美味故事 (已結業)

美味故事同老公逛完旺角，跟住食晚飯。佢揀個西日fusion一人餐，主菜食西冷牛跟冷麵 ($228)。先嚟的的骰骰南瓜湯，個笑哈哈面好盞鬼！蒜蓉包細細條，入口香脆。跟住有煙三文魚薯仔沙律。薯仔粒有咬口，三文魚可以再新鮮啲！韓式泡菜豆腐味道一般。慢煮安格斯西冷幾大份，點黑椒汁食，辣辣地更好味。墨汁冷麵顏色雖然烏卒卒，墨汁唔會太濃太杰。為咗貫徹fusion風格，老公特登飲越式滴滴咖啡($22)!！我鍾意海鮮同青醬，虎蝦青醬意粉($148)，正正就係我杯茶！蝦肉爽口彈牙，意粉掛汁，滿口青醬橄欖油仲有松子仁，味道油潤又豐富。白桃藍蝶花(+$18)係跟餐飲品，桃味香，飲落去好清甜。地址：旺角彌敦道732號寬成樓1樓

鬧市朋友鐘意在旺角捐窿捐罅搵食，今日佢帶左去一間旺角樓上cafe，如果唔係佢帶我去，我都唔知呢度會有間cafe添。呢度全層係屬於呢間餐廳，餐廳裝修簡約，感覺舒服，呢度仲有個舞台可以比人表演，地方乾淨整齊。呢度嘢食都多喎，今次朋友話事，佢點左餐湯、沙律、兩款主菜同飲品。先黎個wellcome drink，呢個係西瓜沙冰，甜甜冰凍，响街行到熱辣辣就啱晒。見到餐湯好開心，上面有兩個笑臉。我揀左蘑菇湯，入口粒粒蘑菇，鹹鹹地，幾好飲。朋友就揀左南瓜湯，佢話湯好甜，南瓜味濃，佢好鐘意。沙律係柚蜜寒天海藻沙律，菜洗得乾淨，爽口。寒天海藻晶瑩通透，樣似啫喱，口感煙韌，加埋柚蜜做醬汁，味道甜甜地，都幾夾喎。煙三文魚他他多士食落有卜卜聲蟹子夾埋三文魚蓉，沙律甜甜帶微酸，好好食。旁邊仲有兩條蒜蓉多士，多士好脆，蒜蓉味亦濃，幾好。其中一款主菜係溫泉蛋意式卡邦尼意粉，意粉煮得爽口，呢款意粉外面食通常重忌廉味，而呢度就比較重蛋味，忌廉味淡，所以就覺得香d同滑d，亦唔會覺得好漏，配埋煙肉鹹鹹地一齊食，唔錯喎。另一款主菜係慢煮安格斯西冷，西冷唔算話好肥，厚薄適中，約七成熟，肉仲係紅紅地。呢度好貼心，將肉切開左一片片，

週末朋友約我喺旺角食飯，佢帶咗我嚟呢間樓上餐廳，話食物美味，仲係一間香港人嘅良心餐廳，咁我當然要去支持下啦👍💪😊一坐低店員哥哥就攞咗兩杯 Welcome Drinks 西瓜🍉沙冰 俾我哋，真係透心涼😋。叫咗 $228嘅 Dinner Set，包「餐湯配蒜蓉包、沙律、小食、主菜、配菜、飲品」，有好多款選擇，咁我哋揀咗「南瓜湯🎃」、「溫泉蛋蟹籽🦀黑醋沙律🥗」、「泡菜豆腐餅」、「慢煮西班牙🇪🇸黑毛豬胺」、「煙肉🥓酸忌廉焗薯🥔」、「榛子咖啡」（+$18)；再加一個 $148 嘅 Main Course「虎蝦🦐青醬意大利麵」，跟意大利麵加 $15 要一杯「玫瑰養顏花果茶（熱）」，全部 share 嚟食😆基本上全部食物都幾好味😋，特別美味嘅有：「慢煮西班牙🇪🇸黑毛豬胺🐷」帶少少肥，肉質非常軟熟，又甘香又 juicy 又有濃郁豬味😋；「煙肉🥓酸忌廉焗薯🥔」有脆脆哋嘅煙肉加清新嘅酸忌廉，配香滑嘅薯仔出奇地好食😋；「虎蝦🦐青醬意大利麵」嘅 pesto 醬 做得好清新😋呢間香港人嘅良心餐廳真係值得支持😋

星期日晚去，餐廳只有一半滿枱與枱之間空間充足，又唔嘈，好啱傾計。我哋六個人叫咗四人set 加一個飯，飽到食唔晒樣樣食物都好食，特別推介雞同豬，好嫩滑訂枱仲有折，埋單約一百七蚊位，性價比高

朋友就快離開香港，於是一行人選擇左呢間樓上cafe聚下。環境方面，店內有大小卡位，非常闊落。氣氛休閒，非常適合同三五知己聚埋一齊傾下計。食物亦非常出色。沙律同小食我就嗌左豆腐餅同溫泉蛋蟹籽沙律🥗。沙律都幾新鮮，如果蟹籽再多啲會更好😂；豆腐餅有創意，味道不俗😋主菜方面，羊架軟熟香口，最值得一讚嘅係肉醬意粉，口感非常出色👍🏻餐湯係南瓜湯，有笑哈哈係上面，可愛得黎又香濃☺️☺️總括黎講，餐廳環境舒適，食物色香味俱全，非常推薦同朋友聚會。

餐廳係大廈嘅一樓，佢嘅裝修都幾特別，除咗普通嘅枱之外仲有日式座位，打卡都幾靚。氣氛環境都幾啱幾個朋友食吓飯傾吓偈。一入座店員就送上兩杯西瓜沙冰，refreshing 之如亦都可以清洗味蕾。南瓜濃湯 & 蘑菇濃湯個人比較鍾意蘑菇濃湯，佢唔似出邊嗰啲蘑菇湯，佢好多蘑菇蓉，好足料，香濃蘑菇味。而南瓜湯都濃郁，正常發揮。香橙柚子煙鴨胸沙律 & 醉雞翼煙鴨胸再輕輕灸燒過，所以鴨胸嘅煙熏味都幾出，加上香橙嘅配搭平衡返。而醉雞翼個人就好鍾意，雞翼好入味，而雞翼外皮好爽口。溫泉蛋蟹子沙律 & 煙三文魚他他多士沙律菜新鮮，可以加埋溫泉蛋一齊食。而個三文魚他他多士，味道都幾豐富。美國安格斯西冷 配 煙肉酸忌廉焗薯西蘭嘅肉質分軟滑，應該有slow cook 處理過，牛肉嘅表面經過煎煮之後，帶出左牛肉味。個配菜焗薯個軟硬度都啱啱好。新西蘭羊架 配 墨魚汁冷麵羊架同個牛扒一樣個肉質都係好軟滑，羊架表面有唔同嘅香料再加熱煎煮後好香，流晒口水。墨魚汁冷麵都好有驚喜，佢好香麻油，再加上酸蘿蔔同埋芋頭乾，味道同埋口感都豐富咗。越南滴滴咖啡 +$22 & 橙味水果茶呢度竟然有滴滴咖啡，食完幾道菜再飲咖啡不錯呢。跟隨套餐

星期日去左旺角玩，黎左呢一間叫美味故事既樓上餐廳食野，入到去感覺反差大，雖然位於舊樓，不過餐廳入面裝修舒服，有啲家嘅感覺。大概有10張枱左右，仲有個迷你舞台同band。呢度晚市有做晚餐餐牌，包湯，沙律，小食，主菜，配菜，同飲品，1個餐收$228，兩個餐$438，另收加一。一坐低先黎每人一杯迷你西瓜冰沙，surprise! 味道天然，好清新。南瓜濃湯，蘑菇濃湯餐湯有蘑菇濃湯或者南瓜濃湯揀。我哋每人一樣。首先餐湯賣相好可愛，有兩個笑臉。蘑菇濃湯有粒粒碎蘑菇，味道正常。個人鍾意南瓜濃湯多啲，甜甜哋咁，好味。蒜蓉包連沙律小食一齊上。沙律小食各5揀1。煙三文魚薯仔沙律，煙三文魚他他多士，蒜蓉包煙三文魚薯仔沙律有煙三文魚一片，另有新鮮沙律菜加半粒橙色車厘茄，加左少少日式芝麻醬，都幾新鮮。薯仔沙律配左好多碎蛋，上面加左少少蟹籽，沙律醬幾重手，味道好濃。煙三文魚他他多士一客2件，煙三文魚碎味道帶濃濃嘅沙律醬味，下面塊多士好脆口。蒜蓉包呈長條形，好香脆。温泉蛋蟹籽沙律，紫菜雞卷，蒜蓉包温泉蛋蟹籽沙律係新鮮沙律菜同半粒車厘茄，加左香甜黑醋，另配一隻温泉蛋，上面加左少少蟹籽，味道清新同輕盈。紫菜雞卷都係一客

🌸🌸旺角美食🌸美味故事 🍽💛💛良心小店💛💛旺角一帶交通方便，今晚我相約了朋友到位於間位於旺角的一間典雅優閑西餐廳-「美味故事」享用晚餐❗餐廳鋪面寬敞舒適❗餐廳裝修簡約精美，座位寬敞舒適，有簡約佈置，環境簡約舒適❗絕對是悠閒打卡必食之選❗️而且餐廳的店員的十分有禮。到餐廳後店員會為寫人奉上冰涼香甜的西瓜沙冰，相當消暑❗我們一行2人共點了以下餐點：1️⃣🌟原隻去骨春雞配薯菜晚餐 $228原隻去骨春雞份量十足，帶淡淡焦香味道，肉質鮮嫩美味，而薯菜配料亦相當豐富，有秋葵、翠肉瓜、小蕃茄、香烤薯仔等❗️美味指數：⭕⭕⭕⭕⭕️賣相指數：⭕⭕⭕⭕️⭕️抵食指數：⭕⭕⭕⭕2️⃣🌟香橙柚子煙鴨胸沙律配紫菜雞卷 跟餐香橙油子煙鴨胸沙律配有清新翠綠的蔬菜、清甜香橙肉、柚子及香嫩煙鴨胸肉️️❗美味指數：⭕⭕⭕⭕⭕️賣相指數：⭕⭕⭕⭕️⭕️抵食指數：⭕⭕⭕⭕3️⃣🌟是日餐湯 - 蘑菇及南瓜濃湯 跟餐是日餐湯為蘑菇及南瓜濃湯，餐廳會悉心把忌廉簡單以笑面的圖案點綴於餐廳上，而蘑菇濃湯味道帶濃郁松露味，而南瓜湯亦相當鮮味香濃，味道相當不錯❗️美味指數：⭕⭕⭕⭕⭕️賣相指數：⭕⭕⭕⭕抵食指數：⭕⭕⭕⭕️4️⃣🌟黑松露蘑菇意大粉 $118此款意大利麵配香濃的黑松

今日同朋友搵咗間樓上良心Café餐廳幾闊落而且裝潢俾人感覺好舒服我地被安排坐窗邊特色嘅榻榻米座位坐低冇耐侍應就送上Welcome drink係一杯西瓜沙冰 好透心涼岩哂依家嘅天氣我地叫咗set加個明太子意粉同甜品套餐好豐富 有湯 沙律配小食 主菜同飲品蘑菇同南瓜濃湯都又香又滑 而且仲好cute溫泉蛋沙律同泡菜豆腐擺盤靚 味道亦不錯原隻慢煮燒春雞一上送上枱已經充滿驚喜春雞用慢煮方式整 熟嘅程度岩岩好無論係雞脾位定雞胸位都多汁嫩滑明太子大蝦意粉蝦肉彈牙 意粉有咬口 食落忌廉味重過明太子味 但係就幾岩我口味最後食埋美式朱古力蛋糕 香濃又唔甜 呢餐好完滿

好耐之前誤打誤撞諗住搵間小店支持下，幫襯過一次美味故事～ 發現佢地唔單止係良心小店💛 而且係有信仰support既，所以前幾日帶左個同路人去多次💁🏽‍♀️雖然餐廳位於鬧市，但係身處個度，會聽到大把地方唔再敢播既改編歌，會聽到食客之間有好多正面既分享，成個氛圍同旺角好唔同～老闆/ 店員喺我地坐低無耐之後就遞左一杯仔透心涼西瓜沙冰🍉 窩心！講下兩個人食左咩啦💁🏽‍♀️Dinner Set *2 ($438）*包括: 湯 + 沙律 + 小食 + 主菜 + 配菜 + 飲品 ➿ 蘑菇濃湯➿ 南瓜濃湯兩款餐湯都真材實料，啖啖南瓜蓉/ 蘑菇蓉，味道都好濃郁👍🏽 ➿ 柚蜜寒天海藻沙律寒天海藻本身已經好低卡，加埋柚子蜜就又fresh又light了😌➿ 溫泉蛋蟹籽沙律沙律菜幾新鮮，沙律醋同蛋汁都幾夾～➿ 煙三文魚他他多士他他既鹹香味岩岩好，本來覺得太細塊唔夠喉，但仲有附送一塊蒜蓉包，所以有種食前菜之前已經食左好多野既感覺🤣➿ 菲達芝士波波卷芝士既角色比我想像中冇咁重～ 以為芝士係波波shape，原來波波係粒水果，呢個配搭都幾得意🤭➿ 美國安格斯西冷 + 墨魚汁冷麵西冷上碟前已經均勻地切成一塊塊，係懶人既福音啊

雖然鋪頭位置唔係係大街但都唔算難搵💛，而且店舖空間好大，坐得好舒服，好有私人空間！一上到去店員就送兩杯西瓜沙冰做welcome drinks，行完熱辣辣飲返杯就啱哂🤤跟住再慢慢睇下餐牌～$428有個dinner set for 2價錢都合理，不過今晚唔算好肚餓，所以只係揀左1個set跟住再散叫Set方面叫左磨菇湯+香橙柚子鴨胸沙律+醉雞翼主菜就試下原隻去骨春雞配煙肉酸忌廉焗薯隻雞大隻，好有香草味，幾嫩同juicy😆，焗薯依個配搭就冇得點輸架啦另外散叫左慢煮西班牙黑毛豬胺，又係大大份，好香口，誠意之作！最後都食唔哂啲野食因為個份量好大，但整體食物質素唔錯，環境又夠舒服，chill住咁食，大家去開都可以支持下佢💛

座位闊落 窗嗰邊仲係榻榻米座位 坐得好舒服晚市做緊$228一位(另加一)既dinner set 包埋湯 沙律 小食 主菜 配菜同飲品 我哋就叫咗兩個set嚟食～煙三文魚薯仔沙律 + 煙三文魚他他多士沙律菜新鮮爽脆 煙三文魚好足料 他他多士好食😋慢煮美國安格斯西冷配煙肉酸忌廉焗薯 用慢煮嘅方式煮食落無咁韌 配埋黑椒汁令牛味更突出南瓜濃湯湯好rich🤩 仲食到南瓜嘅甜味溫泉蛋蟹籽沙律 + 醉雞翼流心蛋加埋爽口嘅蟹籽 同沙律好夾😍醉雞翼醃得好入味👍🏻慢煮新西蘭羊架配煙肉酸忌廉焗薯羊架一啲羶味都無 肉質仲好嫩滑 入口即溶嘅薯蓉再配埋酸忌廉嘅奶香好滿足💛蘑菇濃湯 口感綿滑仲食到粒粒蘑菇 熱橙味水果茶 熱玫瑰養顏花果茶推薦水果茶！水果味好濃又唔會太甜 玫瑰花果茶飲落味道清香～對女士仲好有益

唔係朋友介紹我都唔知依度有間餐廳, 試完覺得有驚喜有質素, 值得推介下。餐廳CORNER位有個細既STAGE, 旁邊係透日光既窗, 環境都幾舒適。坐低冇耐店員就送上WELCOME DRINK, 係西瓜冰沙, 天時暑熱上到黎真係加分。質感濃稠既蘑菇湯配上剛烘起既蒜蓉包, 仲有溫泉蛋蟹籽沙律作為頸盤前菜, 好味又開胃。醉雞翼煮得入味, 花錭味好香, 特別係個皮位, 又滑又好味。原隻去骨春雞配煙肉酸忌廉焗薯依個係今晚最驚喜既, 原隻雞去左骨已經好正唔洗輪骨,  啖啖厚肉仲要烤得恰到好處, 肉仲係好JUICY好滑, 連雞胸位都保持到有肉汁, 而且皮位有焦香, 原隻雞要焗得咁好唔容易, 高質! 煙肉酸忌廉焗薯就一定穩陣, 酸忌廉醬整得CREAMY好味。黑松露野菌什菇意粉黑松露味道幾出, 亦食到忌廉香, 入口幾RICH, 加埋野菌更加香, 份量都幾多, 抵食。叫左依度既特飲碟豆花蜜桃, 桃味好香唔會過甜, 朋友叫既抹茶LATTE亦好濃郁, 有水準呀。

呢個樓上舖有d唔係咁顯眼😣如果唔係上網搵定餐廳再過去,應該都好少會搵到佢黎試😢但係去過一次你就知值得!😍餐廳門口好多memo紙寫曬一堆鼓勵嘅野 睇到感動到🥲Dinner Set [$228 for 1 $438 for 2]蘑菇濃湯/南瓜濃湯🍲擺盤好cute有笑臉😍無論蘑菇湯定南瓜湯都十分濃郁😚飲完湯都有幾成飽😆好足料香橙柚子煙鴨胸沙律配紫菜雞卷沙律配有傳統嘅黑醋汁,酸酸地好開胃👍🏻紫菜雞卷好特別,平時出面好少有得食😆雞卷入面滿滿雞肉,加上出面紫菜好爽口,食落口感豐富😋溫泉蛋蟹籽沙律配菲達芝士波波卷雖然蛋黃全生,但係食落唔會腥👍🏻而芝士波波卷算係有驚喜,入面有個好爽口嘅水果,上面係一粒芝士,再用青瓜片起外面包圍住😆食落都唔錯幾特別美國安格斯西冷配肉醬意粉🍝西冷煎得啱啱好,唔會有血水而且食落肉味好出,肉質鮮嫩☺️而肉醬意粉份量唔算太多但剩在肉醬好多🤪新西蘭羊架配煙肉酸忌廉焗薯羊架肥瘦均勻, 而煙肉煎得好香脆,同酸忌廉同焗薯好搭配🥰

周末與家人到旺角逛街購物，聽說彌敦道732號寬成樓有一家美味故事樓上餐廳不錯，決定過去嘗嘗。餐廳環境舒適，溫馨浪漫，桌椅設計別樣，既有普通餐桌，也有榻榻米日式餐桌，我們很幸運的被安排在窗前的榻榻米坐下，點了一個兩人套餐及一個份主菜。二人套餐相當豐富，除了主菜、配菜，還有小食、沙律、湯品及飲品，非常齊全！餐湯南瓜湯都好好喝，湯汁濃稠，鮮香滑爽，非常開胃！主菜我們選了原支去骨春雞，份量好大，肉質細嫩，入味好吃，沾上黑胡椒汁更是錦上添花！配菜我們選了比較特別的墨魚汁冷面，面條勁道，入口爽滑，秘製醬汁調出的味道真的好有特色！香橙柚子煙鴨胸配沙律，經煙烤過的鴨肉煎香味濃，食而不膩，配上酸甜的柚子汁口感不錯！沙律🥗更是新鮮爽脆！ 蒜蓉包🥖外酥內軟，蒜蓉味十足，不錯👍西京燒三文魚扒，三文魚扒份量超大，魚皮煎得油黑帶韌，肉質鮮嫩香脆，非常入味！這家樓上cafe廚藝超棒，其實都幾驚喜，staff亦都好nice，有機會一定帶朋友過來一起品嘗！