綠色素食份子 (已結業)

上排去左呢間素食餐廳食晚飯，佢地signature既有黑松露磨菇包 （HKD 48/3件）~~ --外表幾扼like, 亦聞到黑松露味--但可惜包太厚，涵只得小小。。。 得幾粒菇喺入面--食落口較啖普通2人晚餐要$388加一意粉一碟都$88-98加一其餘菜式無特別都係中菜/意粉甘（我覺得略油），位同位之間亦好近坐都唔舒適。我食完就覺得物非所值嚕。或者你地試完/試過有唔同既感覺? .

出外吃飯,每次也吃煎炸食物,今次朋友說想食得健康點,帶我來到北角吃素菜,餐廳環境很舒服,像一般的西餐廳招牌脆米炒飯炒飯用了canola oil去炒,有飯焦, 口感脆脆的, 有層次日式麻醬豆腐豆腐配上麻醬很清新豆腐口感結實田園沙律配上意大利黑醋,很開胃,多士塗上了黑松露油,很香印尼沙爹串燒串燒口感像肉,加上甜甜地的沙爹醬,味道跟真的串燒沒分別黑松露蘑菇包做得十分似冬菇,顏色也做得很好,入面是黑松露,有黑松露味,包的味道提升了不少肉碎四季豆欖菜的特殊香味與肉碎相結合,味道濃郁腐乳招牌薄餅最初點這個腐乳薄餅有些猶豫,但既然來到,不妨一試,應該不會太差吧,一上枱,已聞到腐乳味,味道不太咸,與脆脆的薄餅很配芝士豆腐多士芝士控的我十分喜歡這個,多士脆口,豆腐點上了芝士,口感又脆又軟素菜款式愈來愈多,今次吃得很滿足

最近試了這間在北角的素食餐廳，位置有少少偏，但都算易找。當晚少有地跟酒肉朋友去食素，人大了什麼都有可能發生。當晚點了以下的菜:前菜甜酸齋甜酸度適中，軟熟情度很有口感。牛油果素三文魚沙律牛油果做沙律夠凍很清新，很不錯。主菜素鵝很香脆，不點汁食原味腐皮味，很好食。回鍋肉回鍋肉個汁非常惹味，要配飯。招牌脆米炒飯炒得很乾身，每口附有脆米，感覺很特別。甜品梳乎尼及朱古力雪糕飯後想完滿一點，點了此甜品，感覺沒有太大特別，還可以吧。總結此餐廳食物是種類很多元化，煮食會用潔淨水以少油鹽糖方式去處理，感覺幾有heart，唯價錢個人覺得偏貴，但整體食物水準都很不錯，下次會再去試一試其他菜式，因食素感覺很良好。

去開北角，經過見到呢間素食館，見幾靚！於是同友人入去試下！我地分別叫左一個芝士煙肉意粉同埋甜品雪糕窩夫。先講芝士煙肉意粉，好creamy,好濃郁，一d都唔似食緊素菜。同西餐廳食到既無分別！甜品雪糕窩夫，食落好有驚喜！個窩夫口感煙煙韌韌，同其他窩夫好唔同！雪糕同cream唔會好甜，食落都唔會覺得漏！估唔到素食都可以有咁多變化

樓底極高，好有空間感，白色主調裝修，木家俬，坐得舒服，飯聚傾計一流。以新派素食嚟講，價錢非常相宜，而且賣相食味就像一般西餐，就算不太接觸素食嘅朋友都易於接受。叫素鴨，還以為喺傳統深啡有個蠔油汁嗰隻，完全想像唔到咁精緻。炸功一流，香脆乾爽無滴油，一啲臭油味都，口感有少少像包裝多士零食，但千層腐竹令其更輕盈。麻醬豆腐，日式做法，大大磚滑西灣河豆品老店出品嘅滑豆腐，感覺像在吃布甸，好清爽舒服。豆腐多士，芝士+豆腐+脆法包，一定好食嘅組合。但覺得每件size若能再細少少，包再焗脆多少少，可以一兩口一件就更多，會食得方便啲。腐乳香樁pizza, 香樁係上海一樣特色香料，食味獨特。腐乳已混入醬料內，淡淡嘅咸香，創意之作。

今晚同4個朋友食完飯未算飽又想食甜品，途徑北角素食分子以為只有素食，原來甜品都不錯。入到去已經有一種悠和舒適的感覺。 簡約的設計真的好適合朋友們一起傾談。喜歡新鮮生果的佈置，鮮艷奪目。 我們點了朱古力曲奇窩夫及香蕉船。朱古力曲奇窩夫，即叫即整，全鋪都滲有剛剛出爐的窩夫味道，咬第一口鬆脆+Oero雪糕及濃濃的朱古力醬超滿足。 香蕉船，香蕉一分為二！有雪尼拿，芒果及朱古力雪糕，雪糕不易溶更有朱古力棒。好岩大人及小朋友食。最後值得一讚，薑茶不停添飲。已經薑茶味道很不錯！

蘋果金寶：餐廳等甜品的時間不會太耐，而蘋果金寶上到枱面非常熱辣辣，果然即叫即整，首先介紹下雪糕應該都係街邊貨色，味道唔會話有咩特別，但加埋蘋果金寶一齊食又熱又凍真係好正。而蘋果金寶入面嘅蘋果粒都會沾上肉桂粉，食落去有陣陣蘋果清甜味之外更會有一個簿簿肉桂味，最後亦可以加埋雲尼拿汁一齊食真係好夾。

素食分子已經開左一段時間，但都未試過食，今晚餐飯唔係好夠飽，諗住黎食返杯分子雪糕填下肚。 餐廳以白色為主題，放滿新鮮蔬果，原來分子雪糕已經冇做了，有d失望😞😞，唯有食其他甜品。 堂食有薑茶附送，無限添飲，薑茶薑味十足，飲完即刻覺得暖暖的。 檸檬梳乎厘配雲尼拿籽醬 $28賣相吸引，食落口有淡淡既檸檬味，梳乎厘質感軟滑，口入即溶，都不錯。 P.S. 要加一服務費

 已經不只一次光顧,亦不是第一次寫食評第一次食，覺得素食·分子好特別，可能我唔係素食者，次次都係傳統中式好悶，但素食·分子有多國菜式，我好鐘意。而且佢地嘅份量唔算細，食完一餐係有飽到頂住嘅感覺，絕對唔會因為無食肉而食咗陣風咁。特別推介佢個一人8道菜餐，真係抵到離哂譜。我試過堂食亦都試過外賣返20-30分鐘距離嘅屋企食，價質素一樣好我知道係送隔有部分人寫食評係鬧多，不過今時今日連鎖店愈來愈多，鋪租又貴，更加珍惜食到好味小店嘅機會。如果多一個讚嘅食評，可以吸引多一個客，多一個令小店生存嘅機會，何樂而不為？！t

奶油包公司裝修帶開飯既奶油包同同事都冇得帶飯(當然可以帶...但我唔想食飯食到有塵)咁全公司既同事就一齊出去食係奶油包公司附近都有D旺中帶靜既好店InnoVeggie 真係抵食LUNCH SET都係HK$50左右已經有三個前菜 + 湯 + 主菜 + 飲品主菜方面有咖哩，有螺絲粉，有意粉，仲有唔同既飯當然啦...話明係素就梗係唔會見到有肉但講真佢做出嚟都幾似肉同事話係面筋扮肉不過真係唔錯...食落d口感唔差...而且前菜位個豆腐好香而我食既螺絲粉雖然冇肉...但係可能係用左x欖油好香口...而且幾好咬口而個湯係蘑菇湯嚟好香...好想encore再飲多碗飲品有2款...一係熱豆漿一係蘋果醋鍾意飲醋既我就當然係要蘋果醋好Fresh....

路過這餐廳，感覺很自然，因為裝修以白色及木為主，很切合這新派素食餐廳，所以一有機會都很想來試試。餐前小食很精緻，有三款味道：薯仔、豆腐及齋鴨。三款其實都是有吃過的，但齋鴨就較小吃，不過其中一個較小吃的原因是感覺很油，而這裡的也逃不過這命運，不過有其餘的兩款小吃平衡也算可以。另一個餐前的食（飲）品就是粟米南瓜湯。味道可以，少少甜，也可以吃到一粒粒的粟米。而主菜的橄欖油雜菜炒意粉的味道不錯，意粉的軟硬度適中，而雜菜的種類也多，令到味道及口味都有不同的層次。美中不足的是太油，吃到最後可以見到有一小碟油的。完全的句號是一杯不太甜的熱豆漿，令有少許轉冷的天氣加了一份溫暖。

平日去食素，通常都係中菜餐館或者係茶樓feel既鋪。今次同食素既朋友慶祝生日，上openrice搵下有無特別素食餐廳既時候發現呢度。睇相既時候都覺得呢度雅緻，去到果然都無令我失望，裝修都帶點品味！店員安排我和朋友坐近㕑房位置，可能風向關係，初初坐底既時候偶然會有少少垃圾味，不過唔嚴重坐多一陣就無左味，所以都不減興致。店內有提份2人餐，不過我地想試多啲野，所以選擇點a la carte。店內亦有提供1人餐，感覺好細心，1個人都唔驚唔知點叫餸。我地叫左4餸一湯是日養生美容湯有年藕，清清地，無味精，不錯既開始鳯利香草素排骨如果當佢係份子料理黎食會失望，因為佢用年藕扮排骨老實講一啲都唔似，不過如果當一碟素菜黎食就真係幾好味，年藕炸過表面加有糖漿，炸得恰到好處，又不太甜，可以一試有機岩鹽炒澳洲羽衣甘藍煮得好靚好青綠，不過少編略嫌佢多左少少油，口感好特別，其實有少少似食草😂，不過無草青味，正常菜味既，不過不失黑松露什菇Pizza卷鍾意黑松露既朋友不可不試，極香松露味，配合芝士配得恰到好處，沒有搶走松露味，但又互相帶出其香味！推介！食完上面幾款仲未夠喉，見到牆上有推介食物，忍唔住都再試多款芒果素蝦燴

朋友之前介紹過呢間餐廳，話唔錯所以我地就去食。一入到去感到餐廳設計簡約，光線充足，俾人一種好舒服嘅感覺。服務員態度非常好，即使落單嘅時候三心兩意，但係仍然好有耐性咁幫我地落單，又推介唔同嘅菜式俾我地。首先有個餐湯。餐湯係甘筍粟米湯。個湯好甜，有啲似南瓜湯嗰種質感。味道唔錯。第二要介紹嘅係啲前菜。有雲耳，麻醬豆腐同車厘茄。啲雲耳嘅醬係酸酸的，非常開胃。麻醬豆腐嘅豆腐好軟，啲醬同個豆腐好夾。車里茄最特別，因為佢用咗桂花糖水嚟當汁咁點，所以就算車厘茄幾酸都好，都會有啲糖水嚟中和返。桂花味好清香，大大提高食慾。然後就到主菜。主菜有茄汁芝士焗牛肉飯同雜菜咖哩。首先講下牛肉飯，個飯嘅配菜- 青椒，黃椒同紅椒能將個飯嘅味道大大顯咗出嚟，同時又唔會蓋過啲茄汁味。個人認為係一個唔錯嘅配搭。啲牛肉又唔會太難咬，証明焗嘅時間適中。跟著就係雜菜咖哩。個人認為個咖哩太辣（即使係小辣都已經好辣）。啲菜就一般啦，朋友話啲菜有啲老，特別係啲豆。套餐仲包一杯豆漿or蘋果醋，十分抵！總括而言，呢間餐廳真係值得推介，無論環境定嘢食，都贏盡口碑，實在不能不試。

跟素食朋友慶生，當然要揾間好食既素食錧啦，見到雜誌推介，又睇埋Openrice食評參考，咁就一致選定這家。這家素食店都是頭一次到來，沒想到食物質素是如此好，較平日食開的素食店為佳。是次點了5款，當中3款皆以黑松露為食材，令到整晚都飄逸著黑松露的香氣。芒果素蝦燴雞，這個是沒有黑松露的，但是也是香氣次作。芒果甜，素蝦結實，素雞有咬口，加在一起所有食材很夾，大家都爭住食完再食這碟。香氣十足的黑松露卷，皮仿似是中東夾餅皮，煙靱並有麥香，夾住黑松露一起，不油不膩，值得推介。相比併盤較為失望，中間的豆腐很滑，很麻香，但是旁邊的4款我不喜歡。紅色那些我誤以為是紅菜頭，原來是紅椰菜，太酸。另一格是木耳類，雖然都算爽口，但是也不是我杯茶。這個黑松露包賣相很好，像真度很高，且包味，黑松露味濃郁，可惜內涵太小，若果皮薄些，內涵多些就更好。最後是黑松露意大利飯，意大利飯應該是硬身的，但是這碟太冧，沒有了意大利飯的特色。除了這點，飯的味道菇味濃郁，不過份量少了點吧！

現時越黎越多人食素，除左“聞其聲，不忍食其肉”外，其實係因為大眾開始認識素食對健康既好處非常多 （要識食），而且仲可以減少碳排放！星期五晚 6:30pm 黎到，未到繁忙時間所以大把位，被安排坐到餐廳較裡面位置。一路入去，見到裝潢以白+木簡約調子為主，旁邊有個放滿七彩蔬果既玻璃櫃，燈飾都頗有格調，整體感覺舒服明亮，唯較入位置地下有少少 lup lup 地實為美中不足。午市免加一，下午餐又抵食，無奈同呢兩個時段實在無緣，幸好晚市都有個套餐 menu 可以試多幾款食物。大家可以 scan 牙籤盒 QR code 去餐廳網頁，可以揾到唔同優惠 or coupon, 記得睇左先～栗米湯味道普通，有 d 似平時罐頭栗米味道。其實呢幅相重點係後面既薄荷荔味車厘茄！去左皮所以入口順滑，車厘茄本身唔酸，配上薄荷葉，作為涼盤開胃菜可以話係恰如其分，味道清新又可以引起食欲，作為當晚一個好好既開始。後面杯洛神花茶加上山楂都有種去膩既作用，個人覺得幾甜，不過如果唔係禁甜可能又俾洛神花既酸破壞平衡。木瓜沙律都唔錯，同一般食到既分別不大。串燒應該用大豆蛋白扮肉，質感好豐富，好有肉既感覺，配埋個甜甜沙爹醬就幾可亂真，