不含奶蛋，係完全純素，個人認為呢一種素食先係真正可以減少碳排放，減少殺害動物，而且天然健康，真係好值得支持！店家仲會定期安排派發素食飯盒俾啲有需要嘅人，仲會逢星期三都將一部份收入作慈善用途添真係好少素食店會做到咁善心，所以我食過幾次之後都決定要寫返一篇食評，希望可以更多人了解呢間屹立不倒嘅素食小店！餐牌選擇唔少，而且樣樣個樣都好似好好食咁！今日我哋就嗌左佢哋嘅最新推介同埋一款開胃小食，質素都係咁好先嚟個海哲手撕雞先！素海哲口感真係堅似海哲！滑得黎又爽口，加埋啲酸辣味好開胃！先來個塔香猴頭菇！塔，意思即係九層塔，所以猴頭菇同埋青椒紅椒都會沾上左九層塔嘅香氣。青椒紅椒嘅籽都冇去到，所以仍然係好辣，超惹味主角猴頭菇食落其實好似雞肉，但係就多咗一層菇菌味嘅香氣。送飯一流！黑松露黃耳鮮菌嫩豆腐正好就中和左前一道菜嘅濃味，帶點黑松露淡淡