紫荊閣 (已結業)

今日同家人嚟咗紅磡SAV Hotel 嘅一間中菜廳 "紫荊閣" 食晚飯,本身對呢間酒店印象都幾好，因為之前嚟過食靚靚下午茶，環境都很優美。坐定定就打開開飯apps睇下有咩推介，媽咪見到雞蛋焗魚腸即刻話要食，但係因為佢怕猩味，心大心細之下問職員，職員服務態度超好，細心講解，食完之後媽咪讚不絕口，話一d都唔猩，下次要再同舅父嚟食雞蛋焗魚腸，因為整得冇腥味嘅中菜廳實在係少之有少。富貴龍鳳球好香脆，面頭有沙律醬，味道配搭得好好，啱晒鍾意食香口食物嘅朋友。薑蔥霸王雞好滑滑，雖然只係叫咗半隻雞，但係唔知點解份量都好多，好快成隻都俾我哋食晒。而且呢間酒店容易泊車，地鐵黃埔站行過嚟都非常近，係一個唔錯嘅選擇！

食過不同國家菜式，但始終最喜愛的莫過於中國菜。除咗由細食到大之外，食物嘅博大精深更加係著迷嘅地方。今次就去到紅磡一間酒店內嘅中菜廳，內裡環境優雅，而且位置等都非常舒適。菜單有多款不同中菜菜式，更有好多都是七十年代嘅懷舊菜式。雞蛋焗魚腸平時食嘅大多都會有魚腥味，但今次呢個焗魚腸就唔會出現，而且加埋熱騰騰嘅雞蛋、油條份外香口，真係胡椒粉都唔駛落，真係唔錯。蟹肉蛋白炒魚肚賣相精緻，而且炒蛋白唔會覺得油真係非常抵讚，而且加埋爽口嘅魚肚、滑溜嘅蛋白，以及鮮甜嘅蟹肉真係送飯名物。富貴龍鳳球一個七十年代嘅菜式，相信而家好小餐廳會食到。而龍鳳球就係鮮蝦包住雞肝，之後快炸用秘製汁包上。一碟六件真係記得要試，因為雞肝嘅甘香加埋鮮蝦嘅爽彈，真係令口感份外豐富，加埋醬汁一齊食真係好惹味。時日廚房湯水，今日就係微豆猴頭菇湯水，真係啱哂平時無湯水飲嘅朋友。

飲茶基本上係我每星期都會做既事 所以當屋企附近既茶樓都被我食到厭既時候 就係衝出comfort zone 既好時機！ 之前黎過Hotel Sav 食自助餐 無諗過原來有咁舒適既可以嘆茶！ 紅磡想搵間好坐啲又靜啲既茶樓 呢間會係你既明智之選：） 點心11點開始 我地作為頭幾枱客人 食物即叫即整熱辣辣💗 《蒜蓉蝦春卷》 飲茶當然要食煎炸野！ 呢碟春卷令人非常滿意 1. 夠熱 2.夠香脆 3. 蝦既份量夠多夠彈牙 《楊州炒飯》 炒飯份量足夠2人分享 炒飯帶濕潤質感，未夠乾爽但有飯香搭救 平時食炒飯最怕唔夠配料 但見到咁多叉燒粒同蝦粒既時候 即刻開心曬！ 《蛋黃千層糕》 好驚喜！😋😋 自從喺蓮香樓食過之後就無見過 難得呢間茶樓有得食，確實份外興奮！ 千層糕橙白相間，蛋黃餡味道突出而帶咸香 質感有別於馬拉糕既鬆軟 反而係帶白糖糕既少少痴牙感~ 《水晶鮮蝦餃》 蝦餃白裡透紅，未食已經流曬口水！ 咬開外層，蝦肉份量好多而彈牙 但蝦餃皮略嫌厚左少少 《蟹籽蒸燒賣》 來個大合照!💘 ------------------------------ 紫荊閣 紅磡蕪湖街83號逸酒店1摟 TE

以前很少到黃埔，因為地鐵開通了的關係，現在來黃埔也簡單了很多，而且黃埔也不乏美食，今天就在這間位於紅磡蕪湖街的逸酒店內的「紫荊閣」食了一個十分滿意的晚餐。蟹肉蛋白炒魚肚 - 蟹肉蛋白炒魚肚每－口都充滿了蟹肉和魚肚的鮮味，而且調味與火喉也剛剛好，食的時候還有微濕的感覺。西檸班塊 - 西檸班塊西檸的清新味道加上炸得十分香脆的班塊絕對開胃，另人食指大動。鐵板砵酒蜜桃骨 - 鐵板砵酒蜜桃骨上桌的時候一陣陣的砵酒味道撲鼻而來，而且用上洋蔥和蜜桃做配料看見以經開心，一口咬下肉質非常高肥瘦適中十分鬆化，其中帶著爽脆的豬軟骨來增加口感，實在出色。蝦仁蛋白炒飯 - 蝦仁蛋白炒飯蝦仁大大粒配上菜粒、蔥粒和蛋白炒得非常乾身，絕不油膩味道鮮甜中帶微鹹，炒飯就是要這樣的👍🏻

今天接朋友收工，他介紹在公司附近有間在酒店𥚃面幾抵食的中餐館，咁一於試下先😋這間＂紫荊閣＂裝修優雅時尚椅子是絲絨坐得很舒服，靜靜地最啱三五知己慢慢食慢慢講👍🏻西檸班塊 班塊炸得香脆而且班塊保持嫩滑，很喜歡他調的汁，酸酸的檸蜜味很醒胃西芹花枝蝦仁西芹爽脆新鮮，花枝片煙韌有咬口，蝦仁爽口彈牙也算大隻鮮甜鐵板砵酒蜜桃骨 鐵板上熱辣辣，砵酒炒香洋蔥很惹味，豬肋骨入味肉質彈牙配上甜甜蜜蜜的蜜桃很不錯😋鮮菰枝竹炆豆腐 豆腐很滑溜，枝竹炆得又入味，下飯最啱👍送糖水 花生麥米- 甜度適中，麥米卜卜脆有咬口幾得意😆

飲茶一般令人聯想到好嘈的地方，但早前比我地發現左紅磡新酒店內有間中菜廳，坐得舒服又好服務，今次帶左新同事一試。坐位間距夠闊落，唔會聽到隔離檯傾計。餐檯同餐具精緻，侍應服務貼心友善。整體而言，環境令我地都好滿意同自在。點心選擇同一般酒樓分別不大，但都幾高質。水晶鮮蝦餃隻隻圓潤飽滿，鮮蝦爽口，皮薄透明。蟲草花綿花雞好香，魚肚軟綿綿又吸收哂雞汁，口感味道都無得輸。腐皮卷炸得唔錯，但係蔬菜比較多，唔多岩我口味。上湯鮮竹卷用滿滿湯汁浸住，每一啖都會咇出大量湯汁，幾過癮。山竹牛肉球同坊間的口感有少少唔同，比較彈牙，質感有少少似牛丸。蛋黃千層糕係當天亮點，甘複雜的菜式，唔係周圍食到。千層糕用上好幾層蛋黃，滋味十足。個人認為，唔加上馬蹄口感會更一致。蜜汁叉燒包好大個，熱辣辣，香氣四溢。一個包包入面有超多叉燒。最後的甜品都係驚喜，杞子桂花糕清清地中有點甜，一D都唔膩但又有濃濃地杞子同桂花香氣。食物整體都幾好食，presentation夠誠意，環境服務都係酒店級。再次幫襯無令我失望，相信我地會成為常客。

呢排成日都食日本嘢同韓國菜，舌頭突然好掛住中菜。今晚不如就飲啖湯，炒幾個餸吧！大家唔好誤會，我A姐唔係下廚呀。想食我煮嘅嘢，無咁易。就係因為咁，我哋就去咗紅磡Hotel Sav逸•酒店一樓嘅紫荊閣。去到先知叫化雞要預訂，下次先有得食。最後，有選擇困難症嘅我哋，就叫咗二人套餐，唔洗諗。廚師靚湯M佬一向都好鍾意飲湯，尤其係老火湯。是日廚師靚湯係金銀菜豬肺湯，一打開嗰蓋就見到好多料，一啲都唔馬虎。明顯無加味精，原汁原味，認真推介。薑蔥霸皇雞 (半隻)一嚟到就見到成碟都係薑蔥，好香呀！半隻雞都Okay大隻，份量十足。入口肉質嫩滑，配埋香蔥同薑絲，真係好惹味。蟹肉蛋白炒魚肚呢個絕對係賽磅蟹嘅變奏版，油泡蛋白加上絲絲蟹肉、魚肚同蟹籽，口感豐富，撈飯一流。上湯浸時菜炒菜比較油，上湯浸就啱晒我A姐。菜心爽甜，加埋上湯同蒜頭嘅味道，真係又好味又健康！是日糖水套餐仲附送精選糖水，呢個麥米粥好足料，啖啖都有麥米，而且一啲都唔甜，非常健康。呢個二人餐，試業7折後，都係$438，真係幾抵。即日至9月28日，星期一至四晚市，仲免收加一。想緊貼A姐M佬嘅吃喝玩樂資訊，快啲Follow埋下面嘅Channel啦！

夜晚去左紫荊閣食飯。第一道係蝦，好入味，條蝦好大條粗過手指。杏汁豬肺湯。好濃郁嘅杏味，鍾意杏仁味嘅會好好。帶子多士，好特別第一次食，佢用左旦汁鋪面好香，多士好脆口。潮色骨略微淡味左。蟹肉旦白好香蛋白味同蟹既鮮味，蟹肉亦都夠多，啖啖都有蟹肉。呢隻係無骨原隻雞包住糯米飯既"糯米雞"，係一道功夫菜。雞皮夠香口亦唔會好肥膩，糯米飯索晒雞味，唔錯。鮑汁小棠菜。菜都幾新鮮，但唔算好特別。富貴花班球。西蘭花索左啲魚汁幾夠鮮味，反而班球唔算老但亦唔算出色。齋餸一道。入面係腐皮包住冬菇同荀同其他齋。夠爽口，食開齋既會鐘意食。焗西米布甸。面頭層焦糖好脆，但好甜，食多兩啖就覺得漏。一行廿個人大概食左9千蚊左右，都唔算平。特別一提上菜速度奇慢，好似食緊高級法國大餐咁！

酒樓通常俾人一種好喧鬧的感覺，但最近同事發現咗公司附近呢間Hotel Sav的中菜廳，環境幽雅，點心又好食，以後我哋有一個新的午餐飲茶好去處了。有落地玻璃，坐窗邊的位置可以望到街景，用環境幽雅都唔能夠足以形容呢度的佈置，我覺得比起一般中菜廳家更詩情畫意，而且俾人一種井井有條的感覺，在勞碌的工作之中，來呢度享受一個豐富的點心餐，遠離繁囂，真係賞心樂事。不過可惜場地係比較細，可能做唔到擺酒的好選擇。我哋一行四個人，唔太多又唔太少人，叫餸都幾易，你食點心之前，我反而係鍾意食個蛋散先！又鬆化又甜，鬆化都有少少入口就溶化的感覺，而且今日因為開會，遲咗來食午餐，食少少甜野頂頂肚先，感覺不錯。頂肚菜式二號，就係炒腸粉，醬汁炒得好均勻，令到每一塊腸粉都沾到醬色，看上去已經好正，食落去好夠味。飲茶時食牛肉球是指定動作吧！牛肉好香，而且蒸得好熱，咬入口，軟軟的，令人好有滿足感。蝦餃我當然喜歡吃，但我在我心目中蝦餃的高一個層次就是豆苗餃！晶瑩的粉皮之中包裹着爽口鮮美的蝦肉，而且仲有清脆的豆苗承托住，簡直係人間最美味的點心！心情大好，想食啲香口野，椒鹽豆腐外脆內軟，而椒鹽令到豆腐十分惹味，熱氣到生暗瘡都抵！好

也許每個人心目中都有一道特別的菜，它之所以特別，可能就是因為背後有一個故事。 一道富貴龍鳳球，可會勾起種種回憶？因為它是六、七十年代必備之婚宴菜式，親親媽咪的這夜，我與她往一家舊店重開的粵式飯店，名叫紫荊閣，讓媽媽回味這道當年、在她重要日子當天、充當了一小小環節的菜色，沈默寡言的她，沒有說甚麼，嘴邊掛著微微的笑容，這一刻她的內心，可會是甜蜜的回憶！富貴龍鳳球 所謂龍鳳球，龍是蝦球、鳳是燒雞潤，做法是以新鮮海蝦捲起焗好的雞肝，外層沾上生粉放鑊高溫快炸，炸起後混合自製沙律汁而成，以當年來說，是婚姻的貴價菜，確實富貴。 再以白芝麻點綴，西蘭花伴菜，企理大方，富特色但不驚為天人，比喻細水長流麼！ 外脆內鮮美，炸物不沾一點油光，師傅的巧手。 看看橫切面，一方見全只新鮮蝦球，另一方是大大件的雞肝，兩者本是南轅北轍的食品，原來非常匹配，鮮香豐腴，脆口滋味，吃得出材料之新鮮及師傅之手㙯，回甘悠久，愈吃愈美味！男才女貌龍鳳配，天長地久，確是好意頭！美味指數：4.0/5 ------------------------------ 其實舊店重開非常難得，尤其是機乎原班人馬，怪不得飯店經理告知，廚房內的

今日約咗個客食飯，好彩老細唔喺度，如果唔係佢食完飯一定爆我，食物質素十分普通，服務質素更加係用差來形容。我哋叫咗個6人套餐再加啲點心，中燉湯都OK嘅，海底椰，飲嘅時候唔覺得有味精，但係下晝我返到公司就成個人都好口渴鮑汁雞腳一啲都唔入味，汁唔夠杰的。餃子造型都幾特別，雖然入口味道一般。蝦餃算係幾好皮薄喊靚。叉燒包內涵就係一 pat 汁另外仲叫咗個素鵝、蘿蔔糕同埋肉絲炒麵，直情係普通酒樓質素，但就收酒店嘅價錢，呢餐茶我哋食咗二千幾蚊，價錢貴食物選擇小

叫化雞一定要試~最餐廳我認為最好食既食物之一一開始上盤已經好大陣味~ 超香佢係慢慢解開d皮,如紙~香味就慢慢加濃解開完入面仲有d錫紙大廚會首先幫你剪開隻雞~ 整成5大份俾客人享用入面有多種材料組成，煮左多個小時所以香味十分濃，都係點解要早一日預約去俾師父整入面中藥味算係幾濃，　只食ｄ料都好香好好味，雞肉都好多足夠３－４人食用，我媽嘴好尖都話超好食～下次一定要再黎師父講到明落足料無用味精！　食得健康好緊要～牛柳～夠大件肉身夠軟，炒起上來夠香，美中不足的是無刀要自己咬開～很多人會不太喜歡，汁比較濃，味道重配飯食唔錯！依麵份量極大份。。　３人食都ｏｋ前面ｄ雞＋牛已經食到超飽所以呢份食唔晒湯汁好多～所以依麵偏軟～食落都香口，但對比前面２道就比較無咁出色～環境不錯，服務超好服務員招呼周到，大廚都好傾得會同我地介紹下隻叫化雞︿︿十分滿意～建議可以帶家人去試下叫化雞～記得要早一日預約

同屋企人一家人去食飯，位於酒店內既紫荊閣，一間型格酒店估唔到佢邊有間適合一家大細去食嘅酒樓。一直都未試過食乞兒雞，今次預早一日預訂，希望一家大細都食到。乞兒雞係用嚟包住嘅侍應會俾我哋拎住錘仔去開個外皮，其實都幾新奇。之後為免我哋唔識整，佢就幫我地打開成個外皮。入邊有好多餡料例如紅棗，雲耳，金針，冬菇等。由於比荷葉包住所以好香荷葉味而且保持到佢嘅肉汁。我哋食咗蛋白炒魚肚口感唔錯，而且分量足夠，唔會得太少。每人都拎咗啲來送飯，味道偏淡，啱小朋友同老人家。另外京都骨嘅味道比較濃，d汁幾多可以送飯，酸酸甜甜，一人一條好快食晒，如果分量可以多d就更好。仲叫咗一個豆腐冬菇加菜心，中和下上面食咗一鹹一淡嘅口味，我係食菜愛好者。食完飽飽落到樓下，見到佢原來仲有得飲茶下次嚟試吓先。

位於紅磡蕪湖街一家小型酒店一樓的粵菜餐廳，上址並非一家大型酒樓，所放置的枱數不太多（約二十多圍），但環境舒適，枱與枱之間有一定距離，最尾位置設有一間可容納兩枱12位食客的貴賓房（當然有最低消費）。我已是第二次光顧，今次和7個朋友聚餐，可能是閒曰的原故，當晚上去仍然有位，再次去紫荊閣因為喜歡它的的食物款式及質素有别於普通的酒樓，而且整體餸菜價格又不算貴，個人喜歡富貴龍鳳球、叫化雞（必吃）及雞蛋焗魚腸，很有農村風味，值得推介！

今次姐姐又帶我地去食好東西啦，佢上網見到紫荊閣嘅乞兒雞出名，有介紹過，就決定帶我去試下。餐廳係紅磡蕪湖街一間酒店入面，酒店裝修得好有特色，玩味較重，所以好容易就搵到。餐廳係中式裝修，但又不失時尚感，比人感覺好舒服。菜式都好多選擇，亦有套餐可選，而且餐廳做緊新開張優惠。茶味淡，而且茶水清澈。前菜 $16黑醋雲耳酸酸地幾清新開胃，但份量有啲少。叫化雞 $480餐廳最有名嘅係叫化雞，差唔多每枱人都有叫，因為準備需時，所以一定要提早book定，我地前一日book左，去到坐低無幾耐就已經送左上枱。成隻雞比泥封住，已經呈硬化狀態，服務員邀請我地試下扑開啲泥，都幾好玩幾得意，扑開啲泥，打開層錫紙之後，濃濃嘅荷葉香散發出泥，撥開荷葉後，一隻完整嘅叫化雞就出現係我地面前，服務員細心咁裝雞剪開一件件方便我地食用。雞肉香滑嫩口，皮薄脂肪小，雞入面有紅棗、栗子、冬菇，味道濃郁，而荷葉嘅味道又滲透左入雞肉，令味道好有層次，再配上一碗白飯，實在不得了。梅菜蒸茄子 $68份量都幾大，見到茄子白色本身驚未熟會硬，食落又發現好淋，茄子本身味道較淡，配上梅菜鹹鹹地幾好送飯。西檸斑塊 $108金黃色嘅斑塊外表令人食指大動，