美味故事 (已結業)

我家姐好鍾意幫襯樓上Cafe, 今日就帶佢過嚟旺角一間特色Cafe 叫美味故事。💛一入到來，成間Cafe俾到我地好chill好relax既感覺。因為除左有普通既桌椅外，竟然有類似日本既榻榻米座位，仲放左cushion係度，望落去勁舒服。雖然今晚有其他客人坐左，下次早啲到應該可以坐到😉除左有特色座位，呢度應該有band show, 見有曬band既架餐係度，都希望下次過嚟可以欣賞到☺️好拉，呢度係掃QR Code落單，方便又快捷。我地叫左: Dinner set，有南瓜湯，香橙柚蜜煙鴨胸沙律配醉雞翼，慢煮美國安格斯西冷焗薯蔬，配埋飲品凍橙味水果茶。南瓜湯模樣有個笑哈哈，真可愛，食落口感好滑，仲好甜。香橙柚蜜煙鴨胸沙律配醉雞翼，沙律成個組合好fresh，因為有橙同柚子汁，沙律菜好新鮮。煙鴨胸係煙勳，食落更加好味。醉雞翼係凍食，味道都吾錯。慢煮美國安格斯西冷焗薯蔬，西冷已切好上，非常有牛味。薯蔬分別有秋葵，脆肉瓜，茄子，甜蕃薯，配菜都非常美味啊😋另外叫左個慢煮西班牙黑毛豬鞍，配肉醬意粉，飲品叫左杯凍檸水。豬鞍係配肉桂蘋果醬，第一次甘配搭，感覺幾新鮮。另外肉醬意粉好多肉粒，我平時麻麻地肉醬意粉都

那天朋友約了在旺角一間餐廳晚膳，餐廳位於一幢舊式大廈的一樓，可以乘電梯或者上樓梯到達。雖然座落於旺區，但進入了餐廳又是另一種感覺。餐廳的裝潢簡約恬靜，舒適寫意，但另一方面又有一個樂器的角落，可能在疫情之前會有樂隊助興的，現在就只以輕音樂相伴。除了一般的餐桌之外，卻又有幾個日式的卡座，我們就選了這種座位，枱下有一個空間可以供雙腳放進去，甚至將帶來的包包也可以放入內，只是起來時就要小心些。朋友要了一份晚餐套餐 ($228)，包括有餐湯的南瓜湯、沙律的煙三文魚薯仔蛋沙律、小食就要醉雞翼、主菜要了慢煮原隻去骨春雞配酸忌廉煙肉焗薯、飲品就要熱情果茶。因為朋友的食量其實並不大，所以我們也毋需叫兩份套餐，我就要了慢煮西班牙黑毛豬胺跟肉醬意粉，配肉桂蘋果醬 ($178)作為主食，另加蘑菇湯  ($30)及泡沫咖啡 ($18)。首先來的是歡迎飲品的西瓜沙冰，小小的一杯作為晚餐的序幕。繼而是南瓜湯及蘑菇湯兩款餐湯，都是並非完全打成蓉，仍保留一些微粒，增添口感，蘑菇湯的菇味甚覺香濃。煙三文魚薯仔蛋沙律的賣相吸引，上面放了些蟹籽，還配了兩件蒜蓉多士。醉雞翼本身的雞骨頗硬，但做得很入味。今次我們的配搭看似有點重

推薦舒適樓上cafe!旺角人多擠逼嘅地方，原來都可以搵到寫意嘅良心Cafe！上網見到呢間Cafe風評唔錯，位置又係T.O.P. 再行前少少，咁啱約咗朋友係旺角舒舒服服食餐飯就黎咗呢度啦！入到黎真係有驚喜！環境非常舒適！裝修行簡約無印風，座位闊落，仲有特色和風餐桌，坐埋位真係非常舒服，啱哂同朋友仔一齊傾計。2個dinner set $438 價錢相宜亦都包咗好多野食，包括餐湯、沙律、小食、主菜、配菜同飲品！選擇非常多，好多款都想試，有啲自選晚餐嘅感覺！餐湯方面推薦南瓜湯！好濃厚，好甜😋揀咗嘅2款沙律都幾正常，溫泉蛋沙律就淡咗少少。小食幾有誠意，紫菜雞卷同埋泡菜豆腐餅都係少見嘅選擇，味道都唔錯！主菜方面，豬鞍真係幾正！好嫩，調味又啱啱好🤩而無骨燒春雞真係嫩到想像唔到，啖啖都係肉！啱哂懶人食！飲品嗌咗2杯花茶，份量都夠，食飽解濟吹水一流！

之前係網上面睇到好多呢間cafe嘅靚相，地點又咁就腳，就上黎試試佢，順便影多啲相🤩入到去真係幾正喎，有種日韓式小文青cafe 嘅感覺🤩木系裝潢，地方闊落，裝飾都好用心，黎食餐飯可以真正咁放鬆落黎👍 值得一讚就係佢大電視一直播Mirror嘅MV，夠哂本土化！食物方面以西式為主，有套餐亦可以散嗌，今晚就叫咗2個套餐加一個意粉，叫做試下唔同野咁啦！套餐方面，非常推薦豬鞍扒！意想不到咁好食，調味恰到好處，肉質偏嫩，個人覺得食完都唔係好夠喉！黑松露蘑菇意粉都係大路野，黑松露香氣四溢，意粉軟硬適中，都係高水準之作！

早兩日男朋友話之前佢行過弼街個邊附近，見到有間叫美味故事的餐廳，所以上網睇下，覺得都幾正，所以就帶左我去食嘢啦，餐廳比較神秘，未必個個發現到佢，但佢個環境係好舒適，有啲好日式的枱，而且播下啲本土音樂，令人好有家的感覺。我哋坐低左一陣，仲睇緊有咩食時，就有杯西瓜沙冰比我哋做welcome drink，之後我哋叫左兩個餐，我哋揀左一個慢煮西冷牛扒，呢個跟set有埋餐湯有沙律，餐湯揀左蘑菇湯，沙律就係柚子汁海澡寒天沙律，小食揀左泡菜豆腐餅，而令一間就揀左西班牙豬鞍，餐飲就係凍咖啡和凍鮮橙水果茶。蘑菇湯都好香濃，飲得出係用左好多菇來打出嚟，唔係忌廉溝少少蘑菇就當蘑菇湯，所以味道會突出好多。泡菜豆腐餅好精緻，估唔到mixed埋一齊都咁夾，而且煎到脆卜卜，鹹度適中。而個沙律其實好特別，因為佢整咗一條條寒天，好似薯粉咁，但滑好多，加埋啲柚子汁好好味，呢個沙律亦係咁多個當中，比較特別一些，多面係比較少有。我會推介大家食西班牙豬鞍，一來佢用慢煮方式，令到肉質依然軟熟，豬味可以得以保存，而且表面煎香更為吸引，薯菜的配搭亦有得多種類，很有心，同埋佢最正就係佢加配的肉桂蘋果醬，好鮮甜好好味。慢煮西冷就揀左配肉

👁‍🗨 一人晚餐套餐 (7/10) 💲228 .套餐真係好抵食😂份量相當之多，我同朋友初初吾知佢既份量有幾多，先決定叫一個套餐再叫一個主食😂但係最後後悔左，食到超級飽，仲有啲食吾哂😅個套餐包左餐湯，蒜蓉包，沙律小食，主菜配菜同埋飲品一杯😇餐湯有南瓜湯同磨菇湯，朋友揀左南瓜湯，而我就另外加左個磨菇湯試下😂相比之下，南瓜湯比起磨菇湯出色，有南瓜味之餘帶點點胡椒既調味，口感都creamy🎃磨菇湯就比較有口感啲，有粒粒磨菇渣😹蒜蓉包有輕微既蒜蓉醬味，但係就硬身左啲😬沙律揀左日式麻醬蟹柳沙律配紫菜雞卷🤡值得一提係佢個紫菜雞卷幾有驚喜，有好香既紫菜味，包住雞肉食成件事有啲似食緊卷物，質感似魚旦😹主菜配菜就要左慢煮原隻去骨春雞配肉醬意粉🍝上到枱真係比個份量嚇親😅原隻春雞比預其中大，肉質正常，吾會話鞋身，以慢煮離講，質素算係吾錯，只係個外皮略嫌燶左些少😬肉醬意粉吾係有好多肉醬果款，但係食落味道都吾錯，開胃之選，吾會油膩🤗.👁‍🗨黑松露野菌忌廉意粉(7/10) 💲118.呢個黑松露野菌忌廉意粉上到枱已經聞倒勁濃烈既黑松露味😎食落一樣非常濃郁，不過聞既味道會比起食落再濃一啲，醬汁整得好creamy，入面仲

今晚搵食搵到去旺角，見到呢間餐廳評價唔錯，就係OpenRice book左位上去試下。一坐低店員就送上welcome drink，係一杯西瓜沙冰，感覺窩心！🔸Dinner Set $228/1 包括有餐湯、沙律跟小食、主菜&飲品▫️餐湯配蒜蓉包 - 蘑菇湯 / 南瓜湯幾有誠意，賣相可愛，用忌廉整左個笑哈哈圖案。餐湯好濃郁，蘑菇湯飲到勁多蘑菇蓉，好味啊！男友飲南瓜湯都話好濃郁，口感creamy！▪️沙律: 溫泉蛋蟹籽黑醋沙律 + 紫菜雞卷雞卷好精緻，外層用紫菜包住，雞件好嫩滑，仲包住蟹柳，幾好味！沙律菜正常，配上黑醋汁食都幾開胃～▫️主菜: 慢煮原隻去骨春雞 + 酸忌廉煙肉焗薯春雞比想像中大件，兩隻雞脾肉都超嫩滑，雞肉本身有調味，唔洗點醬汁都夠晒味！份量十足，我地兩個人食都夠晒飽～伴碟仲有大半個焗薯，上面啲酸忌廉好好食，同焗薯好夾。▪️飲品: 橙味水果茶🍹橙味濃，幾fresh另外仲點左個意粉食🔸黑松露野菌忌廉意粉 $118 上枱聞到好香黑松露味，意粉煮到剛好，保持到口感，醬汁夠晒點意粉食，而且仲好掛汁，啖啖都充滿著黑松露香味，仲有好多什菌，足料好味👍🏻整體食物質素幾好，環境寧靜，坐得又舒服，傾計

最近發現咗呢間樓上餐廳，食物、環境同服務都好好～ 店面唔大但感覺溫馨，係個同朋友飯聚嘅好地方呢～ ☺️我哋一坐低、店員就俾我哋每人一杯西瓜沙冰、好貼心～🍉 呢排天氣又熱番，行到熱辣辣上黎嘆住冷氣食沙冰好消暑～👏🏼我哋叫咗一個dinner set 同單點嘅意粉，個set包埋前菜同餐湯同飲品，幾豐富！😋 🐟 西京燒三文魚扒配薯菜西京燒醬汁好味又唔會太濃味、去除腥味之餘又保留番魚嘅鮮味～ 而且魚肉好嫩～ 配菜一般餐廳常用係薯仔紅蘿蔔、呢度就有秋葵、茄子、蕃薯等，好健康～ 🦐 虎蝦青醬意粉虎蝦幾大隻又新鮮、肉質爽滑彈牙～ 青醬意粉調味剛好，入面仲加咗啲松子，增添口感而且健康～ 🥗 煙三文魚薯仔沙律+紫菜雞卷沙律醬汁唔好太多、更加健康～ 紫菜雞卷幾特別、用紫菜包住嫩滑嘅雞肉，味道唔錯～🤩🍄 蘑菇湯/ 🍊 橙味水果茶好creamy，上面用忌廉畫嘅笑哈哈好可愛，望到都覺得開心～😊 橙味水果茶飲落好清新，可以選擇少甜口味～👍🏼

💛💛💛美味故事💛💛💛有少少難搵，入到去環境唔錯，枱與枱之間隔好遠，好靜，好岩同朋友情侶傾下計😍。電視仲不停Loop Mirror MV😳。我地嗌左份set dinner同一個意粉。西瓜沙冰 免費一嚟到就每人一杯西瓜沙冰，用真嘅西瓜打成，完全食到西瓜味，好Fresh啊😌。餐湯配蒜茸包細細碗餐湯，Size非常之好。因為我每次食西餐都面對一個問題，飲完湯已經飽左🥲。依到好岩我！南瓜湯有南瓜蓉，蘑菇湯有蘑菇粒，真材實料😍。蒜蓉包非常之脆，呢個似係蒜蓉條多個蒜蓉包，焗得唔錯😙。日式麻醬蟹柳沙律沙律菜款幾多，蔬菜好新鮮，麻醬份量啱啱好👌🏻。略嫌蟹柳有啲少😂。煙三文魚他他多士超級好食，不過因為我冇睇到原來個餐跟蒜蓉包，所以我又嗌咗多士，就變得好飽😂。多士上面啲三文魚他他好食，作為前菜絕對令人食指大動。西班牙黑毛豬胺 $228黑毛豬胺好食，睇落似燒豬頸肉咁😂。有少少咬口又唔會太淋，絕對唔係個啲慢煮，唔會煮到啲肉爛晒！以呢個價錢食到咁多前菜，加上呢個質素算係喜出望外😳。溫泉蛋卡邦尼意粉 $108意粉調味適中，有好多煙肉。我覺得個醬汁比較多，有少少似浸住個意粉咁🤔。意粉軟硬度啱啱好，喺香港好多西餐都會煮到

經朋友介紹之下，嚟左旺角既樓上食廳食西餐，地理位置非常方便。餐廳既裝潢走木系風格，坐都坐得舒服啲，啱哂同朋友吹水食飯。西瓜沙冰每人有一杯Welcome drink，行到上嚟個人熱熱地，夠哂冰爽解渴。南瓜湯南瓜湯有淡淡既甜味，上面仲有個 ，見到都幾warm。煙三文魚薯仔蛋沙律 + 紫菜雞卷餐廳上既前菜同小食既選擇真係非常豐富。今次揀既沙律分別有蟹籽、煙三文魚、薯仔蛋沙律同埋沙律菜，好鐘意咁豐富既組合。西京燒三文魚扒配酸忌廉煙肉焗薯三文魚扒好大件，骨唔算多，煎得好香，魚皮亦幾薄脆，再點少少醬汁，層次更加豐富。至於焗薯配埋上面個酸忌廉，真係好好食！慢煮美國安格斯西冷配黑椒汁可選配焗薯蔬或肉醬意粉。西冷既肉質鮮嫩，仲食到啖啖肉汁，處理得好好。白桃藍蝶花賣相好吸睛。雖然係凍飲，但搞勻後偏向似常溫多啲，啱哂女士們飲。荔枝藍蝶花荔枝既甜味比白桃藍蝶花突出，個人更鐘意荔枝味。

朋友帶我上咗去間樓上西餐廳食飯，話呢度靜靜地傾吓計幾好喎，坐低後店員就送上welcome drink，係西瓜沙冰呀，好少餐廳會咁做，幾特別🤣 點了份二人套餐$438包了餐湯、蒜蓉包、沙律、小食、主食同飲品，勝在每樣都有得揀自己想食嘅嘢 沙律+小食分別係香橙柚蜜煙鴨胸沙律配醉雞翼同溫泉蛋蟹籽黑醋沙律配煙三文魚他他多士 沙律菜新鮮，鴨胸厚實，醉雞翼都好入味，多士上面放了沙律醬混入煙三文魚、蟹籽作為小食係個好選擇 主食慢煮西班牙黑毛豬胺配肉桂蘋果醬 配焗薯慢煮整豬肉類係幾好食，豬胺肉質嫩滑仲保留肉汁，配上肉桂蘋果醬食更清新 西京燒三文魚扒配香草忌廉汁 配肉醬意粉三文魚扒煎得好靚，入口魚油勁豐富，落少少檸檬汁落塊魚扒到已經好好味 飲品可選橙味水果茶／咖啡

這間位於旺角樓上的西餐廳，晚市有多個套餐，包餐湯、沙律、前菜、主菜及飲品，都是二百元起。一坐底，店員送上西瓜沙冰。南瓜湯及蘑菇湯兩者都很濃郁及creamy，前者帶南瓜香甜，後者濃郁蘑菇香味。柚蜜寒天海藻沙律拼煙三文魚他他多士沙律菜爽脆且帶柚子酸甜，寒天爽滑，煙三文魚多士香脆。煙三文魚薯仔蛋沙律拼醉雞翼薯仔蛋沙律煮得很腍，雞翼有淡淡酒香。慢煮美國安格斯西冷配墨魚汁冷麵西冷已切開，煮至約七成熟，牛肉味濃郁略帶點咬口，有少許牛油脂香，墨魚汁麵很爽口，有點鰹魚湯汁咸鮮味。慢煮西班牙黑毛豬鞍配酸忌廉煙肉焗薯豬鞍入口嫩腍，很濃郁肉香，加上蘋果蓉汁正好減輕肉膩感，焗薯表面有煙肉香，薯仔很腍。玫瑰養顏花果茶&桂花頂級國寶茶兩個花茶都很濃，淡淡花香，正好消滯。

今日同朋友一齊去旺角道行街，唔想成日食連鎖店，所以上網睇吓有冇啲良心嘅好味餐廳食，於是就俾我哋搵到旺角寬成樓依間樓上餐廳😉於是過嚟試吓新野，但係估唔到有意外嘅驚喜，原來咁好食！首先一嚟到餐廳好闊落，而且裝修日系文清，周圍都係打卡嘅位置，我哋仲選擇坐左「他他me」，好有日本嘅感覺🤩嘢食質素都勁高，我哋叫咗一個$428既2人set dinner，酒店級嘅嘢食質素，有齊前菜、主菜、飲品，仲有小食，逐碟逐碟上，情人節過嚟同男女朋友食都一流！😘沙律方面我哋要咗一個柚密寒天海草沙律，另一個要左香橙🍊柚密煙鴨胸沙律🥗沙律味道超級清甜健康，食得出係外國嘅火箭菜😉小食我哋要咗一個醉雞，另一個三文魚他他特別推介係醉雞！肉嘅質地超嫩滑，而且有好香濃嘅酒味，整到超入味😍主菜我哋要咗一個西京燒三文魚扒，令一個要慢煮美國安格斯西冷兩個都勁高質，絕對係酒店級嘅質素！三文魚好多肉，而且面層烤過，有好香嘅煙熏味慢煮西西更加係我食過最好味嘅西冷！肉質超級嫩，仲有好香嘅牛味，但有keep到內層好多汁🥰嘢飲我哋叫咗一杯朱古力，令一杯熱情果，簡直係完美嘅一餐！

·美味故事·有個#吃貨朋友真幸福，邊度有好嘢食佢第一時間會知道👏🏼美味故事tastory呢間樓上小店，唔係識貨之人可能都未必留意到呢一坐低店員會送上welcome drinks，精緻嘅杯仔裝住透心涼嘅西瓜冰，非常窩心🌀蘑菇濃湯&南瓜濃湯望見湯上面的笑臉，令人會心微笑😊蘑菇湯嘅材料打成茸，飲落有口感南瓜湯亦非常濃郁，飲落甜絲絲🌀煙三文魚薯仔蛋沙律攏盤精美，望見已經加晒分，薯仔蛋沙律一啲都唔hea，沙律醬應該係特別調過味，甜中帶酸好好味！🌀慢煮新西蘭羊架+煙肉酸忌廉焗薯鍾意食羊嘅人都係鍾意羊肉獨有嘅味道，呢個慢煮羊架就完全發揮到呢個優點喇！慢煮嘅羊架質地軟腍鮮嫩，簡單加上黃芥末，已經好夠味！焗薯上嘅酸忌廉非常開胃，仲有粒粒煙肉碎，味道豐富👍🏼🌀黑松露野菌忌廉意粉黑松露嘅份量極多，掛晒汁嘅意粉食落充滿濃厚嘅黑松露香氣，同時食到份量不少嘅蘑菇 ，中和忌廉嘅飽肚感🌀美式朱古力蛋糕美式嘅朱古力蛋糕唔係走香滑路線，口感類似brownie，朱古力味依然係咁香濃🍫呢個蛋糕配咖啡食都唔錯，朱古力味同咖啡味互相呼應，味道又提昇一個層次☕️Btw呢度用嘅係illy嘅咖啡，質素有保證❤️

和風簡約裝修的小品cafe。餐前welcome drink 西瓜冰， 味道天然，唔太甜，冰涼清新，refresh下。一人餐 $228包餐湯 + 沙律 + 小食 + 主菜 + 配菜 + 飲品，任君選擇。蘑菇湯 + 南瓜湯賣相好得意，有兩個笑哈哈。 蘑菇湯好香菇咪，食到有粒粒蘑菇碎口感。而南瓜湯味道甜甜地，打得好溶，香濃滑。有蜜糖海藻沙律 + 醉雞翼 + 蒜蓉包點咗個比較少見的海藻沙律。沙律菜新鮮爽脆，有藍莓， 車厘茄，加上酸酸甜甜既果醋汁。 透明一條條係海藻，口感好似啫喱，冇咩味道。醉雞翼醃得啱啱好，花雕酒味唔會太濃，雞皮q彈，唔錯。蒜蓉包烘到微微脆，有牛油蒜蓉香。慢煮美國安格斯西冷扒 配薯菜牛肉表面輕輕煎過，鎖住肉汁，帶點焦香，牛肉煮得好冧，有少少肥膏，邪惡但好味。伴碟配菜都好有水準，茄子，小薯仔，秋葵， 翠玉瓜，煎的岩岩好熟，juicy，唔會過老，加咗少少鹽調味。黑松露野菌忌廉意粉 $118一來到就已經聞到香濃的黑松露味，忌廉汁好creamy， 食落唔會好油膩，份量都好多。玫瑰養顏花果茶 $15荔枝角豆花 $18