紫荊閣 (已結業)

有天專程去紅磡蕪湖街吃芒果班戟時經過一間新酒店（逸酒店），好奇之下發現酒店一樓有家新中式茶樓，名叫紫荊閣，於是覺得不妨一試，隔天便與家人到上址晚餐。當然。我先預訂了要早一日預訂的叫化雞（$480）。因為我們是駕車的關連，於是便把車泊到酒店的停車場，時租為每小時25元。紫荊閣的環境開揚，一邊牆以落地玻璃看到街景，另一邊則以中式淡而優雅的牆板隔開；細枱都大約可坐5-6人，而大枱可以坐8-10人；枱與枱之間有空間，令食客坐得舒適。叫化雞 $480（一日前預訂）又俗稱乞衣雞，聽就聽得多，吃還是第一次，令我相當期待！因為有預訂的關係，坐下不久後職員便送上一舊啡泥，原來那就是叫化雞！接著，職員幫忙將外層包著原隻雞的厚泥打碎，然後將錫紙打開後便會看見整隻香噴噴雞！雞漲卜卜，令我急不及待要親手把雞剪開！雞裡面包著金針、肉絲、雲耳、大頭菜、紅棗和冬菇，香氣撲鼻，令人食慾大增。職員說每隻叫化雞都要醃焗只少4小時，所以所有餡料都吸取了雞的精華，相當入味！起初以為醃焗過多個小時之後的雞肉會變乾，但出奇地雞肉相當嫩滑，所以整隻雞不消一會便被消滅了。之後還點了一些小菜：《雞蛋焗魚腸 $128》《京都骨 $168》

是晚同大學同學食團年飯，當然係食中餐啦！中餐食得多，但懷舊菜真係第一次。由搞手決定是晚菜式，有好多真係聽過未見過。叫化雞之前都係喺周星馳啲戲見過，原來真身係同戲一樣架！好濃好入味！龍鳳球平時出街食都有呢個，入面有雞潤都係第一次。小妹唔太食內藏，但都覺得要試試。潮式椒鹽骨椒鹽骨食得多，但呢個濕濕地，好得意。送飯一流！豉油皇大蝦雀巢椒鹽茄子豆腐 （必食）呢個真係一試難忘，炸茄子食落冇咩茄子味，反而有芋頭魚味。豆腐睇落好似好硬，但食落又好滑好軟。爆瘡？食完先算啦蒜蓉粉絲蒸扇貝粟米斑塊（推介）可能會覺得冇咩特別，未又係粟米魚？錯啦，唔知點解呢個魚炸得黎好鬆化，同出面嘅差好遠！蟲草花雲耳浸白菜仔生炒糯米飯食到咁上下已經戰鬥力下降，都唔記得要相機食先...不過我都食左啲。如果鍾意食糯米飯，一定要試！西米布甸係未懷舊菜我唔識分呀，但甜品真係唔少得。睇落好似好飽，但真係會食唔停口...好香奶皇味但又唔甜，對鐘意奶皇嘅我好吸引呀！

年尾食飯一行15大人2小童，想食返啲懷舊菜，所以搵咗紫荆閣試食今次點咗金華玉樹雞：全雞起骨，啖啖肉，夾埋金華金腿一齊食超好味！清蒸瓜子海班：蒸得啱啱好，面朱登舊肉都仲係滑既，勁！潮式椒鹽骨：肥瘦肉相間既排骨，超好食瑤柱百花脆豆腐：外皮酥脆的豆腐，好好食蟹肉蛋白炒魚肚：清清地，又唔會炒到出晒水，夠乾身，好食生炆頭腩：炆得啱啱好，唔會好老，特別係啲枝竹，好好味豉油皇乾煎蝦球：呢個極度推介，連殻都食埋百花釀蟹拑：啲蝦膠好有鮮味又彈牙，唔會食到一口粉生炒糯米飯及伊麵：生炒既糯米飯，而家好難再食到千層糕及蓮蓉焗西米布甸：蓮蓉焗西米布甸推薦今次真係碟碟都有驚喜，唔似係出面食碟碟都係差唔多既味，而且係呢度真係食返以前細個食到酒樓晚宴時食到既餸菜味道，真係好開心。更難得既係叫咗咁多嘢食碟碟都清晒！無食剩！自己都覺得大家犀利！埋單除開每人平均四百幾，有啲人會覺得貴，但問心出面食唔到咁好味既懷舊菜，個人覺得好值。

今日同同事去左新開嘅紫荊閣飲茶過個happy Friday, 佢開喺間新酒店裡面，裝修簡單又幾舒服，可能新開啦，暫時唔算好多人知，所以未係好滿場。飲茶蝦餃燒賣叉燒包雞扎必食㗎啦！同事話燒賣好食噃，唔太肥，好有豬肉味。呢外三款就正常啦。全枱最吸晴嘅就係有粒星星好似龍珠咁嘅千層糕，記得以前細個喺敦煌酒樓食過，佢地執左之後就冇見過有得食了。個千層糕真係好厚身，食落去奶黃好香又唔會死甜，夾住漏油咸蛋黃同脆卜卜糖冬瓜，忍唔住要即刻叫多籠！另外重食左個柚子蜜蛋散，大大份都唔錯。重有，佢地d茶都幾好飲，比連鎖式嘅酒樓清香啲。我諗我會為左個千層糕再嚟食😎😎😎。

朋友訂枱，去咗逸酒店1樓既紫荊閣晚飯。酒樓新開，乾淨，全新裝修。我朋友講，呢度專食特色懷舊菜，其實我都唔知咩叫特色懷舊菜，但即管一試。今日食左幾道菜，乞衣雞，砵仔焗魚腸，蜜汁燒🐔肝，8花瑤柱脆豆腐。味道好好，係出面好少食到，讚！4個人埋單每人250。

古法烹調，懷舊名菜……叫化雞，雞蛋焗魚腸，味道一流，好有驚喜，魚腸焗得好香，一點也没腥味，魚好新鮮，豉油王大蝦夠晒彈牙，位於酒店內，價錢物超所值，下次一定再黎食